KTP Durtlang Branch 1955-2011

KTP INLENG
6th.Nov, 2011

KTP Thiltumte: Isua Krista rinna leh Amah anna kawnga thalaite hruai. Kohhran kutke ni tura thalaite buatsaih. Kohhran hnathawh tihpuitlin. Krista Chanchintha puandarh.

E-mail : ktpinleng@gmail.com

VOL 24 ISSUE NO. 44

PROPERTY LEI
KTP Matthaia Group-te chuan an group sum atangin Durtlang Branch Property atan Bass Guiter Processor tha zet mai, (Zoom B2) Rs 5350 man zet an lei a, An chungah Branch hruaitute an lawm hle a ni. Bass Guiter Processor hi a ri tinalhtu (Effect) a ni a. Hetianga Effect thar kan nei ta hi a lawmawm hle a. Kan Bass guitar ri pawh a nalh phah tawh dawn hle a ni.

HLA LEH A PHUAHTUTE

1. KHAWIAH PAWH NI CHHUAHNA APIANGAH (KHB No He hla hi Isaac Watts a phuah a ni a. Amah hi Newington Green veng London khaw hmar lam hmawra hmun reh nuam taka awm a ni. Chutah chuan kum 1748 khan a thi a, a lim chu Westminster Abbey biak inpuiah a awm a, a hla erawh chu khawvel pumin a nei ta a nih hi. Amah hi van sang leh tupui leh leilung awmphung chik mi a ni. He hla hi Missionary hla a ni a, Sam 75-na atanga siam a ni. Missionary tirh hma hian hmasang pipute khualzinho Pilgrim father an tih ten America ram panna lawnga an kal laiin chanchintha thehdarhna rilru an pu hle a. Missionary tak tak nih mah suh se chutih laia an phuahna rilru chu thlirin missionary tirhchhuah lai nen hla khatah a kal thei ta zel bawk a ni. Lalnu Elizabethi khumtir ni khan Tonga thliarkar lalnu Salawti chibai rawn buk ve na thuchang chuan he hla thu ropuizia hi a ti lang hle a ni. Hmanlai atangin Tonga atangi Fiji thliarkar ah thu an rawn thawn a, Tonga hoin mingo ho sakhaw hriat an duhzia an rawn sawi chuan Bible leh Missionary an lut ta nghal a, reiloteah chutihlaia an lal ber chuan a upa leh pasalthate ho (a then phei chu hringei an ni a) a han khawm a,Kan thliarkar ram hi Kristian ram a ni ang tiin a puang ta a. Khawiah pawh nichhuahna apiangah tih hla an tawnga an lehlinsak chu an han sa ta a ni an ti. He hla hi Missionary hla a ni ti mah ila Lal Isua Krista phuahna zinga tlar a ni ve reng a, Sam 72-na ah pawh chuan Lalpa Ram a rawn sawi lang a ni reng a. Chu chu Krista lalna ram a lo ni ta. Thla thar det ban hma loh hi chuan Khawvelah a ram a zau ang Sam-ah pawh chuan a ram zauzia tur a ti lang chiang hle. Chu chu Watts-a khan sak theih in a lo siam ta a ni. Kum 1954 a khawvel kohhran inkhawmpui pawh khan he hla hi inkhawm tanna hla atan an sa a ni. Zotawnga letlingtu chu Pu Zosapthara a ni. 2. LALPA I AW NEMA MIN KOHNA CHU (KHB No He hla phuahtu chu Lewis Hartsough a ni a. A thu leh a thluk hi ama kutchhuak liau liau a ni. America rama chanchinbu pakhat a hming Thianghlimna a hruaitu an tih ah chuan an chhuahta a. Tin a copy chu Sankey a hnenah an thawn bawk a. Chutih lai chuan a hlabu-ah a khunglut ta nghal a. An beihrual hla atana tangkai em em in a hria.

