Email : dawrpuinews@gmail.

com
MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

Visit us at www.dawrpuiveng.com

YMA chu \anpui ngaite \anpuitu a ni

Vol : XXI Issue No 46 Dawrpui News Kartin Chhuak Pathianni Nov 13, 2011

TUALCHHUNG
LO HAW : Pu Lianzama Pachuau, Vanapa Section Leader phai lama Training pawh tluang takin a lo haw ta. DAMLO : Pu A. Rothanga, D Bazar Bungkawn, phai lama Checkup-a kal chu dam leh tluang takin a lo haw leh ta. Tv. Lalrinawma s/o Dr. C. Zarzoliana, Zion Street Kolkata -a Kawng zai chu a in lama enkawl turin a lo haw ta. Dr. Rosangliani w/o Lalkhumtira (Patea), Zion Street chu Kolkata a hnungzang zai a ni a, a \ha zel niin kan lo hria. Pi Roziki w/o V. Lalliana, New Market phai lam checkup pawh tluang takin a lo haw leh ta. Pu Zadingluaia, Dawrpui West Greenwood Hospital a enkawl pawh dam takin a lo chhuak ta. RISING DAY : K|P Dawrpui R Branch din champhaphak vawi 56-na chu an lawm mek a, nimin (Inrinni) khan mamawhte tan a thlawnin Durtlang Hospital tan Thisen member \hahnem takin an pe. HEARING : Veng chhunga Electoral Roll a thun thar turte Hearing Nov 9, 2011 (Nilaini) khan Dawrpui School Hall-ah neih a ni a, YMA aiawhin Pu Chhawnkima Pachuau, Pu Lalngaihawma leh Pu Ziakkima Pachuau te an tel. CCC MEETING : Nov. 9, 2011 (Nilaini) khan Central Coordination Committee Meeting Central YMA Hall, Tuikhuahtlang-ah neih a ni a, kan Branch aiawhin Pu Vanlalbika, Branch Secretary chu a tel.

