Motto : Zir la. Tanpui la.

Humhim rawh

Theme :Pathian zarah huaitakin kan ti ang - Sam 108:13

ZIRLAITE KHAWNVAR
Vol. VIII Issue No.5 An official organ of the Mizo Students` Association, Bangalore Sunday June 17. 2012

ZIRLAITE TUKVERH
#. KLE Law College-a zirlaite chuan tun thla ni 25 atang hian Semester exam an nei tan dawn. #. UVCE a Engineer zirlaite pawhin naktuk, ni 18 June atang hian Semester exam nei tanin Practical exam an nei tan dawn bawk a. An zawh fel hun tur tak hi hriatchian theih a la ni hrih lo. #. Hetihlai hian Dr.AIT-a 3rd yr Engineer zirlaite chuan Semester exm an beichho ve mek a. 1, 2 leh final yr te erawh chu exam zo tawhin Zoram lamah min liamsan mek thung a ni. #. Kan Adviser Pu Lalhriatrenga fanu Sandy Laldinpuii, St. Francis College-a PU zirlai mek chu tha taka pass-in an College ah a ti tha ber a. Hetianga mi chhuanawm leh entawn tlak member kan nei hi MSA chuan kan chhuangin kan lawmpui takzet a ni. #. Kan member General line zirhote pawh hun rei tak chalwh hmanga Zoram lama an haw hnuin hna thar tan leh turin an lo thleng kim leh deuh vek tawh e. #. Zirlai tam tak ten Academic Session thar kan tan leh tawhin Bangalore hmuna lehkha lo zirthar tur te pawh an lo chhuk thla tan leh mek tawh a. Keini lo awm hmasa zawkte hian kan naute lo kal thar chiauau leh kaihhruai hi kan tih tur pawimawh tak a ni tih hre reng ila. Kan hnung an lo zui theih nan entawn tlak awm i tum theuh ang u.

THALAITE MAMAWH - MORAL TRANSFORMATION

K. Remruatfela K.L.E. Law College England rama suahsualna leh tharum thawhna a sosat lai bera Wordsworth-a a boral thu Matthew Arnoldan a hriata, a ui lutukin, Hun hian ama hun teah zawng rorel thiam leh fing mi a la rawn thlensak leh ang a, amaherawhchu, Europe hun hnuhnung tawng tawh hian tidam thei Wordsworth-a hi engtikah nge a tawn leh teh lul ang? ti-a lungchhe vankaia a lo tahkhum kha tun hnua kan Zoram thalai dinhmun hnena ka hmehbelin ka dem ta hauh lo. Ram nitla seng lo, British sawrkar hotu lu ber pawh lo ni tawh thin, Bristish Prime Minister hlui Benjamin Disraeli chuan, The youth of the nation are the trustees of the posterity tiin thalaite pawimawhzia thu a lo auchhuahpui chiam tawh a. A ni taka Thalaite hi ram leh hnam hmelhmang sawi danglam theitu, ram leh hnam nghahfak tak meuh meuh mai kan ni a. Kan pawimawhzia hi kan inhriatchian pawh a tul hle. Heti taka pawimawh kan nih avang hian kan nu leh pate leh kan sarwkar te pawhin an theih tawk chuan thalaite hi min duhsakin min ngai pawimawh thiam hle niin a lang a. Thalaite khawvela cheng kan ni kan lo tih fo thin pawh hi a lo dik nameuh mai le. Hetiang zawng zawnga ka ngaihtuaha ka rilrua thu lo lut chu kan sawrkar leh kohhran te hian thalaite hi min duat sual lek lek zawk a ni thei ang em tih hi??? Ni 22-24 April 2012 khan Bangalore Mizo Presbyterian Church aiawhin NCCI Youth Pre-Assembly ah ka palai ve a. Kan thupui chu Gospel Google Green (The Gospel in a groawning world) tih niin kan sawi tam ber chu Kohhran, Society leh Environment siamtha tura paiwmawh ber chu thalaite kan ni tih a ni. Tin, chung baka kan sawiho, ngaihtuahna ti thui deuh chu khawvela thalaite moral chhiat tawhzia leh siamthat kan ngaihtawhzia hi a ni a. Keini Zofa thalaite pawh hi heng zingah hian kan bang bik reng reng lo va, thalaite tam zawkte hian kherkhiapna aia palzamna, takna aia dahlauna, a urhsun aia a huauhuau, nghehna aia phurna hi kan tuipui tan ta em aw a tih theih a. Heng thil zawng zawng hian Kohhran leh khawtlangah nget a chhuah tan a. Thununna leh thuawihna inzirtir ai chuan Individualism (Its my life) thu leh hla hian kan ruh leh thling a ngeih tawh zawkin a lang a, a pawi takzet a ni! Kan Zoram thalai tam takte hian chhia leh tha hriatna (Conscience) tak taka nun puitling leh zahawm neih duhna hi kan nei tawk tawh lo em aw a tih theih a. Pathian tihna tak tak leh khawvel thilah pawh tum mumal tak neia principle felfai tak nei lem lo hi a tam zawk kan ni tawh em aw a tih theih hial awm e. Kan Zoram thalai tam takte hian Moral Reform mai pawh ni tawh lovin Moral Transformation hi kan mamawh takzet tawh niin a lang. Thalaite zingah thinlung chhungril bera Pathian tihna tak tak nei lo, ram leh hnam hmangaihna leh veina tak tak nei lo, he khawvela kan damchhan leh kan lehkha zir chhan pawh ngaihtuah