KUM 2011 BRANCH KALPHUNG TUR REL

November ni 2 zana KTP Durtlang Branch Committee chuan kum 2012 -a Branch kalphung tur thenkhat hetiang hian a ruahman . 1) BRANCH HRUAITU THLAN hun atan Dec 5, 2011 thawhtan zan a ni anga, mi 6 thlangchhuakin inthlanpui tute nen Post tur insiamrem nghal a ni anga, Bialtu Pastor Z.D Lalhmachhuana, Kohhran Represent pahnih Upa K.Chhawn thuama leh Upa Dr K.Lalrintluanga bakah Hruaitu kalchhuak tur Pu K.Lalbiakthanga te an ni anga, kum 2011 chhunga Branch memberten an thlang thei ang. 2) KUM 2012-AH GROUP 6-ah bawk inthen leh ani anga, a tharin member inpawh pawlh(shuffle) leh a ni ang. Group hming tur hetiang ani ang : 1) Jeremia 2) Joela 3) Jona 4) Obadia 5) Nahuma 6) Zakaria Tin, Group OB turte hi 2012 Branch OB ten an ruat anga. Nakum member turte Branch Committee Bial vawngtuten an bial theuhah an lo zawng anga, Dec 6 thawhleh zan Branch Committe-ah ken khawm tur ani ang.
BIAKIN CHEI LEH DAWN

KTP Durtlang Branch Committee chuan kum 2011 Krismas denchhenin Biak in cheimawi leh nise a ti a. Biakin cheina hmanraw thar leina atan Branch Sum Rs 5000 bakah Kohhran Committee- ah Rs 5000 a dil dawn a ni. Biakin hi November ni 28 (thawhtan) zan inkhawm ban-ah hnatlanga chei a ni dawn a. Kumin-ah hian kumdanga la tih ngai loh ang deuhin hrui eng thei Rope Light hmangin Biakin leh a vel mawi taka chei tum a ni.
Kristian Thalai Pawl : Durtlang Branch Kan nghah Krismas ni lawmawm a lo herchhuak leh tep ta...Tunhma-a hnahhlui chungah a leng tawkin kan han kil bial lat lat thin kha a ngaihawm thin..

KTP Inleng 2011

KTP INLENG KARTIN CHHUAK VOL 24 ISSUE NO 44

Editorial Board
Editor in Chief C.L.Biakhlua 9856878819
Editors C. Zoremsanga Samuel Ramengmawia 9612297009 9862378735

Joint Editors C. Zarzoliana 9436197307 C.Lalthanzuala 9862363844 C.Lalfakzuala 9436365052 Vanlalpeka Kawlni 9862357170 Correspondent C. Lalthanpari 9615492737 Vanlalchhuani 9862368776 H.Hmingthansangi 9856344441 Circulation Managers 9862340399 R.Lalengkima 9612862398 Benjamin Rosangzuala 9862494499 Lalremruata 9862614326 Joseph Vanlalremruata 9862360748

Lalbiakmawia

Chumi hnu rei vak lovah chuan Washington khuaah Pathian biak inkhawm hla ah an hmang ta a. Mipuiin dingin an sa a, chumi chhungin Chhandamtu hnena inpe duh apiang hma lama lo kal a, thingthi tura sawmna hlaah an hmang ta a ni. Chutih lai chuan chu khawpuia dawrkai mi hausa pakhat kum 20 chhung biak in lam hawi tawh lo hian a rawn kal pelh laiin he hla hi anlo sa a, a han hria chu a ding a, a ngaithla ta a. Chu hla an lo sak chuan a rilru a khawih ta em em a, a lut a sim ho te zingah chuan ava inhlan ve ta a ni. Chupa chuan he simna hla hi a duhzui ta em em zel mai a, a kalna apiangah a sa zel thin. Chuta chin kar hnih velah chuan tuk khat chu thlasik lai hian a dan pangngai angin hnathawkin a chhuak a, a nupui chuan kawngkaah ava thlah a. Lalpa ka lo kal nangmah bel turin, Bualin silin min tleng la, I thisen hlu luang khan tih hla sa chung chuan a liam ta a. A nupui chuan a ngaihthlak zawh chuan a luhsan ve ta a. Chuta chun minute reilo teah chuan kawngka kik ri a hria a, a han hawn chuan mi tlem deuh hian a pasal a ruang chu an rawn zawn a lo ni reng mai a, kawtthlerah vur khal nalah a tawlh thlu a, a thi alo ni a. Hetih laia chhandamtu ke bula hruaitu hla thunawn ngei chu Pialralah Chhandamtu tawhna hlaah bawk a hmang ta a ni. He hla letlingtu chu Pastor Chhuahkhama a ni.

