K T P

I N L E N G
KTP Durtlang Branch
1955-2011
E- mai l : kt pi nl eng@gmai l . com VOL 24 ISSUE NO. 49
11th.Dec, 2011
KTP Thiltumte:
Isua Krista rinna leh Amah anna
kawnga thalaite hruai.
Kohhran kutke ni tura thalaite
buatsaih.
Kohhran hnathawh tihpuitlin.
Krista Chanchintha puandarh.
KTP Durtlang Branch ten kumtir atanga bud-
get-a kan lo dah tawh, Laptop Computer chu
lei turin Branch Committee chuan ruahmanna
a siam ta a. Secretary ten Computer
chinchang hre deuh te lo be rawnin an nin an
lo bawhzui dawn a ni. Hun rei lo teah Branch
property tur Laptop computer kan nei ve
dawn ta e.
Dec 5, 2011 thawhtan zan khan kum 2012
chhunga KTP Durtlang Branch hruaitu turte
thlanna neih a ni a, he hun hi Bialtu Pastor
ZD Lalhmachhuana leh KTP Committee-a
kohhran aiawha tel Upa K.Chhawnthuama,
Upa Dr K.Lalrintluanga leh Hruaitu kal chhuak
tur Pu K.Lalbiakthanga te kaihhruaina
hnuaiah neih a ni a, post by post-a inthlang
lovin mi paruk thlan chhuah niin hemi zan
vek hian Inthlanpuitu te kaihhruaina hnuaiah
chanvo insiam rem nghal a ni.Post in siam
rem dan chu hetiang a ni.
Leader : Tv Lalbiakfima
Asst Leader : Pu Lalnunsanga Ralte
Secretary : Pu C.Lalfakzuala
Asst Secretary: Dr Lalliansanga
Treasurer : Pu Lalnunchama
Fin Secretary : Nl Lalhmingchhuangi
Pathianin Hruaitu thar min pe leh ta
a, kan hruaitu thar te tan tawngtaisak fo
thin ang u. Rawngbawl na kawngah theihtawp
chhuahin member ten i tawiawm thin ang u.
KUM 2012 BRANCH HRUAITU
LAPTOP THAR LEI DAWN
(DURTLANG KAWNGPUI AN SIAM LAI - 17.JAN,2004)
BUDGET KHUM TAWH
KTP Durtlang Branch ten kumin chhunga
pawisa hmuh tura beisei, kan Budget esti-
mate Rs 5,50,000 chu November thla thleng
khan Rs 6,51,203 hmu tawhin Rs 1,01,203
lai maiin kumin chhunga hmuh tura beisei
kan khum tawh a. Tunah hian December thla
a pawisa lo lut leh tur nen phei chuan kan
Budget khumna hi a sang dawn hle. Memberte
inpekna leh thawhrimna vang a ni a, Branch
Committee chuan lawmthu a sawi tak meuh
meuh a ni.
KRISMAS HMASA BER
- K.Vanlalruata
A anpuia mihringte min siam pawh hi a mak tawh tehreng nen, a thil siamah ngei Amah
lehzel a han chang hi zawng mihring tawnga sawifiah ngaihna a awmlo a ni
- John Donne
Hmanlai hian Lal pakhat hi a awm a, chu Lal chu ropuina leh thiltihtheihna leh
hausaknaah te amah tlukpui reng reng an awm lova, an awm leh theih bawk hek lo. A thuneihna
hnuaiah chuan khawvel pumpui mai hi a kun a, amah kalh zawng reng rengin tuman tawngkam
khat pawh an nei ngam lo. A thu chu dan a ni mai a, a duh apiang leh a chak zawng apiang chu
tuman kalh thei reng an awmlo. Mahse, chutiang khawpa Lal ropui chuan thingtlang nula
mawlte pakhat hi a hmangaih ve tlat mai a, a nupui atan a duh ta hial a.
Engtin nge lal ropuia chu thingtlang nula chu a hmangaihzia a tih lan theih ang? A lal
nihna chu a tan chua phurrit a ni ta tlat mai le. Chu nula tlawm tak mai chu a lal inah chuan
hruai lutin, rangkachak leh lunghlu silhfen man to pui pui te belin a lalnu atan hruai hawg se,
chu nu chuan a hnar hauh lovang le, lal a ni miau si a. Mahse, chu nu hmangaihna chu a tak tak
a ni ang ngem?
