Synfocity = 394

mail us at : mzsynfo@gmail.com; mizoramsynod@gmail.com - Phone - 2314648

Synod Information & Publicity Department, Synod Office (Third Floor), Mission Veng, Aizawl

14th June, 2012

US Consul General-in Synod Office tlawh Vawiin (June 14) hian US Consul General, Kolkatta-a awm Pu Dean R. Thompson leh a thiante chuan Mizoram Presbyterian Kohhran Synod pisa pui a tlawh a, amah dawnsawnna pual ni bawk Synod Office zing lam inkhawmah a telpui. He inkhawm hi Rev. Zosangliana Colney, Executive Secretary-in a kaihruai a, Synod Mission Board Secretary Rev. Lalchhuanmawian Bible chhiara tawngtaiin hunserh a hmang a. Rev. Dr. Lalhmangaihan khual thate lawmna thu a sawi a, Upa Ngurthanmawia, Synod Statistician-in mikhualte hnenah Synod hmingin thilpek a hlan bawk. He inkhawmah hian term thar atana siam thar hlim hlawl Synod Choir chuan Pathian fakna hla pahnih an rem bawk a ni. US Consul General hian thu sawiin Mizoram a rawn tlawh vawi khatna a nih thu leh, a ram boruak te, a mi cheng Mizo mipuite chu chenchilh nuam a tih thu te a sawi a. Chhehvel boruak nuam nei tura thing leh mau humhalhna kawnga ramin hma a lak mek dan te chu a ngaihsan thu a sawi bawk. Vantlang nun a hmuh ve theih chinah mihring inhriattawnna leh inpumkhatna a hmuh ang chi chu ropui a tih thu leh vantlang nun a tawn hriat ngai loh zawng tak, nuam danglam tak nia a hriat thu a sawi a. Hun hruaituin mi pawimawh bik mikhualna remchang kan neih avanga lawmawm a tih thu a sawi chu a phu lo intiin, Ka hming avanga mi pahnih an awm khawm chuan an zingah ka tel zel ang, tia Isuan a sawi anga kal khawmte zinga pakhat mai ka ni, tiin Presbyterian Kohhranin a lo dawnsawn dan chu a beisei phak loh thil a nih thu a sawi a. Kohhranin vantlang nunah kawngro nasa taka a su phak chu a ngaisang tih a sawi bawk. Inkhawm zawhah hian Synod Puipate leh mi sawm bikte te nen hun rei lo te thingpui inhova inkawmna hun an hmang leh a. Hetah hian Mizorama Kohhran hrang hrang thawhhona chungchang te, Mizorama Burmese raltlante kohhranin a enkawlna chungchang te, Synod Inrelbawlna chungchang te US Consul General hian a zawt a. Mizoram Kohhran Hruaitute Committee (MKHC) hmalakna leh thawhho dan te, Mizorama Kawl Fellowship inkhawmna hran siam a nih thu leh Burma kohhranin an mamawh ang ang an rawn sawi thin, lehkhabu leh sum te pawhin tanpui an nih thin thu te leh Mizoram Synod inrelbawl dan te hrilh a ni a. Pu Thompson-a hian India hmarchhak State dangte Manipur leh Nagaland tih loh chu a tlawh vek thu sawiin, a fapa chuan Wheaton Seminary-ah Pathian thu a zir ve mek thu a sawi lang bawk. Consul General Dean Thompson hian Kolkata-a US Embassy-ah August 3, 2011 atangin a hna a rawn chelh a. Tun hnaiah hian US Secretary of State aiawhin Department policy tipuitling tura hmalakna lam enkawltu lu ber Director of the Executive Secretariat Staff mawhphurhna a keng tel thar bawk. Hemi hma hian US State Department lamin thil harsa bik buaipui hna leh inhriatpawhna darkar 24 chhung biak pawh theih reng tura centre a din Operations Center-ah Deputy Director hna a lo chelh thin a ni. Pu Thompson hi Executive Secretariat-a Information Resources Management office-ah Deputy Director a lo ni tawh bawk a, Colombo, Sri Lankaa U.S. Embassy-a Economic and Commercial Section-ah 2003-2006 chhung khan hotu ber a lo ni tawh bawk a, Board of the American Chamber of Commerce member a ni. US sawrkar hnuaia a hna hmasa ber chu Political, Economic and Consular section-ah a ni a, he hna atan hian U.S.