Email : dawrpuinews@gmail.

com
MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

Visit us at www.dawrpuiveng.com

YMA chu \anpui ngaite \anpuitu a ni

Vol : XXI Issue No 45 Dawrpui News Kartin Chhuak Pathianni Oct 30, 2011

TUALCHHUNG
DAMLO : Tv. Lalrinawma s/ D o Dr. C. Zarzoliana, Zion Street (V. Sect) chu a Kawng na Kolkata-ah hlawhtling takin zai a ni. Hemi rual hian a pa, kan Sr. Adviser ni bawk Dr. C. Zarzoliana pawh Kolkataah vek hian Checkup a ni a, dam \ha taka an lo hawn kan beisei. Lalhmingliani d/o Lalthanpuia (Papuia), New Market (V. Sect) Delhi-ah Checkup a kal pawh tluang takin an lo haw leh ta. Lalrammawii W/o Dr. Thangchungnunga, Medical Quarter chu tunlai hian In lamah enkawl niin Chemo khai a nia, amah pawh a harh tha viau niin kan lo hria. R UANG C HHUAK : Tv. Lalremruata, K-25 s/o H.P. Thangliana, Mauchar khua chu Oct. 28, 2:00pm khan Aizawl Civil Hospital-ah Lungna avangin a boral. Amah hi Zoramsangliana, Dawrpui W, Pu Darchhinga Bldg. a chengte nau ani a. YMA chuan puanin a tuam. Hemi ni vek hian an khaw lam panpui nghal ani. LO HAW : YMA General Conference Kolasib-a kal kan member te chu Oct.28, 2011 (Zirtawpni) khan tluang takin an lo thleng ta. L AWMTHU : October 28, 2011 chawhnu dar 3:00 a Multipurpose Centre Lungphum phumna leh Building hawnna a khawtlang mipui kalkhawm zawng zawngte chung Dawrpui Khawtlang Hruaitute Joint Committee chuan lawmthu a sawi tak meuh meuh a ni. O CHHAR : A rei tawh deuh na B a, Lammuala Branch Sport kan neih tum khan Nihliap theihnghilh mi pahnih in awm a, Nihliap hi News chhutna Room-ah dah a ni a, a tibo chuan Pu Nano-a Dawr Bazar Bungkawnah ngaihven theih reng a ni e.

YMA GENERAL CONFERENCE 2011 A TIAK TA

YMA General Conference vawi 66-na October 25 - 27, 2011 Diakkawn Khelmual, YMA RUN, Kolasib a neih chu tluang taka zawh fel a ni ta. Palai lawmna Inkhawm Oct. 25, 2011 zana neihah JH Zoremthanga, Vice President CYMA in a kaihruai a, HT Rila, Vice President Sub Hqrs YMA Kolasib chuan Palai lawmna thu a sawi a, PC Zoramsangliana, bialtu MLA chuan thu a sawi bawk. Tin, hemi zan hian Ramngaw humhalh tha, YMA Branch Chanchinbu tha leh YMA CHanchinbu (CYMA) la tam titha zualte hnenah lawmman hlan a ni bawk. Tin, Oct. 26, 2011 nileng khan Rorel a ni a, hetah hian Agenda awmsa YMA khawih pali (4) leh Sorkar khawih panga (5) chu ngun taka sawiho anih hnuin a vai hian lungrual taka Passed a ni. Tin, hemi zan vantlang inkhawmah YMA kumpuan Khawtlang nun siam that tih bawhzui tha Branch leh Group te hnenah lawmman hlan a ni a, YMA member mi chhuanawm leh huaisen chawimawina mi pahnih hnenah hlan a ni bawk. Tin, YMA hruaitu hlun chawimawina mi 109 hnenah hlan a ni bawk. (Phek 2-na ah chhunzawm)

Multipurpose Centre a hman theih ta!