Khawvel Sunday School Ni

Tunhma deuh kha kan thlir chuan Media kan tiha kan rilru-a lo lang leh kan buaipui ber thin kha Print Media- Chanchinbu thuziakte, lehkhabu tha leh thalo chungchangte kha a ni thin. Hun a lo kal leh hret a, Star Cable TV lo chhuakin - khawthlang nun nitin zantin TV ah thlir tur kan lo nei ta a. Tunhnaiah khawchhak film Mizo lehlin a lar leh hluai a. Hengte hian kan ram thalaite nasa takin kan sukthlek leh hawiher min thlak danglam sak ta a. VCD, DVD leh Computer/Internet kan hmelhriat chho zel a. He media zet hi chu a thawm a nain a nghawng chhuah pawh a turu ngei mai. Vawiina Electronic media thangchak lutukin min khawih nasat zia te, kan hawiher leh sukthlek zawngte, kan duhzawng leh tuipui zawng min thlak nasat zia hi chhut tham fe a awm ang. Tun huna kan titi luah tamtu ber leh kan ngaihven ber chu Idol/Icon tih vel hi a ni awm e. Kan media lama sumdawng tuten mipui sum dek chungin ngaihhlutawm tur leh ngaihsanawm tur niawm an han inchhawp chhuah siak nghek nghek mai a. Tunge zaithiam ber ? Tute hi ngaihsanawm ber anga, engang hi nge ngaihlutawm ber zawk ang tih pawh thliar thiam lovin he media thiltihtheihna hian a rampumin min han buanlet vel a ni a. Thalai chu sawiloh, naupang leh pitar/putar ber thlengin kan buaipui em em vek mai a nih hi le! Hetiangtaka Electronic Media Power in min chiah nasa a, Idol leh Icon turte min chhawpchhuah siak lai hian engtimi hi nge ka Idol ve? Kristian thalaite hian engti mi nge, Engang mi nge kan Idol ve tak tak tur leh kan buaipui tak tak ve tur ni ang ? Kristian thalaite hian nguntakin i ngaihtuah teh ang u.

Vawiin November 6 (Pathianni) hi Khawvel Sunday School Ni a ni a. Khawvel Sunday School Ni hi Dr. George W. Bailey, Tabernacle Presbyterian Church, Philadelphia Kohhran Upa rawt chhuah a ni a. Kum 1907-a Worlds Sunday School Association Convention Rome-a neih tumah leh kum 1910-a Washington-a Convention neih tuma an sawihona bawhzuiin Kum 1910 May 22 atang khan Khawvel Sunday School Ni hi hman tan a ni. Khawvel Sunday School Ni hmasa ber programme hi tawng chi hrang hrang za chuanga lehlin a niin copy maktaduai tam tak khawvel ram hrang hrangah thawn darh a ni. Mizoramah chuan Khawvel Sunday School Ni hi kum 1944 atang khan serh tan a ni a. Kum 1949 atangin Khawvel Sunday School Ni chu Thupui neiin November Pathianni hmasa berah hman thin a ni ta a ni. Tun tum-ah hian Mizoram Presbyterian Kohhran chuan hetiang hian thupui a zirho dawn a ni. 1) Puitling - Pi Puii (Gwyneth P .Roberts) leh Pi Zosaphluii (Katherine E. Williams) - (By Upa Dr. L. Ringluaia & C. Lalneihkimi ) 2)Naupang - Tv. Chalbuanga leh Corrie Ten Boom -(By Upa Dr. C. Lalrawna & Rev. C. Chawngliana)