-ah bul tanin Paraguay khawpui Asuncion leh Bangladesh khawpui Dhaka-ahte US Embassy-ah he hna hi thawkin a lo awm tawh bawk. Pu Thompson hian National Defense University, Washington, DC atangin National Security Studies-ah Master of Science degree a la a, University of Marylands School of Public Affairs-ah Master of Public Management a zo leh a, Wittenberg University atangin B.A. a zo bawk. Foreign Service a rawn zawm hma hian Secretary of Defense hna a thawk a. US hnuaia sawrkar hnathawk zingah a hmingtha pawl a ni. A nupui Pi Jane Thompson hi naupang te zual enkawl dan thiamna lam zir chhuak a ni a, an pahnih hian fa pathum an nei a ni. Nikum (2011) March 4 khan US Consul General (Kolkata) Pi Beth Payne-i chuan Synod Office rawn tlawhin zing inkhawm a rawn hmanpui tawh bawk a. Pi Beth Payne-I thlaktu Pu Dean R. Thompson-a hian Mizoram a rawn tlawhna hun remchang hmasa berah Synod Office a rawn tlawh ve leh a ni. SEC vawi 239-na thurel June 5 - 8 chhung khan Synod Executive Committee vawi 239-na, Synod Office-a J.M. Lloyd Hall-ah an thu a, ruahman lawk dan chun June 7 thleng awh tur a ni a, thurel zawh hman loh avangin June 8 thleng an pawtsei ta a ni. He meeting-a thurel pawimawh zualte chu : w PC USA leh Mizoram Presbyterian Kohhran thawhhona chu SEC 238:53-in a lo tih tawp tak avangin Pastor awm mek leh University-a zirlai te awm dan tur sawi ho a ni a, kalpui dan tur sawi fel awm lovin sawihonaah a tawp rih a ni. w Synod Hospital-a doctor-te hlawh en that a ni a, SEC 238:33(2)(a&b)-in mawhphurhna a pek anga OM-in a ruahman chhin chu siamthat ngaite siamthain hetiang hian pawm a ni : 1) Contract Doctor (Specialist) hlawh chu Rs. 25,000/- p.m. a ni ang a, Contract Medical Officer-te (MBBS/BDS) hlawh chu a ngaiin Rs. 23,500/- p.m. a la ni ang. 2) Medical Officer (MBBS/BDS) Regular-a thawk mekten Contract Medical Officer (MBBS/BDS) hlawh a phak hma chuan an phak lohna zat chu Special Compensatory Allowance (SCA), contract-a rawih mekte aia Rs. 500/- a sangin thla tin pek an ni ang. w Presbyterian Church of Wales atangin British Library-in Endangered Archive Programme an kalpui mekah Mizoram Presbyterian Church-in sakhaw lam thil hlui leh record hlui a vawn thatte chu a thla lak a vawn that an duh thu leh Mizoram Synod-ah an rawn thlen a, Officers' Meeting lo zir chian atan dah a ni a, Synod Executive Committeeah thlir leh a ni ang. w Synod Higher Secondary School Principal tang lai mek term, December 2011-a tawp tur chu kum 2012 chhung thawk zui tura tih a ni a, November SEC-ah Principal thar thlan tura tih a ni. w Karbi Anglong General Assembly Administrative Area (KAGAAA)-a General Assembly Officer hna thawktu tura PCI-in Mizoram Synod hnena Rev. Dr. Lalhmangaiha, Synod Finance Officer ni mek a rawn dil chu phalsak a ni a, Synod Puipate zinga mi a nih avangin tuna kal nghal mai chu thil remchang a ni lo va, January 2013-a kal tura tih a ni. w OM-in Ravi Tiwari, Registrar, Senate of Serampore College-in Serampore College Bi-Centenary Project atan kum hnih chhunga Rs. 20,00,000/- tum ve tura Mizoram Synod a rawn ngenna chu remtih a ni. Contd,..