Hun rei tak kan lo buaipui tawh leh kan nghahhlelh em em Dawrpui Multipurpose Centre chu Oct. 28, 2011 (Zirtawpni) tlai dar 3:00 khan Chief Minister Pu Lal Thanhawlan ropui takin Lungphum a phum a, Multipurpose building lailawk chu a hawng nghal bawk. Dawrpui Khawtlang Joint Committee in ruahmanna a lo siam angin Dawrpui Multipurpose Centre hawnna Programme hi neih a ni a. Local Council Chairman Pu Zosangzualan inkhawm te hneh takin min kaihruai a. Pu V.Lalliana, President MUP in kan inkhawmte Pathian hnena a hlan hnuah Pu Chhawnkima Pachuau, President YMA Dawrpui Branch in Multipurpose chanchin tawikim tak leh fiah taka Report a pek chu a ngaihnawm hle. Tuna kan Multipurpose Building lailawk technical report felfai takin report ngaihthlak nghal a ni bawk. Dawrpui Khawtlang Joint Committee in a lo beisei ang in Kan fak zel dawn tih hmangin Nl. Lalruathlui (Hluteii) thiam takin mipui min awi chuan inkhawm boruak a ti nuam hle. Zai mawi tak kan ngaihthlak hnuah Chief Minister zahawm tak, Pu Lal Thanhawlan Dawrpui veng mi a lo nih thin dan leh he hmun hi a hma atanga Dawrpui khawtlang hian phu nia a hriat thute a sawi a. Zoram hmasawnna hrang hrang ruahmanna lian tak tak siam mek a nih dante, Multipurpose tih changtlun zelna tana thil pawimawh tak tak te a sawi bawk. Kan Chief Minister zahawm takin thu a sawi zawh hian Dr. Zothansangan hla mawi tak hmangin kalkhawmte min awi leh a. Bialtu MLA Pu Lalsawta, Minister, Higher & Technical Education etc. in thuchah pawimawh tak a sawi a. Dawrpui veng hmalakna fakawm a tih thu leh kan Multipurpose hi Zoram mipui ten tangkai taka an hmantura tana Dawrpui vengin in ruahmanna an siam chu bawhzui pui a phurawm ziate a sawi a. Damlo leh damlo awmpui tuten helai hmun tangkai taka an hman hun tur thlir lawk chunga vawiin hun kan hmang thei a lawmawm zia leh kan Chief Minister leh Minister te leh MLA te pawhin helai hmuna Multipurpose ruahmanna min phurpui avangin Bialtu MLA a nih angin lawmthu a sawi nghal bawk. Kan vengpa Pu John Rotluangliana, Dy. Speaker pawhin vawiin hun kan hmang thei lawmawm a tih thu a sawi bawk a. Pi Vanlalhriati, President, MHIP in lawmthu sawina hun a hman hnuin Chairman in a sawm angin Pu C.Thangkima, Aizawl Watch House chuan Pathian hnena lawmthu sawina leh hun tawp tawngtaina neiin Dawrpui Multipurpose Centre lungphum leh hawnna hun chu khar a ni ta a ni. Hemi hnu hian kan khawtlang hruaitute hian Ritz Hotel ah kan mi sawm te hi zanriah an kilpui bawk a ni Hemi Dawrpui Multipurpose Centre lungphum leh hawnna programme atana committee in chanvo hrang hrang a ruatten kan chanvote hneh taka kan tihhlawhtlin avangin Dawrpui Khawtlang Joint Committee chuan lawmthu a sawi tak meuh meuh a ni.

Dawrpui

News

Kartin chhuak

Pathianni

Oct 30, 2011

(Headline chhunzawmna)
Editor Co Editor Jt. Editors News Editors : Ziakkima Pachuau 9436141408 : Kapchhunga Pachuau 9862399954 : H.Dingluaia Lalngaihawma (Angaiha) : Lalhlimpuia Khiangte Lalrinsanga(Asanga) David Lalhlimpuia(SKA) Members : Vanlaldiki Sailo Lianzama Pachuau Lalnunmawia (Mawia) Rosangliana H. Lalchhanhima James Thanmawia Columnists : Dr. Thangchungnunga Vanhmingliana Aldrin Lallawmzuala Cir. Manager : Vanlalhuma Correspondents: Jonathan F.Zomawia Ramherliana P.C. Lalrinchhana 9612225812 9862404739 9862357024