Ka hmangaih che pawh a ti a ni maithei, mahse a thinlung atanga chhuak nge lal a nih
avanga, a hlauh vanga chham ve mai mai zawk? Lal ropuia chuan a sakawr tawlailir tha ber
berte nen chu nula awmna khuaah chuan va kalin sipai za rual tam tak te nen va rim vel se, chu
nula chuan a hnial hauh lovang le. Mahse hmangaihna tak tak a ni ang em? Chu lal chuan
thildang engmah a duh lova, amah hmangaih let ve tu mai a ni a duh ni. Chu nula chuan lal a ni
tih theihnghilh se, tin, amah pawn thingtlang nula mawlte a ni tih theihnghilhin an kara intluklohna
zau tak awm chu hmangaihna lei chuan rawn dawhkhat se a duh ber a ni.
Chutichuan lal ropuia chuan chu thingtlang nula chhia leh tha hriatna hmanga zalenna
a neih tihbuaisak miahloin, a duhthlanna sang ber hmanga a rilru leh thinlung hriat leh hneh
chu a duh ta a. Nikhat chu kutdawh lemah insiamin chu nula khawlam chu a pan ta a. A lal
inchhunga a khawsak pui ngei te pawn an lal lemchan chu tuman an hrelo. Chu nula rilru leh
thinlung hneh tur chuan a lal in ropui chu a chhuahsan ta.
A chunga thawnthu kan thailan khi Hla Thlan Khawm Tea thawnthu kan hmuh zulzui
deuha Pathian nihna ka rawn phuahchawp ve a ni a. He thawnthu a taka rawn nem nghet turin
Thuthlung Thar lamah Tirhkoh Paulan heti hian a rawn nemngheta: ani zawngin Pathian anga
awma Pathian tluka awm chu thil thlakhlelh hleih theih ah a ruat lo va, mihringte anga lo
piangin, bawih angah a insiama, amah leh amah a intitlawm ta zawka. Tin, mihring anga lo
awmin, a inngaitlawm a, thi khawp hiala thu zawmin a lo awm ta a, kraws-a thihna ngei
chu. (Phillipi)
Mihringte hnena thu a rawn sawia a inlar dawn reng reng hian, Pathian ropui bera si hi
a inphahhniam leh tlawm hmasa zawkah hian a tang thin a. Thuthlung Hlui bu pawh hi Pathian
inphahhniamna bu a ni hial awm e. Abrahama te, Mosia te, Zawlnei te leh Israel te hmaah khan
KEIMAHNI : Tluangtaka chanchinbu kan
chhuah theihna tura min pui thintu a bikin,
thu tha tak tak min ziah saktute chungah
lawmthu kan sawi e.
Kar leh (ni 18.Dec) hi kumin atana
chhuak hnuhnung ber tur LAST ISSUE a
ni dawn ta a. Harsatna dang a awm loh
chuan Special Issue tihchhuah kan tum.
Hemi atan hian thu min ziahsak thintute
zawng zawng thu han thawh theuh turin
kan sawm che u a. Mi dang pawh
inthlahrung lovin han thawh turin kan
sawm a che u.
TUN HMA AIZAWL BAZAR
> > Kristian Thalai Pawl : Durtlang Branch
DDDDDDDDD DDDDD
KTP Inleng 2011 KTP INLENG KARTIN CHHUAK VOL 24 ISSUE NO 49
Editor in Chief
C.L.Biakhlua 9856878819
Editors
C. Zoremsanga 9612297009
Samuel Ramengmawia 9862378735
Joint Editors
C. Zarzoliana 9436197307
C.Lalthanzuala 9862363844
C.Lalfakzuala 9436365052
Vanlalpeka Kawlni 9862357170
Correspondent
C. Lalthanpari 9615492737
Vanlalchhuani 9862368776
H.Hmingthansangi 9856344441
Circulation Managers
Lalbiakmawia 9862340399
R.Lalengkima 9612862398
Benjamin Rosangzuala 9862494499
Lalremruata 9862614326
Joseph Vanlalremruata 9862360748
14.12.2011
(Nilai zan)
Tantu : Nl Lalrampari Vanchhawng
Thupui :Hunhnuhnung leh tunlait thil
awm zia
Hawngtu : Pu Zahaia Hmar
17.12.2011
(Inrinni)
Tantu : Nl C.Lalhmangaihzuali B-3
Synod khawmpui report leh tawngtai
Pangpar khawi turte
18/12(Sun)
Nl Hrangzingi & Nl Lalduhawmi, Mel-5
ZING TAWNGTAI INKHAWM
HRUAITU TURTE
11/12 - Upa Zokunga
12/12 - Pi Zothanpuii
13/12 - Pu Vanlalrova
14/12 - Pi Rothuami
15/12 - Pu Thangzaliana
16/12 - Pu Rokunga
17/12 - Pu Lalbiakzuala Pautu
2.10.Ppppppp
11.12.2011 (Pathianni)
Sunday School
Tantu : Pi Lalnunmawii, B-12
Chawhnu : Upa Ngochha
Zan : Upa V.Thangdailova
11.12.2011 (MASIHI SANGATI)
Hruaitu : H. Zoramliana
Tantu : Nl Lalhruaizeli
Thuchah : Nl Hrangzingi
11.12.2011 (KTP tawngtai inkhawm)
A hmun : Centenary Hall
Hruaitu : Tv Benjamin Rosangzuala
Tantu : Nl R.Lalhmingmawii Johana Gr
12.12.2011 (Thawhtan Zan)
Advance Christmas Centenary
Hall-ah hman tur a ni.