www.mizoramsynod.org

Synod Information & Publicity Department, Synod Office (Third Floor), Mission Veng, Aizawl

w Kum 2011 Synod Gen. 2-nain Synod Hospital, Durtlanga hman tur thisen thliar hranna lei a lo rawt tawh chu SEC-in zir chiang tura a ruat Hospital Board-in a zir chianna thlirho a nih hnuah Synod Hospital dinhmun en that meka telh nghalin Budget tharah dah nghal tura tih a ni. w 2011 Synod Gen. 39-in Nu leh Pa N hman a rawt, SEC-in a ruat anga Officers' Meeting-in an hman dan tur a ruahman chu pawm a ni. w Mipat Hmeichhiatna chungchanga pawm dan puanchhuahna, SEC-in a lo zt mam leh chu pawm a ni a, Kohhranah hman nghal tura tih a ni. w 2011 Synod Gen. 55-in SEC kuta a dah Pavalai Pawl kaihhruaina chu pawm a ni. w 2011 Synod Gen. 59-in thuneihna a pek anga SEC-in a ruahman thar Nupa Chungchang Dan chu pawm a ni. w Pathian Biak Inkhawm Hruaina Bu chungchang siam that tura tih, ruahmantuten an rawn duan chu mawhphurtute kutah hlan let leh rih a ni a, November SEC-ah thlir leh tura tih a ni. w Pastor-a thawk lo tur ordain theih dan neih hran chungchang chu a hranpaa policy siam lovin, Synod-in a tlachawp-a a rel thin atan dah a ni. w North Eastern Indira Gandhi Regional Institute of Health & Medical Sciences (NEIGRIHMS) bul hnaia Mizoram Synod Khualbuk neih dan tur zir chiangtute report chu Synod-ah thlen tura tih a ni. w Synod Revival Camping Centre, Neihbawih-a mi chu Synod Property Committee enkawl tura tih a ni. w Revival Speaker Kohhran Pawl danga rawngbawl tura sawm an nihin an kal phalsak theih a ni a, kal man etc. chu a sawmtu Kohhran tum tur a ni ang. w Mizoram chhung District Headquarters 7 chhunga Pastor Bial 19 leh Khawpui lian deuh deuh khaw 51-ah Revival Beihpui October 1521, 2012 chhunga neih turin ruahman a ni. w Central KTP-in Kum 2014-a KTP Diamond Jubilee anmahni sensova lawm an dilna chu remtih a ni.
1 Rualbanlote Ni June 17 (Pathianni) hian Mizoram Presbyterian Kohhrante chuan Rualbanlote Ni pual inkhawm programme an hmang ang. Kum 1996 Synod Inkhawmpui thurel bawhzuiin Synod Executive Committee (SEC) 157-na chuan June thla Pathianni vawi thumna chu Rualbanlote Ni atana hman turin a rel a, heta tang hian kum tinin hman chhunzawm a ni ta a ni. Inkhawm tum khat atan thupui siam a ni thin a, kuminah chuan Tualchhung Kohhran remchan dan anga Chawhnu inkhawmah emaw Zan inkhawmah emaw hman theih a ni ang. Kumin 2012 hian Ka unau t berte chunga in tih chu ka chunga ti in ni tih thupui zirho a ni ang a, thupui innghahna tur chu Matthaia 25:34 - 40, Luka 14:11 - 14 a ni a, hetiang hian thupui thensawm leh a ni:

1. 2. 3. 4. 1

Rualbanlote chunga kan rilru put dan leh kan thiltihte hi Lalpan a hmu reng thin. Mihring ze dik tak lan chhuahna chu mi ropuite lakah ni lovin, mi hnuaihnung leh rualbanlote lakah a ni zawk thin. Chuvangin heng mite hi eng ang mi nge kan nih fiahna turin kan zinga awm tura Pathian ruat an ni. Rualbanlote chunga that chhuah hi Lal Isua chunga that chhuahna a ni. Mi lian leh ropuite chunga in tih hi ka chunga ti in ni tih ni ta se, mi tam takin kan ti thei lo vang. Mi lian te tlawn aiin, mi t ber te tanpui hi a ropui zawk a ni.

