Since 2006

ZAM Information Department

Volume 6, Issue 51 May 27, 2012

Estd. 2006

informing people, transforming lives

Na mite a kempa hong hi in la, amaute panpih to tawntung ta in. Late 28: 9 Data Kaihkhopna Vai
Lametlohpi-in UNHCR in, data kaihkhopna vai ding pen hong khawlsak kik phot hi. Kawlgam pan mualtung mi adangte FGA ah kaikhopna neikhin uh aa, Zogam pan aa galtaite aa ding Kipawlna khempeuh thu hong zasak kik uh ahih manin, ih maban ding omkik nailo hiphot hi. UNHCR in hong vaihawmsak ni ding, amau tungpan mahin thu zakna tawh kikhawl kik hiphot hi. Kipawlna teng leh mipi kibuai mahmah tuam hi. UNHCR lamlahna khatpeuh hong om bangbangin ki vaihawm ding aa, tuni ciangah zaksak kikna om nailo hi. Tua ni, tua kha-in kipan kik ding ahi zong, khawlphot ding ahi zong, zaksakna bangmah om nailo hi. Amau hong zaksak ding vai khatpeuh, ZAM member te tung ahun lapin hong ki zasak ding hi.

ACTS Leh Kipawlna Makaite Kikupna

May 25, 2012 ni, ACTS ah, a makai pinu sapna tawh Kipawlna makai teng tawh kikupna khat ki vaihawm hi. Lutangpi leh Health Coordinator kihel thei hi. Tunai Kawlgam sung thupiang tuamtuam leh Kawlgam dinmun kikhel zia teng bulphuh in kikupna, ngaihsut zia ki pulaknate ki neikhawm thei hi. Kawlgam kikhel semsem cihpen hong telpih mahmah uhhi. Mipi theihding hong deihsak mahmah khatah, TB natna tawh kisai dawl thum om in, dawl nihna pen Malaysia ah a zatui om aa, dawl thumna pen tudong a zatui ding kinei nailo, ci hi. Tua dawl nihna athuakkha galtai mi (12) bang om laitak, ci hi. Dawl thumna athuakkha bangzah pha kician nailo, ci hi. Dawl nihna athuakkhate zatui kum (2) sungbang nekkul aa, dawl khatna athuakkhate kha (6) pan (9) nekkul, ci hi.

Makaipipa Leh Kipawlna Makaite Kiholimna

KEI HONG KISAMLO CIH UPMAWHNA

UNHCR ii hong zaksakna tawh kizui aa data kaihkhopna aa ding ZAM pan a mimal tungah phone tawh zaksakna pen May 21, 2012 ni pan kipan hi. Tua kawmkal pan atung aa vai thak May 24, 2012 niin aki zak ciangin phone tawh zaksaksa khempeuh zong zaksak kik kul pah leuleu hi. UNHCR in a vaihawm dan uh etcianna zui-in, tunai aa biodata form laidal hong khumte a ni ding kigen pah aa, a masa lam aa biodata form laidal hong khumte phone tawh zaksak dingin kiseh masa hi. Pawlkhatte hih ni (5) sungah ki zasak manin, pawlkhatte-in phone na len lo aa, pawlkhatte tak ciang ki zasak man nailo hi. Zomi kitam bilbel ahih manin, aki zasak khin tawh aki zasak nailoh tawh a om ciang, mipi lampan thu tuamtuam, upmawh thu aa kampau tampi kiza hi. A taktakin ni li, ni nga sung aa phone tawh sap zawh zah dingin Zomi tawmcikbek ihih loh lam ih tel masak ding thupi hi! Mikim in ih theihding ah, cikmah aa om ngei nailo tukum aa data kaihkhopna vai-ah, ZAM aa biodata form hong khum khempeuh sungpan a min kisam khalo, ki nusia kha, ki mangngilh, ki theihmawh bawl kha, ki masak kha, ki nunun kha cihbang peuhmah om vetlo ding hi! UNHCR in, no Zomi te tamlua uh teh, tuazah bek minkhum ding zong hong ci vetlo aa, tawmlua uh teh, zong hong ci vetlo hi. Cihnopna-ah, mi tuazah bek, ahih kei leh a kisam masa tengbek minkhum kha ding cihbang thu khawng om vetlo hi! A omthei vetding zong hilo hi! Phone tawh kisam masa, kisam nunung cihzong pen a kiteng khia aa kisam hilo hi! Ih telding khatah, UNHCR in hih vai a vaihawm ciang ni khat thu aa tul tampi a zo ziau hi-in, ei ZAM pan sap masak leh sap nunung, ZAM card bawl masa, bawl nunung cihte tawh hong gual hetlo lai ding uhhi. Numeite cihkhawng masak kha lel ding uhhi. ZAM pan sap masak, sap nunung in thu genlo ding hi! Vai ih telloh teh Kipawlna dotpah hoihzaw hi.

