Salamu alaykum Warahmatullahi Wabarakatuhu So sanang na zisan rkanu a mga pagari-bolayoka mga kaka mi a miniraut so sowa iyan sa phakabatiya

sangkai a darpa a phkha bgan sa mga pupuntok a usayan/bandingan/lalag (website). Phanalamat an akn skanu ku kya bgi niyo sa maito a oras sa kiya batiya-a niyo sa giangkai a surat. aya mataan na di-khada ko da-dabiatan tano a mga Mranao, kalalayaman ku Tradition so gi-I khapharasi ko lalag na, aya mambo a unga nyan na phphakatas bapiya pen sa kapaanagipo-on o la-alag. Andamanay na di-thano khadaway a ginawa tano ka inmbawata tano na aya kiyagonanawan tano na so kababaloy tano a Mranao na isa pen a mala a panalamat ko Allah a kadnan tanu na minbaloy tano a Mga Muslim. Ay khabaloy a maito a bandingan/payagan aken sa gyangkaya a saLkat/pangkat sa gyangkaya a Website o phparon nyan mambo a mabatya na maka pantag ko basa Mranao. Isa a awid a akal o Mranao na minsan pen/bapiya pn di tanto kabbgan sa kipantag/pahallah antaa ka importante na so kalelemngi tano ku basa tano, a-aya katawi kurun na uman misg so masa na kababasan so kaphagosara tano ron antawaa ka so dadabiyatan tano na phki rakhz iyan pen.madakl a mga sabap iyan.aya dn a mataan na mala a mya ka babas on ku basa tano na gyangkaya a kiya zoramig o mga mranao (pd akuron ae) ko elmo a sarwang (western education) na kya lipatan/mini siley ode na myatago sa mandikatawan a paganadan so ka paganad/kaknalla ko rk tanu a basa/dyorobasa/katharo odi na dadabiyatan.tarima-an tano mambo a so asal/inandang/muna a mga adat /biyatan/tabiyat tano na kna oba myaka lenglngan/myakatarotop/antaa ka kukuwaan sa daway, madakkl mambu a dawn pakaya o Islam--.aya phka kuwa tano a taks na so agama tano a islam. Isa a sabap a di-ika kha umpong /kha taayon o mga mUslim sa Pelempinas/mindanao ko ungaya-antap iyan sa kapaka Maradeka ko gda gda akenon aya a panarima na sabap ku minimansok ku mga pamekeran tano ago sii ko mga ikaretan tano(generation new) na western education a aya mya kwa a pasbal(model) ko kawiya wiyag tanoa rakhz a mya gawi iyan/myapaka pangembnar iyan so mga akal/otk/pamikiran tano sa aya dn /thetho/permero/d-a-a datar iyan a mapya aelmo na so rk iran a rakhz tyarima o peker tano a iph thagompiya a kapagingd na phoon sa tabiyat o western education. So aya mya sowa na Mya awat so panarima tano ko islam obadi kapasadan anan a so Allah I myamariksa on. Tanodan ka zizii ko Islam so ngnanin a tarotop a kawiya-wiyag daa daway niyan amay ko tompaan/kdgn o manga Muslim. Sabap sii na ilayen tano so kephki lapiyat o manga galbk tano o andamanaya I kasowa-a tano ko rk tano, katagowan tano pn sa babaya na rakz a masowa tano pen so manga pd a elmo datar mambo (western education) kna mambo o batano ndapaya/ odi nab a zilen so western education. ka So kapaganad / kathon-tot / kapanwa-sowa na Phphaka isgn taman sa kikayukot tanu ko lupa na maphphluba tano anan, ka so elmo na mablang go paliugat so kathontot sa ilmo ko taks iyan. Ditano tagowan sa imala/kaya so kapagilmo ka tharo-on di-tharo-on na so kababaloy tano a Bangnsa moro (magui/mra/tauso/etc.) ka anda bo I Bnar na pangdegn so pakapo-on tano na mranao tano odi na Moro tano. Sii ko gda aknon a panarima na so mga kalumbayan imanto ko mga mranao sii ko masa iran sa kapapantagan aya a (generation) na 80% na mizoramig ko western education na di phakasabot sa

madalm a basa Mranao (panzb) aya pen oba darangn, ped akuron ae.inangen na isa a phepharasan phimbiya-biyatan a katharo/ kaungangen/ na so basa a Mranao ko sabot akenon sa Asia. Malu nyo man ngg-gda gda-a, ditano pakawatann; gyang kaya a surat akn si-I(column) na opama kum batya-angka a dika Mranaw(bapya mranaw ka pn) na maka phaminalig kha. Aya maana nyan na lagid ka o di-tharo a kna oba mranao na ayapn o zabotangka I tutumpaan iyan a ibarat/ katharo antaa ka sataga a katharo. Obaniyo phng gda gda-a so basa tano imanto ku kaphagosara tanoron na kiya sangi-an dn /kyasaogan/kyasmboran/ -mizmbor siran goso baniyaga a katharo/basa datar o Bisaya, tagalong anta wa-a ka English/ Arabic pen. Sabap saya na phanalamatan akn skano sa kiyabatiya anyo sa gyangkaya a Mranao akn a aya tumadeng iyan na tharoka sa basa Mranao. Thangka inyo bo sa sodi ko kinitombokn akn saya sa basa Mranao ka mataan a giyaya bo I riyampayan o sowa akn ko kiyapharasi aknun.Giyangkaya a surat na ma-ap an aku o Allah sa aya ungaya akn-on na oba phka pokaw so roroparopn so elmo iyan, kalilimngan iyan so rk iyan a matanos a katharo.na mirakhz iyan a paganadun nyan mambo sa bgan nyan sa phahala sii ko ka-khazurot iniyanon oba kalu-kalu sa uriyan iyan/akeriyan bapya di mikasoy so asal a kiyapharasi ku Mranao a ka tharo na di tanto kalipatan. Saken mambo aya na ped ako ko bulog a kalumbayan adi thontot ko ilmo.mataan a tanto a maito a mya sagb aken ko mga ilmo a ini bgay rakn o Allah ko Mranao a sowa na tatarimaan akn a so Allah I myaka Lnga-Lngan a da-a daway nyan. So langun a mya tharo akn saya a mapya na mataan a ilaham rakn o Allah; maganad tano, paganad ka sa basa mranao - maganad ako mambo. ompman owana karibatan ko mga kataga o lalag aken saya na maapi ako nyo ko kababaloy aken a manosya a matokel on so kalipat/lalayonon so karibat. Sumpatan tan obo insha Allah ko pd a mga masa/oras! Pananaro-on koron aya na skanu den I bgay ron sa antangan/gda-gda/panarima/pana-awilWa Kullu Ameen Wa Antum be hayr! Igadong ta so senang na maphphamnag ta ka kararanti an tawn ... so sagentas ko lalag na geendapa-dapayen obadi sumpat iyan
Pyanaguntamanan sumurat o wata iyo pagari niyo a aya ilano iyan na so AREKULAY Mohammed Rayyan Sultanadel Dimasangcay:email: ryan_drebel@yahoo.com