Hindi Bible School Greaduation Service Nimin (June 13) chawhnu dar 1:00 khan Presbyterian Hindi Bible School Chapel-ah Batch 49-na pualin Graduation Service hman a ni. Graduation programme hi Rev. Lalchhuanmawia, Synod Mission Board Secretary-in a kaihruai a, Atmaram Laxmanin Bible chhiar leh tawngtaina hun a hmang. B. Kananmawii, Instructor-in Inhmelhriattirna hun hmangin reports a pe a. Zirlaiten thurin puanchhuahna hun an hmang a, Nl Lalruatthangi, Instructor-in result a puang a, Upa R. Lalmalsawma, Synod Mission Board Coordinator-in certificate semin thusawina hun a hmang bawk. Bawngkawn Kohhran Masihi Sangati zaipawl an zai a, Rev. John Sharma, Principal-in zirchhuakte fuihna thu a sawi bawk. Rev Darkhuman zirlai zirchhuakte tana tawngtaisakna hun a hmang a, Pi Zirnuntluangi, Office Assistant-in lawmthu a sawi a, chairmanin malsawmna sawiin a tin a ni. Programme hman zawhah hian inthlahna ruai kilho nghal a ni. Presbyterian Hindi Bible School (PHBS) hi Mizoram chhunga hnam dang ringtharte tihchakna atan August 24, 1990 khan hawn tan a ni a, batch hmasa berah mi 20-in an zir nghal a ni. A hawn kum atanga tun thleng hian zir chhuak mi 1175 an awm tawh a, vawiina Batch 49-na zirlai thlah takte hi mi 18, mipa 16 leh hmeichhia 2 an ni a, Assam, Arunachal, Tripura, Madhya Pradesh (TBZ Mission Field), Jharkhand, Bhutan, Orissa leh Mizoram atanga lo kalte an ni. PHBS-ah hian kum khatah Batch hnih zir chhuahtir thin a ni a, a zir duh tan kum tinin January thla tirah leh June thla tirah Admission hawn thin a ni a, tum khatah hian mi 30 training tura lak theih a ni. Kum 2009 atangin Synod in a rel angin Certificate in Theology (C.Th.)-ah upgrade a ni a, helai atanga zirchhuakte hi C.Th. Certificate pek thin an ni a, subject hrang hrang 10 zirtir thin an ni. PHBS atanga zirchhuakte hi Mission Field Pastor te, Field Evangelist-te, Kohhran leh khawtlanga mi tangkai, Missionary te lo puitu tha tak tak an ni hlawm a ni. MSSU June 13 - 18 chhung hian Tuithaphai Presbytery pum huap leh D. Phailian Bial, Churachanpur-ah Sunday School Zirtirtu Training neih mek a ni a, training neihpui tur hian T.Upa Lalthahluna Ralte, MSSU Asst. Coordinator leh Upa K. Vanlalnghaka, MSSU Trainer-te an kal. vawiin (June 14) hian Tuithaphai Presbytery pum huapin Lamka Kohhranah training neih a ni a, June 15 & 16-ah D. Phailian Bialah training neih a ni ang a, June 17 (Pathianni) ah Follow-up programme an nei zui ang. Campus Ministry Rev. V. L. Krawschhuanmawia i/c Campus Ministry chuan June 16 (Inrinni) chawhma hian UESI-NE Music Album release, I&PR Auditorium-ah devotion hun a hmang ang a, June 18 (Thawhtanni) chawhmaah Govt. Republic H/S School & High School-ah hun a hmang ang a, June 20 (Nilaini) chawhmaah Govt. Mamawii Higher Secondary School-ah hun a hmang leh ang. June 18 (Thawhtanni) chawhmaah Pu John Lalhruaitluanga, Social Front Asst. Coordinator-in Govt. Bethlehem High School-ah hun a hmanpui bawk ang. Zin w June 12 - 16 chhung hian ICI Pastor Retreat hmang turin Rev. Vanlalzuata, Senior Executive Secretary & Rev. C. Vanlalhruaia, Ramhlun Vengchung-te Shillong-ah an zin mek a, Pu K.C Vanlallawmsanga, Synod Office-in a tawiawm a ni. Rev. Vanlalzuata hian retreat-ah hian paper a present ang. w June 13 - 29 chhung hian CWM Assembly 2012 hmang turin American Samoa-ah Rev. Lalzuithanga, Executive Secretary a kal.
Contd,..