Mel Lung Thar

Dawrpui Khawtlang chuan chuan kumkhuaa kan hriatreng tur Mel Lung Thar kan phun ta. Kan thalaite han khawhawi zauna tur leh infiamna tur kan neih loh em avanga lungruala kan hmalakna hmanlaia kan hmunhma neih ve thin, nula tlangvalte tuallenna -Piputlang thin chu vantlang hman theih atan Dawrpui Multipurpose Centre tiin Mizoram Chief Minister, Pu Lal Thanhawlan a lungphum a phum a, temporary building thar chu a hawng ta bawk. A lawm e, vantlang mipui, thalai zawng zawng kan lawm tur a ni ang. Duhthusam leh kan mamawhna ang chu la kim diak diak lo mahse, tuna mitthi, khualkhua a chhuak turte chawlhlailawkna tur lo awm ringawt pawh hi thil lawmawm a ni a. Store room tha tak a awm a, rikruk thil, vanduaina liantham thlen thulh a damdawi in thawktute chhawk zangkhaina tur Reception Counter a awm ta bawk a. Heng zawng zawng hi a bul tanna mai la ni mahse a tak tak ram ala thleng zel turah ngai ila. Dawrpui-in mel lung thar kan phun hi kan lawm tur a ni a, chhinchhiah tlakah kan siam zel hi mipuite mawh a ni e. Kan sawikar lam pawhin tha thlah loin a phuisui zelna tur min dap sak zel turah pawh ngai ila. Kan khawtlang hruaitute pawhin hei te mai hi duhtawk mai lo se, chak takin hma la zui zel se tih hi mipuite duhthusam a ni ngei ang. Khawtlang mipuite pawhin kan tih theih awm ang angah tan la tlang ila, thang thar zel lo awm turte tana chhenfakawm atan tuna mite hian tan ila zel ang u. CM-in Multipurpose lungphum a phum

Oct. 27, 2011 khan CYMA hruaitu thlan a ni a, hengte hi thlan tlinte chu an ni. President - T. Sangkunga, Vice President - Lalbiakzuala, Gen. Secretary - Vanlalruata, Asst. Secretary - RL. Rindika, Treasurer - R. Lalngheta leh Fin. Secretary J. Lalsailova te an ni. Hruaitu thlan ni zanah hian Palai thlahna inkhawm neih a ni a, R. Lalngheta, Treasurer CYMA in kaihruaiin Lalchungnunga, President, CYMA, Lalthanzara MLA leh President thlan tlin thar T. Sangkunga ten thu an sawi a, CT. Mawia, President Sub Hqrs YMA Kolasib chuan Palai thlahna thu sawiin, kum 2012 General Conference thlengtu tur Group atangin thusawi ngaihthlak a ni bawk. Kumin khawmpui ah hian kan Branch atang pawhin member 40 chuang lai kan kal thei a, a lawmawm