May 21, 2012 ni-in, UNHCR zum ah Malaysia UNHCR makaipipa sapna tawh Kipawlna makaite leh amah ngiat kiholimna khat ki vaihawm thei hi. Kawlgam pan aa Kipawlnate pan KRC, OKD, MKO, Dai, ZAM, ACR, FRO, CRC, MRO, ARRC, SRO makai khatta hong sam hi. Kikupna danin hong sap hilo aa, tunai aa Kawlgam kikhelna muhzia sanzia teng ki holim ding aa hong sap ahihi. Ama lam panin Kawlgam kikhelzia khangto mahmah cih leh lamdang asakna, thupi asakna pulak masa hi. Kipawlna makai khat ciatin zong ih gam omzia leh kumpite vaihawm ziate kikhelna om leh omlo, ki lamdanna om leh omlo cihte pulakna kicing takin ki neithei hi. Aki lung himawh ding thei ahih manin makaipipa-in zong, galtaite Kawlgam ciahsak kik ding thu, tuni ciang ah vaihawmna omkei, ahi zong, mai lam thu kua-in genthei ding, lungnuam takin na ciahkik theih hun uh, tukum sung maw, mai kum maw hong omthei lua, hong omkei leh zong omnailo thei lua hi, cih pulak phapha hi. Kawlgam sung thupiangte ngakin en ni (wait and see), ci hi. Tuamah bangin Kawlgam thu tel mahmah hi.

Nang Tawh Lungphona Neikhawm Ding

Kawlgam kumpi-in, a omsa leh amau zong hong theihpihsa Zomi acih kuate cih hong tellohna uh thuthak khat ih gam ah thang mahmah laitak hi. Lam khat panin, mun tuamtuam aa om Zomi te-in ih pulak ding hun khat hong kihong hi. Asia Pacific Zomi Protest Committee te makaihna tawh May 28, 2012 ni-in, Kuala Lumpur khuapi sung Kawlgam Palai Phualpi (Innpi) mai-ah Lungphona khat neihkhop ding, kumpi tungpan phalna ki ngahkhin hi. Zomi veina na lahkhiat theihding hun hong tung hi. Zopuan silh ahih kei leh Zomi ngeina vanzat khatpeuh ih lahtheih ding, ih tawitheih ding hanciam tek ni. Pasarsini ah 9am in mipi kituah khawm masa ding hihang. Bus vai dawptheihna: 012 932 9095, 017 398 5940. Thu dawptheihna: Zolandthang (016 610 0877) APZP Committee

DAHPIHNA Zomi sung internet tungpan ki thuzakna kicing

mahmah leh a etnuam mahmah ZomiDaily Team Chief Editor Sia Mangsen ii nu Pi Isabella Zen Za Dim (Kum 70) in omna Kawlpi-ah leitung nuntak a nusiatna Zomi bupin ih dahpih hi.

ZAM THUPUAK
RSC Pan Contact Kingahlo
Hih anuai aa File nambatte pen, interview lutding RSC pan contact a ngahzawhlohte uh May 25, 2012 ni aa RSC zumpan hong piakte uh ahihi. A kihelkhate maban vaihawm ziading a tellote-in ZAM ah kidong thei hi. ZAM zum: 03 2142 6659, 03 9226 1926 791-09C 17559 791-09C 15381 791-09C 17608 791-09C 05958 791-09C 16142 791-09C 17795 354-09C 05062 791-10C 08218 791-09C 14909 791-09C 17963 791-09C 17867 791-09C 15511 791-09C 17916 354-10C 09892 791-09C 09168 791-09C 17926 791-10C 08402 791-10C 08057 791-09C 18071 791-09C 09151 354-10C 10158 791-09C 17961 791-09C 17831 354-10C 08419 791-09C 17954 791-09C 18082 354-09C 07833 791-09C 17938 354-03C 12340 354-09C 07897 791-09C 18095 791-10C 08409 354-09C 05766 791-09C 18001 791-09C 07784 354-09C 07770 791-09C 17925 791-09C 17619 791-09C 07789 791-09C 17626 791-09C 01984 791-09C 17222 791-09C 03394 791-10C 08086 791-09C 15546 791-09C 08136 791-09C 17772 791-09C 06360 791-09C 08013 791-09C 18057 791-09C 07623 791-09C 00981 791-10C 07688 354-09C 05890 791-09C 08461 791-09C 17348 791-09C 08655 791-09C 16983 791-10C 08312 791-09C 08229 791-09C 17595 791-10C 08341 791-09C 15154 791-09C 17551 791-10C 08210 791-09C 02801 791-09C 17500 791-09C 04178 791-09C 03270 791-09C 06755 791-09C 08134 791-08C 01461 791-09C 03413 791-10C 08067 791-09C 17915 791-09C 17847 791-10C 07765 791-09C 17883 791-09C 17824 354-10C 09721 791-09C 17913 791-09C 18078 791-10C 08092 791-09C 01273 791-09C 18098 791-09C 18028