2.10.Ppppppp

06.11.2011 (Pathianni)
Khawvel Sunday School Ni Zan : Pastor ZD Lalhmachhuana

08.11.2011 (Thawhlehni zan)

Hruaitu : Pi Lianzovi Hla zirna hun atan hman tur a ni ang.

06.11.2011 (MASIHI SANGATI)

30.10.2011 PATHIANNI TAWNGTAI INKHAWM

09.11.2011 (Nilai zan)

Tantu Thupui Hawngtu : Nil : Hun hnuhnung thu leh Israel : Pu H Laltanpuia B-12 12.11.2011 (Inrinni) Bial Musical Meet TAWNGTAI INKHAWM HRUAITU 07/11 Upa Hranghleia 08/11 Pi Kapthangpuii 09/11 Pi K Dotawni 10/11 Dr. Lalrammawia 11/11 Pi Lalropari 12/11 Pu Thangzaliana 13/11 Pi Liankungi

A hmun Hruaitu Tantu

: Centenary Hall : Nl.Zairemtluangi, Fin.Secy. Matthaia Gr. : Nl.Lalhminghlui Renthlei, Jakoba Gr.

KTP INKHAWM INCHHIARNA (31/10/11) Andria 17 Jakoba 15 Johana 15 Matthaia 19 Petera 15 Philipa 12 Midang 25 Total 106

31.10.2011 (Thawhtan Zan)

: Nl.Vanlalchawii, Br.Comt. : Tv.Dr.Andrew Malsawmzuala Petera Gr Thuchah : Tv.K Lalfakmawia, Br.Comit. Thawhlawm : Nl. R Lalhriatpuii & Khawntute Nl. Vanlalpeki, Philipa Gr Hruaitu Tantu

> > Kristian Thalai Pawl : Durtlang Branch

KTP INLENG KARTIN CHHUAK VOL 24 ISSUE NO 44

KHAWVEL SUNDAY SCHOOL NI PUITLING SUNDAY SCHOOL PROGRAMME

KRISTIAN CHHUNGKAW CAMPAIGN
Durtlang Kohhran hnuaia Kristian Chhungkaw Committee bultumin kar kalta ningani zan khan Committee memberte Group 4-ah inthenin vengchhunga kohhran in thenkhatte tlawh kualin, Kristian chhungkaw Campaign an nei a. Kohhran in an tlawhten tha takin an lo dawngsawng a, hun tha tak leh hlawk tak an hmangho niin thu kan dawng. Hetianga campaign hi tun thla chho-ah zawh hman turin an ruahman a ni.

NAUTE NEI THAR

Kan member Pu Lalrimawia leh Pi R.Lallawmkimite nupa, Zionveng chuan ni 2.Nov.2011 khan a hmasa ber atan fanu thar duhawm zet mai, 3.300 kgs a rit chu Presbyterian Hospital Durtlang-ah an nei ta. Kan lawmpui a, duhsakna sang ber kan hlan e.

