TUNKAR CHANGV AWN

Mihring kawngte
chu LALPA mithmuhah a awm a, A kawng zawng zawng a tihrualremsak thin. - Thufingte 5:21

for
Vo l u m e VII I s s u e - 413 Date : 17th June 2 0 12 ( Sunday ) A m a n t h l a k h a t a h R s . 20/ -

Pathian duhdana i nun phawt chuan hmanraw te takte hmang pawhin Lalpan thilmak a tihsak zel ang che - Self.
Home Crusade emaw Tawngtai leh Individual Counselling mamawhte tan koh/pan theih reng kan ni e. Cont; 9612194537

EMMANUEL AFTER CARE CENTRE

Bethel Veng,Champhai Mizoram : 796321 Phone: 9612194537

Rev.Lalparchhuana biangbiakna

TRUE JOKES

KOHHRAN
Pathianni hian Assemblies of God chuan khawvel pum-ah Fathers Day an hmang ang. He hunah hian Bethel Kohhran AG te pawhin Pa te chawimawina hun an hmang dawn a, an Kohhran chhunga kum 60 chin chunlam hnenah thilpek an hlan ang. He hunah hian thingpui ruai \heh a ni dawn a, Pi Langkhanchingi ten thingpui lumna senso an tum ang. Tin, Zomi Baptist Kohhran te chuan Fathers Day hi an hmang dawn bawk a. Kum 60 chin te hnenah chawimawina thilpek hlan a ni ang a, Pate hlutna chung chang Chawlhni chawhma-ah Pa thiltihtheihna sawi a ni anga, zan-ah Pa te hlutnatih thupui ngaihthlak a ni bawk ang.

KRISTIAN NEWS
-C.Hranghluna. Chutichuan thlarauvin mi chawi kng a, mi la bo ta a: thinrim tak leh hreh tak chungin ka kal ta a, LALPA kut chu ka chungah a chak si a. -Ezekiela 3:14 Keima lam ka han in en chuan e Lalpa, Engmah reng hi hmuh tur a awm si lo. Mahse Krista lam chauh ka thlir leh chuan; Mi fel famkimah min lo pawm reng si. tih hla ropui tak, Upa Sanglianthanga phuah hi chhandamna thu hlaa ringtute kan inthlamuanna hla \ha tak a ni. Nia, keimahni lamah chhandamna hi kan zawng a nih chuan hmuh tur a vang khawp mai. Mahse Pathian remruatna leh ruahmanna kan thlir chauhin chhandamna-ah chuan inthlahrung hauhlo turin, Lalpa hmangaihna chuan min lo rin lut reng mai a. Chuvangin kan hla ropui tak pakhat chuan, Min hmangaih hi tuman an dang zo lo ve!a lo ti hial reng a ni. Tun \uma ka sawi duh tak erawh chu Chhandamte hi Lalpa chuan Thlarau Thianghlimin a khawih \hin a ni tih hi! Thlarau Thianghlima a khawih a piangte hi chhandam an ni ka ti lo va, chhandamte erawh Thlarau Thianghlimin a khawih tlangpui thung. Tun hma El-Bethel hunlai khan Thlarau Thianghlim khawih kha an ngai pawimawh hle a, zan khaw tai rek, tlaivar in; a thim a var thlu lovin Lalpa kha an au \hin a. Tichuan fakna hla hmangte, bible thu hmang te leh Thlarau Thianghlim hnathawh chi hrang hrangte hmangin mite chuan Thlarau chu an Khawih a. Chu chuan a aia ropui la thleng lo, a aia ropui awm leh chuang tawh lo tur? harhna nasa tak kan ramah a thlen ta a nih kha. Vawiin-ah chuan Pathian min thawh zawh sak vek lam uar takin kan sawi ia, chhandamte kan nih tak avang a Thlarau Thianghlim nena inkhawih tawnna lam erawh kan uar ta lo hle. Kuangkuah leh \hu chunga engkim neih leh engkim nih vek duhna rilru thatchhe tak chungin Pathian kan zawng a. Campng na hmun-ah meuh pawh speaker te leh rawngbawltute zara engemaw chan leh nih chu kan tum ber a ni ta fo mai!!