13.12.2011 (Thawhlehni zan)
Hruaitu : Pi Lalduhpuii
Tantu : Pi K.Lalrintluangi Pi Zaii Gr
Christmas hla zirna hun atan
hman a ni ang.
2
KTP INKHAWM INCHHIARNA
(5/12/11)
Andria - 16
Jakoba - 17
Johana - 15
Matthaia - 13
Petera - 13
Philipa - 20
Total - 93
-
> > Kristian Thalai Pawl : Durtlang Branch
Pathian ropui bera hi a va inphahhniam ngun tak em. Mahse thuziak hmasa lama kan lo thailan
tawh ang khan, kum zali meuh a reh vang vang hnua, tlawm taka a rawn inlan lehna tur baka
inphahhniamna nasa hi a awm tawhlo ang. Pathian chu mihring (a thilsiam) ah a rawn chang
dawn ta.
Krismas apianga naupangho Drama chana an telh ve ziah chu Hlau suh! tih tawngkam
vantirhkoh hoina an sawi ngei kha a ni. Baptistu Johana pa Zakaria leh Mari hnena vantirhkoh
inlarna tawngkam hmasa ber a ni a. Tin, Hlau suh! tih tawngkam hi Abrahama te, Hagari leh
Ismaela te, Gideona leh Daniala leh midang tam tak te hnena Pathian tawngkam hmasa ber a ni
tlat mai. Chung lam ho tan chuan good morning an rawn tihna te pawh a ni chek ang chu.
Chung lam hovin thawm an rawn neih tan dek dek hi chuan keni lam ho hi chu a tlangpuiin kan
lo tlufel der tawh thin. (Bible-a kan mithianghlim kal hmasa te atangin a hriat theih awm e.
Khawvel lama Pathian a lo chhuk thlak reng reng khan khawpui ri leh thawngleivir leh
meialh nasa tak angte hian a rawn thawk thin a. Chu chu keini lam tan hian thil hlauhawm leh
rapthlak tak a lo ni bawk si thin a. Mahse tun tuma angel in Zakaria leh Mari te hnena an thu
rawn ken ve thung erawh hi chu a dang ta daih mai. Pathian hlauhawmloh zet mai an rawn
introduce ta.
Nausen pianghlim baka hlauhawm loh hi chu a vang ve khawp ang. Lal Isua, ranthlenga
piang, nu pum atanga lo chhuak hlim, saruak maia awm baka hlauhawmloh Pathian hi a awm
theih tawh dawn em ni? Lal ropuia chuan a lalram a kalsan ta. He nausen piang (khawvel calender
pawh thlak thei vek khawpa mi ropui ni si) hi a pianhlim hi chuan witness-ah pawh mihring
aiin ran an tam zawka, a va tlawm tak em. He nausen piannaah hi chuan, Pathianin Amah leh
hringfate inkara hlauhna awm chu a taka rawn thaibovin, hmangaihna hmanga an inkar rawn
siamthat a tumna hi a man a va sang em: Pathian engkimtitheia chu, Pathian thiltitheilova a lo
nih phah ta.
