CHANCHINBU ENKAWLTUTE

Editor : Chanchinmawia (9615820416) Jt. Editor : Lalnunsanga Fanai (9862120903) News Ed. : K.Lalremsiama, H.Lalhmingliana, C. Zonunpuia Lalhmachhuana Fanai (9615030822) Cir. Mag. : Lalramzauva Chawngthu (8575462587) OB i/c : Branch OB

Vengthlang Branch YMA Chanchinbu Phek 2

Kum : XXII

Vawi : 24

Tahrik Ni : 16 Nikir thla (June) 2013 Phek 4

ZAWHNA SAWM
Hnatlang

Phek 3

YMA

LAWRKHAWM

Kan Thlanmual hman mekah hian BADP Fund atanga sum kan hmuh hmanga Waiting Shed & tanky kan sak mek chu Dt 12.6.2013(Nilaini) zingkar khan a chung chhunga hnatlang neiin hetah hian member kal tura beiseite an thawkchhuak tha hle a. Tunah hian a chung, Waiting Shed tur lai ban phunin hna hi tan leh nghal mai theih a ni. Slab chhun ni hian Pu Lalthlekchuailova chuan a Cement Mixer a rawn thawhchhuak a. A inpeknaah Branch chuan lawmthu a sawi mawlh mawlh a ni.

MIZO AWMNA HMUN HRANG HRANGAH YMA DAY LAWM A NI

awmna hmun hrang hrangah YMA Day ropui taka hman a ni a. Kan Branch pawh Executive Committeein a lo rel tawh angin Section hrang hrangten zingkarah mahni Section huamchhung thianfaia hnatlang neiin Branch OB te leh Section hrang hrang atanga mi ruat ten Thlanmual samfai tawhah Di Hlo an kap bawk a. Hei hi Vengthlang North Branch YMA te nena thawh a ni. Tin, kan Branch Executive-in a lo rel tawh angin Champhai District Hospital-ah tanpuina Rs 1000 hlan a ni a. Runmawia cheng chhungkaw 5 hnenah Rs 500 theuh hlan an ni bawk. YMA Day hi Inrinni a nih avangin zan lam programme siam a rem lova. Amaherawhchu a Urlawkna angin Zirtawpni zan khan Taitesena Section chuan Education Conference Hallah Members Meeting an hmang.

Taitesena Section News

Dt 14.6.2013(Zirtawpni) Zan Education Conference Hall, PS II-ah Members Meeting leh YMA day Urlawkna hun an hmang a. He Meeting hi Pu T Daniala, Asst Leader in kaihruaiin Nl Merian Zonunmawiin Pathian hnenah Meeting hi a hlan a. Tv Vanlalrinmawma, Asst. Secretary chuan Section hmalakna hrang hrang report a pe a. Pu H Zarzoliana, Leader-in fuihna thuchah sawiin Branch lam atangin Pu C Laltanpuia Branch Vice President in YMA member te nihna leh mawhphurhna chungchang thu a sawi a. Branch Preseident Pu F Lalrinmuana pawhin fuihna thu a sawi bawk. YMA Day Cake buatsaih a ni a, Pu H Zarzoliana leh Pu F Lalrinmuanan YMA Day hawnan Cake hi zaiin hun hlimawm tak an hmang a mi. Hemi zanah hian Section hrang hrang mi sawm te pawh an kal hlawm a, kalkhawm te hi Nl PC Lalrinmawii leh Tv Zaikunga Ralte in thiam taka zaiin an awi a ni. Member 90 zet he hun hmang hian an kalkhawm a ni.

Ni 16 Nikir Thla 2013: Nimin khan Mizoram leh Mizo khan Taitesena Section chuan

Hriattirna
Sorkar chuan thuchhuah siamin, inhmun lo ram pass nei tawh (in la ding lo) zawng zawngte'n July 2013 ral hma ngeiin an ramah a langsar thei ang berin an pass number leh kum tr vek tur a nih thu a tarlang.