Music June11 - 13 khan Lunglei Farm Veng Kohhranah Hla hruaitu training neih a ni a, training hi Pu Lalromawia, Synod Music Instructor leh Upa Thanghuta, Dam Veng ten an neihpui a ni.

Synod Bookroom w June 16 & 17 chhung hian Khawbung Kohhranah Literature Campaign neih a ni dawn a, Inrinni (June 16) zanah mail us atLalniliana, Bookroom Manager-in thu a sawi ang a, Phone - 2314648 PRESCOM Department Documentary Film Pu : mzsynfo@gmail.com; mizoramsynod@gmail.com - inkham banah thlirho a ni ang ang a, slide show present a ni bawk ang a; Bookroom lehkhabu thenkhat lei theih tura phochhuah a ni ang. Pathianni (June 17) chawhma inkhawmah Pu Lalnilianan thu a sawi leh ang a, chawhnuah Tv. Lalzarmawia,
Sales Promoter-in thu a sawi ang. w Synod Bookroom chuan June 5 - 9 chhunga Grand Reduction Sale an neih zawh takah hetiang hi Branch hrang hrang inhralh dan a ni :

Synfocity =
5.6.2012 159,862.00 66,100.00 34,381.00 31,200.00 45,000.00 20,000.00 356,543.00 6.6.2012 194,706.00 63,500.00 28,497.00 33,000.00 45,000.00 25,000.00 389,703.00 7.6.2012 126,849.00 50,500.00 18,210.00 21,000.00 37,000.00 16,018.00 269,577.00 8.6.2012 143,705.00 57,100.00 15,397.00 22,500.00 37,000.00 20,000.00 295,702.00

Synod Information & Publicity Department, Synod Office (Third Floor), Mission Veng, Aizawl Synod Information & Publicity Department, Synod Office (Third Floor), Mission Veng, Aizawl

Date Hqr Showroom Stock Room Kawt Bazar Bara Bazar Chanmari Bawngkawn Total 1

9.6.2012 164,287.00 78,000.00 71,652.00 27,500.00 37,950.00 20,000.00 399,389.00

Total 789,409.00 315,200.00 168,137.00 135,200.00 201,950.00 101,018.00 1,710,914.00