Krismas ni hi Pathianin engtin tak ngai ang maw? Mi ropuibera chu nausen enkawl
chawp ngaia lo piangin tawng pawh hrelo, mahni taksa takngial pawh thunun theilo, chaw tak
pawh ei thei lova, zun leh ek thlenga thiarsak ngai Pathian a lo ni a. He Krismas zan hmasa berah
hi chuan an sawi Bethlehem khuaah khan, Engkim Siamtu a chu baawihsawm ngai nausenah a lo
chang ta.
Hetia Isua tlawm taka a lo kal hi Theologian ho chuan a hmingah Kenosis an ti a, he
Kenosis hi tlawmna leh inphahhniamna ropui ber a nih rualin a pawimawh leh thatna lai a awm ve
tlat bawk. Nausen nih buaithlakzia leh engkim mai a bul atanga Pathian tana rawn tan ve vek
tlawmthlak zia kan sawi zo chiah nachungin Lal Isua mihringa a lo chan hian van atanga rawn
tawng mai Pathian a ni tawh lova, a tak ramah a rawn cheng ve a ni. Khawpui leh meialh hmang
kher a thu leh hla rawn neih ngai tawh lovin, mihring pangngai ang thlapin a duh zawng leh a vei
zawngte a rawn sawi ve tawh anga. A thinrim leh lungnihlohna te pawh tuilian leh lirnghing
hmang kher lovin hmaichhanah ngei Heroda te pawh Sihal a ti thei tawh anga, Temple kawtah te
pawh a mihring kut ngei a thawh thei tawh ang. Tin, Hlau suh! tih tawngkam hmanga bul tan
kher ngai tawh lovin, mihringte min hmangaihzia leh khawngaihzia tilang turin nawhchizuarte
leh mitdelte leh phar leh hmeithaite hnenah pawh an zingah talin a duh duh a sawi ve thei tawh
ang.
Kristiante hunpui, kan nghahhlelh em em
Krismas kan lo thleng leh tep ta a.
Chhungtinte he Krismas lo thleng tur hi
hlim tak leh lawm taka hmang turin kan
theih ang angin kan inbuatsaih hlawm a.
A bikin naupang lam deuhte phei chuan
hman nawm loh mawlh hlauvin, an rilru
ngaihtuahna zawng zawng an seng mek
tawh a ni. Thawmhnaw leh a behbawm-
ah pawh lungawina leh hlimna zawngin
awh tur leh neih chak zawng reng rengin
an hmanhlel a. Nu leh pate pawhin chumi
kawngah chuan kan nau, kan fate kan
rualawhpui a, mifate neih ang an neih
phak loh emaw hlauvin kan phili buai em
em a ni.
Naupangte chauh a ni lo, rual u
zawk leh thalai zawkte pawh hian hman
nawm loh mawlh hlauvin kan phe dawr
dawr a. Hman nawm loh kan hlauh luatah
mi tam tak chuan zu leh ruihtheihthil
lamah an tlan phah a. Nuam lutuk an
zawnna lamah ruihhlo lamah an \tlan phah
a. Thenkhat lahin hlimna leh nawmna
zawngin hmeichhiat mipatna kawngah an
tlan a, mi tam takin he kristian hunpui -
ah hian an nun zahawm an hlauh phah
tawh thin a ni. Nguntakin i ngaihtuah ang
u. Mi tam takin nulat tlangval nawm
chenna hmunahte,ruihhlo hmunah hlimna
leh nawmna a awm emaw tiin an zawng
a, boralna kawng zawhin thlan kotlangah
an lo liampui vawn vawn tawh a ni. He
Krismas hi engtiang taka hlimin nge awm
i tum a, khawi hmunah nge hlimna zawn
hmuh ve i tum ang le?
KTP INLENG KARTIN CHHUAK VOL 24 ISSUE NO 49
> > Kristian Thalai Pawl : Durtlang Branch
.
.
KOHHRAN TAN RAM PE
Pu R.Zirtluanga, Durtlang Mel-5 te
chhung kua chuan Biak In tual, M Suaka
Hall kawt sir tlak lama an ram chu
Durtlang Kohhran-in a duh duha a hman
atan an pe (donate) a. Kohhran
hruaitute Pu Zirtluanga te chhungkaw
chungah an lawm tak zet zet a ni.