Published & Edited by Lalramruata on behalf of Mizo Student Association, Bangalore

ZIRLAITE KHAWNVAR, MSA, BANGALORE SUNDAY, JUNE 17, 2012. Editor : Lalramruata Mob. : 7204833454 Email:Zirlaitekhawnvar@rocketmail.com Jt. Editor : Aldrin Zoliansanga Contributor : K. Remruatfela Cir. Manager :Vanhmingliani Jacob Lalremsiama
lem lova khawsa ve naw naw, ngaihtuah leh vei em em nei hran lo, pawngpaw inti changkang em em ringawt hi chhiar sen loh kan awm nuk tawh niin a lang a. Hei vang hian a chang phei chuan beiseina meichher hi a mit leh lek lek thin!!! Tuna thalai ni mekte hi nakin lawka ram leh hnam hruaitu la ni mai turte kan ni si a. Chuvangin, keini thalaite hian kan kawng hi i chhut nawn fo teh ang u. . Amaherawhchu, hetihlai hian thalai engemaw zat, Thatlai hun Pathian tan leh ram leh hnam tana hman tuma, khawvel sualna laka inthiar fihlim . tum, baal hmaa thingthi ve ngailo Zofate zingah hian tam tak an la inphumruk teuh hi beiseina nen ka ring tlat a. Chu rinna leh beiseina dawrawm tak nung sek sek lek pawh chuan rilru na a thawi dam leh suai suai thin!!!

