Professional Documents
Culture Documents
Oinonia Oinonia: BMCF CH CH
Oinonia Oinonia: BMCF CH CH
An official organ of the Bangalore Mizo Christian Fellowship: Regd. under Karnataka Societies Act No.427/93- Dt.21.08.1993 No.427/93-94
INTHLANPUI A HNAI TA E!
Kum a lo inher leh dawn a, hruaitu thar kan nei leh dawn ta BMCF Annual General Body Meeting Cum Election program, chu March 11, 2012 hian neih tura duan a ni. Hemi ni hian Secretary leh Treasurer hnen a\angin annual report ngaihthlak a ni ang a, General aihthlak body meeting-in pawm tur awm leh GB meeting hma-a in phawrh tur awm ang ang chu tarlan a ni bawk ang. Member-ten he annual GB meeting-a sawi tur emaw agenda emaw kan neih chuan, secretary hnenah a thehluh theih. He Annual GB election buaipuitu atan a hnuaia mite hi ruat an ni: Returning Officer: Rev. T. Vanlaldinpuia : Polling officers te: 1. 2. 3. 4. 5. 6. 7. 8. Nl. Lalremruati Rokhum Nl. Lalrokimi Pachuau Nl. Lalnunmawii Chawngthu Tv. Khawpuithanga Tv. Lalrinnunga Tv. Michael Rualzakhuma Tv. Lalramsanga Khenglawt Tv. Carey Lalrinawma Sailo
Hruaitu hluiten tlingzo taka min kaihhruaina zarah tun kum tluanin Pathian rawng \ha takin kan bawl ho thei a, a lawmawm takzet a ni. Kum lo awm tura kan hruaitu tur te pawh hi \awng\aina nen kan rilru-ah hria ila, hruaitu thar \ha tak ah kan neih leh ngei theihnan i hlan \hin ang u. Tin, he inthlanna hi Pathian kaihruaina zara rokhawlhna awm lo-a a hlawhtlin ngei theihnan pawh kan dil dawn nia. a
CHANCHINBU ENKAWLTUTE:
Editor: Samuel Lalrozma Hmar Jt. Editor: Dr.Lalhmingmuana Sailo . bmcfnews@yahoo.com 9886447684 / 9008340677
TAKSA CHAW (FOOD) Mihring leh ei tur (chaw): Mihring hi chaw lo-a kan awm chuan kan chau-in kan lu a na \hin. Mihring hi chaw ei lo-in reitak kan dam thei lo. Chaw khamkhawp hmu lo chu an chawrche vek \hin. Chaw \ha ei lo chu an cher ang. Taksa tan nitina a hunbi-a chaw ei leh chaw \ha ei hi a \ul tak zet a ni. Khawvel kan chhuahsan hma chuan chaw kan ei a ngai. Hna rumro harsa kan thawh theihnan chaw kan ei a \ul a ni. TAKSA TANA CHAW |ANGKAINA Chaw chungchang tlem sawifiahna kan nei ve lawk ang e. Chaw kan tih hi hrelo-a ram an awm mang lo ang. Naute pawn chaw a hria a, a ril\am lai taka chaw an pek chuan a tlei nghal vat mai \hin a ni. Chuti ang chuan chaw hi mi zawng zawng hriat leh ei, mihringte mamawh em em a ni. He chaw kan tih hi vai, sap leh hnam engpawh thliar bik awm chuang lo a mamawh tlan vek a ni. Enganga ram changkangah pawh chaw chu an ei tho tho a ngai. Amaherawhchu a mihingte chaw ei hi a inang lo maithei, chenna hmun azirin. Kan chaw ei inan leh an loh hi ka sawi tum ber chu a ni lo a; a thupui zawk chu chaw tel lo leh chaw ei lo-in khawvela mihringte hi an awm thei lo a ni, tih hi a ni. Engangin nge chaw hi a hlut tih chu kan hre thei awm e. He khawvelah hian mihringte hi hnathawkin kan awm a, chu chu chaw ei tur kan neihtheihnan tho tho a ni, ti ila ka tisual lem lo ang. Sum tam tak neitu pawhin chaw chu a mamawh tho a, nitina kan thawhhah hi chaw tan a ni. Chaw hian man a nei a, mihringte chakna petu ber pawh a ni nghe nghe. Chaw \angkaina kan sawi belh leh hlek ang e. Chaw hi \angkai tak, kan mamawh em em a ni tih ka sawi nawn duh. Mihring hi chaw tel lo-in a awm thei lo kan tih tawh kha. A hmasa berah chaw hi mihringte \hanlenna petu a ni. Mihring chaw ei lo chu an \hang thei lo. Chaw hi mihringten finna kawng kan zawhna-a chakna min petu a ni. Chaw hi mihringte kan hriseltheihnana Vitamin leh taksa mamawh dang min petu a ni. Chaw kan eia kan pum a puar chuan kan thla a muang a, engkim kan thawhtheih phah \hin a ni. Lai thufing chuan, Pum a puar chuan thla a muang, a ti a. Hei hi a dik khawp mai, pum a puar chuan engmah lungkham tur dang a awm lem lo. Kan rilru a hah lo-a thlamuang takin kan awm hiah hiah thei a ni. Chuti ang tak chuan mihringte hi chaw hian thlamuanna a (Phk thumnaah chhunzawm a ni) lo pe thei a ni! Chuti ang tak chuan mihringte hi chaw hian