AG & ZBC ten Fathers Day hmang

Syria hel pawlin Kristian bei leh

Syria tualchhung buaina reh hleithei lovah Kristian 1000 chuang chuan an president paihthlak tum hel pawlte hlauvin an chenna Qusayr an chhuahsan a, a tam zawk hi chu Syria atanga umchhuah tho tho an nih an ring bawk. CNA in a tarlan dan chuan Kristiante hi sorkar paihthlak tumte hian an bei nasa hle a, an in leh lo an tihchhiat sak bakah an in atangin an hnawt chhuak deuh reng bawk a, tawngtaipui an ngai hle a ni. Syria-a kohhran hruaitute chuan an ram thenawm-a kohhran dinhmun an zirchiang mek a, Syria-ah hian hel pawl hian hnehna an chang a nih vaih chuan an dinhmun chhe lutuk tur hi thlir thiamin an ram hi lo chhuahsan lawk mai pawh an duh niin a lang. Kar hmasa khan Syria hel pawl hotu Abdel Salam Harba hian Syria chhak lamah Kristian tihhreawm leh hnawhchhuah beihpui a thlak chiam a, Qusayr hi tualchhung buaina chhuah hma kha chuan Kristian an tam ve hle a, mi 10,000 vel awmin an buai a, hel pawl an chet nat leh Kristiante an ngeih loh atang hian mi 1000 vel chauh an awm tawh a ni. Syria hi Muslim ram a ni a, mahse tuna paihthlak an tum an President hian sakhua angin inthliarna a kalpui lova, hel pawl zingah hian Muslim kulmuk an tam em avangin Kristiante tuarna hi a tleng ta a ni deuh ber mai. ======================

Synod Executive Commtt. (SEC) \hut khawm vawi 239 na chuan, Presbyterian Church of USA nena thawhdunna tihtawp a rel. Synod in hetianga thutlukna a siam nachhan hi USA Presbyterian Kohhran te hian mahni anpui kawp chingte pastor a nemngheh an remtih vang a ni. USA Presbyterian leh Synod te hian thawhdunna thuthlung chu an nei na a, chuti taka hlawkna an hmuhloh thu Rev.Zosangliana Synod Executive Secretary chuan a sawi. Synod Multipurpose Centre \anpuina vawi hnih vel an dawn tawh bakah, ATC a bible zir hmeichhiate an rawn \anpui \hin bawk. Mizoram Synod in inzawmna a pawhchah thu hi thawn a nih hnu-ah, an chhan dan a zirin kal zel dan tur la ngaihtuah chhunzawm tur a ni ang.

Mizoram Synod leh Presbyterian USA thawk dun tam lo

EMMANUEL for
: C.Hranghluna 9612194537 News Editor : Chanchinmawia 9615820416 Cir Man. : BMS Dawngliana 8575331584 Contributor: TN Vanlaltana. 9862648080
Dak a la duhtan kum khat lakman pek lawk a ngai. Tin, thuchhuah tur nei chuan hawrawp felfai tak emaw khawlchhut hmangin, Office, Emmanuel After Care Centre, Bethel Veng, Champhai ah thehluh tur a ni. Thu lut a piang erawh chhuah vek a remchang kherlo th ei .

Editor

www.champhai.net

Editorial
MMEM Channel hawng
TV, Video, Internet, Computer, Mobile, DVD/VCD te hmanga, kan mittlaina zawng ta reng reng a; hun leh tha, sum tam tak senga mahni hmuh chak zawng um a mit len thinte kan ni a. Kan mit chakzawngte lah hi mipat hmeichhiat, hurna lam rawngkai a ni deuh vek a. Kan handset chhunga sms leh film, picture awm thenkhatte phei hi chu biak in chhunga ken luh atan meuh pawh a inthlahrun awm rum rum hial ta ve ang! HUrna sualinmin luhchilh nasat em avanga sexplotion, media thiltihtheihna-hmanga sex puak darhin; a rah chhuak, inneih hmaa sex hman, mipa leh mipa, hmeichhia leh hmeichhia, naupang mutpui, pawngsual leh sex hman khawlohna dang dang hmangin langlo lamah, kapkar thiltihtheihna hmanga sual phuar khawmin kan awm a, kan buai ta vut vut a nih hi le! Hetihlaia MMEM in, 24 Hour Kristian channel pe chhuak tura ruahmanna a`n siam hi a tha takzet a. Media hmanga sualin min beihna hi media hmang veka kan beih let a tul ta takzet a ni e.