Editorial:
Music hi Mizote rirluah chuan thil bet ve tlat mai hi a ni a, kan pi leh pu te atang tawh khan Music tel lo chuan tumah an lo awm thei bik hauh lo mai. Hmanlaia rimawi hmanrua an neih ber kha chu Dar Bu te kha a ni mai a. Tichuan, Kristianna te rawn lut in Biak in hial te an lo neih tak ah chuan KHUANG nen an zai chho ta rup rup tan a. Amaherawhchu, Kohhran Upaten an duh kherkhiap em avangin Biak in chhung ah Khuangpui an lalut ngai meuh lo. Hun a lo kal zel a, music pawimawhna kan hre chho tial tialin tun kum sangbi tharah meuh chuan Aizawl hmun tam tak ah chuan khawhar ina an tleivarna ah pawh KEYBOARD nen an ri dup dup ta mai... A tlangpuiin hnam dang ho chuan kan hla te reng reng hi tlar li (4) leh thunawn mai mai tih in min sawi chhiat sak thin mah se, tun dinhmun ah ngat phei chuan min tluk tawh lo nasa hle niin a hriat theih. Hman laia kan hla lo neih te ho kha chu khawhar hla te lengkhawm hlan te anih hlawm avang khan tlar 4 leh thunawn a ni nghal tawp thin a. Amaherawhchu, tunlai ah chuan khatiang ang chi kha chu Mizo hla ah hian a vang hle tawh. Hla hi chu a thu hi tha viau mah se, a thluk a nalh loh hi chuan awmzia a nei tam lo thin khawp mai a, a thluk hian kawngro a su nasa hle a ni. Lekha kan zir avang hian music hi kan thlah thlam thei ngawt lo a, lehkha zirlai thiam bawk ila music hi thiam hle bawk ila Education in a tum ber chu kan ti hlawhtling thei der mai dawn a lo ni. Rock music a kan tui avang khan lekha zir tur kan nei lo tihna pawh a ni chuang lo a, kan zaithiam avang khan lekha kan thiam loh phah bawk bawk lo. Hlawhtling tlaka engkim kan tih a, Pathian kan tih bawk chuan kan la hlawhtling ngei ngei ang. Jt. Editor

MIXED MARTIAL ARTS

Combat games lama India ram pum hmasawnna kalchho zelah sorkar laipui (Sports ministry & Sports Authority of India) nena inthlunzawmin Mixed Martial Arts -ah National Federation chu siam a ni ta a tun hnaiah. State tinte affiliation pek mek a ni a, chumi karah chuan Karnatak pawhin an la ve a tun kar khan, OB te insiamin tunah hian registration tih mek a ni a, hotu lu te chu President- Chandrashekar Reddy ( Social Worker/ Politician) leh General Secretary- Hemanth Kumar ( Entrepreneur) te an ni. He Karnataka Mixed Martial Arts Association-ah hian Karnataka state tana thawhhlawk tak, kan Senior Adviser Tv.Samuel Lalrozama Hmar chu Technical Committee-ah Vice-Chairman a dah a ni. Mizo te tan thu lawmawm a ni. Opening ceremony hi sorkar nena formalities tih zawh hnuah pui taka neih tum a ni a, MSA hruaitute pawh sawm ve ngei an tum thu kan dawn. s/d (Hemanth Kumar) Gen. Secy., KMMAA Mob. 09164412412

SEMCHHUAH A NI TA
MSA Membership form bakah Scholarship form chu vawiin atang hian BMK/BMCF inkhawm naah semchhuah tan a ni a. Scholarship form hi pakhat zelah Rs 20/- a hralhchhuaah a ni ang. Tin, membership form pawh semchhuah chhunzawm zel a ni a. Bangalore hmuna lehkhazir tura awm, Zohnahthlak kan nih phawt chuan member nih vek i tum ang u. Renewal tan Rs 20/- a ni ang a. Fresher tan Annual fee leh Membership fee pek kawp a ngaih dawn avangin Rs 20+10 = Rs 30/ - a ni bik ang.

Kan Chanchinbu hi kan Senior Adviser Pu Clement Lalhmingthanga`n tun session chhung min sponsor sak dawn a. A chungah kan lawm takzet a ni.

Published & Edited by Lalramruata on behalf of Mizo Student Association, Bangalore

ZIRLAITE KHAWNVAR, MSA, BANGALORE SUNDAY, JUNE 17, 2012.

ENG ANG MI NGE HRUAITU KAN MAMAWH?