KTP DURTLANG BRANCH
ADVANCE CHRISTMAS PROGRAMME
Naktuk thawhtan zan (12.Dec) hian Centenary
Hall-ah KTP Durtlang Branch chuan Advance Christmas
nuam leh hlimawm tak a hmang dawn a. He mi hunah
hian member zawng zawngte a tam thei ang ber kal
turin kan insawm in kan inngen a, a kal tur zawng zawng
ten Gift Exchange neih tur a ni dawn a, Rs 30 man aia
tlawm lo, thil ho lam leh ei ral mai mai theih chi ni lo a
ni tur a ni. Gift exchange hi pawh zawh hunah a hmunah
hawn nghal tur a ni dawn a, keng theihnghilh palh an
awm theih avangin Branch committee chuan engemaw
zat siam sain, a theihnghilh ten an khul leh theih turin
a buatsaih ang.
Hruaitu : Pu C.Lalfakzuala, Br Asst.Secy
Thuchah tawi : Pu Lalnunsanga Ralte,Br Leader
1) Solo : Tv R.Lalrinmawia
2) Duet : Nl Lalrampari Vanchhawng
& Tv C.Lalruatkima
3) Instrumental Music : Tv Lalmuanzuala
4) Gift Exchange : Rs 30 man aia tlawm lo
Hla hruaitu : Guiter- Pu C.Vanlalrinawma
Bass - Tv Joseph VL Remruata
Drums- Tv C.Lalropuia
Keyboard- Tv Lalnunmawia
Vocals- Pu Lalremsanga &
Tv Lallawmkima
Hla hriltu - Nl C.Lalhmangaihzuali
Christmas hla sa a zaihona hun a tam thei
ang ber neih tur a ni dawn a ni.
Refreshment tuihnai tak buatsaih a ni dawn
a, heng kan ei leh in turte hi Refreshment Sub Commit-
tee ten Dec 12 thawhtanni hian chhun lamah an lo
buatsaih dawn a ni. Hun hman dan tur hetiang a ni.
KTP Durtlang Branch chuan thawhtan zan
inkhawm apianga Biak In kawngka bula
miharsapual bawm a hun thin atanga
pawisa tlingkhawm Rs 6500 chu Grace
Home Presbyterian Hospital, Durtlang
tan a hlan dawn. Vawiin Pathianni tlai
KTP Fellowship zawhah hian Branch Com-
mittee member ten a hmunah kalin
pawisa hi an pe dawn a ni. Hun
engemaw chen atang tawh khan kum tin
in KTP inkhawmah Miharsapual bawm
hi hun thin a ni a, kan member dam
lohna avanga phai kal ngaite, mimal leh
chhungkua te leh Home hrang hrangah
te heta pawisa tlingkhawmte hi kan lo
pe tawh thin ani.
GRACE HOME TANPUI DAWN
SPECIAL CAMPING/RETREAT
Durtlang Kohhran Social Front Commit-
tee hmalakna-in tunkar thawhtanni
atanga zirtawpni thleng khan kan
kohhran Sunday School Hall-ah Special
Camping/retreat neih a ni a. Hetah hian
ruihhlo avanga harsatna tawk mipa 18
leh hmeichhia 2 an vaiin mi 20 an lut a
ni. Speaker hi kan Bial Social worker Tv
Lalchhuangliana a ni a,a thiante
pathumin councellor hna thawkin an
tawiawm bawk a ni. Social Front Com-
mittee-in a ruahmanna hmasa-ah chuan
mi 4/5 vel tan inkawmhona hun leh
inpawlhona hun neih tura tih a ni a,
amaherawhchu, tel duh an tam tak
avangin Camping/crusade angin kalpui
ani ta zawk a ni. Social Front Commit-
tee -in eirawng bawl hna an thawk a,
KTP ten Security hna an thawk a ni.
YMA HRUAITU THARTE
Ni 8.Dec, 2011 zan khan kum 2011
chhunga Durtlang Branch YMA hruaitu
turte thlan niin, heng mite hi thlan tlin
an ni.
President - Pu R.Lalpeka
V.President - Pu Lalromawia
Secretary - Pu Lalchawimawia
Asst. Secy - Pu C. Zomuanpuia
Treasurer - Nl Lalnuntluangi Ralte
Fin. Secy - Nl C.Lalthanpari
Tlawngaih chhuah tura thlan
chhuah tak hruaitu tharte tha taka khawtlang
tana thahnemngai taka an thawh ngei theih
nan duhsakna kan hlan e.
SYNOD KHAWMPUI NEIH MEK A NI
(Durtlang atangin Pastor thar pahnih neih belh dawn)
Mizoram Presbyterian kohhran Inkhawmpui lian ber Synod khawmpui chu Khatla
Kohhran Biak Inah thawhlehni khan neih tan a ni a, zanin hian a tiak ang.