Emergency Meeting Neih A Ni

Dt 13.02.2013(Ningani) zan khan Vengthlang huamchhunga NGO hrang hrang, YMA MHIP, MUP leh Vengthlang huamchhunga Welfare hrang hrang hruaitute leh Vengthlang VC te chuan YMA Runah Emergency Meeting pawimawh tak an nei a. He hunah hian a kal tura kohte an kal tha hle a. Hun rei tak Vengthlang huamchhunga ruihhlo zuar a, YMA te pawhin kan lo ensan mek Pi Zohmingi te chhungkaw chungchang rel a ni a. An ni hi tarlan tak ang khan YMA ten hunrei tak atangin kan lo ensan tawh a. Tin, khawtlangin an bungrua thehchhuahsakin Vengthlang atangin kan lo hnawtchhuak tawh a. Tin, vawi engmawzat kova lo zilh tawh an nih bakah TNT Zuangtuiah te hun engemawchen YMA hmalaknain dah an lo ni tawh a. A ruihhlo zawrh an sim theih loh avangin nikum YMA Day hma khan chhuak tura hriattir an ni a. Hun engemawchen an chhuah hnuin ruihhlo zuar bawkin an in an luah leh a. Tichuan, kumin March thla a khawtlang huap Joint Meeting, I&PR Auditoriuma neihah khan Vengthlang chhuahsan tura hriattir an ni a, an in luah lai pawh kalhsak an ni. Khawtlang rorel pawh zah zo lovin a kalhna hi tichhiain an luah lui leh a, hei vang hian Dt 13.02.2013(Ningani) zan khan Vengthlang a khawtlang hruaitu leh VC te chuan an chungchang hi relin inthiarchhuaka an in thiat tura hriattir nise an ti a ni. He meeting-ah hian Jail tang bail chungchanga an awmna VC te hriatpuina ngai thin chungchang sawikhawm a ni a. Khawtlang tana mi hnawksak thinte bail tur chungchangah khawtlang hruaitute nena inbiak rawn thin nise an ti bawk.

Balu Tlawm
Prism Sub-Hqrs. Champhaiin Tiau lui Mahal a nih leh nih loh an zawhna chhangin Geology & Mineral Resources ten Mahal a ni lo e, ti a an chhan hnuah Champhai a lirthei neitu thenkhatte chuan zalen takin Tiau lui Balu hi an phur chhuak ta a, tunhma a Rs 5500/- vel an sen thin naah khan Rs 2500/ - vel lek sengin Champhai an phur thleng niin thu dawn a ni.

Chhuanawm
Dt 14.6.2013(Zirtawpni) khan Kahrawt YMA Hall-ah Blood Donors Day hman a ni a. Hetah hian lawmman hrang hrang semin kan Branch hi Champhai District a Thisen pe tam ber Branch kan ni a. Tin, kan Branch member, Pu H Lalramsanga, Khawzawla awm mek chuan mimal Thisen pe tam lawmman a dawng a. Kan chhuangin kan lawmpui e.

Zinbo
Kan news editor Pu C.Zonunpuia chu office thila training turin tunlai hian Aizawlah a cham mek a, tunkar hi chuan Champhai lam a rawn chuan chhuah leh thei beisei a ni.

Kristian nundan tha ngaihsan

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 2-NA
BRANCH HRUAITUTE President : F. Lalrinmuana 9856793450 Vice President : C. Laltanpuia 9615021656 Secretary : C. Lalthanpuia 9862657366 Asst.Secretary : H. Laltharrenga 9856782358 Treasurer : H. Lalthanmawia 9862936734 Fin. Secretary : F. Vanlalliana 9615558817

YMA Palai SEMTUTE

Vanapa Section : Lalfakmawia, Lalawmpuia, CB Lalbiakdika, Saidingliana, Vanlalchhuanga, ZD Zorinpuii, ZD Lallawmzuala, Lawmsangzela, C. Vanlalhriata, Lalruatpuia, Lalrindika Neuva Section :Vanlalzuia, Freddy-a, Vanlalruatzela, C. Lalrinthianghliama, Lalhminghlua Khuangchera Section : Lalruatsanga, Henry Mawia, Omeg Lalremthanga, Lalzomuanpuia, Rotluangpuia, Malsawmsanga

BRANCH MOTTO : Sual ngam chein awm suh la, thatnain sual chu ngam zawk rawh. Rom 12:21

