Editor: H.

Malsawmtluanga
Ph: 9615425400 / 9436784572

Thingsulthliah Students Union

Jt. Editor: Lalromawia Ph:2370285 Correspondents: K.Khualluna : 9436392830 Lalbiaktluanga : 9612322711 Ramngaizuala : 9862386148

Thingsulthliah Sub - Town Weekly Newspaper

VOL. VII

No. 7 THINGSULTHLIAH

Ni 2 March 2013

(INRINNI)

THINGSULTHLIAH INTERNAL KAWNG METAL Thingsulthliah VC ten tunkar thawhtanni khan Hospital Venglai kawng 300 mtrs-a thui chu an metal zo ta a, tunkar thawhlehni atang khan Hall liam kawng metal hna pawh thawk tan nghalin tunkan ningani zan thleng khan 24 BRTF Road-Roller hmangin an thawk a, thawh chhunzawm zel dan tur an ngaihtuah mek. 24 BRTF ten an lo tiam tawh angin Feb ni 17, 2013 khan Thingsulthliah khawchhung Metal-na turin Road-Roller hi an rawn pe a. Heng lai hnaiah Road-Roller remchang a awm mai loh avangin 74 RCC(Champhai) atangin Road Roller hi motorin a rawn phur thla tawp mai a, Thingsulthliah kawng hi ni 6 vel chhunga thawk zo tura ngaih niin Hall liam kawng atan dil belh leh hlek a ni a, tunkar chhung Halkl liam kawng hi thawk chhunzawm tura an phal laiin Champhai lamah hna tul hmanhmawh an neih avangin tunkar tawp lam hian Road-Roller hi an phur chho leh ta a ni. Thingsulthliah khawchhung kawng te an metal sak avangin Thingsulthliah VC te chuan Commander hnenah an lawmthu te amah hmuin an sawi a, a tul anga intanpuyi tawn zel turin an sawi bawk a ni. Tun thal chho lai, ruahsur hma hi hna tul an ngah lai anih avangin Road-Roller an indaih lo hle a, heti chung pawha khawchhung hna thawhsak tura Champhai atanga Road-Roller an rawn phurhsak avangin Thingsulthliah VC leh mipuite an lawm hle a, 24 BRTF hotute chungah an lawm hle a ni. TLANGNUAM HMAR VENG KAWNG PAWH Kan rawn tarlan tawh angin Tlangnuam VC leh 24 BRTF hotute inbiakna angin Tlangnuam Hmar Veng Thlanmual panna kawng chu Metal sak a ni dawn a, BRTF hotute hian March ni 20 atangin an metal sak dawn a ni. Hemi atan hian tunah hian Boulder phah mek a ni a, March ni 20 atanga metal theih turin an inbuatsaih mek a ni.
SELING YMA-IN IN SAK SAK DAWN Seling Branch YMA chuan Zawlbuk Group Conference hma a mi harsa chenna In sak sak an tum pahnih zinga Pu Tlanglianchhuma (Aizawl Road) In chu sak sak tumin hma an la mek a. Mi inphalte hnen atangin he In sak nan Seling Branch YMA Section tinin hetiang hian tanpuina an dawng: Neuva Section : Rs. 8359/Vanapa Section : Rs. 2300/T. Dawla Section : Rs. 6130/Saizahawla Section : Rs. 2000/Heng bakah hian Samaritan atangin Rs. 5000/- an dawng a, Seling Branch YMA in Rs. 10000/- In sakna tur atan hian an dah bawk a ni.

LUNGNGAIH DAR RI Ni 24.2.2013 dar 11:00 am khan Pi Lalziki(90) W/o K. Tuaia, Seling Dawrkawn chu Asthma avangin a boral a. A ruang hi lumenpui niin a tuk dar 11:00 am-ah Pastor R. Lallianpara, Presbyterian in a vui INNEI Ni 26.2.2013 khan Vanlalhmingsanga S/o VL Chhuanawma (Sena), H/A Venghnuai leh Zonunmawii D/o Zairema, Seling Aizawl Road te Tst Hospital Veng Kohhran Vestryah an innei. Ni 27.2.2013 khan Zothansanga S/o Lallawmzuala, H/A Vengsang leh Lalramliani D/o Lalramzauva, Darlawng te an innei.
RESULT PUANG Tunkar ningani khan Govt. M/S leh P/S ten kumtawp results an puang hlawm a. ni 1.3.2013 atangin Summer Vacation hmangin an chawl ang a, ni 2.4.2013-ah 2013 2014 Session an lut leh ang. MRB SELING BRANCH THAR Mizoram Rural Bank, Seling Branch thar chu karleh Thawhlehni hian Bialtu MLA, Home Minister ni bawk Pu R. Lalzirlianan Seling-ah a hawng dawn a. Hawnna inkhawm hi Seling YMA Run-ah neih a ni ang. RMSA STUDENT TOUR Tunkar ni 28.2.2013 khan Govt. Tst H/S Class IX Students te chu Pu R. Lalhmingliana leh Pu C. Vanlalrova Bus hmangin Tour neihpui a ni a. kan chheh vel, Bung, Upa Zasiama thlan, Thangzai lui, Tuirini lui etc. te fanpui an ni a. Kan environment leh leilung chungchang te a hmunah kalin zirpui an ni. Tuirini-ah ruai an theh a, an hlim hle. EXAM MEK ZEL HSLC leh HSSLC Exam chu Tst H/S leh HSS-ah te tluang taka neih mek zel a ni a, Khaw chhungah zirna boruak tha tak a awm zel a, a lawmawm hle.

JERSEY PE Lalhruaithari D/o Rammuana Tst D/A, tuna Foreign a awm mek chuan Tst G&SA tan Jersey set leh mawza Rs. 7500/- man leisakin a pe a. Amah leh a chhungte chungah Tst G&SA te an lawm hle a ni.