Email : dawrpuinews@gmail.

com
MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

Visit us at www.dawrpuiveng.com

YMA chu \anpui ngaite \anpuitu a ni

Vol : XXI Issue No 50 Dawrpui News Kartin Chhuak Pathianni Dec 11, 2011

TUALCHHUNG
Zin : Dawrpui Kohhran member 20 zet chu Chhota Salnganga Kohhrana Camping nei turin nimin (10.12.2011) khan an chhuak. Pu R. Lalramliana (Ramtea) Speaker a ni ang. EE-in tlawh : Dec 8, 2011 (Zirtawpni) zing khan Pu Zatawna EE, Aizawl Raod North Division chuan Dawrpui West kawngchhia repair leh kawngchhak zauh dan turte rawn enin Local Council -ten an lo \awiawm a. Pawisa awm veleh a hna \an mai theih a nih tawh hle. Helai kawng hi Sorkar hmasa a\ang tawh a, en fo tawh a ni a, hmalak thuai a chakawm hle a ni. Lusun : Kar hmasa Issue a kan tarlan Nl. Christy, Thana tlang (Taitesena Sect) chu thinthalo avangin Durtlang Hospital Dec 4, 2011 (Pathianni) khan a boral a, a ruang hi a patea, Tlangnuam te Inah lak niin vuiliam a ni. Award dawng : Dawrpui Model Primary School chuan Nov. 29, 2011 khan SCERT atangin Proficiency Award in English pahnihna leh pathumna an dawng a, kan chhuang hle. Veng chhung chei : Kan veng Local Council te kaihhruaina in veng chhung (Bazar Bungkawn) chu chei mek a ni. Light dah rawh : Krismas alo hnai a, chhung tin leh dawr neitute mahni in leh a vel, dawr leh avelte Electric Eng dah hram hram ang u. Hei hian khawlai a tihnawm bakah rukru lakah kan him tlanna tur a ni. L.C. Lawm : Kan Local Council ten Dawrpui Vengchhung kawngkam dawr leh inneitute Krismas vuakveta CHEIMAWI turin a ngen hlawm a. |henkhatin an tihhlawhtling tawh a, Local Councilte an lawm hle. A la ti velo ten cheimawi ve zel turin an ngen a ni.

KUM 2012 HRUAITU TUR THLANG FEL TA

Kum tina kan tih thin angin kum 2012 chhung atana Dawrpui Branch YMA Office Bearers turte chu December 6, 2011 (Thawhlehni) zan khan Dawrpui Sikul tualah tluang taka thlan fel a ni ta. Inthlanna-ah hian YMA member kal kan tha hle a, Dawrpui sikul kawt ah mipui kan tlim hmur mai, nu leh pa leh naupang engemaw zatin inthlanna hi an rawn chhim a, boruak pawh a nawm phah hle. Duan lawk angin Chairman Pu VLT Muana Returning Officer ni bawk chu lo ding chhuakin Programme hi hneh takin a kaihruaia, hunserh Upa Zosangzualan Bible chhiara tawngtaina neiin hun a hmanga, chumi zawhah Vanapa Section atangin Musical dance dangdai leh nalh tak thlir ho a ni bawk. chairman in Official Nomination list (Branch Executive member) chhiarchhuahna a nei a, floor atanga Nominate hun a hawng a, inthlan dan tur lo duan lawk tawh angin Post by post a inthlanna neih tan nghal a ni, chuta YMA member inthlanna a lo kal ten kum 2012 Branch YMA hruaitu tur a thlan chhuah te chu heng mite hi an ni. President : Pu Chhawnkima Pachuau Vice President : Pu Rosangliana (Masanga) Secretary : Pu Vanlalbika Asst Secretary : Pu Malsawmdawngliana (Nanoa) Treasurer : Pu Lalrammuana Finance Secretary : Pu Lalbiakdika Heng inthlan kar lakah hian tunlai zaithiam lar tak tak vengchhung leh pawn atangin zai ngaihthlak a ni a, Announcer tura ruat Tv Lalrinawma (Lalroma) leh Nl K.Vanlalhriati ten an chanvo hnehsawh takin an kengkawha mipui pawh an chawk phur thiam hle. Vengchhung atangin Nl Lalruathlui (Hlutei), Nl Sarah Lalngaihawmi, Dr Zothansanga, Tv Albert Lalnunfela te an zai a, an ni hi zoram chhung leh pawn atanga zaithiam ti a hriat lar kan veng hming tithatute anni a kan chhuang hle. An ni ho an zai zawh hian tunlai Group lar tak zaithiam intelkhawm Tv Henry, Andrew, TBCA, Freddy te leh kumin a Mizo Idol thlan zawh taka Top five atangin Tv Lalbiakmuana, Nl. Judith Lalremruati, Nl. Lalbiakzuali (Zualbawihi) ten an hla lar tha an neihte vawi engemaw zat an rawn sa theuh a, mipui lam pawn nuam an ti hle.