Chuti ang tak chuan mihringte hi chaw hian thlamuanna a lo pe thei a ni! Chuvangin chaw \ha deuh deuh i ei ang u, kan ram tan leh Pathian tan rinawm taka kan awm zel theihnan. Chaw\hing tih vel hi i ring lo ang u, pum a na duh an ti, chaw tharlam ei reng i tum hram ang u. Tichuan kan lo chakin kan hrisel zual zel zawk thei dawn a ni. THLARAU CHAW-NITIN NUN ATAN A chunglama kan lo hmuh tawh angin, eng angin nge chaw hi a pawimawha engti ang takin nge kan mamawh kan hriat theih a rinawm. Kan ngaituah neuh neuha, eng hi nge thlarau chaw chu ni. Mihringin a taksa tana chaw a mamawh angin kan thlarau kan ringtu nuna thlarau pawhin chaw hi a mamawh ang tih hi ka ngaihtuahchhuak a ni. Chu thu ka ngaihtuah lai meka ka rilru-a rawn lang thut chu thil dang a ni lo a, thlarau chaw chu Bible hi a ni, tih hi a ni. A nih leh, Bible chu engtin nge kan ei ang tih kan ngaihtuah nawn leh a, Engangin nge ringtu nunah thlarau nun chaw a pek ang? Chakna kan hmuh theih ang? tih te hi ka thinlungah a rawn lang nasa khawp mai a. Mifing ho-in finna leh thiamna an hmuhna chharna hmun chu lehkhachhiar tam hi a ni ber ti ila a dik awm e. Mifing ho chuan lehkha an keu tama, lehkha an ngaina. Chumi a\ang chuan finna-ah an lo \hanga an hriatna te a lo zauh phah em em a ni. Chuti ang deuh tho chuan kan sawi duh tak chu, Bible hi kan nitin nun min chawmtu tur a lo ni reng a, tih hi a ni. Chu chu Bible chhiar nun hi a ni. Ringtu kan nih chuan hei hi kan ei ngei ngei a ngai a ni. Chumi awmzia chu ringtu chuan Bible hi nitinin a chhiar ngei ngei tur tihna a lo ni reng mai. Mitthi ho-in chaw an ei lo a, an mamawh lo bawk. An tan chaw chuan \angkaina a nei lo a ni. Kan inzawh atana ka duh chu (thlaurau-ah) mitthi nge kan nih minung? tih hi a ni. Mihring tan eng tlukin nge chaw hian hlutna a neih a, keini hian chaw hi kan mamawh ve em. Chaw mamawh lotu chu mitthi te chauh an ni kan tih kha. Kan inzawh leh atana ka duh chu chaw ei lo-in ni engzat nge kan dam theih? Tih hi a ni. A chhanna ni thei awm chu mihringte hi chaw tel lo-in rei kan awm thei lo. Chaw eilo-a rei deuh kan awm chang te hian kan khur \hin a ni lo em ni? Kan ril\am changin kan lam hmasak ber chu chaw a ni. Kan rilruah thil dang a lang thei lo a, hmel\hatna angte hi kan rilru chuan a hlat lutuk a ni, chaw chaw chaw tih hlir a ni lang \hin ni. Pathian lama nung lo (Pharisai te ang hi) te chuan thlarau chaw hi an mamawh lem lo-a an thlarau chawmtu atan a \angkai lem lo, a chhan chu Pathian thlarau an neih loh vangin a ni. An ei (chhiar) ve a nih pawhin hriatzauna atan an hmang mai mai a ni, an nun a chawm lo a, mahni induhna leh chapona thlentu zawk a ni hial a ni. Kan inzawh atana ka duh chu engti ang chiahin nge thlarau chaw Pathianthu hi kan nunin a mamawh, tih hi a ni. A mamawh reng em? Nge a chang chang chauhin? Ringtuten kan nunah kan ngaihtuah tur leh kan hriattur \ul chu, keini chu Isua Krista-ah minung kan ni tawh tih hi a ni. Anih leh Isua Krista-a nung tawh te chuan an \han a \ul ang em? A chhanna chu awlsam te a ni a, \ul e tih hi a ni. Chu chu engti ang takin nge kan \han ang? Nitinin kan mihring taksa pawhin taksa tan chaw a ei \hin angin Bible hi nitinin tlemte tal chhiar thei reng ila duhthusam chu a ni. Mihringah hian mizia pahnih a awm a, fel mizia leh sual mizia. Thlarau a\anga fel mizia hi thlarau nun tiin ka sawi duh a ni. Kan nun thlarau nunhi Bible Pathianthu in min chiah hneh thei reng se duhthusam a ni. Chuti ang tur chuan Bible chhiartam nun kan neih a \ul takzet a ni. Bible kan chhiar tam a nih chuan, kan thlarau nun a chak ang a, a hrisel anga, kan thlarau nun a lo fing anga, kan thlarau nun a hlim reng thei dawn tihna a ni. Chuan nitin kan nunah thlamuang takin kan leng thei tawh ang.