Rev.Lalparchhuana hi Pu Zothansanga (L) leh Pi Lalhmingsangi Khiangte (L) te fa, mipa 8 leh hmeichhia 2 zinga 7 na a ni a. Ni 24/1/ 1965 khan a lo piang a ni. Lungpho-ah P/P in kum 1996-1998 khan a awm a. Karbi Anglong-ah kum 1999-2003 ah a awm a, kum 2004-2006 khan ATC ah BD a zir leh a, kum 2007-2011 khan Diakkawn, Kolasib bial a vawng a, kumin kumtir a\ang khan Vengsang, Champhai Pastor bial a vawng \an a ni. Rev.Lalparchhuana leh Lalnuntluangi te chu ni 12/9/1995 khan an innei a, tunah hian fa pahnih Laltleipuii leh H.Lalawmpuia te an nei a ni. Rev.Lalparchhuana hian Chhandamna thu leh Chanchin |ha hril hi sawi nuam a tiin a sermon tui pui ber berte an ni \hin. Tleirawl sual nei vaklo va hun a hman chhoh meklaiin, kum 1989 khan Pu K.Lianthanga Camp, Sihphir-ah a lut a, hetah hian harhtharna a chang ta a ni. Harhtharna a chan a\ang hian a hun puma Pathian tana rawngbawl turin Lalpa hnenah a in hlan ta a ni. Ka pa hi inkhawm mi a ni a, ka nu hi \awng\ai mi; mihlim an tih ang hi a ni a. Ka nu min \awng\aina rah avanga he hun hi thleng niin ka in hria, a ti. Inchei: Pastor nih avanga inchei deuh reng a ngai chu hrehawm a ti hle a, thawmhnaw \ha nena inthlahdah theih hauh lova inchei ngai reng mai chu pastor nih ninawm a tihna ber niin a sawi! Tin, damlo na deuh an awm te, mitthi an awmte hian pastor nih hi a hrehawm duh hle a, Kohhran chhungkuaa in\henna leh inngeihlohna awmte hi a hrehawm a, rilru leh ngaihtuahna a heh khawp mai. Tihdamna: Karbi Anglong a an awmlai hian tihdam rawngbawlna kawngah Pathianin a hmang nasa hle a. Vawikhat chu khaw panga lal Gang Bora an tih, sorkar-in hotu a a siam chu Kristian-ah a in pe a. Vanduaithlak takin baptisma a chan hnu chuan a hnungzang chu a na ta vak mai

A NI HI LE?