MIZO NUN ZEMAWI CHAWI NUN

- Vanlalruata, Gen Secy, CYMA
Mizo tlawmngaihna kan chhuan em em thin chu mihring kan la tam loh teh lul nen, hunin min her danglampui ta viau mai, a tha nge thalo tih chu sawi thiam a harsa hle a, kan kawmthlang a min pawhin Sorkar emaw YMA emaw thianfai tura beisei ta tlat pa thil ti thei deuh leh fing pui pui an kat ta nuk mai le. Heng kan milian leh Sorkar hnathawk lian fate bike leh lirthei man to nei, nun aia bike uluk zawk ho hi kawngpui dungah inthlahrung hauh lova an tlan chak theih thin tehlul nen thlanmual lamah thlan lai tur hian an tlangnel lo lutuk tlat thinte hi a manganthlak hle mai. Hausa leh rethei kar awm ve lo hiala sawi thin mizo khawtlang nun chu a danglam ta khawp mai, Gazetted Officer chin khawhar Ina tui taka min zai puitu kan hmuh tawh mang loh chu sawi loh YMA Day te chu vai puja chawlh satliah a ngaiin min feh san daih thul nen, chutah an buai zia thu-in kan YMA hruaitute hnenah an la pha zui thin. Heng ho hian chhiat an tawh palh hlauh pawhin keini ang duang ai chuan tuarpuitu chhungkhat laina leh thenrual tha an hmu tha fe zawk lehnghal a, nupui pasalah lah chuan mi khawsathei deuh leh harsa deuh innei sawi tur an vang ta hle mai, thawnthu bu-ah deuh chauh an awm dawn ni maiin a lang tan ta. A nihna takah chuan Sorkar a mi thil tithei deuh pakhat pawh hian kan branch tam takte ai chuan mipui an kokhawm tam thei daih zawk ta mai. Kan mihausa te leh thil tithei zawkte hian kan khawtlang kalphung hi tun ai chuan ngaina deuhin mirethei zawkte puih nan hian chhuanlam te hi tam lo ta deuh se hma kan sawn ve thei ngei ang. Kan hruaitute hian heng kan milian tam takte hi YMA ah hnuh luh hram hram i tum ang u, chuti lo chu an kal hla lutuk palh ange. Kan duham lutuk avangin midang ngaichang lo kan tam ta lutuk hi a pawi thin khawp mai. Aia upa zah map lo thalai an tam ta, tun hnai lawk khan rawlthar naupang tak tak ten an pa rual ni mai lo an pute rual pawh sualrawnin kut na takin zu thlak ngam a! Heng thalaite hi an kum a lo upat hun pawhin zah an phu lo tawp ang, an nu leh pate pawh hian an zilh ngam tawh lova, YMA zilh an beisei ta zawk hial a ni. Upa zawkin thalai naupang zawkte hawihhawm taka an biak pawha tawngkam bawlhhlawh tak tak hmang duh thalaite, intihpalh nikhua a chapo tak mai kan tam ta lutuk te hi Mizo nun zemawi chu a ni mawlh love. Tin, mipui rawngbawltu ropui bera kan ngaih Doctor te (Noble profession tih hial thin chu) pawh sumdawnna chikhatah a chhuak ta tep mai a, mizo mipui rethei tak takte hi khawngaihin mizo takin a hautak lo zawnga enkawl dam dan min zawn sak hram teh u. Midangte tana malsawmna ropui tak thisen pekah hian kan tha ve viau a kan inhriat laiin State dang tluk loh kan la ngah hle mai. Nunna chhan nan thisen pekah Mizo Nun Zemawi lantir zel ang u. Mahni Branch YMA chhiatni kaihhruaina pawh hre miah lo leh mi ningkhawng leh kalphung pawh zawh chawp ngai, mi chhiatni leh thatni a penchhuak duh lo kan tam ta lutuk hi a luhaithlak ta hle mai. Kan dinhmun siamthatna tur a nih dawn phawt chuan kan pen ruak ruak mai - Chhiat tawh thu leh hnatlang chungchanga YMA aurinna ka hre chiang theilo ti a Complaint ngah tak thinte hian a tlangpui thuin Gas sem dawn chuan a tlar hmasa saah an awm leh thei viau lawi si!! Chhiat tawh nikhuain Keini chhung zawng rual kan pawl lovin, mi kan lawm zo lo hle a... tiin an sawi kur dup a, a hnu lawkah mi chhiat tawhin chet lak an tum leh der si lo te hi ngaihtuah a ngai ta hle mai.

Dawrpui

News

Kartin chhuak

Pathianni

Nov 13, 2011

Editor Co Editor Jt. Editors News Editors

: Ziakkima Pachuau 9436141408 : Kapchhunga Pachuau 9862399954 : H.Dingluaia Lalngaihawma (Angaiha) : Lalhlimpuia Khiangte Lalrinsanga(Asanga) David Lalhlimpuia(SKA) Members : Vanlaldiki Sailo Lianzama Pachuau Lalnunmawia (Mawia) Rosangliana H. Lalchhanhima James Thanmawia Columnists : Dr. Thangchungnunga Vanhmingliana Aldrin Lallawmzuala Cir. Manager : Vanlalhuma Correspondents: Jonathan F.Zomawia Ramherliana P.C. Lalrinchhana 9612225812 9862404739 9862357024

YMA DINHMUN TLANGPUI

Branch awm zawng zawng - 784 YMA Group awm zat - 46 Sub-Headquartera awm zat -5 YMA member zat - 370544 Mipa - 220518 Hmeichhia - 150026 YMA Sub-Headquarter panga kan neihte hi Champhai,
Kolasib, Lunglei, Mamit leh Serchhip te an ni. Mizoram pawn Assam, Meghalaya, Manipur, Tripura leh Nagaland-ah te YMA Group leh Branch kan nei a, Sajek, Bangladesh-ah branch kan nei bawk. Anni hi State hrang hranga mizo awmte tipumkhattu an ni. YMA pumpui khaikhawmtu Central YMA Office chu Tuikhuahtlang, Aizawl-ah a awm a. He building-ah hian Office, YMA Press, Hall, Khualbuk leh Free Computer Centre te a awm. Tunah hian Central YMA Office-ah hian thawktu mi 20 an awm mek. Tin, Central YMA ah hian Sub-Committee peng hrang hrang 18 a awm bawk.

