Synfocity = 366

mail us at : synfo@bsnl.in; synfo@yahoo.com - Phone - 2314648

Synod Information & Publicity Department, Synod Office (Third Floor), Mission Veng, Aizawl

10th November, 2011

SEC Vawi 235-na November 8 atang khan Synod Office-a J.M. Lloyd Hall-ah Synod Executive Committee (SEC) vawi 235-na, ni 3 chhung awh tur chu an thukhawm tan. Meeting hi Rev. C. Lalsangliana, Moderator-in a kaihruai a, a tan ni-ah hian member 118 an tel thei a ni. Hming lamna neih zawhah Synod Secretary leh Synod Finance Officer Reports ngaihthlak a ni a. Synod Recretary Rev. P.C. Pachhunga chuan, Synod-in a lo rel tawh angin June 10 khan Aizawl Theological College-ah Religion leh Old Testament atan M.Th. Course thar hawn thu te, Presbyterian Hospital, Durtlanga hman tur CT Scan khawl thar neih thu leh khawl tinungtu tur Electric Distribution Transformer nghah mek a nih thu te, SEC-in a phalsak angin June 25 - July 21 chhung khan Synod Choir-in Taiwan an tlawh thu te, Synod 2010-in a rel angin Zawlaidi (Grape Wine) chu alcohol titlem turin sawrkarah ngenna thlen a ni a, sawrkar chuan alcohol awm zat 14% atangin 11%-a tihniam turin July 5 khan thupek a chhuah thu te, Central Kohhran Hmeichhe Committee chuan Phunchawnga Synod-in ram a pekah Women Centre sak hna an tan a, August 12 khan Moderator-in lungphum a phum thu te, Synod 2010-in a rel angin Sikulpui lak let leh rawtna chu sawrkarah thlen a ni a, bawhzui mek a nih thu te, September 26 October 29 chhung khan Aizawl Theological College chuan a vawi khatna atan CWM Face to Face programme a thlen thu te, October 1 khan PRESCOM kum 100-na leh October 11 khan Kristian Tlangau kum 100-na lawm a nih thu te leh Revocation Certificate (RC) 258 leh Re-marriange Licence (RL) 323 pek chhuah a nih thu te a report a ni. Rev. Zosangliana Colney, Synod Finance Officer-in April, 2011 - October, 2011 chhunga sum hmuh dan a report a, Pastoral Budget pum puia hmuh beisei zat Rs.38,40,43,300 (Nuai sangthum zariat sawmli singli sangthum zathum) ah Rs.25,54,29,946 (Nuai sanghnih zanga sawmnga pali singhnih sangkua zakua sawmli leh paruk) hmuh tawh a ni a, hmuh tawh zat hi za zela 66.51 a ni. Mission Budget pum puia hmuh beisei zat Rs.33,80,48,600 (Nuai sangthum zathum sawmriat singli sangriat leh zaruk) atangin Rs.20,72,82,971 (Nuai sanghnih sawmsarih pahnih singriat sanghnih zakua sawmsarih leh pakhat) hmuh tawh a ni a, hmuh tawh zat hi za zela 61.32 a ni. Synod Budget pum puia hmuh beisei zat chu Rs.72,20,91,900 (Nuai sangsarih zahnih sawmhnih singkua sangkhat leh zakua) a ni a, Rs.46,27,12,917 (Nuai sangli zaruk sawmhnih pasarih singkhat sanghnih zakua sawm leh pasarih) hmuh tawh a ni a, hmuh tawh zat hi za zela 64.08 a ni. Presbytery malah April 2011 October 2011 chhunga Synod-a sum chhung lut tam ber chu Aizawl Bethel Presbytery an ni a, Rs.5,45,89,712 (Nuai zanga sawmli panga singriat sangkua zasarih sawm leh pahnih) an theh lut a; Pahnihna chu Aizawl Central Presbytery niin Rs.5,24,44,592 (Nuai zanga sawmhnih pali singli sangli zanga sawmkua leh pahnih) an thehlut a. Pathumna chu Aizawl East Presbytery niin Rs.3,86,59,125 (Nuai zathum sawmriat paruk singnga sangkua za sawmhnih leh panga) an theh lut a ni. Presbytery atanga Synod-in sum a dawn zawng zawng chu Rs.44,15,47,257 (Nuai sangli zaki sawmpanga singli sangsarih zahnih sawmnga leh pasarih) a ni. Kum 2012-a pension-a chhuak tur Synod hnuaia thawk 11 an awm