Synod Lay Workers Fellowship Synod Lay Workers Fellowship (SLWF) chuan kumin LAY DAY-a an buhfai thawhkhawm bag 37 chu June 19 (Thawhlehni) hian Bethel Camping Centre, Chawnpui-ah an hlan ang. Lay Day (May 25, 2012)-ah khan buhfai leh pawisa thawhkhawm a ni a, pawisa thawhkhawmte pawh hi buhfaiah chantir vek a nih hnuah bag 37 a tling thei ta a ni. Lay Day pual hian Synod Hospital-ah damlote tan thisen pek thin a ni bawk a, kuminah hian Hospital lam khawl a chiangkuan loh avangin la pek a ni lo va, remchang hmasa berah Lay member ten thisen hi an pe ang. Tunah hian Synod hnuaia thawk Lay Member 861 an awm a. Nikum (2011) Lay Day pual khan Synod Hospital-ah thisen unit 156 pek a ni a, sum thawhkhawm Rs. 12,400/- leh thawmhnaw engemaw zat Tawngtai Bethel Camping Centre, Chawnpui leh Samaritan Riangvai Run, Seling-ahte pek a ni bawk. Lay Day pual hian Synod Hospitalah thisen pek thin a ni a, Department remchan dan ang zelin a inchhawkin thisen hi pek thin a ni. BSI Director of Translation thar thlang Vawiin (June 14)-a Bible Society of India (BSI) Selection Committee, Shillong-a thukhawm chuan Director of Tanslation & Consultant thar atan W. Along Jamir an thlang. BSI Director of Translation & Consultant tang lai mek hi Rev. Dr. Zaihmingthanga a ni a. Ani hi September ni 1, 2012-ah a pension dawn a ni. Rev. Zaia hun a tawp dawn avang hian BSI chuan advertisement chhuahin a thlaktu tur an zawng a. Vawiin hian BSI Vice President Rev. C. Rosiama kaihhruaiin Shillong-ah Selection Committee thukhawmin interview an nei a, W. Along Jamir, Clark Theological College, Mokokchung-a thawk mek, Old Testament-a doctorate degree nei chu Director thar atan an thlang ta a ni. Along Jamir hian Rev. Zaia chhuah ni, September ni 1-ah a hna a chelh chhunzawm ve nghal ang. Kristian Thalai Pawl w June 15 - 22 chhunga neih tur South Asian Christian Youth Network (SACYN) Conference, Dhaka, Bangladesha neih turah Central KTP hruaitu Tv. V. L. Muanchhana, Asst. Secretary leh Nl. Dr. Julie Remsangpuii, Commt. Member te an kal ang. w June 15 (Zirtawpni) hian Lawngtlai & Lawngtlai Chanmari Bial KTP Joint Leadership Training neih a ni dawn a, hemi hmanpui tur hian Central KTP hruaitu Upa Zothangzuala Chhangte, Treasurer leh Dr. Lalliansanga, Commt. Member te an kal ang. Synod Revival Team Meet 2012 June 22 - 24 hian Mission Veng Kohhranah Synod Revival Team Meet 2012 neiha a ni dawn a, thupuiah Maichamah mei a nung reng tur a ni (Lev. 6:13) tih an hmang ang. Meet neih chhung hian Revival Speaker hrang hrangten thuchah an sawi ang a, Kohhran leh Bial Zaipawl hrang hrangten hla an rem ang. Programme kimchang phek lehlamah tarlan a ni. Office chawlh June 15 (Zirtawpni) hi YMA Day a ni a, Synod Office leh Synod hnuaia Department hrang hrangte an chawl ang. Hruaina Eng FM Radio & TV Programme w JUNE 15 (FM Radio @ 7:30 p.m.) : Choir : Luangmual Pastor Bial Zaipawl - Phurrit A Bo, Armed Veng Kohhran Zaipawl - Enteh Van Khawpui Tuallai Khi, Thuchah : Dr. C. Lalhmingliana - Pumpui n chungchang, Group :ATC Male Voice - I ropui nan, Crusader - He Lui Kam Atang Hian, Solo : Dot Inlay - I thu ni se w JUNE 17 (TV Programme @ 3:00 p.m. : Choir : Khatla Pastor Bial -Thup hlen theih a ni lo, Sermon : Rev. Sairengpuia - Chancin Tha hril, Choir : Leprosy - Ka lawm thin,Documentary : Maichama mei nung reng (Synod Documentary 2010 - 2011), Solo : Sangzuala Chhangte - Seol Natna Susamachar Prasaran Programme June 17 (Pathianni) 5:00 pm. Hindi Gospel Programme (Susamachar Prasaran) : Group/Choir/Solo : Electric Bial Masihi Sangati, Group/Choir/Solo : CTI Sesawng Masihi Sangati, Sermon : Rev. S.B. Gurung- Samai Ka Sudh Upyog, Group/Choir/Solo : Ramhlun North Masihi Sangati, Group/Choir/Solo : Aizawl Venglai Masihi Sangati Zaipawl Moderator Programme Synod Moderator Rev. Thangzauva chuan tun kar tawpah heng Kohhanah hian hun a hmang ang : w June 16 (Inrinni) Zan - Zawlsei Kohhran w June 17 (Pathianni) Chawhma - Samthang Kohhran w June 17 (Pathianni) Chawhnu - Khawbung Vengpui Kohhran w June 17 (Pathianni) Zan - Khawbung Kohhran
Contd,..

1 1

Synod Information & Publicity Department, Synod Office (Third Floor), Mission Veng, Aizawl