hle mai. Kan branch in Item kan neih Live Band pawh an che thain mipui lawm a hlawh hle. Conference chhung zawng hian zaithiam tak tak ten zaiin min awi a, zaipawl thiam tak tak te zaiin, fiamthu thiam te, Drama hmuhnawm tak tak te hmuh leh hriat tur a awm reng a, palai te mit leh beng a tlai hle. Amaherawhchu kumin khawmpuiah hian Sound System in duhthu a sam lo deuh a, sawi a hlawh hle bawk. Conference thu nawi:1. Conference Palai upa ber chu Pu Khuangringvunga, Kanan Branch, Aizawl niin kum 92 a ni. 2. Palai thleng hmasa ber chu Pu Laldanmawia, North Vanlaiphai Branch niin October 10 khan Kolasib a thleng. 3. Kum 2012 General Conference chu khaw thlang lam Kawrtethawveng ah hman a ni ang. 4. Central YMA Budget 2011 - 2012 atan Rs. 80,36,588.00 (Cheng nuai sawmriat singthum sangruk zanga sawmriat pariat) chu pawm a ni. 5. Kum 2011 - 2012 Kumpuan atan Ram leh hnam humhalh tih chu pawm a ni. 6. Tun tum hi Kolasib in General Conference a thlen vawi thumna a ni. 7. Central YMA in kan Branch budget min tuk Rs. 7,400/chu Rs. 100/- a khumin pek tlak nghal a ni. 8. Conference thlengtu tanpuina Rs. 1,000/- kan hlan bawk. 9. Rorel inkhawmah rorel palai mi 1486 ten ro an rel. 10. YMA General conference vawi 66-na palai kal zingah Pu K. Malsawma (50) Maubuang Branch chu YMA Gen. Conference ah tum 29 (1982-2011) chatlak miah lovin a kal. Kan branch atanga palai kal te:Pu Chhawnkima Pachuau Pu MS Dawngliana Pu Lianzama Pachuau Pu Ziakkima Pachuau Pu H. Lalchhanhima Tv. Ramherliana Pu Zodinsanga Tv. Benjamin Tv. Jonathan Tv. Eric Lalrinkima Tv. VL Remtluanga Tv. Lalchhuanawma Tv. Zodinmawia (Mutea) Tv. Steven Lalruatliana Tv. Joseph Pu Lalrinawma Pu Lalnunmawia Tv. V Lalnunmawia Tv. Eric Lalfakawma Tv. Lalrinchhana Tv. MS Dawngzuala Tv. Stefen Zorinkima Tv. Sawma Pu Lalbiakzuala Pu James Thanmawia Nl. Lalruatpuii Nl. Lalbiakhlui Nl. Lalremruati Pu Andrew Tv. Malsawmtluanga Pu David Remruata Tv. Lallawmkima Tv. Lalrinchhana Tv. Lalmuanzova Tv. Samuela Tv. David V.Lalremruata Tv. Lalhmangaiha Tv. Freddy Lalruatdika Tv. Vanlalruata Tv. Andy Lalmuanpuia Tv. R. Lalremruata Pu Lalrammuana Tv. Zothana Pu Lalngaihawma Pu Lalthakima Pu Lalnunmawia (Mawitea) Dr. Lalnunsiama