Fimkhur ang
November thla kan chuang kai leh ta a, ruah tui pawhin hul lam a pan mek a, khua alo thal chho leh tan ta. Hemi hun tak hi kang mei chhuah awlsam hun lai tak a ni a, hemi kawngah hian kan fimkhur a tul hun lai tak a ni a, mitin te i fimkhur lehzual ang u. Hengah te hian fimkhur ila - In kan chhuahsan dawn reng rengin Istiri, Heater leh Room Heater te off a ni em tihte finfiah hmasa thin ila. Gas hman loh lai reng rengin regulator-ah off ngei thin la, gas Cylinder leak hmang reng reng suh ang che. Tin, i Electric supply in a zawh loh khawp extension cord hmang hauh suh ang che. Kangmei reng reng hi a tam ber chu kan fimkhur tawk lohna atanga intan a ni a, fimkhurna hmanga pumpelh theih vek a ni. Tin, Krismas pawh kan lo hnaih leh ta hle mai, kan veng mipui punkhawmna (Krismas bazarna) hmun anih avangin mipui pawh kan tam leh tan ta. Heng hunah tak hian rukru (Pick Pocket) ho an inlar fo thin. Kan chhuahvahna-ah leh bazar kan kalna reng rengah i fimkhur ang u. Kan in leh lo te pawh heng hunah hian ven fimkhur hun lai tak a ni a, loh theih loh a nih loh chuan in nghaktu awm lovin In i chhuahsan lo hram ang u. A nih tur ang a nih tawh hnua fimkhurin awmzia a nei tawh lo. Fimkhurna hian man a nei lova, nunna leh ro sum himna erawh a lei thei thung.

LAWMTHU SAWINA
Kan pa P. Lalluaia Dawrpui West Cancer natna avanga min boralsan chungchangah khawtlang mipui te chungah lawmthu sawisen loh kan ba nasa em em a, a boral tih hria a lo kal zawng zawngte leh a tul ang apiang min tihsaktu YMA chungah te leh a kuang mawi taka min cheisaktu MHIP chungahte leh min tawrhpuitu zawng zawngte chungah kan lawm em em a, In thatna zawng zawngah Lalpan a let tam takin a rul ang che u tih hi kan Tawngtaina a ni e. In khawngaihna dawngtute, Lalrinsanga te chhung leh a Unaute Dawrpui West

LAWMTHU SAWINA
Kan fapa Lalchhuanawma H/o Lalrengpuii, hun lo taka min boral san chungchangah Kohhran, MHIP, YMA, thenawm khawveng, chhungkhat laina leh min hmangaihtu ten nu leh pa chan changa, kan harsatna zawng zawng min lo sutkian sakna leh min khawngaihna zawng zawngah kan lawm tak meuh meuh a. He kan thu chhuah hi mimal tinten kan lawmthu sawinaah min lo pawmsak a, min lo tawngtaipui chhunzawm zel turin kan ngen a che u. Pathianin malsawm zel che u rawh se. In khawngaihna dawngtu Rochungnunga te nupa Medical Qtrs, Dawrpui

MUP & Civil Pensioner Hriattirna

A hnuaia hun leh hmun tarlanah hian kan Member Pu P. Lalluaia, Dawrpui West ralna MUP Member-te leh Civil Pensioner Member ten a huhova ral tur a ni a, Member zawng zawng te kim taka kal tura hriattir kan ni e. A hun A hmun Hruaitu Thuchah : Nov. 13, 2011 (Pathianni) Tlai dar 3:00 : Pu P. Lalluaia (L) In, Dawrpui West : Pu VLT. Muana : Pu J. Damhuala

COMMITTEE KOHNA
A hnuaia hun leh hmun tarlanah hian YMA Executive Committee Meeting neih tur a n ia, Committee Member zawng zawng ten i ngaipawimawh ang u. A hun : Nov 17, 2011 (Ningani) zan dar 7:00 A hmun : YMA Committee Room Dawrpui School Building Sd/Secretary, Dawrpui YMA