Nakum 2012 hian Chanmari Biakin-ah neih a ni ang.
Vawiin Pathianni chawhma a Pastor nemngheh tur zingah kan kohhran
atang Pro Pastor pahnih Pu C.Lalruatkima,Champhai Vengthlang leh Tv
R.Lalfakawma, Chanmari a awm mekte chu nemngheh tur zingah hian an tel a,
Pu C.Lalruatkima hi Zawlpui Bial vawng turin a awm dawn a, Tv R.Lalfakawma
hi Karbook, Tripura Bial vawng tura ruat ani bawk. Tin kan kohhran atanga
Pastor chhuak zinga mi tuna FMG&CC-a Director ni mek Rev H.Zothansanga chu
Luangmual Bial vawng tura ruat a ni a. Director thar atan Durtlang bial Pastor lo
ni thin Rev R.Ramnghinglova dah ani thung. Durtlang biala Pro Pastor lo ni tawh
Rev F.Pachhunga chu Rohini (Delhi) Pastor turin ruat thar a ni bawk.
Hetih lai hian kan Bial chhung Durtlang North kohhran a mi Tv
Lalnunsanga s/o Upa H.Zoliana chu Pro Pastor lakthar zingah telin Pro Pastor
atana nemngheh tur zingah a tel a, a ni hi Hmuntha Bial-ah Pro Pastorin a awm
dawn a ni.
NAUPANG PUAL CAROL
SERVICE PROGRAMME
A hmun : Durtlang Biak In
A hun : December 15, 2011. 6:30PM
Hruaitu : Upa C.Vanlalzama, Superintendent
Ushering : Department tin ziaktute
Tantu : Pu.Lalramthanga, Inter Dept Ztr
Zaiho : A mian riang maw NPHB No.82
Chang sawirual : Beginners Department
Solo : Nl.Lalrampari ,Jr. Dept Zirtirtu
Group Zai : Senior Dept
Recitation : Primary Dept
Thuchah tawi : Upa.K.Lalrintluanga, Asst Supt.
Zaiho : Khawvela thil tinrengin
NPHB No.77/KHB No.83
Lemchan tawi : Intermediate Dept
Chang sawirual : Primary Dept
Zaipawl : Junior Dept
Solo : Sacrament Dept
3
MODERATOR ELECT DURTLANG PA
Nakum 2012 Synod khawmpui, Chanmari Kohhran
Biakin-a neih turah Moderator thar atan Rev Lalramliana
Pachuau, tuna PCI Executive Secretary ni mek chu ruat
a ni a. A ni hi Durtlang Kohhran atanga Pastor chhuakte
zinga mi niin, Durtlang Kohhran atanga Pastor chhuak
zingah Synod Moderator a tang hmasa ber tur ani dawn
ta a ni. Hetiang rawngbawltu chhuanawm kan kohhran
atanga chhuak kan nei hi a lawmawm hle a. Kohhran
pumpui enkawlna mawhphurhna sang leh hautak tak hi
hlawhtling taka a thawh chhoh ngei theih kan beisei a,
kohhranhoten i tawngtaipui ang u.
DRAMA-AH CHE THA
Art & Culture Dept. leh MSACS
tangkawpte buatsaih ramchhunga
inelna lian Drama Competition neih
zawh takah Durtlang atanga tel
Derhken Tlang Theatre Groupte chu
Top 20-ah lang phakin, lawmman Rs
5,000/- an dawng a. An drama chan hi
an group-a hotupa Pu C. Dingliana ziah
niin, Best Script-a thlan niin Rs
5,000 zet lawmman a dawng zui a ni.
Hetiang talent nei tha tak, Zoram
huapa lang phak kan nei hi kan
chhuangin kan lawmpui hle a ni.
KNSP KHAUH DAWN
Kar kalta zirtawp zan khan Durtlang-a
KNSP Area hrang hrang hruaitute chuan
Joint Meeting neiin, kan hma lawka
Krismas leh kumthar vuakvetah
khawtlang muanna vawng tura khauh
taka hmalak an tum a. Vengchhunga
ruihhlo lalutte, bengchheng siam,
khawlaia Bike chak tak taka tlan,
hmeichhiat mipat kawnga kan
vengchhung hmunhma zah pah lo taka
hmang te an awm chuan na taka action
lak an tum a ni.