Chawhma Inkhawm Hruaitu : Upa C.Vanlalzama Tantu : Nl Lalrintluangi Pachuau, Dip. Awardee Chhiar tur : Johana 3:14-17; Mathhaia 20: 29-34 Hla sak ho : KHB No139 -Chhandamtu hmangaihna mak Zaipawl : Senior Deparment Thupui Sawi : Upa R.Vanlaldika, Diplolma Awardee Thupui : Pi Puii (Dr.G.P. Roberts) chanchin Hla sakho : KHB no 346 Aw Pathian nangman Chanchintha min pe Chawhnu inkhawm Hruaitu : Upa Dr.K.Lalrintluanga Tantu : Pu Vanlalbuanga, Ztu. Senior Dept. Chhiartur : Matthaia 28:16-20; II Korinth 8:7-9 Hla sak ho : KHB No 360 Krista Kohhran tan kan ding Zaipawl : Sacrament Department Thupui sawi : Upa C.Vanlazama Thupui : Pi Hluii (Katherine E.Williams) chanchin Hla sak ho : KHB no 146 Aw hmangaihna fakin i zai ang

BIAL MUSIC FESTIVAL

Durtlang Pastor Bial huamchhunga Kohhrante chuan tunkar Inrinni leh Pathianni (Nov 12-13, 2011) nileng hian Durtlang Biakin-ah Music Festival a hmang dawn a. Bial chhung kohhran hrang hrang atangin Items hlutawm tak tak ngaihthlak a ni dawn a ni. Durtlang Kohhran atanga Items nei turin heng mite hi ruat an ni. Solo : Tv Zairemmawia Male voice : i/c Pu K.Lalbiakthanga Group singing : i/c Pu H.Lalhmangaiha Live Band : 1) Philipa & Jakoba Group. MASIHI SANGATI CONVENTION TIAK TA October 28-30 chhung khan Masihi Sangati Convention, vawi 27-na chu Chanmari West Presbyterian Kohhran Biak Inah tluangtaka zawh a ni ta a. Masihi Sangati Convention hi Chhim leh Hmar Bial-ah then a ni tawh a, tuna mi hi Hmar Bial bik pual a ni. Hmar Bial bik hi Area 17-ah thenin Fellowship 161 an awm a ni. He convention-ah hian Aizawl khawpui chhung leh thingtlang lam atangin palai 5,950 an inziak lut a, ring thar mi 54 in baptisma an chang thar a. Heng changthar zinga pakhat hi Durtlang Bial chhunga mi a ni nghe nghe a ni.

BIAKIN CHEITHA DAWN

Durtlang Kohhran Biakin chhunga thutna zawng zawngah Cushion phah chhuah vek turin hma lak mek a ni a. KTP lamin kum hmasa lama Platform-a thutna cushion a lo phah tawhte pawh siamthat leh vek ani dawn a ni. Tin, Biakin bang pawh rawng hnawih thar vek tur a ni dawn a. Tunthla chhung hian heng Biakin cheithat hnate hi zawh hman ngei tum a ni. TEENS WINTER FESTIVAL HMANG LEH DAWN Nikum Krismas leh kumthar vuakveta Durtlang tleirawlte puala KTP ten Teens Winter Festival a lo buatsaih ang deuh khan kumin Krismas vuakvet-ah hian tleirawlte tan Festival puitham tak hman leh tur a ni dawn a. He Teens Winter Festival hman dan tur kimchangte ruahmanna siam turin a hnuaia mi ang hian Sub Committee din a ni a. Anni ruahmanna siam hi Branch Committee-in a thlir leh dawn a ni. 1. Tv B.Lalruatsanga - Convener 2. Pu CL Biakhlua 3. Tv Zairemmawia 4. Tv Samuel Lalzahawma 5. Tv K.Lalfakmawia 6. Nl Vanlalchawii 7. Nl Lalrinpari 8. Nl Vanlalchhuani 9. Nl Lalliankimi KV SCHOOL SILVER JUBILEE Durtlang khawthlenga Private English Medium School hmasa berte zinga mi KV Multipurposed School chuan ni 3.November, 2011 khan kum 25 a tlinna (Silver Jubillee) ropui takin a lawm. He SIlver Jubilee lawmna hi School chhak zawl-ah neih niin, Mizoram Governor Vakkom Purushothoaman chuan hmanpuiin, KV Swimming Pool thar a hawng nghal bawk a. School naupang ten Items hlimawm tak tak entirin, tlaiah ruai tui tak an kilho nghal a ni.