Dawrpui

News

Kartin chhuak

Pathianni

Dec 11, 2011

Editor Co Editor Jt. Editors News Editors

: Ziakkima Pachuau 9436141408 : Kapchhunga Pachuau 9862399954 : H.Dingluaia Lalngaihawma (Angaiha) : Lalhlimpuia Khiangte Lalrinsanga(Asanga) David Lalhlimpuia(SKA) Members : Vanlaldiki Sailo Lianzama Pachuau Lalnunmawia (Mawia) Rosangliana H. Lalchhanhima James Thanmawia Columnists : Dr. Thangchungnunga Vanhmingliana Aldrin Lallawmzuala Cir. Manager : Vanlalhuma Correspondents: Jonathan F.Zomawia Ramherliana P.C. Lalrinchhana 9612225812 9862404739 9862357024

CENTRAL YMA
Central Anti-Drugs Squad (CADS) chuan Dec 5, 2011 (Thawh\anni) zan khan Burma rama thawnluh tur damdawi chikhat, ruih nana hman theih, Burma ram lamah chuan ruihhlo chi dang siam nana an hman \hin Rs. 6,928,347/ - man hu an man. Damdawi hi Ramthansanga (38) Tahan A Group, tuna Ramhlun Venglaia awm nia insawi a ni. He damdawi an man hi Guwahati a\anga lak niin Champhai lam panpui a ni a, CADS Duty-te hian umin, Selingah an nangching hman a, a dang a la thawn lohte chu Bawngkawna mi in a luah a\anga man a ni.Excise & Narcotics kutah hlan nghal a ni. CADS-te vek hian Dec 6, 2011 (Thawhlehni) khan Maxi - Cap MZ-05 6331 a\angin Parvon Spas mum 4,400 leh a neitu Lalthankimi, Venghlui nia insawi an man bawk.

Hruaitu thar
Kan hriat angin kum 2012 atana kan branch hruaitu turte chu member kalkhawm ten lungrual takin kan thlang ta. Hruaitu thlang tura member kalkhawmte an fakawm hle mai, chutih rualin a tam zawk chu kan la kal ta chuang lo. Hruaitu atana thlan tlin tharte kan lawmpui em em rualin kan tawiawm that erawh a pawimawh dawn a ni. Kan branch ah hian thil mak ve deuh chu Office Bearer nilai an tlak hian an reh zui mai thin a, tuna OB nilai tling ta lote erawh hi chu an reh zui ve lo turah ngai phawt teh ang, Committee Member an la ni dawn tho bawk nen. Member ten kan hriat reng tur chu hruaitu thlan ringawt hi kan tihtur a nilo tih kan hriat a pawimawh khawp mai. Kan thlan tlinte hian an mahni mai chuan he branch hi kalpui dawn se khawi ram mah min thlen dawn lo. Chu tak chu thlang tlingtu membem ten kan hre reng tur a ni, kan tawiawmna tel lo chuan engmah an ti thei bik lo tih hria ila. Mihring ve tho an ni a, tlin lohna tam tak nei ve tho an ni, an tlin lohna te sawisel mai lovin, thurawn kan pe ngam tur a ni. Tin, hnatlangah, chhiatni ah leh thil engkim YMA hmalakna reng rengah memberte kan bang tur a ni lova, hruaitute hnung kan dawl zo tur a ni. Kum 2012 chhung atana Dawrpui Branch YMA hruaitu thlan tlin thar zawng zawngte duhsakna sang ber kan hlan e.