9856878819 / 9862363844 / 9436197303 KTP INLENG KARTIN CHHUAK VOL 24 ISSUE NO 49
> > Kristian Thalai Pawl : Durtlang Branch
BRANCH COMMITTEE
THUREL TLANGPUI
I. Financial Report :
Receipt (upto Nov)- Rs 6,51,203.00
Hman ral(upto Nov)- Rs 4,97,402.00
Balance - Rs 1,50,801.00
Cash at Bank - Rs 59,369.00
Cash in hand - Rs 91,432.00
II. Group sum Audit hun atan Dec 28, nilai zan
inkhawm ban a ni ang a, Auditors turin Branch
sum enkawltute an ni ang.
III. July-December Group inelna lawmman sem
hun atan Dec 12 Advance Krismas ah a ni anga,
Dec 5 zan ainchhiarna thleng a huam ang.
IV. Kum 2012 Branch hruaitu thar leh member te
inhlan tharna hun atan Jan 9, 2012 thawhtan zan
ruat a ni a, Rev K.Lalpiangthara, CKTP Leader
sawm a ni ang. Inhlanna thuchah bakah Finan-
cial Campaign neih nghal a ni ang.
V. Kum 2012 Bial KTP Conference Selesih
Kohhrana neih turah kan Branch atanga Bial OB
Nominate turte :
1. Pu Lalnunsanga Ralte 2. Pu Lalnunchama
3. Dr Lalliansanga 4. Tv Samuel Lalzahawma
b) Bial Conference rorel Agenda : Bial Confer-
ence rorel agenda tura kan rawt te OB ten an lo
siamrem ang a, Dec 12 thawhtan zan Advance
Krismas hman zanah Committee-in thlirho leh ang
c) Fellowship Item : Bial Conference-a Special
Items 5 nei tura ruat kan nih angin hengte hi
ruat an ni.
1) Solo : Tv C.Lalruatkima & Nl Lalrampari Vanchhawng
2) Special Item : Student Nurse
3) Special Number : i/c Tv K.Vanlalruata
4) Worship Dance : i/c Tv K.Lalremmawia
VI. Kristmas leh kumthar ruai Committee secre-
tary atanga Counter Duty tur leh thlengsil tura
mawhphurhna min pek chu tihhlawhtlin ni setih
a ni a, Secretary ten counter Duty tur leh thlengsil
turte an lo ruat dawn a ni.
Chhiar p Chhiar p Chhiar p Chhiar p Chhiar phawt teh hawt teh hawt teh hawt teh hawt teh
(Read it first.. by Julianne Irving) - Puia Chawngthu
(He thu letling tur hian ka inngaihtuah rei hle a, mahse, ka KTP memberpui
ten an chhiar ve vek atan ka it si....a saptawnga chhiar tawh in awm mai
thei...a thu laimu ka khawihpherh em lo`ng chu..)
Last Friday Nite hman ani leh dawn
KTP Durtlang Branch chuan Kumdanga lo tih thin tawh angin kumin kumtawp Dec 30
zanah hian Last Friday Nite puitham tak hman turin a ruahman leh ta. Tun tumah
hian harsatna dang a awm loh chuan veng pawn atangin tunlai zaithiam lar tak takte
hun hmanpui tura sawm tum a ni a, inbuatsaihna kalpui chhoh mek a ni. Programme
hman dan tur hetiang hian ruahman a ni.
A hmun : M Suaka Hall kawt
Host : Tv K.Lalfakmawia, Branch Committee member
Hunserh : Pastor ZD Lalhmachhuana
Special Item :
1. Band : Memberte - Vocals : Nl Lalrampari Vanchhawng & Tv C.Lalruatkima
(hla 2 ve ve) Guiter : Tv Lalmuanzuala Bass : Tv C.Lalropuia Drums : Tv
Lalnunmawia Keyboard : Tv Lalramhmachhuana
2. Award : i/c KTP Inleng Editorial Board
3. Barakhaih : i/c Tv C.Zoremsanga
4. Guest Artists : 1. Nl Lalruatfeli Thangluah, Khatla South
2. Nl Judith Lalremruati, Leitan
3. Lalduhsaki, Durtlang (Hla 2 theuh sa turin beisei an ni)
Note : 1. A duh apiangte in turin Coffee buatsaih a ni ang a, Refreshment Sub
Committee kutah a awm ang.