NAUPANG SUNDAY SCHOOL PROGRAMME

Chawhma Inkhawm : Hruaitu : Upa Dr.K.Lalrintluanga Tantu : Hanah S.Lalnunpuii Zalawra Medal Awardee Chhiartur : Philipi 2:5-11 Hla sak ho : KHB no Isuan min hmangaih ka hria Chang sawi : Beginner Department Zaipawl : Junior Department Thupui : Pu Lalbiaktluanga Leader, Inter deptt Thupui : Tv Chalbuanga chanchin Hla sak ho : KHB no 521 Ro hlu ka nei Chawhnu inkhawm Hruaitu : Pu Lalramhluna Ralte, Leader Primary Deptt Tantu : Vasti Lalhriatpuii Zalawra Medal Awardee Chhiartu : Ephesi 6:10-20 Hla sak ho : KHB no 516 Mi thianghlimte lenna khawpui Chang sawi : Primary Department Thupui : Pu C.Lalfakzuala, Leader, Junior Deptt Thupui : Corrie Ten Boom-i chanchin Zaipawl : Intermediate Department Hla sak ho : KHB no 529 Lal Imanuela ram zauh tur leh

OCTOBER THLA KTP THAWHLAWM IP LUH DAN

Group Andria Jacoba Johana Matthaia Petera Philipa Total Thawhlawm 4980 4450 6310 4232 5030 5330 30332 Ip sem 102 103 97 98 90 110 600 Ip lut 99 96 89 90 81 108 563 Ip lut lo 3 7 8 8 9 2 37

Pathian hruaina leh awmpuina zarah kumin chhunga Branchin sum hmuh tur a ruahman chu kan tlin der tawh mai a, a lawmawm hle a ni. Kan hriat angin thawhlawm ip hi kan Branch sum hmuhna hnar ber a ni a. Memberte pawhin thahnemngai takin thawhlawm kan thawh thin a, memberte kan tanrualna leh kan thahnemngaihna avanga hetianga kumtawp hma-a budget kan tlin ta mai hi thil lawmawm tak a va ni em! Hun lo kal leh zel turah pawh hetianga kan thahnemngaihna leh inpekna hi chhawmnung zel ang u. Tuna hetianga sum hmuh tura ruahman kan tlin tawh avang hian inthlahdah lovin, thahnemngai takin i tang tlang zel ang u.

> > Kristian Thalai Pawl : Durtlang Branch

KTP INLENG KARTIN CHHUAK VOL 24 9436197303 9856878819 / 9862363844 / ISSUE NO 44

TUNGE I NIH LE?

