Patricia May D. Masil PSY15 Aborsyon Ang buhay ay isang biyayang ipinagkaloob sa atin ng Panginoong Maykapal.

Ngunit sa panahon ngayon kung saan halos lahat sa paligid ay unti unti nang nagbabago, gaano na nga ba kahalaga ang buhay para sa isang tao? Alam ng lahat na ang pagpatay ay isang kasalanan, ngunit tila ang tao ay wala ng kinatatakutan. Gaano na lamang ba kadali para sa kanila ang pumatay? Ang agawan ang isang nilalang ng pagkakataong mabuhay at masilayan ang mundo. Isang mapagpalang umaga sa ating kagalanggalang na propesor na si Doktor Marcial Verocel, at sa inyo mga kamag-aral. Ako po si Patricia May D. Masil at hayaan niyong ilahad ko ang katotohanan sa likod ng aborsyon. Halos araw-araw na lamang laman ng balita at pahayagan ang mga natatagpuang fetus na walang kaawa awang pinagkaitan ng buhay at tila binasura pa. Tama ang iniisip mo, isa ito sa mga katakot takot na dala ng aborsyon. Ngunit ano nga ba ang aborsyon? Ang pagpapalaglag, pagpapaagas o aborsyon ay ang sapilitang pagtanggal ng fetus sa sinapupunan ng isang babae. Itoy ipingbabawal sa batas ng Pilipinas ngunit marami parin ang gumagawa nito. Ayon sa isang report mula sa Guttmacher Institue noong taong 2005, mahigit 500,000 na babae ang nagpapaabort bawat taon. 25% sa mga ito ang nagpupunta sa mga illegal na abortion clinic. 30% ay umiinom ng gamot na pampalaglag gaya ng Cytotec. 20% ang nagpapahilot para malaglag ang bata sa sinapupunan. Ang ibay gumagawa pa nang ibat ibang paraan gaya ng pag-inom ng alak, pagpasok sa pwerta ng ibat ibang gamit, at iba pa. Katulad ng mga nasabing paraan, ibat iba rin ang dahilan kung bakit nagkakaroon ng aborsyon. Bakit nga ba kailangan pang magresulta sa aborsyon ang ilang mga kaso ng pagbubuntis? Una na marahil sa mga dahilang ito ay ang maagang pagdadalang-tao ng mga ina. Ganunpamay may kanya-kanyang dahilan ang mga ito kung bakit nila naiisipan at napagdedesisyunang kitilin ang buhay ng kanilang hindi pa naisisilang na sanggol. Ito ay maaring dahil sa di kagustuhang pagbubuntis, takot, kahihiyan, o di naman kayay pagtakas sa

mga responsibilidad ng pagiging isang magulang. Ngunit ano pa man ang dahilan ng isang babae sa pagpapaabort, wala pa rin ni isa rito ang katanggap tanggap sa mata ng batas, tao, lipunan at ng Diyos. Hindi lamang natatapos ang aborsyon sa pagkitil ng buhay ng isang sanggol sa sinapupunan ng isang babae. Kaakibat nito ang maaring maging masasamang epekto nito sa isang babaeng nagpaabort. Maaring ito ay makaapekto sa emosyonal na pamamaraan at pati na rin ang kalusugan ng isang babae ay naisasaalang alang dito. Maaaring humantong ang aborsyon sa pagka ubos ng dugo, kumplikasyon sa matres, impeksiyon o pag kamatay ng babaeng nag paabort. Masasabi kong sa buhay nararapat lamang na tayoy dapat maging maingat. Mas makabubuting tayo ay maging matatag sa ating mga nararamdaman dahil mas mahirap pumili ng "pumatay o bumuhay" kaysa mag-isip ng kung ano ang dapat gawin bilang isang babae o lalaki. Ang sanggol na nabuo sa sinapupunan ng isang babae, ito man ay dulot ng pagiging mapusok o ng makamundong kasalanan, ito pa rin ay inosente at walang kalaban-laban. Aking minamahal na mga tagapakinig ating pakatandaan na isang malaking biyaya ang buhay na bigay ng Maykapal at walang kahit sino man sa atin ang may karapatang bumawi nito kundi ang Panginoon lamang. Muli, isang mapagpalang umaga sa inyong lahat.