WORLD

Date 17th June

2012

SUNDAY

PAGE - 2

a. |awng\ai turin min kova, tel ka dil a; an nei lova. Naupang pakhat chuan tel nawi tawh tak hi tlemte a rawn keng a, ka kutin ka nuai nawk nawk a. Damlo chu zampherah ka muttir a, tel chu \awng\aina nen ka hnawih ta a. Maktak maiin Pathian thiltihtheihna a lo lang a, damlo chu a dam ta hlawl mai a. Hemi hnu lawk hian an bawng thlun lai chu a hrui nen a lum vak mai a, a che thei der lova, a ke chu a vung vek a; a kal thei lo bawk a, min rawn ko leh ta a. Tichuan bawng chu a ki-ah ka vuan a ka \awng\ai ta a. Chutia ka \awng\ai hunlai chu tlai lam a ni a, ka hawsan ta a. Zan dar 10 velah chuan thawm an hria a, an va en chuan an bawng damlo khan an in bul lawkah hnim a lo pet hmuar hmuar mai hi a ni a, Lalpa a ropui duh hle. Vawikhat leh pawh an nau pakhat Scooter a chuang tur chu a pum a na ta vak mai a. Kei chuan kan \awng\ai ta a, a dam ve leh ta mai bawk a ni. Harhna: Pathian hnathawh ropui ka hmuh zingah vawikhat chu; Karbi Anglong, Koilamati mission field-ah hian harhna a thlen theihna turin zing dar 5 a\anga tlailam dar 5 thleng chawngheiin, harhna dilin kan \awng\ai ta a. Rawngbawl turin Rev.S.Lalkhuma nupui, Pi Remsangi (Sangtei) chu speaker atan kan sawm a. Lalpan kan \awng\aina a chhang a, harhna nasa tak a lo thleng ta a. Taksa chetna, lam leh tihdamna te, inkhawihthluk thlengin Pathian hnathawh a thleng nasa hle a. He hmunah hian khatiang reng renga harhna nasa kha a la thleng ngai reng renglo niin an sawi. Helho nen: Tin, kan awmna velah hian helho leh misual rual an tam hle a. Vawikhat chu kum 2001 khan Lumding panin Gipsy in kan kal a, staff nurse pakhat leh driver nen kan kal a. Misual rual 15 vel hian min lo tiding a, silai leh chem, ralthuam dang dang an keng \heuh a. Kut min thlak deuh reng a, kan thi ngei dawn a nih hi tiin rilru-in ka \awng\ai mawlh mawlh a. Kan pawisa leh thil hlu neihte chu min laksak vek tawh a. Mahse maktak maiin Pathian hnathawh a lo lang leh ta a. Police engemawzatte chu Gipsy in switchoff in an rawn kal a, misual ho chu an rawn kap ta a, misual tlanchhe zinga pakhat chu a ke-ah an kap a; an man ta nghe nghe a ni. Keini pawh chu engmah neih nei ta lo chu Diphu lam panin kan let leh ta ringawt a ni.

Helho hian vawi thum lai chu min hruai chhuak ve tawh a, kan rawngbawlna chanchin min zawh bakah kan hlawh a\angin 3% min laksak bawk a. Vawikhat chu kan awmna mission compound gate bulah chuan helho hminga pawisa khawn ching an kap a, helho chuan a bekah tak an kap fuh a, thin a \hawng duh hle. Ramsakawlh zingah: Tin, Pastor bial fan hian rilru a hah duh hle. Kan bial fannaa khaw hla ber chu Km 55 zeta hla a ni a. Kan awmna hmun hi Kaziranga Wildlife Sanctuary a awm a ni a, saikawlh leh sakei te an hlauhawm thei hle. Kan bial fan kawnga kan paltlang ngei ngaihna hmunah hian sih ft.30 bial zeta lian hi a awm a, chu chu sa tinreng ten an tlan \hin a. Sai thawm te, Sakei ek tharlam leh an hniakte kan hmu fo na a, a tak erawh Pathian zarah kan hmulo hlauh thung. Sai sual hian kumtin mihring pakhat tihlum zel ang niin an chhut a. Mihring a tihhlumte hi zangna dawmna chu pek an ni na a, a ho lam hle. Karbi mipakhat aiin sai pakhat a hlu zawk a nih chu! Sai hi chu khawih thianglo a ni thung a ni! Thilmak: Tin, thilmak leh tak pakhat chu helai velah hian Karbi mite chuan Keng Lawng Paw an ti a, mizo\awng chuan Pheitumlian tihna a ni ber ang chu! Milian tak mai, hmul dum thur mai, tlan chak em em; a khup thlep theilo a awm a, an hlau em em mai a ni. Keini chuan engnge a nih kan hre lova, mahse ka ngaihdan mai maiah chuan Gorilla a ni thei mai angem aw? ka ti a ni. Tin, mite chi ft.3 vela sang an awm DAWNSEI bawk niin an sawi a, saruakin an la awm a. Henglai a mite hian an man hial tawh niin an sawi bawk. Heng mite hi a rualin an awm \hin a, luidungah chakai leh chengkawlte an khawrh ve \hin niin an sawi. Zanah pukah an riak mai \hin a ni awm e! ( Rev.Lalparchhuana, inkawmna hun \ha tak min pe a, kan lawm e. -Ed)
Kan thianpa te in ah kan lunch laiin kan kal a. Kan thianpa chuan, Zial ka tan duh a ti a, a tan dawn chiah tihah chuan in neitute, kan thianpa te u chu a lo haw thut mai a. Kan thianpa zak lutuk tihngaihna hre tawh silo khan, puak rawh puak rawh a ti vel hmak hmak a. Kan zak ve chem chem mai! - 9436145496 ( I chetchhiatna kha midangte nuihpui atan rawn thet rawh le. A tak tak ni thei se, zahmawh rawngkai erawh a rem lo ang. sMs 9612194537 )