Sipai |ang Duh Tan

February 2012 chhung hian Sipai (Assam Rifles) lak runpui AR Lammual-ah neih tur a ni dawn a. Dilna Form hi Dec 20, 2011 ral hmain a hnuaia hming leh phone tarlanah hian thehluh tur a ni a. Dilna form hi a hnuaia hming tarlanah hian lam theih a ni bawk e. - Lalengzami Gen. Secretary Youth Welfare Society Lower Chanmari, Saingenga Bld. Phone - 9856746716/9436965574 (He thu hi kan veng tlangval te lo ngaihven an awm takin tih thuah chuah a ni e Ed.)

FREE CLINIC
December 12 - 15, 2011 chhung hian Grace Nursing Home chuan FREE CLINIC a buatsaih dawn a, a duh apiang tan zing lam dar 10:00 atanga chhun dar 1:00 inkarah a thlawna inentir theih a ni e. Phone : 2318571, 2318637 Manager Grace Nursing Home Lower Zarkawt

Lawmthu Sawina
Pu Ro\huamliana, Dawrpui School Managing Board Member leh Local Council Member chuan Dawrpui Middle School Naupang harsa zualte chhawmdawl nan Rs. 5,000/- (Cheng sangnga) pe a. Dawrpui Middle School Headmistress leh Staff-te a chungah kan lawm em em a ni, tih hi kan han paungzar a ni.

Advertisement
Zion Street-a Upa Pawl Dawr luah huntiam chhung lo ral leh dawn ta a. Kum 2012 January a\anga luah \an turin a dil duh chuan Ni 15.12.2011 (Ningani) ral hmain dilna Pu V. Lalliana, Pu B. Darchhinga leh Pu Zadingluaia te hnenah thehluh tur a ni. A thlang ber a\anga No 1, a dawt No 2 chutiang zelin a indawt chho a ni. A chhang sang ber emaw hniam ber emaw pek an ni kher lovang.
Sd/- Secretary MUP Dawrpui Unit

- Headmistress & Staff Dawrpui Middle School

BALL PET PHAL LO

Dawrpui Multipurpose Centre tualzawlah hian mi tute emawin Ball an pet \hin tih hriat a ni a. Tun hnuah helaiah hian Ball pet khap tlat a ni. Tilui man an nih chuan na taka hrem an ni ang.

Dawrpui

News

Kartin chhuak

Pathianni

Dec 11, 2011

KRISMAS NUAM
Krismas a lo hnai takzet ta a, mitinin Krismas nuam leh hlimawm kan hman \heuh theih nan mahni theihna kawng kawngah \an la tlang \heuh ang u. Ruihhloin kan ram a chiah hneh hle a, he Krismas, hunpui lo thleng tur atan hian mi hrang hrang kan inpuahchah mek a - Ruihhlo zuar ten hralh \euh tur zawngin \an an la mek a, a ei leh in \hin ten stock tur an dap ve mek bawk a. Thlarau lamah \henkhatin \awng\aina nen \an an lo la mek a, Kohhran \henkhat chuan Chhandamna Camping an nei mek bawk a ni.|henkhat leh chuan sum huiluh \euh tumin a thim a var pawh an thlu hman ta lo...! Hetiang boruak nuaih karah hian nang chhiartu duh tak, engah hian nge i awm ve le? A engahmah a awm lo a, nitin hun hmang i nih chuan in ngaihtuah chiang ang che. Kan ram, Pathian zawnchhuah ram kan tih \hin chu hlemhletna leh ruihhloin nasa takin a chiah a, natna hlauhawm AIDS-in kan Mizo pui ngeite nun a la mek a, a vei lah an pung tual tual leh nghal. Kan la vei dawn chauh pawh a ni maithei e. Chhungkaw \henkhat chu an thawhchhuah bak an EIRUK hmangin thawmhnaw thar \ha \ha an lei ang a, ka theih tak emaw an ti ang a, an \awngka lamah chuan an eiruk loh thu leh Pathian malsawmna hlir an sawi ang a. Nitin eichawp zawng ten an neih zawng zawng (an thawhchhuah dik tak) chu renchem takin, a to pawh zawng ngam loin, a mantlawm \ha ve si an zawng bawk ang. Chutiang nuaih karah chuan Nang leh Kei hian Lal piang chibai kan buk dawn chu a ni a, tu chungah ber nge a lawm ang le? Krismas Nuam kan hman theih nan rilru, thinlung a tharin A lamah lo pe thar leh teh.