- Puia chawngthu (Thutlar khat lekin mihring a ti harh thei, keini angduang tan erawh ziah teuh pawhin kan sawi fiah zo lemlo...Ziah teuh a chakawm a, a inthlahrunawm awm bawk..) Ngaihtuah ve mah teh : Mimawl chu a hlawhchhamna kuangah a inphum bo thin a, mifing erawh chuan a hlawhchhamna kuang chu kailawnah hmangin hlawhtlinna rahbi a tuk thin. Hlawhtlinna hian thu chunga nghaktu tumah a pan ngai lemlo a, mahse, amah pantu erawh chu a tihlawhchham ngai lo thung. Zirlai, damlo, sumdawng emaw leh sawrkar hnathawk emaw, kuthnathawk emaw, eng hna thawk pawh ni la, hei hi hre rawh... hlawhchham hlau ngai suh ang che. Chu chu hlawhtlinna daltu lian leh langsar ber a ni. Dam duha i kalna kawngah emaw, hlawhtlin tuma i zirlai i zirna kawngah emaw, i hnathawhna kawnga hlawhtlin tuma i penna ah petek hlau suh ang che. I petek thei anih chuan i la inveng thei tihna a ni. Hlau suh la, zam miah suh. Petek ngam lo chu an hlawhchham nge nge. Chhutchiang ve mai la : Theih hi neih a teh a, hausakna hi sum leh pai emaw titu chuan hringnun lairil a man lo a, a derdepzia a puang mai chauh a ni. I ro awmna apiangah i rilru pawh a awm thin min titu hian mihringte hi min van hrechiang tehlul em! Thutak chhehvela a phuan buantu chuan thutak a pawh ngai lo ang bawkin hlawhtlinna tura a tak ram sutlang ngam lo a, a chhehvel atanga beiseitu chuan atak ram a thleng ngai lovang. Tha thatna fiahtu chu derthawnna hi a ni asin. I damloh phawt loh chuan i tha chhuak leh thei dawn lo ani tih i hria em? Zir phawt loh chuan thiamtheih ani lo ang bawkin, hre tur chuan chhiar angai. I hlawhchham phawt loh chuan hlawhtlinna awmzia i man ngai dawn hek lo! I chuanna lawng chu tuifinriat fawn phul bulh bulh chunga a thatzia tilang tur chuan tuipuia i chhuah a ngai a, a chhiat hlaua vaukam i thlungbet reng anih chuan lawngleng derdep nen danglamna a awm chuang lo. Khawtlang lamah : Khawvela kan awmchhunga khawvelin min pek theih awmchhun chu tar leh thih chiah a ni. A bak zawng chu tha leh zung thlantui hmanga kan thawhchhuah tur a ni thung. Chu chu Bilblein min tiam leh thu min pek danglam thiang lo chu a ni bawk. Dam lo tana beiseina dik chu a thinlungah a awm a, chumi sualchhuak tur chuan engpawh a hmachhawn angai ang hian kan nitin hna a hlawhtling tur leh kan hnathawh threuh a malsawmna dawng tur chuan thawhrimna ban kan vai angai a, kan ban kan vai nasat pauh leh kan hringnun thim kan nawt tle nasa dawn a ni tih i hria ang u. Rawngbawlna kawng viaktha tak hi thlanlaihnaah a zawmthaw thin anih chuan...harh rawh se, Bible chhiar tlaivar tura tlaivar a chhuak peih, mite hnemtur leh an tana malsawmna ni tura mitthi in a tlaivar a peih leh tlat loh chuan...harh rawh se,....a harh chhuaklo anih chuan a rawng a bawlsak thin ni a a hriat chunglam khi a ti mualpho a, chunglam in a tih mualpho let ve hun atana alo inbuatsaih a ngai ngei ang.!! I dinhmun enge? : Hlauhna hian mihring a ti mihring zolo a, derthawng ni a inhriatna hian mi a nuai chimit fo. Rawngbawlna hmuna pheichham man tum tute tan a tawpah beidawnna chhar tur a awm fo. Beidawnna in a phuar thalai tan tlanchhuahna kawng a thui zual bik bawk. Pheichham hi kan nun in thil tha a tih ang zela a chan a chan chi a ni tih hre tan erawh inpekna a thuk telh telh thin zawk a ni tih hirlhfiah tur in Pathian in a ruat che, a sawi lam nilo, atak leh tih a lantir kha i rawngbawlna tur a ni, KTP member tan thlarau leh rilru lam thil a Krista vuan chunga rawngbawlna kawngah theih loh a awm lo. Beidawng tana beiseina siam a, mangang tana muanna thlen a, chaklo tungding turin, chung kara thawk a, bei a, beisei nei a, ngaltha kur zawk zawk khawpa beitu, thatna a tuihal, dikna leh thawhrimna hmanga tum thlen tumtu leh beitu ngei chu a ni Van khian a chhinchhiah a, Mal a sawm ngei bawk thin. Nitin khawsak eibar zawnnaah pawh hei hi thudik chatuan a ni reng fo bawk ang. Hei tho hi kan Pathian thu in min kawhhmuh leh min zirtir laimu pakhat chu a ni bawk asin. midangte tana malsawmna ni tur leh mite hnena thlamuanna thlen a , mi dangte tana nungtura min titu leh Rinawmna um a, Diktaka thil ti thinte hlawhtlinna pek min tiamtu chu amah bawk hi a ni. Nun kipui man a, nun lairil awmzia min hrilhfiah hi kan Pathian in nang leh keia sawifiah leh thlentir a tum mek reng a chu a ni asin....chu thil awmzia hrethiamlo lui leh man tum lova rawngbawl tumtu chuan a tuhrah a seng ang a, chunglam khian ro ala relsak dawn.Tunge i nih le...?? > > Kristian Thalai Pawl : Durtlang Branch