Dawrpui

News

Kartin chhuak

Pathianni

Nov 13, 2011

Mihringte rohlu ber - Hriselna(Chhunzawmna)

- Vanhmingliana W - Water (Tui thianghlim) : Kan taksa hi a kang reng a, chu chuan lumna a siam a, chuvang chuan kan thisen leh taksa a tui hi a ral ve reng a ni. Nitin kan zun leh ek-ah te, chil leh thlan tuiah te, kan thawk hu-ah te hian nitin tui no 6 - 8 a kang ral reng a, chuvangin nitin tui no 8 vel tal kan in tur a ni. Kan mit kan khap theihna chhan te, thil ei kan lem theihna te, kan ek theihna chhan te leh kan tawng theihna chhan te hi tui avang vek a ni. Kan thisen hmun 7 a thena hmun 1 zet chauh hi Thi (Blood) a ni a, a dang chu tui vek a ni. Tui tello chuan thisen hi a khang thuai a, a luang thei lo. Tui hi pawn lam tifaitu mai nilovin taksa chhung lam bal leh thisen kawng tifaitu pawh a ni. Phing leh Kal-a lungte awm thin te hi tuisik tlakchham vang a ni fo. Tui in tam hian mit fiah lo a ti fiah thei bawk a, vun chuar tur a veng bawk. Tui tel lovin rei tak a dam theih loh a, tui hi taksa tan nunna bul pakhat a ni. Chuvangin alawm, Lal Isua pawhin, Kei hi nunna tui ka ni a ti a, tui nen alo in tehkhin hial reng a ni. Tui in tam la, lu na, tai na, taksa kham leh ke sa te i nei tlem ang. Amaherawhchu chaw ei dawn leh chaw ei lai leh chaw eikham hlimah tui in ngai suh ang che. Chaw ei leh chaw ei inkar awl ah chauh in tur a ni. Kal, mit leh phinga lungte awm thinte hi tui tlakchham vang a ni duh hle. Nitin tui tam tawk kan in reng chuan heng natna hi kan pumpelh thei a ni. Tui hi natna chi hrang hrang tih reh nan a tangkai em em a ni.

HRISELNA

Santen
- Dr. Thangchungnunga M.S (Ortho)

Ngaihdan

(Kan ngaihdan thawhkhawmte hi Editor ngaihdan a ni vek kher lo)

Kumpuan Duty te hian tan han la leh teh se, veng chhung boruak a rit leh ta hle mai. Krismas boruak a hnai tawh bawk nen. - Veng vei-a sem dan rualkhai lo lutuk hi a va ngaimawh awm em! Tui Thenkhatin rei tak an dawn laiin thenkhat chuan reilo te te an dawng a (Darkar chanve aia tam maha dawn hun chhung in ang lo hi). Hei hi a semtu lam dik loh nge a semtute hi an hmuiah chithlum kan tat zawk. - Tui duhve-a August 14, 2011 ngaihdan huanga Vid-a Pa thu rawn chhuah kha ka lo chhiar ve a, Rs. 5 in thlan ka lai ve dawn ta maw, ka lawm khawp mai. Ka hahdam sawt mai, fate thlan lai rual ka nei ve si lova a rawn ti a. Vid-a Pa hi kum 30 - 40 vel bawr i nih ka ring a. Chhiat tawh hian tlaivar ngai leh ngai lo te pawh an awm a, tunlai hian mi kan tul tawh em avangin kan insiam rem mai thin a. Vid-a Pa pawh hi Rs. 5 a thlan laih tawh a nih avang hian lawmna tur chuang a awm lo. Chhiat tawh hian tih tur tam tak In lamah pawh hian a awm a ni. - Laltana Pu