SEC chuan Presbyterian Pavalai Pawl tih chu Pavalai Pawl tih a ni ang a ti a. Pavalai Pawl sum enkawl chungchang chu tualchhung Kohhran thuneihna a ni ang a, inkhawm hun pawh tualchhung Kohhranin remchang a tih anga kalpui tur a tih a ni. Innghahna thupui atan, Krista tana nun, tih a ni. SEC chuan Pro Pastor lak dan en\hat chungchangah pastor nih vawi li thleng a dil theih tawh turin a ti a, a diltu chu kum 1835 an ni tur a ni bawk. Pathainni hi SAY Sunday a ni a, nilengin |halai ho pualin hun hman a ni ang. Tin, ni 19 (Thawhlehni) hian Tlangsam Outpost kum 1 tlin lawmna nilenga neih tur a ni a. He hunah hian Thu leh hlaa inpawlhona neih a nih dawn bakah tlai lamah ruai kilho a ni bawk ang. Pathiannni hi rualbanlote ni a ni a, Presbyterian Kohhran chuan zan lamah, Ka unau te berte chunga in ti chu ka chunga ti in ni, tih thupui hmangin Pathian thuchah ngaihthlak a ni ang a, rualbanlote pual hian thilpek lakkhawm a ni bawk ang. Champhai |awng\ai Comittee te hnen a\anga thu kan dawn danin, |awng\ai tlang Gilgal hmuna. a \ul a pianga hman atan Kahrawt Pastor bial chuan Rs.10,000/- an pe a, Kahrawt Kohhran Hmeichhiaten \huthleng (bench) 10 an pe bawk a, Champhai |awng\tai Committee te an lawm hle tih thu kan dawng. Synod Revival hnuaia team hrang hrangte chu ni 2224/6/2012 thleng hian Synod chuan retreat nei turin Mission Veng Kohhran Biak In-ah a ko khawm ang. Tunah hian Synod hnuaiah Revival team 70 an awm mek a ni. Tin, Ram chu Lalpa ta a ni, tih thupui hmangin ni 19-26 Oct.`12 chhung hian Kohhran hrang hrangah Pathian thuchah beihpui an thlak ang. Karkalta Nilaini khan CHANEM hmuna MMEM control room chu hman theih tura hawnna leh Pathian hnena hlanna inkhawm neih a ni. MMEM tih chu International Media Evangelical Minystry tih tawh tur a ni a, founder Maj.Dr.ST.Dula chuan Asia rama Gospel Channel lian ber a la nih tur thu Pathianin a hrilh niin a sawi. Mizoram a inbiakna company hrang hrang airtel, aircel etc te hmangin mi nuai 6 chuang hnenah Isuan a hmangaih che tih thu thawn darh tuma hma lak mek a nih bawk thu a sawi.