Zawhna Sawm
TBC Vaiva Kum 2008 YMA Day a zawhna 10 ka thlan chhuah te... YMA Day 78-na pualin aw!
Kan nihna lantirtu hi sapho hian identity an ti emaw ni. Mizote identity chu kan tawng leh Zonunzemawi te, kan lengkhawm zai te hi a ni awm e. Hengte hi ngun taka chhutin chhawmnun ngai vek a ni a, tun tum bik chu lengkhawm zai hi i han khalh fal teh ang. Lengkhawm zai hi kan aw mil tura Pathian min pek liau liau, hnam dangin a neih ve loh. Rimawi huangah pawh a chhuanawm lawt lak, a hla thute pawh literature atanga teh a, a aia tha awm chuang lo a ni a. Mizo ta bil liau liau a ni. Lengkhawm zai hi a neitu kan nihna anga kan chawisan thiam poh leh kan hnam kan tiropui a, Mizo ze peng pawimawha ka chhiar tel thiam poh leh kan chawi lar a ni mai. Lengkhawm zai hi Pathian fakna atan leh lungngai hnemna atan kan leklam ber a, inhmeh pawh a inhmeh khawp mai. Mahse lengkhawm zai a chhuah atanga kum 50 ral hnua thang leh tharte hian a hlutna hi kan man pha ta meuh lo niin a lang. Hei hi chu a pawi hle a ni. Mithhi lumennaa lengkhawm zai hmanga tlaivar thei ta lo khua kan awm ta nawk a, Mizo inpui, Zokhawpui ngei pawh kan bang ta bik lo. Kan lek chhuah theihna hi hmun hnih velah chauh a nih tawh laia a huang kan sawrzim zel hi chuan lengkhawm zai dam chhuahna hi a tlem dawn hle niin a lang. Mizote chauhvin kan neih hi kan tiboral mai ang tih hi a hlauhawm khawp mai. Lengkhawm zai hi chu khawvelah hian kan champion pui chhunzawm zel hi a tha hle a ni.

(He thu hi http://www.misual.com/ ah a vawi khatna atan kum 2008 YMA day ah ka chhuah ve a. Kum hnih zet comment tu a hmu lo a. 2010 ah comment pakhat (chu pawh khawngaih mark a ti!) a awm a, a kum leh 2011 ah comment pakhat in a zui leh a, 2012 ah an comment leh a, kuminah ka up ve leh.. he he...) (abridged) ....... YMA-ah chuan member kan nih theuh avangin keimahni kan insawisel tihna a nia. A do pawl/sawisel pawl kan pung nasa tawh hle mai a. A thatna hmuhhmaih ching kan nih vangin a thatlohna lai sawi chu nuam kan ti tlangpui a. Kan sawisel leh hmain hengte hi i enfiah hmasa ang u. Mahni theuhah han inchhut teh ang. 1. Mite tanpui tur hian kan ke kan pen chhuak ve tawh em? Zu zuar zawng leh nawhchizuar zawng pet chhuak i la, branch dangin lo buaipui ve tawh rawh se tia rel tu zingah kan tel ve tawh em? 2. Kan branch budget tuak nan contract hlawk deuh umin a hnuah picnc nan hmang then la kan ti ngai em? 3. JAC emaw SRS ang emaw a duty naah theih baka inluling pawlah kan tel em? 4. Zuin ve reng tho si khan ruihtheih dona ah kut leh ke kan lek rang em? 5. Kan letter head te hi sipai zu dil chhuah nan kan hmang ve tawh em? 6. Committee na ah ani chu a che thei deuh a tiin rethei zawkte hmuh kanin, a hausa zawk leh kut tling lo va sum lalut te kan support ngai em? 7. Sawrkar hi mimal hamthatnan kan bel tawh em? Eirupa kha a zar i zo ve tlat chuan i ti chhe ngam lo vang. 8. Thenawm burma sumdawng emaw i inluahpa kha Mizo a nih zia proof phet i tum tawh em? 9. Vairamah i awm a, kan Mizo hnam zia i rawn hnual suat ngawt em? Ka incheina leh ka awmdanah hian sawisel ngai a awm lo tiin YMA Day-ah vai sare i inbel ngawt em? 10. YMA hian ka nundan phung duhang min nuntir thei lo, ti a i la an chuan YMA nilo in nangmah kha inenfiah la, YMA active member ni nghal rawh. A thatlohna hi hmuiphun nilo in au chhuahpui la. I awmna branch-ah khan siamthat hna tan nghal rawh. YMA dam reng rawh se! YMA Day chibai vek u le! YMA DAY Vawi 78 pualin YMA Member zawng zawngte YMA Palai Editorial Board chuan chibai a buk a che u. Hunawl hman that

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 3-NA

YMA Palai SEMTUTE

Taitesena Section : R. Vanlalremruati, Lalbiakpuii, Ramluahpuia, R. Lalhmingliana, Lalnunkima, Lalmalsawma, Lalramnghaka, Lalramhluna, Jonathan Lalnuntluanga, Joseph Malsawmtluanga