Mizo in Santen kan tih mai ho hi chu tlem te te a e zing si, pum nuam lo deuh reng, mi ti nguai thei tak a ni a. Chaw ei te a ti tuilo viau thei bawk, puar deuh ul a inhriatna awm bawk si a ni. Thilho angrenga lang si, mahse a tuartu tana tawrh hrehawm tak si a ni ber mai. Hetiang hi kan tam em em mai a. A chhan bul ber pakhatna chu Mizo te hi thildang a changkang viau si, thianghlimna kawnga hnufual tak si kan ni tih a chiang a. Khawlai leh kawr vel bal hi chu sawilo mahila, kan hre tlang vek tho a. Mahni mimal hriselna (Personal Health) pawh hi kan enkawl tha peih meuhlo a ni. Hmeichhia phei chu serh atanga bawlhhlawh chhuak nei an ni deuh vek emaw tih mai tur an ni. Thingtlang lam phei chu ngei ngei an ni deuh ber mai. A chhan pakhat chu Santen benvawn hi kan ei leh in fimkhur loh avangin kan kai awlsam em em a. Chutih laiin hmeichhia phei chu ekna leh zunna hi a inhnaih em em avangin santen hrik (Candydiasis etc.) te hi an lut phei vat a, bawlhhlawh chhuak, serh thak, etc. te a siam ta thin a ni. Hei vang hian hmeichhia bik phei chu inthiar zawh apiangin fai taka mawng leh serh silfai hi a venna pakhat a ni. Khawlaia vaivut zinga thei (Fruit), chana, thei den, etc. siamchawp te kut bal chunga thil ei te hi Santen kaina awlsam tak a ni. Chumi rual chuan chhungtina rawngbawltu bik hi kaina bulpui an ni fo bawk. Chuvangin kan awmpui emaw eisiamtu reng rengte hi Rulhut hlo thla 3 danah eitir bakah Doctorte rawna Santen damdawi tha pek a tha bawk. Heng thin thip, kawpuar etc. kan tih tamzawk (Pumpui na) awmtirtu hi chu he natna Amebiasis hi a ni tam ber a. Mit (Gall Bladder) a lungte awm vang te pawh a ni thei thi na a, ei leh in leh a siamtu hi tun atang chuan chet thianghlim leh hriselna ngaihpawimawh hi chhungkaw hriselna bul tan nan i hmang ang u. A damdawi lam chu Doctor rawna, eitur bik hriat a ngai ang. Hel ei lam chi phei chu fai taka sila sehsawm that te hi i zir zel ang u.

SAWMNA
Kan fanu Lalhmangaihzuali Leh R. Vanlalhmuaka Nov 17, 2011 (Ningani) chawhnu dar 2:00 a Electric Vengthlang Kohhran Biak In-a an inneihna min hriatpui tur leh min lawmpui turin Dawrpui Veng mipuite kan sawm a che u VL Ruala te nupa Jail Veng, Dawrpui

VENG CHHUNG DAWR KHAR HUN

Kan veng khawtlang dan ding lai angin Dawrpui veng chhunga Dawr te nipui lai chuan zan dar 11:00 thleng hawn theih a ni a, hei hi veng chhung dawr te pawhin kan zawm tha a, a lawmawm hle mai. Hei tunah thlasik a lo ni leh tan ta a, zan lamah dar 10:00 thleng hawn theih a ni ang. Hei hi Veng chhunga dawr zawng zawng ten i ngai pawimawh theuh ang u. Dawrpui News Editorial Board Member-te tan lak a ngai hle mai. News chhutna-ah kan kal tha tawk lo. I intawiawm tha lehzual teh ang u. Member nih ve ringawt hi chu a tawk love.