May 27, 2012

Khaino Leh Singno Te Unau Panpihna

Seattle Khuapi, Washington State (USA) pan a piakhiate; Pa Cin Pum Nang @ Nangpu (Limkhai) ~$10, Pa Nang Hen Thang (Tedim)~$5, Pa Siam Ljam Dal (Tonzang)~$5, Pa Ngin Khan Tual (Pumva)~$20, Tg Do Khai (Khuasak)~$10, Pa Thang Lian Kim (Tedim)~$10, Pa Ngo Khaw Lian (Khuasak)~$10, Pa Suan Do Lian (Cingpikot)~$10, Tg Thang Lian Khai (Tonzang)~$10, Lia Cing Hoih Kim (Tonzang)~$10, Lia Cing Deih Huai (Tonzang)~$10, Pa Thang Tung Lian (Tonzang)~$50, Pa Tual Cin Khp (Tuanggyi)~$15, Pa Steven Khai (Kawlpi)~$10, Pa Kam Khan Thang (Singzung)~$20, Pa Sing Suan Langh (Tedim)~$10, Pa Pau Khan Khup (Tedim)~$10, Pa Thawng Khan Dal (Gamngai)~$20, Pa Dai Sian Piang (Tuimang)~$10, Pa Thang Tung Lian (Tonzang)~$15, Pa Mang Khan Mung (Heilei)~$10, Pa Khen Za Mung (Khampat)~$20, Tg. Johnbossco Cin Khan Thawng (Tedim)~$10, Pastor Dongh Suan Pau (Ngennung)~$10, Pa Tin Maung (Yangon)~$10, Pa Hang Lian Sing (Khampat)~$20, Nu Ciang Za Vung (Limkhai)~$20, Pa Dal Za Khai (Bukphil)~$5, Nu Hatnu (Laangzang)~$20, Tg. Thawng Sen Thang (Chanthargyi) ~$20, Pa Suan Thang (Lailo)~$20, Tg Thang Khan Sut (Nangkateik)~$15, Pa Khanno (Sakollam)~$10, Pa Piang Sian Thang (Tuivial)~$20, Tg. Sian Khan Khual (Pyidawtha)~$20, Pa Thang Lian Thawn (Ngente)~$20, Pa Thang Lian Thawn (Tedim)~$10 2012 May 13 - May 25 kikal apiakhia teng Zomi Christian Church (Buffalo, New York, USA) ~ RM823.70 Mualpi Innkuan (Malaysia) ~ RM50.00 Siampu ~ RM20.00 Suanghoih Khua Kipawlna (Malaysia) ~ RM100.00 Kam Deih Khai & Thang Sian Khual (Vangteh) ~ RM100.00 Khai Biak Tuang (New Jersey, USA) ~ US$100.00 Pa Peter Khai (Atlanta, GA, USA) ~ US$50.00 John Tuang (Texas, USA) ~ US$50.00 Pa Suang Za Dal (Maryland, USA) ~ US$50.00 Pa Thang Sian Khuavak (Texas, USA) ~ US$50.00 Hau Suan Pau (Khamkhua: Singzung) ~ RM20.00 Hauupi Khua Kipawlna (Malaysia) ~ RM100.00 Panpihna sumkhak vai kizoptheihna ding: Sumkhak vai khempeuh aa ding muang takin a kiseh anuai aa palaite tawh na kizom un: Sia Kam Sang (014 738 1459), Pa Dai Kam (017 991 0457), Tg. Thaa Mung (016 646 5375).