Pavalai Pawl kalphung ti fel

SAY Sunday hmang

Rualbanlote Ni

Gilgal \anpuina pe

Revival retreat

MMEM Channel hawng fel

A pawi khawp mai! Mahni ngeiin Thlarau Thianghlim chu kan khawihin kan chang fiah tur a ni si a. Lalpa chuan thusawitute leh min \awng\ai saktute chu hmanrua-ah zawng a hmang teh meuh mai a. Mahse Thlarau Thianghlim khawihna tak tak, Thlarau Thianghlim nena inpawlna leh inbiak tawnna te, Thlarau Thianghlim zara thlamuanna leh hlimna te thlengin, Lalpa chuan keimahni-ah a awm ngei a ni tih fiah taka min hrilh a duh \hin. Mahse benga kan hriatna mai chu kan duhtawk a, a taka chang fiah tura taimak chhuah ngaihna te, mahni lam ral ngamna te, mahni insenso te chu kan tihtur ah kan dah tlat lo a ni. Diktak chuan harhna chan pawh kan duh. Mahse kan harh dawn tak tak chuan kan eiruk te, kan thiltih ruk \halo tak tak te, kan eizawnna te thlengin tihdanglam a ngai hial dawn a, chuvangin kan hmui hian Lalpa hnenah harhna dil mahse, sim duhna tello chuan Lalpa hnena mi harhna a thleng hlei thei lo. Kan inkhawmte pawh hi hlim chi ziazang kan ni lo. Luh hlim a\angin ban hun kan ngaihtuah a, sana en chungin inkhawm programme kan hmachhawn a. Pathain biak tak tak ai chuan ban vat vat kha kan duh zawk tlat a lawm! Fakna hla kan sak lahin kan nawn rei lutuk ang tih hlau pawl kha a tam zawk mah kan ni a. Lalpa tana hlim taka hla sak emaw kut ben emaw lam chhuah emaw te chu, tute emaw tih tur-ah kan dah tlat a. Lam a, kut beng tur khawp chuan chapona leh mahni induhna sual ten zahna hmangin min thunun tlat a. Tin, Pathian thuchah sawitute lahin inbuatsaihna hun kan neihloh leh thil dang chhuan lam kan nei deuh vek a, kan thusawi thiamloh te chu a nih tur a ngaiin kan sawi liam mai mai tawh a. Diktak chuan Pathian thusawi thiamna hi Pathian ah a awm a, thusawi thiam tih lam aia ropui zawk chu thusawi nung hi a ni. Kan thusawi a nun theih nan thusawitute hian Lalpa kan auh tam a ngai a, sermon thar dawng tur pawhin Lalpa kan belh nasat a \ul hle. Chutiang ti peih hauh si lo chuan pulpit te hi kan hmang liam ta mai mai a. Hei hian nung taka Pathian fakna kawngah min ti chhe nasa em em a, biak in a inkhawm kan tlem telh telh pawh hi, a chhunga Pathian be tu ten kan zir loh vang a ni fo. Lalpa chu kan hmu\in kan khawih thei lo tawp mai a. Mahse Lalpa chuan Thlarau a nih thu leh Thlarau a\ang chauha chibai buk chi a nih thu min hrilh fel vek tawh a, tin, keimahni ngei pawh chu Thlarau Thianghlim in kan nih thu thlengin min hrilh vek tawh a ni. Thlarau Thianghlim nena kan intawn fiah fo te, kan inpawl tam te, kan inbiak te \hinte chu a \ul takzet a ni. Thlarau Thianghlim nena kan chhungril nun a inpawl ngailoh avang te, amah nena inzawm tawnna leh nun dunna kan tlakchham avang hian Kristianna meuh pawh chu sakhaw chikhat ang chauhah kan ngai tawh a.Pathian a awm tak tak pawh ring tawh lo, rinhlelhna thinlung nen Lalpa kan au va. Chu`ngte avang chuan kan ringtu nun chu a vai ruai a, kal ngaihna hrelo leh kal dan thiamlo takin kan awm theih phah a. Lalpa duhlohzawng tih pawisakna reng reng kan neihloh phah thei bawk. A pawimawh ber chu mahni leh Lalpa inkar hi a ni. Lalpa chuan kan chhungrilah hmun chan a duh reng a, kan hnena thusawi te, kan nun tihhlim te, beiseina min siamsak te, thlamuanna min pek te, sual hneh tura min \anpui te, amah kan nuna inchawimawi te thlengin. Mahse keini lah c huan Lalpa chu a thu bakin engmah kan hre lo va, kan ngaihven lo va. Keimahni thiam dan leh ni a kan hriat dan hmang chauhin Lalpa chu kan be ta mai mai a. Chuvangin kan nunkawng hi a bo lo thei ta lo \hin a ni. Khaile, tunah chuan i Lalpa nen in be rawh u le. Amen.