a, kum 2013-a chhuak tur 12 an awm bawk. Tun SEC-ah hian thu rel tur chhawpchhuah 73 a awm a, Synod Executive Committee hi November ni 8 -10 chhunga neih tur a ni a, ni 3 chhunga an thu rel tur an zawh hman loh chuan ni khat dang pawhsei leh a ni ang. November ni 1517 chhung khian Synod Finance Committee an thukhawm ve leh ang. Synod FM Radio leh TV Programme hawnna leh hlanna November 7 (Thawhtanni) khan Synod Moderator Rev. C. Lalsanglianan Mizoram Presbyterian Church Synod FM Radio leh TV Programme (Hruaina Eng) tihchhuah tur hawngin Pathian hnenah a hlan. Synod FM Radio leh TV programme tihchhuah tur hi Synod Informtion & Publicity (Synfo) hmalakna thar a ni a. A hawnna & hlanna inkhawm hi J.M. Lloyd Hall, Synod Office-ah neih a ni a, Synod Puipate, Synod Executive Committee (SEC) member te, Aizawl khawpui chhunga Pastor leh Pro. Pastor te, Synod Department hrang hrang hotute leh Synod hnathawkte an tel tha hle. Executive Secretary, Synod Information & Publicity lam changtu Rev. Lalzuithangan inkhawm hi a kaihruai a. Rev. Zosangliana Colney, Executive Secretary, Mission lam changtuin hunserh a hmang a, Synfo Coordinator Upa Zonunmawian Synod-in kum 1981 atang tawha Media lam rawngbawlna chungchang a kalpui tawh dan leh tun hnaia rahbi thar FM Radio & TV Programme buatsaih tur chungchang report a pe a, Synfo Committee member-te hmelhriattirna a nei bawk. Khuallian Synod Moderator Rev. C. Lalsanglianan thuchah sawiin FM Radio leh TV programme duan thar chu Pathian hnenah a hlan a ni. Khuallian Moderator chuan, Kan ram kawng leh inkalpawhna a chhiat em em laiin, Information technology lam chu chak takin a tlan mek a ni, a ti a. Synod Radio leh TV programme tihchhuah theiha hmalakna chu fakin a thawktute tana tawngtaisak a pawimawh thu a sawi bawk. Khuallianin programme hawnna leh hlanna a neih zawh hian Khual Zahawm Pu C. Lalrosanga, Additional Director General (NER), AIR & DD chuan thusawina hun hmangin, India rama Radio leh Cable/Satellite TV programme buatsaihtute tana hriat tur dan leh hrai te, an zalenna chin te a sawi a, Hruaina Eng Radio leh TV programme chu thu leh hla- rinawm leh belhchian dawl, a ngaithlatu leh thlirtute tana tangkai tak tur a nih ngei a beisei thu a sawi bawk. Hawnna Inkhawmah hian Synod Secretary (Sr.) Rev. P.C. Pachhungan Synod Documentary Film (Maichama Mei Nung Reng) a tlangzarh nghal a. Hei hi Mizoram Presbyterian Synod Department hrang hrang rawngbawlna chanchin Synfo lamin an buatsaih a ni a. Kum 1994 Mizoram Gospel Centenary lawmna atanga Synod Inkhawmpui 2010 thlenga Synod rawngbawlna chanchin tlangpui tarlan a ni. Nl. Nancy Zothanmawii leh Mizoram Synod Choir ten zaiin kalkhawmte an awi a, Synfo Committee member Upa F. Lalsanglianan lawmthu sawina hun hmangin, Senior Executive Secretary Rev. Vanlalzuatan malsawmnain hun a khar a ni. Synod FM Radio leh TV Programme hmingah hian HRUAINA ENG tih hman ve ve a ni a. HRUAINA ENG FM Radio programme hi November 11 (Zirtawp) zan dar 7:30 -8:00 inkarah AIR Aizawl FM ZOAWI atanga tihchhuah tan tur a ni a, HRUAINA ENG TV programme hi November 13 (Pathianni) tlai dar 3:00 5:00 chhungin LPS Vision Channel1 leh ZONET ZAWLBUK atangin tihchhuah tan tura ruahman a ni. Music November 8 - 10 chhung hian Phullen Vengthar Kohhranah Solfa Training neih mek a ni a, training hi Pu Benjamin Sailo, Music Instructor leh Upa B. Bawlkhuma, SL&PB ten an neihpui a ni. Contd,..