J.Ringzuala, JIPMER Damdawiin ah chuan hmanhmawh takin an rawn zawn lut a. A fanu, nula fel tak chuan tuarchhel tak leh insum hram hram chung chuan kimchang takin a pa nat dan chu a sawi ta vek a(kha nula fel tak kha ka van ngaisang ru reuh tak e aw)An chhungkaw eitur thawkchhuak tu ber a pa, an thatchhiat leh sual vang ni miah lova sawrkar hna thawk awm ve lo chhungkua Sum chu han nei ve deuh sela chuan an pa duh tak leh hmangaih em em kha an chelh rei thei deuh tur

M.S.A. News:
#. Ni 23rd. June 2012, tlai dar hian kan Adviser Pu Lalhriatrenga Chhangte Inah MSA Executive Committee vawi 5-na neih tur a ni a. Committee Member te i lo inring lawk ang u. #. Kan Senior Adviser Lt.Col. Clement Lalhmingthanga chu tunlai hian leave laiin Zoram lamah a haw mek a. Tun thla tawp hian a lo chhuk thla leng ang. #. Kan Asst. Secretary Tv. Benjamin Vanlalruata Pachuau pawh exam chawlh hmangin Zoram lamah min awmsan mek a. Tun thla ni 23 hian a lo let leh ang. #. Kan Editor Tv. Lalramruata (KLE) pawh tunlai hian exam chawlh hmangin Zoram lamah min hawsan mek a. Thlaleh tawp lampangah a lo let leh ang. MSA, Bangalore Calendar2012-2013: Aug. 18 : Zirna Kutpui cum General Body meeting (MSA Sport) : Field Events (MSA Sport) : MSA Day Celebration : ZOfest : North East level Basketball Tournament : Election cum Chapchar Kut

Sawrkar motor-in an rawn zui khup khup aamah ber lah chuan nikhua engmah a hre si lo. A chhungte pawh chuan engmah sen an hreh lo,Doctor, engpawh sawi rawh kan ti zel angmahse sumin tih theih a nei tam lem tawh lo, a chatuan hmun a pan mek a ni. A na ngei e. Thihna kotlanga han din meuh chuan kan nunna derdep zia leh a chunga thu kan neih lohzia kan hre chhuak thin anih hi. Kan thatlai leh vanglainite chuan kan bengkhawn leh lawi si lo. Natna vei kher lo pawh hian thih dan kawng a tam asin mawle. Mah se hre lo ang maiin kan dak sang a, kan lo chapo leh mai thin. I ngaihtuah ve ngai em le. Thiamna um a kan tlan mek lai hian keini zirlai te pawh hian kan nun chhan te, kan nun kawltu Pathian anih ziate hi I hre thar leh ang u. Kan hriat lar em em, Only our attitude matters tih hi a dik zawnga kan hman a hun hle mai. Vanduaina leh Thihnain mi tumah min thliar loh danah hian mi thliar ve ngawt thei kan ni bik dawn em ni . Fimkhur takin nun I hmang ang u. He thil hrechiang apiang hi an inphah hnuai thei a, an chapo ve khat a ni. Pawlah emaw hruaitu I ni thei, Politics ah a kul ataiin I in hmang a ni thei. Midangte ram hmangaih tura tur emaw, ram hmangaih tura in chah ngawt hi a fuh ber em aw? Thil tinrengah; pawl kal dan emaw, politics in lum let vel hriat chiam ai chuan he kan thil sawi hriat chian hian awmzia a nei thui zawk a ni. Lal Isua politic kha a tha ber; Inhmangaih tawn rawh u. Mi dinhmuna indah ve chhin a, an ngaihtuahna ang put pui thiam mi kan mamawh a ni. Mi chapo tak, thihna leh vanduaina hian min tichhe ve thei lovang a ti rilru emaw tih mai tur dawr hi a hahthlakin an huatthlala tak zet a ni. Pawnlang chauhva mite tha tih leh ngaihsan nih chaka a uma um ho hi chu Perfume spray nen hian an in ang berin ka hria. Intifai hmasa lova inkah(spray) ve leh ringawt hi chuan thlan nen a in pawlh nuaih tawh mai a ni, a rim dik tak a chhuak thei tawh meuh lo. Engkimah hian mi nun bulbal nghet nei kan mamawh a, an tawng tam avang leh thil an hriat avang maia thlan leh ngaihsan chi a ni lo. Thil engkim mai hi Pathianin a hmu vek a, Ama thu thu a ni tih hrechiang hruaitu kan van mamawh em! Lemchan tum erawh an awm ve ziah. I fimkhur tlang ang u.