Dawrpui

News

Kartin chhuak

Pathianni

Oct 30, 2011

Mihringte rohlu ber - Hriselna

- Vanhmingliana Khai le, issue hmasa lama kan lo sawi tawh angin Newstart in sawi tan dawn teh ang. N - Nutrition (Chaw tha) : Kan taksa mur cells, tissue leh thisen zam tinrengte hi kan ei leh in ina an siamte an ni a. Kan ei leh in azirin kan taksa a chhiain a tha thei a, a hriselin a hrisel lo thei bawk. Kan ka-in tui a tih zawng ringawt ni lovin, kan taksa-in a mamawh zawng chaw tha ei kan zir tur a ni. Thlai tharlam leh chi leh mu leh thei rah ei uar la, chini, thau, chi al leh mawm lam reng reng ei tlem la, chaw ei leh chaw ei inkarah hmawmsawm engmah ei lo la, chewing gum te, zuk leh hmuam te bansan rawh. A hunbi mumal neiin chaw ei thin ang che. Hei hian natna tam tak lakah a vengin a ti hrisel dawn che a ni. Kan Pathian thu chuan, Ka mite chu hriatna an tlakchham avangin tihboral an ni. (Hos. 4:6) a ti a. Israel te hun lai ang bawk khan tunlaia Pathian ringtu Kristian-te hian hriatna Eitur tha hriatna kan tlakchham em avangin nasa takin kan chhiat phah a, kan retheih phah a, harsatna tam tak kan tuar mek a ni. Kan nun hlimna tura eitur tha hre lova kan awm hi Pathianin a duh lova, heng hriat lohna avanga kan retheihna te, natna leh hri thalo kan veina te hi Setana duh dan leh lawm zawng a ni. Lalpa thuchhuak chuan, Ka ti hrisel leh ang chia, i hliam zawng zawng chu ka tidam ang a ti. Jer. 30:17 Sathau hian Cancer a thlen nasa em em a, thisen sang a siam nasa bawk. Pum chhunga taksa peng pakhat Pancrease hian insulin a siam a, chu chu mihring tan a pawimawh em em a, kan thil ei thlum lutuk te, al lutuk leh kha lutuk te, taksa tana tha tawk lekin a lo siam thin a, chhiatna lakah min venghim thin a ni. Amaherawhchu, miin sathau leh mawm te a ei hian pancrease hnathawh kha a tibuai a, insulin a siam kha a pechhuak tha thei lova, a hnawh ping thin a, kan thil ei a sugar leh glucose level a lo sang a, chuvang chuan thisen alo thlum a, zunthlum an lo nei ta thin a ni. Thau hian thisen dawtah Cholesterol a siam a, thisen dawt a hnawh a, buaina nasa tak a siam thin. Tunlai hun atana chaw tha hi enge ni ang le? : Sa hi chaw tha a ni ber lo. Bawnghnute leh artui te hi thatna awm mahse natna tam tak thlentu an lo ni ta. Kan ranvulh hrisello kan ei atanga kan kai natna tam tak a awm mek. Rei lote ah thil siam, ransa atanga chhuak reng reng a engamah ei hi a him dawn lo a ni. Kan natna 80% chuang hi kan ei leh in leh khawsak dan dik loh vang an ni deuh ber. Soda leh chingal hman vak te hi kan thil ei chakna tidaltu an ni. Eitur tha leh ei dan tha : Ei tur thalo kan sawi tawh a, ei tur tha pawh sawi tur tam tak a awm ang. Mahse, tunah chuan ei dan tha tlemtesawi ila. Kan thil ei te hi lawmthu sawi chung leh hlim taka ei hi hrisel nan a tangkai lehzual a ni. Kum engemaw ti kal tawh khan tuifinriat a lawng lian chuan chhiatna a tawk a, a pil ta a. Chhanhimna lawnglengah patling pali an zuang lut hman a, chu lawng te tak te-ah chuan ni tam tak an awm ta a. An zingah chuan Choklet tlemte lo keng mi pakhat a awm a, chu choklet chu nitin tlem te te-in an insem thin a, a thenin an thial a, tui nen an lem zo nghal duak duak a, chu chu an eitur neih chhun a ni mai si. Rei tak hnuah chuan lawnga pilte chhanchhuah tuma zawngtute chuan mi pali lai lawnglenga chuangte chu an hmuchhuak ta a, an pali chuan an lo la dam vek a. An zinga pakhat chu midang zawng zawng ai chuan a chakin a harh bik em em mai a. A zawngtute chuan, Engtizia a hetia chak bik nge i nih? Enge i ei bik? an ti a. Chu pa chuan, Choklet hi ka chang tam bik chuang lova, a chhan ni bera lang chu, ka ei hma-in Pathian hnenah lawmthu ka sawi hmasa te te a, tlemte hi ka han seh a, a tuina ka ngaihtuah a, hlim takin rei tak Pathian hnena lawm em emin muang takin ka ei thin a ni a ti a ni. Chuvangin chaw kan ei dawn apiangin hlauhna te, sual lam ngaihtuahna te, itsikna te, rinhlelhna te, thinrimna te, lungnih lohna te, lungngaihna te dahbo vek a tul a ni. Infakna te, lawmthu sawina te kan tawngka ah chhuak zawk se kan hrisel phah zawk dawn a ni. Engkim mai hlim tak chunga ei hi ei dan tha a ni e.