www.mizoramsynod.org

Synod Information & Publicity Department, Synod Office (Third Floor), Mission Veng, Aizawl

MSSU MSSU Committee-in a rel angin kum 2012-a Department hrang hrang zirlaibute ennawn leh ziah thar a ni a, kum thar 2012 atangin hetiang hian zirlaibu thar zir a ni ang : Department Zir tur Ziaktu Puitling Numbers Rev. H. Lalchhanhima Senior Bu Khatna Rev. Rosiamliana Tochhawng Sacrament Revised & Enlarged Rev. H. Zalawma & Rev. Vanlalzuata Intermediate Bu Khatna Revised & Enlarged Rev. Vanlalthlana Junior Bu Khatna Revised & Enlarged Upa Dr. R.L. Thanmawia Primary Bu Khatna Revised & Enlarged Upa R. Lalmalsawma Beginner Bu Khatna Revised & Enlarged Revd. Chuauthuama Masihi Sangati Kristiante nun dan tha Rev. K. Lalpiangthara Home Mission Kristian Nun Upa Lalhriata Kristian Thalai Pawl w November 11 - 13 chhung hian Cachar Kahrawt Kohhranah Leadership Training & Solfa Training neih a ni dawn a, training neihpui tur hian Central KTP hruaitu Upa Lalrinmuana, General Secretary; T/Upa Dr. Samuel Vanlalthlanga, Committee Member leh PBK Liankhuma (Soloist)-te an kal ang. w November 11 - 13 chhung hian Mamit Hmunsam Bial huapin Mamit Hmunsam Kohhranah Leadership Training neih a ni dawn a, training neihpui tur hian Central KTP hruaitu T/Upa Lallianmawia, Committee Member leh Pu Saizamliana Sailo, Committee Member-te an kal ang. November 12 (Inrinni) atangin Mizoram Synod Choir ten an zuk fin ang. w Nimin (Nov. 9) atang khan Central KTP leh Shalom tangkawpin Channel of Hope tih thupui hmangin HIV/AIDS chungchang Workshop, Zarkawt Presbyterian Kohhran Hall-ah an buatsaih a, workshop hian November 12 (Inrinni) thleng a awh ang. Workshop-ah hian Aizawl khawpui chhunga Branch tin atangin HIV/AIDS lama mawhphur tura ruatte an tel a ni. Workshop hi batch hnihah then a ni a, batch khatna ten nimin leh vawiin (Nov. 9 & 10) hian an nei mek a, mi 46 an tel thei a ni. November 11 & 12 hian batch hnihna an nei an nei ve leh dawn a, mi 69 tel tura beisei an ni. Kohhran Hmeichhia w November 12 (Inrinni) hian Bawngkawn Kohhranah Leadership Training neih a ni dawn a, training neihpui tur hian Central Kohhran Hmeichhe hruaitu Pi Lalrinkimi, Coordinator; Dr. Vanlalhruaii, Committee Member leh Pi Vanlalpari, Committee Member-te an kal ang. w Mizoram Presbyterian Kohhran Hmeichhia leh Presbyterian Church of Taiwan hmeichhia te chuan Council for World Mission sponsor-in intlawhtawn programme an ruahman a, nikum 2010-ah khan Taiwan atangin mi 8 an lo kal tawh a, Mizoram Presbytrerian Kohhran Hmeichhia te pawh Taiwan-a kal tur hian an inbuatsaih mek a, November 12 (Inrinni) hian Aizawl an chhuahsan ang a, November 25 (Zirtawpni) ah Aizawl lo thleng leh tur an ni ang. An cham chhung hian Kohhran hrang hrangah hun an hmang ang a, Seminar te neiin Cultural Programme te an hmang bawk ang. Mizoram Synod atanga kal turte chu hengte hi an ni : 1. Nl. Vanlalsawmi, Asst. Coordinator 5. Pi C. Lalhmangaihi, Ex-Treasurer 2. Pi H. Lalpianthangi, General Secretary 6. Pi C. Lalbiakdiki, Ex-Finance Secretary 3. Pi Laldawnkimi, Asst. Secretary 7. Pi Lalthansangi Fanai, Ex-Asst. Secretary 4. Pi Liankimi, Fin. Secretary 8. Pi Lalthanmawii Sailo, Ex-Central Committee Social Front November 1 (Thawhlehni) khan Synod Social Front Committee Meeting-ah Synod Moderator Rev. C. Lalsanglianan Synod Social Front Counselling & Helpline Centre chu Pathian hnenah a hlan a, phone number 9089777129 ah hian harsatna hrang hrang neite tan engtik hunah pawh biak leh rawn theih reng a ni. Moderator Programme Synod Moderator Rev. C. Lalsangliana chuan November 13 (Pathianni) hian Hualngohmun Kohhran a tlawh ang. Susamachar Prasaran Programme November 13 (Pathianni) tlaiah Hindi Programme (Susamachar Prasaran) LPS & Zonet Cable atangin hetiang hian tih chhuah a ni ang : Group/Choir/Solo : Hunthar Kohhran - Ibadat Karo, Group/Choir/Solo : Sihphir Vengthar Masihi Sangati - Ishu Tum He, Sermon : Zohmingthanga - Atmik Yudh, Group/Choir/Solo : The Leprosy Mission Choir - Ham Soup Te He, Group/Choir/Solo : Champhai Bethel Pastor Bial - Hosenna, Solo : Ek Aag Har Dil Me