India-ah pastor thihna a thleng

South India-a Pastor thihna chungchang leh North India-a Biak in tihchhiat a nih avanga Kristian tam tak an tlan chhiatna chu chhui chian mek a ni. He thil hi Tamil Nadu-a thleng a ni a, India rama Kristiante chunga tharum thawhnaah chuan a rawva bera ngaih a ni a. Pastor an tihhlum tak hi Pastor C Wilson, kum 54 mi a ni a, a lirthei bulah thiin police ten an chhar a ni. A ruang hi June ni 2 khan Othakadai town bul kawngpuiah hmuh chhuah a ni a, a lu ruh-ah lung a tang tih hmuh a ni. Hemi chungchangah hian Global Council of Indian Christians chuan accident emaw insuamna a nih loh thu an sawi a, sakhuana avanga inhuatna emaw hetiang kaihhnawh hi a nih ngei an ring a ni. Hetihlai hian Jammu and Kashmir-ah Biak in nasa taka suasam niin boruak a tang hle a, Muslim lalna Jammu-ah hian Kristiante chen ve rem tih lohna a awm mek avangin mi 400 chuang chuan an in leh lo an chhuahsan ve mek bawk a ni.

Bishop's School in vauna an tawk

Pune-a Bishop's School chuan politics hmanga admission pek an duh loh avangin police rawih ngai hial khawpin vauna an tawk nasa. He school principal Frank Freese sawi danin school board chuan pawl thilti thei tak takte atangin admission hi politics inhnamhnawih theiha hawng turin nawrna a nasa hle a, a then phei chuan school hi an suasam a, mahse seat an nei tam si lova, hetiang an vauna ang hian kalpui an tum chuang lo a ni. School board chuan an harsatna hi peace protest hmangin an duh lohna lantir mai pawh an rel tan tawh a, an harsatna tawh mek hi midang pawhin hre ve se, hmalakpui se an duh tak meuh a ni. He school hian vauna dengkhawng tak tak a tawh avangin kar hmasa khan police te chuan an veng nghe nghe bawk. Bishop's School hi kum 1864-ah British hovin an din a ni a, India ramah chuan Anglo-Indian school tha ber te zinga chhiar tel a ni.

Ka hring chanpui zawng ten ka nunhluite chhui kir in, an thinlungah bawlhhlawh nimahila, ka tihsual leh nihsual zawngte chu theihnghilhin, fa tak nihna chanvo ropui tak min hlan. -8575884490 Tidamtu ka pan theih nan natna minpe a. Rinna chakzia ka hriat theih nan rinhlelhna ruam min zawh tir a, thlamuantu ka hnaih theih nan thlabarin min siam a, malsawmna ka thlakhlelh theih nan anchhe rapthlakzia min kawh hmuh a. Felna hlutzia ka hriattheih nan sual pawizia min tem tir a. Lungawina van ka thlen theih nan lungawilohna khawvelah min dah a. Chatuan ropuizia ka hriat theih nan damchhung nepzia min hriattir a, ka mamawh f amkim nei ila, famkimna Pathian ka mamawh a ngem? - 8014535032 - sMs 9612194537

HOME / CENTRE Genesaret Gospel Home 9862725694 Grace Receiver Home 9862175454 TNT Champhai - 9436709524 Emmanuel After Care Centre 9612194537 Child Walefare Committee 9436196059/9436145109/ 9615027138 Electric Complain Room 9862599300 / 9862225325 DM Hospital Casualty 8014431865 Civil Hospital Champhai 03831234362 Med-Aim Hospital 9612343481 RD Petorl pump 8974491416

EMMANUEL

P u b l i s h e d & E d i t e d by C . H r a n g h l u n a & P r i n t e d a t C K O f f s e t P r i n t i n g & P a p e r W o r k s , C h a m p h a i V e n g t h l a n g .

HELPLINE

Lemziak kan dawng thei reng a, DK.Enterprise & Agent te hnenah thehluh theih a ni. Milem ziaktu ten paper fai tha takah fiah takin ziah ni se, tin, a thehluttu ten mahni hming leh school hming (school lut tan) chiang takin paper hnungah tarlan ni se. Hrechiang duh tan. - 9612194537 ah zawhfiah theih a ni e. - Ed. F.Vanlalrohlua(Mampuia), Cl-II, R.No-8, Springdale Academy