HRISELNA

Tunlaia Rannung Seh

- Dr. Thangchungnunga MS (Ortho) Tunlai hian rannung eng ber nge hriat loh(A in ang vek lem lova) thihpui leh ke, ban tan ngai an awm nual mai a. A chhan ber nia lang chu natna hrik a awmna apiang eichhe nghal, darkar 24 chhunga taksa fan chhhuak thei khawp a chak hi natna hrik pangngai zingah hian an lo piang ve zeuh zeuh thin a. Hetiang natna hi Necrotising Fascitis kan ti a. Hetiang natna hrik taksaa a luh tawh chuan, an ke a a seh a nih chuan darkar 12 ah a duk chhe vek a, a ni thumna-ah an thi lo a nih si chuan ke tan emaw paih emaw a ngai tawh thin. Heti taka rang leh nasa hi kan hmu zeuh zeuh a, dam chhuak pawh an awm ve tho. An ke (Bawp) lehlam kap atanga ke hmawr thlengin darkar 72 chhungin a tawih vek thei a ni. Heti taka Bacteria natna hrik hlauhawm bikte hi a tam lova. Tunlaia Terrorist a bika thiamna nei leh thih ngam ang deuh hi, natna hrik tam tak zingah hian an lo insiam ru ve a, chu chu a eng bacteria pawh nise thihna emaw vun tihrawl tawihna a siam ta thin a ni. A venna pawh hi a awm hran lova, mi vanduai bikin an kai a ni ber a, a kai dan pawh rannung seh, hling chhun leh vangvat zuk te hi a tam ber an ni a, mi sing telah pakhat pawhin a vei meuh lo. Mahse kan hriat reng tur chu HIV+ ho emaw AIDS vei inhre si lo te, zu in nasat lutuk avanga thin chhe zo tawh te an ni deuh fur thin. Kan taksa resistance a that hle a ngai a, khing natna nei maih lo pa hrisel teng tawng pawhin an vei tho. Chuvangin a hlau zawngin awm lo ila, kan invenna awmchhun chu kan in bul vel tihfai te, kut sil fai ngun te, thil seh, pem leh vun pawp chi reng reng chu tui luang laia silfai nghal hi a tha ber. kut sil uar ila kan him tam ber anga, rannung sehtu tur erawh chu in bul vel tihfai that a pawimawh a ni ber mai. Hetiang Necrotising Fascitis hi Sapin Highly Virulent an ti a. A awmzia chu Sipai nise, Silai leh Bomb engkim keng vek a, hmang thiam vek bawk si, thih hlau bawk si lo Suicide Squad an tih ang hi a ni ber. Thlah pawh an inthlah pung chiam lo a ni ang, mi pakhatin a vei zeuh tih chauh hi a ni. Thil thleng thleng tam a ni lova, chiai chiam tur pawh a ni love. Pangpar leh thlai huan nei chuan kutkawr bun se a him a ni mai, pheikhawk leh mawza chu bun tur sa-ah ngai ila. He natna hi hlauh viaua chiai chiam chi a ni lo tih lo hria ang che.

Ngaihdan
Zion Street-ah hian Septic Tank chhuah thin kan la awm fo mai a, Saron Veng atanga New Market panna kawngsir kawrah a luang a, a rimchhe thei hle thin a ni. Chu bakah Bus Stand leh Taxi Stand-te mi tamna a ni a, an sawisel nasa thei hle thin a ni. Zion Street-ho mualphona leh Veng hmingchhiatna a ni tih hria in Septic Tank chhuah hi khawnghaihin ching tawh lo hram ang u. - Zion Street dawrhnuai kawngan nghaktute Dawrpui Vengchhunga nitina kan bawlhhlawh paih man dawr neitute hnen atang chauh a khawn thin hi vengdang tih dan anga in tina Rs 10/20 -a khawn ve thin nise kan ti. - Jail Veng leh Dawrpui West Dawr kaite

Dawrpui

News

Kartin chhuak

Pathianni

Oct 30, 2011

LAWMTHU SAWINA
Ka fanu Tanya Lalremruati (Mapuii) Oct. 16 (Pathianni) a a boral avanga kan veng YMA leh khawtlang nu leh paten min hmangaihna hi a ropui kan va ti em! A hma atanga a damlohna min buaipuitu leh damdawiin a min rawn kan tu leh tawngtaina tam tak min neihsaktute chungah lawmthu kan sawi a. Kan veng YMA ten Pathianni tlaia a boral thu hre hmasa apiangin kan in leh lo te min senghawi sakin tul zawng zawng kan ngaihtuah buai ngai hauh lova min tih sak vek a, kan va lawm em. Khawtlanga kan thathnemlohzia kan ngaihtuahin Dawrpui khawtlang kan in hmangaihna hi ava hlu tak em. Lawmthu kan sawi a. In zavaiin Pathianin a let tam takin malsawm vek che u rawh se. P.C.Lalbiaknungi Dawrpui South

PRESBYTERIAN
Oct. 30, 2011 (Pathianni)