Dawrpui

News

Kartin chhuak

Pathianni

Nov 13, 2011

INFIAMNA
/

- SKA

PRESBYTERIAN
Nov. 13, 2011 (Pathianni)

South Asian Footballer Federation qualifier chu an khel mek a India in game 2 khel tawhin an khelh hmasak ah Turkmestan 3-1 a hnehin match 2-na ah Iran 3-0 in an hneh lo ve thung. India captain ah hian Malsawmfela hmangin an khel chhelo hle thin. India hi Group C ah hian a thlengtu Uzbekistan, leh arch-rivals Pakistan pawh an tel nghe nghe. INDIAN FOOTBALL LEAGUE : Hmanni lawka tan ni mahse Indian mihausa Sahara, Pailan, Kingfisher..etc..te thahnem ngaihna avangin tunhnai atangin sports lamah hma an sawn hle! Mizo Player pawh an thahnem ve tawh hle mai, hming langsar zual thailang lawk teh ang; Jeje Lalpekhlua, Malsawmfela, Robert Lalthlamuana. Hriat theih chinah tunah hian mizo 20 vel lai I League-ah hian an khel mek. Sportstar Columnist Grand Ville chuan Mizoram hi nakin lawka India Football Power House tur an ni a ti.

Sunday School
|antu |antu Thusawitu Thusawitu : Pi Lalbiaksangi, Bial VI

Chawhnu Inkhawm
: Pi Biakhluni, B-VII : Tv. P. Laltlanhlua, ATC

Zan Inkhawm
: Upa Zosangzuala

K.|.P.
Nov 13, 2011
A hmun Hruaitu |antu Thuchah tawi

|awng\ai Inkhawm

: Fellowship Hall : Tv. Carmine Lalhlimpuia. Chhandamna Gr. : Nl. Baby Rosangliani, Khawngaihna Gr. : Pu Lalruatfela, c/m

THANGHARH ANG U
Kan thailan duh ber chu football hian mizo thalaite thisen hi a luahhneh tawh hle. Dawrpui veng ngei pawh hi inbihchian a ngai! Hmanni lawkah Red Ribbon-ah Veng dang kan barakhaih kha duh tawk mai lo ang u. Veng chhung mi inphal leh hemi lama tuimi te chuan, hawh u Dawrpui hi Football Team hlauhawmah siam leh ang u!! Micah Richard chuan a khelhpui Spanish Playmaker David Silva chu khawvela footballer tha berah a dah hmiah! Silva hi tun season ah hi chuan EPL player zinga tha ber thlan tur ni ta se vote a hmusang viau ngei ang a ti bawk. Man City player pawimawh Yaya Toure chuan season t l u a n a hneh loh neih loh a champion theih a in ring. He thil hi Arsenal ho chuan Henry te hunlai khan an lo siam tawh a, player malkhaia a han en chuan record nei tha tur khawpin talent chu an nei thawkhat viau! Santosh Player kum lama la naupang em em, mahse khelmuala buaipuitham ni bawk si Neymar chuan a khelh mekna Santosh tan contract a ziah belh. Neymar hi Man Utd, City, Chelsea leh Madrid te hovin an thlem nasa hlawm hle.

Nov 14, 2011

Thawh\anni Zan Inkhawm

(Branch K|P Rising Day Vawi 56-na) : Pu Lalbiakdika, Leader Hruaitu : Nl. Zirnunsangi, c/m |antu : 1. Nl. J. Lalrinzami, c/m Thilpek 2. Nl. H. Lalhmachhuani, c/m 3. Nl. C. Laltlanmawii, c/m Thuchah tawi : Upa Zosangzuala (15 mins.) Special Item : MCON Hunserh zawhah: Solo, Short Play & Extempore Speech Intihsiak a ni ang Damlo Pual Thilpek Bawm hun a ni ang

SALVATION ARMY
Nov 13, 2011 Hruaitu Thusawitu

Thianghlimna Inkhawm Band and Music Ministry Sunday

: Lallawmzuala, B.S : Lalmuankima, B.M

Chhandamna Inkhawm
Hruaitu Thusawitu : Emmanuel Lalhmunsanga : K. Zohmingthanga, S.L

S.A.Y.
Nov 14, 2011 Hruaitu

Thawh\anni Zan
: C. Lalthlamuana, Leader Congress Review

Veng chhung kawngpui lun lai (Kawng sir a) hrui lian pui pui in thlung fual tak tak awm deuh hnuang ho hi a va ngaimawhawm em, khawpui hmel a ti mawilo hle mai.

Published by Y.M.A., Dawrpui Branch, Printed at G.S. Offset Printers, Treasury Square