Oct. 26 Nov. 13 Dec. 7&8 Feb 9&16

March 23

Note: MSA Calendar hi Committee-ah ennawn leh a ni ang. MSA, Bangalore hmalakna zara ZOfest kan neih tur hi ka nghakhlel nasa tawh hle mai. Zo thuam chikim ngei a inthuam ka tum angah.... Mahse, puan ven ber hian min la ti zam deuh....ho lutuk, veng harh harh mai ang. Chuan, a tawp zan Concert kha ka nghakhle tawh khawp mai. hetiang hun hi tun hma atang tawha ka lo ngaihchan reng tawh kha nia. MSA, in fakawm thlawt e.

LR-A, Vyedehi College

Published & Edited by Lalramruata on behalf of Mizo Student Association, Bangalore

ZIRLAITE KHAWNVAR, MSA, BANGALORE SUNDAY, JUNE 17, 2012.

Regular: K. Remruatfela Quatations:
Lal sual leh inti lal tak takte an lo awm ve avang leh michhe lam changkanna kal zel avang leh Bawrhsap thenkhat lal ho a dik a dawk thlu lova tan tlat ching an awm avangin mi chhia leh lal inkarah inhriatthiamlohna a lo nasa tial tial a. Hun a lo kal zel a, hnamchawmte pawla indinin lalin min tihnawmnah lutuk tawh loh nan politics pawl a lo ding ta a. Chu pawl chu Mizo Union tih a lo ni ta apage 85, Zoram Hming Hmel by Lalsawia. Mizo Union lo dingtir chakna em em pakhat chu, mipuiin lal bantu ni tura an ngaih tlat vang a ni.page 119, Ka Zinkawng Ch.Saprawnga 1st edition Bawrhsap dangte phal ngai zen zen loh Pu Mac Donald`an Mizo Union din phalna a pek chu ama ho ngeia lalho nek chhuaktu ni-a ngai ang hrimin sawrkar hnathawk leh pastor lamte chuan an bawh ta hum hum apage 121, Ka Zinkawng Ch.Saprawnga 1st edition Mizo Union ten State aia Union Terittory an thlan zawk thua Mizo Union PresidentPu Ch.Chhunga thusawi, State hi zawng kan naute rammu-in an rawn hawn atan i khek ang u. Independence hi chu an hmu dawn lo tih a chiang a. Nakinah rawn haw chhan tur an neih loh hlauh chuan hnam pumpui tan a tlawm thlak dawn em maia. Pasaltha sairam chhuak an hlawhchham a, mahse haw kawngah sazuk sakhi an rawn kap haw a, kutbeng em lova an lo haw ang hian an sazuk sakhi rawn kah haw atan I zuahsak ang u...page 128, Ch.Chhunga chanchin - James Dokhuma