Leader Asst Leader

YMA ADVISER
RC Zahlira ; C. Vanlalnema ; F. Lalfamkima ; Pu HS Vanlalfakzuala

:Tv Lalremruata :Tv Christopher Chawngthanmawia Secretary :Pu V Laldinthara Asst Secretary :Tv Lalramzauva Chawngthu Treasurer :Nl Helen Lalramsangi Fin.Secretary :Pu PC Lalngaihtuahkima

VANAPA SECTION

YMA Thuvawn : YMA chu tanpui ngaite tanpuitu a ni

YMA
Thuhma: Kum 2008 YMA Day kha mi(sual).com a ka post ( YMA Day leh Fathers Day ) hmasak ber ni a ni a. Kum hnih chhung teh meuh mai comment tu a hmu zo lo a, zam awm duh ve deuh chu a ni! Tichuan, 2010 October thla ah chhanan a comment a, khawngaih mark nen! Aug 2011 ah Asteric in a comment leh a. 2012 comment lut lehin kum tin comment a la lut ve ta ziah a. Vawi khat post na a ni bawk si a, a va han zahthlak tel deuh duh reuh tak em! YMA (Young Mizo Association) kan tih hi Young Lushai Association tih hming pu in June ni 15, 1935 ah christian missionary te leh kristian hmasa mi thahnem ngai ten an din a ni a. An din chhan ber chu kristianna in kan ram a tuam hluai takah chuan Zawlbuk kai an tlem tial tial a. Governor meuh pawhin revive tum mahse a theih tak loh ah chuan kan missionary thenkhat te leh kohhran hruaitu ten Zawlbuk aiawh zo tur kawng dang an dap ta a. Tichuan June ni 3, 1935 ah missionary Miss Katie Hughes (Pi Zaii) inah chuan committee koh a ni ta a. A hmingah Young Mizo Kristian Association tih chu rawtna awm mahse a huam kim lo a an hriat avangin Rev David Edward (Zoram Pa) rawtna Young Lushai Association tih chu pawm tlangin June ni 15, 1935 atanga bul tan turin an rel thlu ta a ni. India Independent a lo nih khan Zohnahthlak hrang hrang te a huam kim theih nan October ni 7, 1947 khan Young Mizo Association tih in thlak a ni. Tu te nge member chu? Mi tu pawh, Zohnahthlak tawh phawt kum 14 chin chunglam chu member ah an qualified a. Upat zawng erawh peih chen chen niin ri an kham lo. Member ni tur hian annual member turin cheng 2 leh cheng za pek a ngai a (Hei hi CYMA website a an ciah dan a nia ka chiang bik lo ~ VaiVa). Member tu pawh kum nga aia rei member ni tawh chuan an awmna branch kaltlangin Central Executive Committee (CEC) hnenah Life time membership a dil thei bawk a ni. YMA hi all India organisation niin barnch hi Mizoram, Manipur, Assam, Nagaland, Meghalaya leh Tripura ah te din a ni a. Societies Registration Act (Act XXI of 1860) hnuaiah Registration No. SR4 of 1977 a ziah luh a ni. Motto (Thil tum): 1. Hunawl hmanthat 2. Zofate hmasawnna ngaihtuah 3. Kristian nun dan tha ngaihsan te an ni. Thuneihna inkhaidiat dan: General Conference in thuneihna sang ber an nei a. A hnuaiah Central Co-ordination Committee (CCC) a awm leh a. Chumi hnuai leh ah chuan Central Executive Committee (CEC) a awm leh a ni. Hemi hnuai ah hian sub-hqrs (5), group (47), branch (722) leh section an awm leh bawk. CYMA hian thlakip chhuak YMA Chanchinbu tih chu kum 1973 October atangin a chhuah bawk a. Kum 1983 atangin kum tin kum puan a nei thin a, kum puan hmasa ber chu FAINA Kum a ni. Chawimawina a dawng nual tawh a. Chung te chu ~ 1. Indira Priyadarshini Vrikshamitra Award, 1986 by the Govt.of India. 2. Excellence Service Award by the Govt.of Mizoram for the three consecutive years,1988-1990. 3. Indira Gandhi Paryavaran Puruskar, 1993 by the Govt.of India. 4. Tunah hian Ministry of Social & Empowerment in Award a hlan dawn bawk. Zofate hmasawnna ngaihtuah