HRISELNA

HRITLANG
- Dr. Thangchungnunga MS (Ortho) Vawiin thleng hian hritlang nei laklawh tawh chu an hritlangin, an khuhna a rei ta hle hlawm mai a. A chhan pakhat chu, kan boruak a hrisel tawh loh deuh ve bawk bakah, tumah hi fit zek zawk kan awm ta lo. Hritlang awm tirtu tam ber lah hi Virus hrik, a damdawi awm chuang lo a lo ni leh zel si a, tih theih a vang hle. Hei vang hian tunlai a kan boruak mumal lo bar 4na (December) ah pawh thlasik rim ala nam lo hian a tizual a. Kan vel boruak hian min control tlat si a, kan tih theih awmchhun chu taksa tih chakte, Immunity (Natna hrik tihlumtu) tih chak ve a ni ber. Hemi tur hian a pawimawh chu kan hnar, hrawk leh chuap chhung vel hi a hrisel a ngai a, thin (Liver) hi a chak a ngai bawk tih hria ila. Hemi kan hriat chuan, kan tih theih awmchhun chu, heng ho tih chak hi a ni mai. Chuvangin Vitamin C 500 nitin vawikhat leh Vitamin A nitin vawikhat mum khat ve ve-in ni 10 - 20 vel lo ei la, i thin atan Silybon/Liv 52 nitin mum 2-in thla khat vel lo ei bawk la, khuh i nei anih chuan khuh damdawi satliah lo ei mai la. Antibiotic (Ampicillin/Amoxicillin) tih vel ei vak vak hian hritlang a tireh lova, a tizual zawk thei. A tulna te a awm anih loh chuan ei tel loh a tha ber. Kut sil fai uar ila, natna tam tak kan pumpelh ang. Heng hi tunlaia hritlang benvawn nasa lutuk silo ho tan chuan a tha tawk viau a ni. I neih ve chuan lo ei rawh, Lalpan mal a sawm chuan vaivut pawhin mit a tih var theih kha, engkim hi Pathian rinchhan zelin lo ti ang che.

DAWRPUI WEST THUCHANG

Ni 24.11.2011 (Ningani) zan a Pu M. Councilthanga ina Dawrpui West Welfare Committee \hukhawm chuan Dawrpui West huamchhunga Krismas leh Kumthar vuakveta a boruak chhe awm thei venna chi hrang hrang an duang chhuak a. A pawimawh zualte :1. Information Office atan Pu M. Councilthanga In hmangin Duty Roster siamin mahni hun \heuhah \hahnemngai taka duty nise an ti. 2. Chhung tin hriat leh zawm tur Circular an siam. 3. Taxi/Motor tlan a tam si a, hel ngaihna pawh awm lova, chawhmeh bazar zawna Two Wheeler park \hinte hi vanduaina lian tham thlen hmain Traffic Police-ah thlen an rel. 4. Civil Hospital ram a\anga lei min leh hlauhawm dan enfiah tura lehkha an siam bawhzui loh chu hmalak leh ni rawh se. 5. Sorkar thuchhuah nawn leh tawh anga Dawrpui Westa Gas la sem ve loh chu hmalak leh nise an ti. 6. Dec 6, 2011 (Thawhlehni) zing khan hnatlang an nei a, mi 56 zet an thawkchuak a, thawkchhuak ve theilo ten sum lam an thawh ve thung. Local Council Chairman, Pu Sangtea pawhin thingpui inna atan Rs. 500/- lai a pe a, an lawm hle. Sd/- Pu R.S. Thanga Secretary