MIZORAM PRESBYTERIAN CHURCH SYNOD

SYNOD REVIVAL TEAM MEET 2012

PROGRAMME
A hmun A hun Thupui
Dt.22.06.2012 (Zirtawp zan dar 7:00) Vantlang Pathian Biak Inkhawm Chairman : Rev.Zosangliana Colney Exe. Secy. i/c Revival INLAWMNA Zaipawl : 1) Chawnpui Pastor Bial 2) Venghnuai Kohhran Thuchah : Rev. Thangzauva Synod Moderator Inkhawm ban Lenkawm : Hruaitu : Pu Kaphranga, Speaker, Krista thawhpui tute Team Dt.23.06.2012 (Inrinni chawhma dar 10:00) Pathian Biak Inkhawm Chairman : Rev. H. Lalchhanhima Zaipawl : 1) ITI Bial Zaipawl : 2) Dinthar Kohhran Thusawitu : Upa C.Sangkhuma Speaker, Ral Vengtu Team Inkhawm ban Lenkhawm Hruaitu : Tual Upa Zarzoliana Speaker, Siamthar lehna Team Dt.23.6.2012 ( Inrinni chawhnu dar 1:30) Pathian Biak Inkhawm Chairman : Upa DP Biakkhuma,Synod Secy. Zaipawl : 1) Kulikawn Pastor Bial 2) Ramhlun Vengthar Kohhran Thusawitu : T.Upa Lalthlengliana Speaker, Revival Fire Team Inkhawm ban Lenkhawm: Hruaitu : Upa Zarzoliana Speaker, Lalpa Kohchhuah Team Dt.23.06.2012 (Inrinni zan dar 7:00) Vantlang Pathian Biak Inkhawm Chairman : Rev. Lalrinmawia Zaipawl : 1) Maubawk Pastor Bial 2) Bethlehem Kohhran

: Mission Veng Kohhran Biak In : June 22- 24 , 2012 : Maichamah mei a nung reng tur a ni. (Lev. 6:13)
Thusawitu : Upa H. Zoliana Speaker, Gospel Witness Team

Inkhawm ban Inpawlhona: Hruaitu : T.Upa Vanlalhriata Speaker, Kraws Chhuangtu Team Dt.24.06.2012(Pathianni chawhma dar 10:00) Vantlang Pathian Biak Inkhawm Chairman : Rev. K.Lalthangmawia Zaipawl : 1) Mission Veng Kohhran 2) Tuikual Pastor Bial Thusawitu : Upa P.C. Lalhmachhuana Speaker, Holy Fire Team Inkhawm ban Lenkhawm Hruaitu : Pu R.Lalrinsanga Speaker, Gospel Deliverer Team Dt.24.06.2012 (Pathianni chawhnu dar 1:30) Vantlang Pathian Biak Inkhawm Chairman : Upa Ngurthanmawia Zaipawl : 1) Electric Pastor Bial 2) Upper Republic Kohhran Thusawitu : Pu K.Lalngaihawma Speaker, Milungngaite ThianTeam Inkhawm ban lengkhawm : Hruaitu : Pu C.Zaia Speaker, Jeriko Operation Team Dt.24.06.2012 (Pathianni zan dar 7:00) Vantlang Pathian Biak Inkhawm Chairman : Rev. H.Lalrinmawia Pastor i/c Mission Veng Bial Zaipawl : 1) Khatla Bial Zaipawl 2) Mission Vengthlang Bial Thusawitu : Rev.Zosangliana Colney Exe. Secy. i/c Revival Inkhawm ban Lenkhawm Hruaitu : Pu Lalsangluia Sailo Speaker, Gospel Reapers Team

PATHIAN THU ZIR DUH TAN

Presbyterian Bible School, Mission Veng-ah Session 26-na atan Certificate in Theology (C.Th) Admission hawn a ni a. Dil duhte tan a hnuaia tarlan hi hriat tur a ni e. q Admission Form : Office hun chhungin Rs. 10/- a lei theih a ni q Dil hun chhung : September 3, 2012 (Thawhtanni) tlai dar 3:00 thleng q Dil thei chin : Class VII passed, kum 16 chin, Kohhran dan chhunga awm q Interview : September 5, 2012 (Nilaini) zing dar 10:00 q Class tan hun : September 7, 2012 (Zirtawpni) q Zir hun chhung : September - December, 2012 q Stipend : Zirlai pakhat hnenah thla tin Rs. 500/- pek a ni ang. Hostel a awm lo. Hrechiang duh tan Phone No. 857308007/2317343/2350082-ah zawh theih a ni.

Sd/REV. R. LALENGMAWIA Principal

Synod Social Front Helpline: 9089777129; 9856883377

Mail us at : synfo@bsnl.in mzsynfo@gmail.com Synod Information & Publicity Phone - 2314648

Synfo