I hria em ?
@ Meteorites hi Egypt ho tan khan a tangkai khawp mai, van atanga lung rawn tla atang hian tlereuh an siam chhuak thin a, chu chu thiah an hmang ber a, an chhungte an thihin thlai chhiah atan an hmang thin. @ Cicada bug an tih mai, rannung chi khat hi kum 17 chhung leihnuaia an pilbo hnuah kumin hian an rawn inlar thar leh dawn nia sawi a ni. US khawchhak lamah kumin hian a tluklehdingawn tel hmuh theih beisei a ni. @ Khawvela nawmchenna lawng lian ber chu feet 590 a ni a a chak zawng chu 94,000 horsepower a ni. @ Ameri ca r ama ha mbur ger siamtu upa ber chu White Castle a ni. @ Khawmual kaikuang an hmuh chhuah t har ber hming chu Vaejovis Brysoni a ni a. Kumin February thla khan Robert Bryson chuan Arizona-a Santa Catalina tlang velah a hmu chhuak a ni. @ Kumin January thla khan O'Hare International Airport-a security duty te chuan mihring lu, a vun pawh la awm 18 an hmu chhuak a, hetiang deuh bawk hian kum 2010 khan Arkansas-ah lu 60 hmuh a lo ni tawh bawk a. Heng hi tualthahna lam ni lovin damdawi lam zirna tur a ni a, paperwork fel lo avanga an thlenna tura thleng ta lo te an ni. @ Khawvel-ah chuan misualpa tia hriat reng tur Adolf Hitler hi kum 1938 khan Time magazine chuan man of the year ah a thlang tawh. @ Thla chiah hi kan khawvel tih lohah chuan mihring kalna awmchhun a la ni. @ Nuclear zungzam hian mi a tipiangsual nasa thei khawp mai. Kum 2012a Fukushima nuclear power plant a chiat avang khan Japan ramah chuan phengphehlep piangsual an tam hle.

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 4-NA

NEUVA SECTION
Leader Asst Leader Secretary Asst Secretary Treasurer Fin.Secretary :Tv Lalpekliana :Pu Lalrobula :Tv C Zorammuana :Tv Lalrammawia :Pu Biakremtluanga :Tv F Lalhruaitluanga

TAITESENA SECTION
Leader Asst Leader Secretary :Pu H Zarzoliana :Pu T Daniala :Tv Lalhmachhuana Fanai Asst Secretary :Tv Lalrinawma Treasurer :Nl H Ramengmawii Fin.Secretary :Pu H Lalrammuana

KHUANGCHERA SECTION
Leader Asst Leader Secretary Asst Secretary :Pu C Zonunpuia :Tv Lalawmpuia Sailo :Pu C Vanlalpeka :Pu Lalthangmawia Kawlni Treasurer :Nl Lalruatkimi Fin.Secretary :Pu Zohmingthanga