Hriattirna
Summary Revision Aizawl Local Council, Electoral Roll, 2012 neih mek a Dawrpui I & II a\anga hming thunluh/ Paih diltu zawng zawngte chu, a hnuaia hmun leh hun tarlanah hian Hearing neih tur a ni a. Kim taka inlan ngei tur a hriattir an ni. Document leh kum dik tak lanna ken ngei bawk tur a ni.

A hmun A hun

: Dawrpui School Hall : Dec 15, 2011 (Ningani) Dar 10:00 - 12:30

LAWMTHU SAWINA
Kum 2012 Dawrpui Branch YMA hruaitu thlanna neih zawh taka chanvo changtu zawng zawng heng Returning Officer leh Polling Officer te Video Coverage min tihsaktu leh Refreshment buaipuitu te Sound i/c, Light i/c, Security leh vengchhung mi zai a kan sawm zawng zawng te leh inthlanna a lo kal zawng zawngte chungah Branch YMA hming in lawmthu kan sawi tak meuh meuh a ni Sd/Secretary Dawrpui Branch YMA Krismas alo hnai ta hle. Bazar (Dawrpui Vengah) mipui an tam leh ta hle a. Mitinte Rukru lakah te, mi bum tumte lakah i fimkhur ang u. Hetiang hunah hian chet hi an lo la ve thuai thuai thin a ni.

* Dawrpui West kawia a Vantlang Zunin hi tu thua vuak\hiat nge aw... kan khawtlang hruaituten an hriatpui reng em? Vantlang thil hi duh duh a tihdanglam theih a ni ta em ni? Kan LC ten an hria em?