Hnar leh Sinus cancer te hi treatment a hautak a. A lo lan chhuah tawh phei chuan lian tak (advance stage) a ni tawh \hin a ni. Kan hnar a pin deuh reng a, thisen rimte kanhriat hial chuan cancer a ni mai thei. ENT doctor rawn vat tur a ni. Tin, hrawk a lo zat chhen a, then a ngaih zin viau chuan inentir ran a \ha bawk. Tin, hrawka thil engemaw tang nia kan hriat hian mi tam tak chuan pumpui vang a ni an ti chawk a. Pumpui damdawi an ei leh nge nge \hin. Chutiang tur chu a ni lo va, hrawk chu entir vat zawk tur a ni. Early Stage of throat cancer a lo awm reng thei a ni. HENGTE HI I MAMAWH VE EM?
Intel Core i series i5, i3, dual core, AMD series etc...kan thleng thar e. Laptop sony vio, acer, asus, hp, lenovo duhthlan tur a awm bawk e. Gaminf Playstation, Printer, Wofer, Grapics Card, Internet 3G data card leh Printer ink chi hrang hrang kan kawl bawk e. Min dawrtute free gift tha tak kan pe tel zel. - LL Computers,

Lallawmzuala Class-IV, R.No-36 Holy Angel School

HRISELNA

Khuangluaia building,Venglai Bazar, Champhai. Ph. 9615953749 ALMIRAH & MATTRESS, CUSHION KIMNA

Champhai District a Steel Amirah design chi hrang hrang siam thei awmchhun kan ni. I duhdan design, size leh colour rawn thlang la, i duhthusam atakah kan lo chantir ange. Tin, kan dawr L&K Store, Dawr Veng, Champhai-ah innei thar hlimte tana hman chi Mattress leh Cushion kan nei reng bawk e. Min han chhin ve ta che. Prop: Duati, Chhurahmun, Bethel Veng. Ph: 9862936461

THIL THA MAMAWHTE TANA KIMNA HMUN

Tv,Fidge, Washingmachine, Company chi hrang hrang siam awmna leh a tlawmna hmun kan ni ....handset, woofer leh electric parts chi hrang hrang kan kawl bawk e...thlalak, passport size, citation te kan siam thei bawk e...Warranty mumal taka kalpuina hmun kan ni e. Two Brothers.

( Apex Bank Chhak, Dawr Veng Champhai) Phone: 9862952167

Parallel Bible Kawm |ha Kan Nei E

Lirthei, a bik in two wheeler kan khalh hian, a headlight lo on vu te, a site stand lo pir chhoh loh te, a signal light lo tihphet zuk zk te, a tihpalh /theihnghilh ve theih khawp mai a. Hetiang han in hriattir mai mai hi a \angkai hle a ni.Tin, two wheeler hnunga i chuan chuan, in kawina tur lam a ban o vai nachang hriatte kha a finthlak em em a ni tih hriat tel a \ha bawk e.
Parallel Bible a kawm tha chi, zipper awm lei tur kan nei thar e. School naupang tan saptawng zirna tha tak a ni nghal a, phai lama awm tur tan phei chuan neih ngei chi a ni. Pass lawm nan te, Inneih present leh birthday present atan a tha hle. Rs.600/- Rs. 450, Rs.300/- man te kan nei e.

DK Enterprise, Dawr Veng, Champhai

ELECTRONIC MULTI-BRAND SHOW ROOM Laptop & Desktop COMPUTER, Mobile Phone, Digital Camera, TV, Fridge, Washing Machine, Inverter / UPS, Motor leh Inverter Battery chi hrang hrang, Laser & Inkjet Printer, Woofer, 3G/GPRS Internet Data Card, bakah electronics bungrua chi hrang hrang kimna leh tlawnna hmun. Company trained technician thiam leh rintlak tak tak ten an thutchilhna hmun a nih avangin after sales service ah Phone: 03831 234649 (O) harsatna a awm tlem bik.
9862725644 (M)

X X X

KEIMAHNI
Bazaar pui nu hoten chawhmeh min pe zel a, an chungah kan lawm takzet a ni. Karkalta khan zan lamah home crusade neih thin a ni. Pu Saihmingliana Sailo te chhung Bethel hnen atangin Rs.2,000/- kan dawng a, kan lawm e.

JK BUSINESS SERVICES, Venglai Bazar, Champhai