Sunday School
|antu |antu Thusawitu Thusawitu : Pi Sangmuani, Bial VIII

Chawhnu Inkhawm
: Nl. J. Lalrinzami, B-II : Pastor R. Vanlalnghaka

Zan Inkhawm
: Rev. K. Lalrongheta, Saron Veng

K.|.P.
Oct 30, 2011

LAWMTHU
YMA General Conference chu tluang takin kan lo zo ta a, kan branch atanga Member kal zawng zawngte chungah lawmthu kan sawi e. Lirthei thawhchhuahpuitu zawng zawng te chungah kan lawm em em bawk. Tin, Kolasib hmuna kan thlen khawmna tur min ngaihtuahpuitu Pu Geoffrey Lalthankhuma chungah te, an School phal tak min hman tirtu Govt. Kolasib High School Head Master leh a Staff te chungah te, kan kal lama chhun thingpui tui tak min lo lumsaktu Pu F. Lianhlira (Upa) Kawnpui Hmarveng (Kan Editor puzawn) te chhungkaw chungah te lawmthu kan sawi tak meuh meuh a ni. Tin, kan branch Item neih chhun Live Band member zawng zawngte chungah lawmthu kan sawi bawka, an ni hian tha taka an chanvo hlen chhuakin branch/veng hming an titha takzet a ni. Sd/- Secretary General Conference Dawrpui Branch

|awng\ai Inkhawm

A hmun : Fellowship Hall Hruaitu : Nl. Lalruathlui, Khawngaihna Group |antu : Nl. Josephine Lalbiakzuali, Chhandamna Gr. Thuchah : Nl. H.Lalhmachhuani, c/m Bible Chhiar rual tur : Rom 13 : 8 - 10

Oct 31, 2011

Thawh\anni Zan Inkhawm

Hruaitu : Nl. J. Lalrinzami, c/m |antu : Tv. Benjamin Lalmuanpuia,Chhandamna Gr. Thilpek : 1. Nl. Baby Rosangliani, Khawngaihna Gr. lakhawmtute : 2. Nl. Lalfakzuali, Khawngaihna Gr. Thuchah : Pu Lalrinsanga, Asst. Leader Bible chhiar rual tur : Hebrai 10 : 22 - 25 Faith Promise hlantu : Nl. F. Lalhlimpuii, Khawngaihna Gr. (Damlo pual thilpek Bawm hun a ni ang)

MUP HRIATTIRNA
Dawrpui MUP Executive Committee chuan harsatna leh chhan hrang hrang avangin MUP Member a tel duh Kum 50 (Sawmnga) chin chunglam tan tel theihna hun Kum tin January leh February thlaah hawn nise a ti a. A tel duhte tan ngaihven tur a ni e. Sd/V.LALLIANA President Sd/ZADINGLUAIA Secretary Hruaitu Thusawitu

SALVATION ARMY
Oct 30, 2011

Thianghlimna Inkhawm
: Lalengmawii, HLS : Maj. Rochhungi, CO

Sunday School
Hruaitu Zirtirtu : Jenny Lalhruaitluangi : T.H. Vanlalreia, CS

Chhandamna Inkhawm
Hruaitu Thusawitu : Lalchhingpuii, LOMT : R. Vansanga, RS

SAW M NA
Kan fate, F.LALREMRUATA leh ZOKUNGPUII November 3, 2011 (Ningani) chawhnu dar 2:00 hian Dawrpui Presbyterian Kohhran Biak Inah kohhran dan thianghlima an inneihna min hriatpui tur leh min lawmpui turin vengchhung mite kan sawm a che u. F.Huapliana te nupa Lalbiakdiki w/o Lalzinga (L) Dawrpui, Jail Veng

S.A.Y.
Oct 31, 2011 Hruaitu

Thawh\anni Zan
: Nelson Lalthanpuia Sailo, Secy. SAY

Zion Street kawng chhuah dawna kawng khuar lutuk hi chu motor tan mai bakah mihring ke a kalte tan pawh a hrehawm khawp mai! Ngaihtuah theih atan ava tha tehlul em... - Kawngtha duha

Published by Y.M.A., Dawrpui Branch, Printed at G.S. Offset Printers, Treasury Square