1 1

ADVERTISEMENT
Synod Mission Board chuan kum 2012 chhung Contract Basis-a thawk turin Missionary, category hrang hrang (Evangelist, Evangelist Teacher, Staff Nurse, Health Worker, puanthui zirtirtu) a la thar leh dawn a, dil duh chuan a hnuaia tarlan ang hian dil theih a ni : 1. Dilna chu plain paper-ah Secretary, Synod Mission Board, Synod Office address-a ziakin, November 23, 2011 (Nilaini) tlai dar 4:00 thlengin Synod Mission Board Office-ah theh luh tur a ni a; hun tiam hnu lama dilna thehluh chu pawm a ni lo ang. 2. Dilnaah chuan mahni bio-data chiang taka ziak tur a ni a; mahni lawina Kohhran Lehkhaa leh thiamna tilang thei document (marksheet, certificate etc) kim takin thil tel bawk tur a ni. Heng hi thil tel a nih loh chuan dilna chu pawm a ni lo ang. November 29, 2011 (Thawhlehni) dar 10:30 a.m.-ah Synod Office-ah personal interview neih tur a ni. Diltu chu kum 18 - 35 inkar a ni tur a ni.

3. 4.

REV. LALCHHUANMAWIA Secretary Synod Mission Board

Mail us at : synfo@bsnl.in mizoramsynod@gmail.com synfo@yahoo.com

Synod Information & Publicity Phone - 2314648

Synfo