(Phk lina-ah chhunzawm a ni)
Ka ngaihtuah tam tak chu tunlai-ah chuan ringtu thlarau chaw ei lo-in kan va nung thei ve tih hi a ni. Kan ril a \am lo em ni? Naute a \han theihnan chaw a ei a \ul angin thlarau nuna kan \han theinan thlarau chaw kan ei reng a \ul asin. Chuti ang a nih loh chuan kan ringtu nun a chau ang a, kan tlukchhiat phah fo \hin nghe nghe. Chuti ang a thlen lohnan thlarau chaw Pathianthu i ei (chhiar) tam ang u. A hma-a Lai thufing kan sawi tawh ang khan thlarau-ah pawh Pathianthu-in min luah khah chuan kan thla a lo muang dawn a ni. Lungkham tur kan nei lo anga Pathianthu awi theihna lam kawngah a \ha ber leh Pathian duh danin kan ke te kan pen theih phah hial dawn a ni. Pathianthu-in heti ang hian min hrilh Joshua 1:8-9 He dan bu hian i ka chu chhuahsan hlek suh se; chu mi thu ziak zawng zawng chu i zawm tlat theihnan chhun leh zanin i ngaihtuah zawk tur a ni: tichuan i kawngte chu i lo titluang zel ang a, i lo hmuingil zel dawn nia." Pathianthu-ah kan \han dik theihnan a thu thianghlim Bible i ngaina-in i chhiar tam ang u. Kan sawi tawh angin a \hing rin hi i ching lo hram ang u. Ka hre tawh tih Pathianthu-ah a awm thei lo, ka hriat sa a tawk lutuk tih pawh a awm thei hek lo. Nitinin Pathianin a tharin a thu thianghlimin kan nunah thu sawi \hin rawh se. Nitinin i kawng hruaitu leh i hriatna tizautu lo ni zel rawh se. Pathian mi hman ropuiten Bible chhiar hi an inthlahdah ngai lo asin, an ngaina zawk \hin. A TAWP KHARNA Pathianthu-a awm leh a thu ngainatu kan nih chuan, kan kawng a lo tluang anga malsawmna kan dawn phah hial dawn a ni. Kan Pathian hming chu fakin awm rawh se. Amen. [Thuziak \ha tak min rawn thawh saktu Andrew-a hnenah lawmthu kan sawi a ni. Ani hi tunah Bangalore, NICC college-a Phd (Theology) zirlai a ni. He thuziak vanga chaw ei pawimawhzia hre thar chu awm lem lo mah ila, Bible chhiar pawimawhzia a rawn sawi erawh hi chu ngaihtuah thar ila, vawiin a\ang ngei hian, member-te hian, kan Bible i keu \an \heuh ang u hmiang, nitina chhunzawm zui zel turin.- Editor]
LAWMPUINA
Kan member Debbie Lalnunhlu-i (14th Feb 2012) leh Lalhmunsiami Sailo (9th Feb 2012) te chuan tun thla khan Pathian rawngbawltu (pastor) ve ve pasal an nei a, duhsakna sang ) ber kan hlan a ni.
4th
11th 18th
Tv. Lalruatkima Rev. R. & Lalmuanzuala BMCF Zaipawl ANNUAL GENERAL BODY MEETING cum ELECTION (Returning Officer Rev. T. Vanlaldinpuia) |awng\ai rual BMCF Zaipawl Rev. Dr. F. Hrangkhuma Rev. P.C. Lalduhawama DRUMMER Lalruatfela Khawlhring
25th
SOUND SYSTEM INCHARGE Jacob Lalremsiama Andrew C. Lalruatfela Hla Hriltu: Nl. Zaithanmawii USHERS UVCE
Bethel Pautu (Leader) CHNGVAWN Mr. Isaac, Vishwa Vani Rev. Devanand Samuel, KEA
Philippi 4:13 Mi tichaktuah chuan engkim ka ti thei a ni. KAN MISSIONARY SUPPORT MEKTE Mr. Robert Shyam, FMPB Mr. Shibu K. Isaac, IEM Mr. John & Mr. Joy, Morning Star Mr. Milan Munda, IEM
BMCF EXECUTIVE COMMITTEE AGENDA TUR NEI CHUAN SECRETARY LEH PRESIDENT HRIATTIR THEIH RENG A NI. A chunga tarlan, BMCF inkhawma chanvo nei tura ruatte hi tihlawhtling ngei tura ngen leh beisei an ni a, remchan lohna a awm chuan Secretary hnenah hriattir vat tur a ni. Secretary Contact No.: 9845020992
2011-2012 B.M.C.F. O.B.-te: President: Rev C Lalmuankima V.President: Rev Dr K.Sapthanga Secretary: Pu Josiah L. Ralte Asst Secy: Pu PS Chhuasa Treasurer: Pu Tv.Emanuel Lawmkima Fin Secy: Rev. T. Vanlaldinpuia