YMA Kumpuan : Ram Leh Hnam Humhalh Toothpaste hmangchang : - Hringngen Siama Rolut 1) Toothpaste kut tihthianghlim nan: I kuta natna hrik awm kha tihbo i duh em? Toothpaste chu tlem han hmet chhuak la, tui nen pawlh la, i kutah khan han nuai rawh le... Natna hrik lak atangin a tifai mai a ni lova, i kuta purun sen leh sawhthing rim nam pawh a that bawk ang. 2) Piono tih fai nan a tha : I piono, i hmeh bal khak tlur tawh chu i ha i brush ang chiah khan han brush la, chumi hnuah puan them in hrufai leh la, a var sur mai ang. 3) I banga perek phawina kua khan i bang a ti lang mawi lova, tihdan i hre mai si lo. Tihian ti rawh, a kuaah khan toothpaste chu hmet lut la, a ro hunah rawng han hnawih la, a lang mawi sawt mai ang. 4) Kawr bal tifaitu tha tak a ni. Pentui (ink), lipstick, leh ketchup ho hi a bal nghet zek a. A kaina ah khan toothpaste chu han hnawih la, uluk takin han nuai la, han tleuh leh la, a lo fai mai ang. Chutiang chiah chuan carpet a kai pawh ti thin ang che. 5) Arngeng tana damdawi tha tak a ni. I arngeng kha a dam nghal vat i duh em? Awl lutuk, i arngengah khan zanah toothpaste tat la, chiah la, zingah phihfai leh ang che. Zing a nih meuh chuan a lo bo daih mai ang. Toothpaste hian arngeng a oil awm kha a hip a, a tithep bawk a ni. I rilru a i vawn reng tur chu hetiang thil hi karkhatah vawikhat aia tam tih miah loh tur,a chhan chu i vun kha a ti ro viau thei a ni. Tin, i vunah khan test hmasa thin bawk ang che, a chhan chu i lo ngeih vak lo thei a ni. 6) I CD kha a rang ve deuh a nih chuan toothpaste han hnawih la, puan thianghlim in hrufai leh ang che....a zia sawt mai ang. 7) I gold emaw diamond kha dawrah a tifai tura ken a ngai kher lo, toothpaste kha hna hnawi la, brusg in han nawt a, chumi zawhah tuiin han tleuh la, a thar tle sur mai ang, chutiang chiah chuan silver ho pawh a tihfai theih a ni. 8) Siai ang deuhin toothpaste hi a hman theih bawk. I savun pheikhawk a rang deuh tawh chu a ranna laiah tlem han hnawih la, pawnchhe themin han chul mam la, chumi hnuah pawnchhe hnawngin i hrufai dawn nia. I pheikhawk chu a thar ang mai a lo ni ang....sneeker leh rubber pheikhawk a a rubber lai tifaitu atan pawh a tha. 9 ) I banga naupangin colour an thai ran chu a tih ngaihna i hre lo a ni mai thei... A ran na lai kha toothpaste han tat la, puanchhe huh in han nawt teh le.... 10) Naute hnute hnekna bur tihthianghlim a tih rimtui nan toothpaste hi a tha hle bawk. Regular taka hman a nih chuan hnute bur hi a rimtui lo hle thin a... Uluk takin han brush la, tui thianghlim i thuahfai leh dawn nia.... A rim a fresh chak mai ang. 11) Ei rawngbawltute hian an kut vel bawr hi an ti kang fova, i kut i ti kang palh . . Toothpaste a bawlhlo leh a nih chuan a kanna laiah khan toothpaste hnawih ang che. awm zingah eucalyptus awm hian kang kha a tidai dawn a ni. Rannungin a seh che a nih chuan a sehna laiah hnawih la, a zia duh khawp mai. Heng thosi, uihli leh fanghmir ahte hian a tha zual bik. 12) Kuttin tihfai nan a tha khawp mai. Ha leh kuttin hi a insiam dan kalhmang a inang chiah a, i ha i tihfai ang chiah khan han nawt ve la, mi dang i pana sum i sen tur kha i save a ni mai. 13) Glass paw riai ah te ahte tlem han tat la, puan hnawng in han hru la a fai kuar mai ang. 14) I roomah Poster tar i duh a, a charna tir i nei si lova, chutah chuan toothpaste kha han hmang chhin teh... Tha ve tak a ni. 15) I furniture a thingpui avanga leh tui avanga tial rek ruk kha toothpaste tlem han tat la, puanchhe hnawng thianghlimin han hrufai teh... Rei lohteah a reh mai ang.

Lawrkhawm

AK-47

J Ramzauva hmai a han bawl tak

tak kha chu a mittui pawh a luang thei lo a sawh hian a in sawh tawk tawk mai maw le... - Amtea, T-Sec J Kan Asst. Secretary A Thara pum nat leh chhan kha a sa ei nasa a lawm le lo ni le... -Pu Mamuana, Pre J Rawngbawla chhuah reng reng chuan necktie hi Zara hian a hmang tangkai berin ka hria. A nectie kha Beding telnan a hmanga, Inkhawmnaah a awrh leh a zan mutnaah thosilen hruiah a hmang leh hmiah zel... - Bawltea, V-Sec J Kan Vice President Pu Sena hi hman zanah an kawtah nau pawchung hian a lo tap pur mai a. A chhan kan zawh chuan''Ka nupuiin ka ngalah chhemthei in a khawng' a lo ti tuau. - Vl-a, Fin Secy (Iskariot Church) J Kum Sawmli chhung zet fapa neiloa a awm hnuah Zaupuia`n fapa a nei ta... a fapa hian a chhun phut phut a ngem le... - Pa Thana, Trea J Facebook-ah Account ka hawng thar a nia, a duh duh chuan min rawn request rawh u le.... - Sawmpuia, T-Sec

Section Vanapa Taitesena Khuangchera Neuva Belhkhaw m

jan - mar 1370 4400 4505 NIL 10275

apr 230 680 1800 2710

Published, Edited and Printed by Chanchinmawia for and on behalf of Vengthlang Branch YMA