KTP DURTLANG BRANCH

COMMITTEE VAWI-11 NA THUREL TLANGPUI II. Financial Reports: Fin dinhmun report hetiangin a pe Receipt (upto Oct) Hman ral(upto Oct) Balance Cash at Bank Cash in hand Secretaryin sum Rs 5,82,535.00 Rs 4,51,014.00 Rs 1,31,521.00 Rs 59,369.00 Rs 72,152.00

III. Krismas leh kumthar vuakvet programme : a) Advance Krismas neih leh tha tih a ni a, Programme Sub-Comt-in ruahmanna an siam anga, Dec thla committee-ah thlirho leh a ni ang. b) Farewell/Last Friday Nite (Dec30) zanah hun hman leh tur a ni anga, programme kimchang Sub Committee ten an lo siam ang. IV. Sound System hawh dilna : Durtlang Pastor Bial KTP Conference Jan 20-22, 2012 chhunga Selesih Kohhran-a hman turah Fellowship Programme a hman tur in sound system bungrua hawh an rawn dil angin phalsak an ni. V. Bial huap Musical Festival a mawhphurhna pek chungchang : Secretary, Kristian Thalai Pawl, Durtlang Bial hnen atangin Nov 12-13, 2011 chhunga Bial huap Music Festival kan neih turah Pathianni zan inkhawm ban Variety Programme-ah kan Branch te Special Item 2 nei tura min ruat angin Live Band - Philipa Group leh Jakoba Groupte ruat an ni. VI. Matu ram Kristian Hla Bu chhutna tur tanpui dilna : Office Asst. Matu ram Synod hnen atanga Matu ram Presbyterian Kohhran ten kum 50 na Golden Jubillee an lawmna turah, Matu Kristian Hlabu buatsaih nana tanpui tura min ngenna kan dawn chu ngaihtuah a ni a, tun atan chuan tihhlawhtlin rih loh ni se, a tul a nih chuan Kohhran ngaichanga tanpuina la pek zawk ni se tih a ni.

ADVERTISEMENT
Synod Mission Board chuan kum 2012 chhung Contract Basis-a thawk turin Missionary, category hrang hrang (Evangelist, Evangelist Teacher, Staff Nurse, Health Worker, puanthui zirtirtu) a la thar leh dawn a, dil duh chuan a hnuaia tarlan ang hian dil theih a ni : 1. Dilna chu plain paper-ah Secretary, Synod Mission Board, Synod Office address-a ziakin, November 23, 2011 (Nilaini) tlai dar 4:00 thlengin Synod Mission Board Officeah theh luh tur a ni a; hun tiam hnu lama dilna thehluh chu pawm a ni lo ang. Dilnaah chuan mahni bio-data chiang taka ziak tur a ni a; mahni lawina Kohhran Lehkhaa leh thiamna tilang thei document (marksheet, certificate etc) kim takin thil tel bawk tur a ni. Heng hi thil tel a nih loh chuan dilna chu pawm a ni lo ang. November 29, 2011 (Thawhlehni) dar 10:30 a.m.-ah Synod Office-ah personal interview neih tur a ni. Diltu chu kum 18 - 35 inkar a ni tur a ni. REV. LALCHHUANMAWIA Secretary Synod Mission Board

2.

3.

4.