THE PHILOSOPHY OF CHINESE PHILOSOPHER - CONFUCIUS

Issue hmasaa - chhuak leh atang chuan a indawt chho dan zelin World Political Philosophy kan rawn kheuhhawng thin ang tih a ni angin tun issue atang hian political philosophy lo thanchhoh zel dan issue tinah kan rawn chhawpchhuak chho tawh thin dawn a. A bul tan nan khawvelin Philosopher kan hmelhriat hmasak berte zinga mi leh huvang nei hmasa ber Confucian sakhua hmuchhuaktu Chinese Philosopher Confuciusa thuril lo khel ho hmasa phawt ila. Historian te pawm tlan dan chuan BC 4000 vel atang khan Age a intan a. Middle East kan tih mai Africa khawmual hmar lama awm, Nile luipui kam vel te, Asia khawmual khawthlang lama awm Tigris leh Euphrates luipui ruam te, China rama Yellow river ruam atangtein civilization hi lo piang chhuak nia hriat a ni. Tigris leh Euphrates luipui kuam, lei dur tha em em hmun khu civilization hmasa Sumerians, Assyrians, Babylonians, Persians etc nunphung intanna bul ni-a hriat a ni. Chumi hnuah Egyptian Civilization lo piangchhuak leh nia hriat a ni a. Chutih lai bawr vel 1523-1050 BC vel khan Chinise civilization ropui tak pawh a lo awm tawh tho niin Historian te chuan an chhut bawk. Heng Persian/Assyrians/Egyptians civilization hunlai vel hian khawvel hriattham philosophy hi a lo piangchhuak lo emaw ni le aw tih theih turin record mumal rintlak leh langsar a awm miah lo va. Philosophy rawn irhchhuahna na chu Chinese hnam Shang lal thlahte hunlai, BC 1523-1050 inkar vel kha niin mi thiam ten an sawi thin. Hetih hunlai hian Chiniese Political Philosopher Confucius-a hunlai a ni a. Rom leh Egypt te hun ang emin sal dinhmun chu a chhiaiin a rapthlak lem lo naa, Confuscious-a hunlai pahw hian sal neih an intihhmuh khawp a. Lal chuan a hnuaia ram bial awptute hnenah ram semin salten hna an thawk thin a. Sal dinhmun chu hniam tak a ni. Confucius-a hian inhmangaih tawnna pawimawhzia leh mihring intluktlanna kan chawisan a tul thu uar taka a ram mipuite hriata a puanzar thin avangin zuitu leh ngaisangtu pawh a ngah thei hle a. Hetihlai hian haw em em tu leh tihhlum hial duhtu pawh a tawng nasa hle. Confucius-a ngaihdanah chuan, Ram (State) hi chhungkaw lian tak ang a ni a. Chuvangin Pa in hmangaihna nena a fate a uapkhawm thin ang hian Lal pawhin a khua leh tuite hmangaihna leh dimdawina nen a huikhawm thin tur a ni a ti a. Tin, hetihlai hian khua leh tuite pawh aia upate zah tur te, nu leh pate thuawih tur leh Lal thu leh hla zah turin a fuih nasa em em bawk a. A ngaihdanah ram (State) hi Chhungkua a nih tlat avangin mipuite leh mipuite inkarah leh mipuite leh Lal inkara inpawhtawhna leh inhmangaihtawnna a ngai pawimawh hle a ni. He a ngaihdan hi Manu Code nen pawh a inzul hle (Issue dang lehah chuan Greek Philosophy ah kan kai chho dawrh dawn nia...)

MSA FACEBOOK GROUP

MSA member-te min ti pumkhata, chanchin thar kan neih ang angte awlsam taka kan inhrilhpawh a, thawhhona tha zawk kan neih theihna a nih beiseiin Facebook-ah MIZO STUDENTS ASSOCIATION, BANGALORE tih group siam a ni a. He group hi mitan tana siam tih hre rengin chanchinthar kan neih ang ang apiangte leh zirna lampang thila kan vei zawng engpawh inthlahrung hauh lovin post thin ila. A la join ve lo kan awm a nih pawhin a thupui hming ang hi chhuin join theuh i tum ang u. Tin, kan thiante la join ve lo kan awm a nih pawhin add belh zel ila. Bangalore hi zirna khawpui, thiamna leh finna khurpuia chhuah thei tur hian puanven i sawi chhing sauh sauh ang u...

ZOfest chu a nghahhlehawm tawh khawp mai. Tihfo tlak a ni Remtea St. Joseph College

Published & Edited by Lalramruata on behalf of Mizo Student Association, Bangalore