2. Hmunhma buatsaih hnatlang Dec 29 ah nilengin neih a ni ang.
Bengchheng nuaih nuaih leh
hmanhmawh reng renga chet tlatna karah
hian muang leh zawi damin kal la,
ngawihtheihna leh reh raihna hmunah hian
lungmuanna a awm ani tih hre reng ang che.
A theih phawt chuan mahni tlawm silovin,
mi zawng zawng nen inremin awm ang che.
Dika i hriat chu zawite in, fiah tak siin sawi
la, midang te ngaithla ang che. Mi tlaw leh
chhaw kan tih te pawh hi thlauhthla suh la,
an ni pawhin chanchin sawi tur an nei ve a
sin! Mi tawng ngeiawm leh mi nek zawnga
tawng thin thiante chu pehhel la, chutiang
mi chuan thinlung an tichiai thei a ni.
Midang nen inkhaikhin suh ang che. Midang
nen i inkhaikhin chuan i chapo emaw, i lawm
lo emaw a ni ang a, achhan chu, nang aia
lian zawk emaw, te zawk emaw an awm fo
dawn si a. Chung ai chuan nangmahah khan
chiang la, engkim i tithei ani tih ring bur la,
I lo hlawhtlin tawhnate ah chuan lawm la, i
thil tumahte nen, I eizawnna hna chu eng
ang pawha tlawm pawh nise, ngaisangin i
rilru pe tlat la, chu chuan hna zahawmah a
siam ang, hun lo kal zelah pawh i thil neih
leh i chanvo tak tak chu a ni si a. I
sumdawnnaah pawh fimkhur takin kal fo la,
khawvel hi inbumnaa khat a ni si a.
Nimahsela, chumi avang chuan dik
leh tha lakah i mit tidel suh la, mi tamtak
chuan thil sang leh ropui an um thin si.
khawiah pawh mai eng hmun ah pawh hian
midik leh huaisenten hriat reng leh fak
an hlawh a, an chanchin hriat tur a awm
zel ani. Midang nilo a nangmah ngei i nihna
kha theihnghilh loin chiang takin hre reng
fo la, a biktakin i inngaihtlawmna kha a
der ni suh se. Hmangaihna hi ngainepin
hnawl ngai suh ang che. Hmangaihna hi
rona leh lunghnurnaa khahna boruakah
chuan phaitual hnim anga hring reng leh
kumhlun chu ani si a. Kum ral tawhten
an lo zirtir tawh che chu lawm takin pawm
la, i tleirawl lai thilte chu mawi hnai takin
hlan langin. Beisei loh taka vanduaina lo
thlen pawh a hliahkhuha i awm theih nan
i thlarau nun tihchakna chu ngai pawmawh
ber thin la. Amaherawhchu, thil
suangtuahna satliah mai mai chuan in ti
buai suh ang che.
Rilru hlauhthawnna tam tak hi
chauhna leh khawharna avanga lo piang
a ni. Mahni leh mahni inthununna tha tak
neih bakah nangmah leh nangmah
indimdawi bawk ang che. Thingkungte
leh arsite ang bawkin lei leh van fa chu i
ni si a. He khawvela awm tur hian chanvo
i nei a ni. Chu loah i hrechiang emaw,
chiang lo emaw lei leh van hi nang
malsawm tur che hian a in hawn tur angin
a in hawng reng asin. Chuvang chuan
Pathian nen inremin awm rawh. Pathian i
suangtuah dan chu eng ang pawh ni rawh
se, he nun buaitak leh bengchengtak ah
hian thlen tum ram i nei mai thei, chumi
atana i hahna zawng zawng pawh chu eng
poh ni roh se, Pathian ah i nun chu
thlamuan tir la, khawvela kan duh neih
tum a kan beihna kawngah hian, a
hahthlakna leh beidawna leh a lem mai a
nihna te chu tam hle mahse, kan khawvel
hi a danglam chuanglo a, Pathian siam
khawvel mawi tak ala ni cheu asin. Hlimna
tak tak hmu silo hian i lo hah thlawn palh
ange. Engpawh tum la, eng dinnhmunah
pawh ding la, Pathian hi i auh ei tur in a
awm reng ani tih theihnghilh suh la.I
manganna leh duhna chu a hneh thlen thin
la, puih che a duh reng tih hre reng la,
chu chu thlanah i liampui dawn nia!
4
INLENG PIKSS
A Standing ve
lo chiang a sin
aww...!