Dawrpui

News

Kartin chhuak

Pathianni

Dec 11, 2011

PATHIAN REMRUAT CHHANDAMTU TUR

- Vanhmingliana Chhandamtu tur Isua Krista lo pian tur thu hi Zawlnei Isaia te, Mika te hian A pian hma kum 700 velah chiang takin an lo puang tawh a. Isaia leh Mika te hian Jerusalem leh Judai ramah te a rualin rawng an lo bawl tawh thin. Bethlehem khua kher kherah a lo pian tur thu pawh tihian an lo puang a, Nang Bethlehem, Efrata, Judai khawpui zingah te hle mah la, i chhung atangin Israel roreltu ka tan alo chhuak dawn si a. A ni chu hmasang ata thlahtu bul atanga lo chhuak a ni tiin (Mika 5:2). Zawlnei thupuan tawh hi a dik ngei theihna turin Pathianin Kaisar Augusta a hmang ta a. A ni chuan thupek chhuahin mahni pianna khua theuha hming ziah tur thupek chu a pe ta a. Mari chu a nau pai hram tawh hle mahse, Davida thlah a nih angin Davida khawpui-ah amah ngei hming ziak tura a kal a tul ta tlat si a, chu chu a ni Pathian remruatna puitlin zelna chu! An khawsakna Nazareth khua atanga an chhuak chu zin hah hle mahse Bethlehem-ah chuan zan khat tal chawlh hahdamna tur pawh hmu zo lovin an hnawng chhuak ta a. Ran te riahna Buk, mawl fahrana sakah erawh zawng hmun an chang ve hram a, chutah chuan Khawvel Tlantu chu alo piang ta anih chu! Isua Krista hi a hun takah Khawvelah a lo kal : Nimahsela a hunbi alo kim khan, Pathianin a fapa chu rawn tir chhuakin, hmeichhe lakah Dan hnuaiah alo piang a Gal.4:4. Isua kha a remchan hun huna lo kal mai a ni lo, Pathian ruahman hun taka lo kal a ni zawk. 1. Khawvel chanchin lam atanga thlir chuan Isua lo pian laia Rom ram kha Pax Romana-Rom-ram ralmuan lai tih a ni. Kum 200 vel chhung zet chu Rom ram ngelnghet leh ralmuan hun lai a ni a, chanchintha hrilhna hun remchang a ni. 2. Mediterranean tuipui kan vela cheng mi kawlhsen leh Rom tana buaina siam reng thin ramte Rom sorkarin hnehin an ramte a la a, chu chuan an ramah muanna nasa tak a thlen. 3. Khatih hun lai khan tawng tualleng pakhat, keini mizo Mizorama cheng zawng zawngte pawhin Mizotawng kan hmang ang hian khatih laia Rom ram pakhat awp hnuaiah khan Aramaic tawng an hmang vek a. Tin, Rom lalrama tawng tualleng ber pakhat Greek tawngin Pathian lehkha thute hrilhfiah a ni bawk a, chu chuan Chanchintha thehdarhna kawng a hawng. 4. Rom ram chhun turin kawngpui tha tak sial vek a ni. Tin, hnam ze thuhmun neihna khan Chanchintha thehdarhna atan kawng zau tak a hawng bawk. 5. Bible thlirna lam atang pawhin, Pathianin Messia lo kalna hun tura a ruat (Daniela 9:24-27) a lo ni chiah bawk. Israel hnam hruaitute, ziaktu leh Puithiam ropui tak tak te khan mawhphurhna kengkawh zel ni sela chuan, Isua pian thu lawmawm tak puangtute zinga tel ve tur an ni a, mahse lungchhiatthlak takin kal pelh an ni ta. Zawlneite leh hrilh lawkna thu lo buaipui thintu - Berampute hnenah erawh puan a n ita zawk. Kan tana chhandamtu lo piang chu inpuahchah miahlo leh lawma Pathian fak miah lovin ka paltlang leh mai dawn nge? Berampute anga chu thu lawmawm tak mai chu Jerusalem lama pudarh ve zeltu kan ni dawn? Mahni theuh i inbih chiang ve ang u.

PRESBYTERIAN
Dec 11, 2011 (Pathianni)

Sunday School
|antu |antu Thusawitu Thusawitu : Pi H.C. Vanlalruati, Bial - V

Chawhnu Inkhawm
: Pi Lalremruati, B-V : Pu H. Thanmawia, Bial VII

Zan Inkhawm
: Rev. Lianhmingthanga Sailo

K.|.P.
Dec 11, 2011|awng\ai Inkhawm A hmun : Fellowship Hall Hruaitu : Pu Lalchhanzova Khawnghaihna Gr . |antu : Pu Jacob Remruatfela, Hmangaihna Gr. Dec 12, 2011 Thawh\anni Zan Inkhawm 2012 HRUAITU THLAN : Tv Lalhmingmawia, c/m Hruaitu |antu : Nl Lalrinzuali Chhandamna Gr. : Nl Lalnunpuii Khawngaihna Gr Thilpek Nl Lalrinmawii, KhawngaihnaGr.
Sawitu : Pu Lalbiakdika Leader ( Home Hospital pual thilpek bawm hun a ni ang)

SALVATION ARMY
Dec 11, 2011 (Pathianni) Thianghlimna Inkhawm Hruaitu : Lalbiakhnuni Thusawitu : Maj. R. Lalbiakliana Chhandamna inkhawm Hruaitu : Biaksangzuali, CG Thusawitu : Maj. Lalnunthari

SAY PROGRAMME
Dec. 12, 2011 Hruaitu : Lalhruaitluanga Tlau Thusawitu : Maj. Vanlalhuma, CO Bible chhiar : David VL Malsawma Thawhlawm hlantu : F. Lalrinchhana

CHRISTMAS OFFER
Reebok Shoe Rs.1200 only Reebok Watch Rs.450 only Benetton Bag Rs.300 only Reebok T-Shirt Rs.150 only Contact : 9436955650 HDFC Bank Building Bazar Bungkawn.

Published by Y.M.A., Dawrpui Branch, Printed at G.S. Offset Printers, Treasury Square