Nomination Committee Pan Tangkona

June 7, 2012 ni-in, ZAM Kumcin Khawmpi leh 2012-2013 Makai Thak ding kiteelna omding hi. Kiteelna aa kihel ding min piakte pen, kiteelni ciangin amin piate leh a min piakte khawmpi ah hun man dong kihel hamtang ding hi. June 4 ni 12pm pan kipan hun mandong ZAM nasep zia, Thukhun leh Dante, ki piakkhiat nasep zia pulakna leh kidot cianna, kikupna hunpi-ah kihel hamtang ding hi. Min hong kipuak zahzah sung pan EC ding (11) kiteel ding hi. Tua EC (11) lakah numei (2) kihel ding ahih manin numei dingzong min kipuak thei hi. May 31, 2012 ni ma aa a kipuak minte bek kisang ding hi. Me piadingte leh a kiteelna lut/kihel ding peuhmah ZAM card (hing) tawi hi hamtang ding hi. Nomination Committee leh Election Committee ding anuai aa teng muang takin kiseh hi; Rev. Dr. Zam Khan Thang, Pa Dai Za Kam, Rev. Thawng Ngaih Khup, Rev. Pau Cin Thang, Sia Kham Ngaih Langh, Thomas Piang, Sia Vial Mung. Amakaih ding Rev. Dr. Zam Khan Thang kiseh hi. Min puakna ding hih Nomination Commitee te tung hipah hi; Pa Dai Kam (019 338 5142), Sia Khupboih (010 264 3312), Sia Vial Mung (017 333 4320). Kumcin Kiteelna vai tawh kisai, dotnop, theihnop leh ngaihsut piakna a om bangbang anuai aa Committee te leh ZAM palaite tung ki zasak, kikan thei hi; Thomas Piang (016 610 0877), Sia Paucii (010 215 0973), Sia Langh (016 595 7003). ZAM Nomination Committee 2012

HELP University Mi Samkikta Project Self HELP ci-in

UNHCR leh HELP Sangpite vaihawmna tawh galtai, UN ngahsa, kum 16 pan 24 kikal, leitung theihpih Sang minthang HELP college aa siamna sinnuamte aa ding samkikta uhhi. Akahsa leh kah laitak zong tampi om aa, Zomi tampi kahhuai mahmah hi. June 8, 2012 ma-in UNHCR-Youth Section tungtawn aa applicaiton form apding hi-in, ZAM zum leh ZEC vaihawmte tung form hong khumta un. Hih College luttheihna ding vai-ah sum le pai kidong om vetlo aa, a Sang kah manh zong piakkullo hi. Ataktakin, Malaysia gammi hih College aa degree (buaih) ngahdong pilna sin aa sang akah khatin Malaysia sum tulsawm pan tul sawmnih kikal a beina uh Sang lianpi ahihi. Vaihawm zia dawptheihna: 016 293 9027 Australia CO Class Amun Thak A14-6 Menara Atlas Plaza, Pantai, Jalan Pantai Bahru. General Line: 03 2282 0466 Sang UNCHR tawh kithuah pawlpi bulphuh NGO khat ii vaihawm My Training Centre ah, English, Computer, Leadership, fee omlo-in kisin thei; Numei, pasal omna vaihawmsak uhhi. ZEC Siate tung kidawpthei; 0166042846, 0163406743 Zomi A Pulak ZEC-Cheras UNHCR te vaihawmna tawh New Straits Times thu kaikhawm khat ZEC-Cheras hawhin, Zomi Sang Siate leh Zomi naupangte vai, Zomi dinmun cihte thu dotna hong nei aa, May 24 nisim laihawm ah laimai khat dimin hong suaksak uhhi. ZEC-Cheras kipat khiatcil pan haksa takin asem Sia masate leh tulaitak aa semte hanciamnate banah adeuhdeuhin Sang naupang lakpan Sang kahkawm mahin aneupente lai a hilhthei Zomi numeino nih ii thu lunglut mahmah uhhi. Zomi tawisang Siate leh naupangte ahi uhhi.

Phone Nambat Laihte Theihding

Biodata kaihkhopna aa dingin, ZAM zum pan basic biodiata form laidal tung aa na piak phone nambat zatnawnlohna khat na neihkik leh manlang takin ZAM zum hong zasak pah un.