MIZORAM SYNOD MODERATOR A LO

ZIN

Mizoram Synod Moderator Rev. K. Lalhmuchhuaka chuan Bangalore Mizo
Kohhran tlawh turin June 13, 2014 (Zirtawpni) zan khan Bangalore a lo
thleng a. Tun tum hi Mizoram Synod Moderator-in Bangalore Mizo
Kohhran an rawn tlawh tum thumna a ni. Kum 2012 ah khan kha tih laia
Synod Moderator Rev. Thangzauva khan BMK hi a rawn tlawh a,
Bangalore Mizo Kohhran-a Kohhran Hmeichhia din a nih thu a rawn puang
a. Kum 2013 ah khan kha tih laia Synod Moderator Rev. Lalramliana
Pachuau khan BMK hi a rawn tlawh bawk a. UTC hotute nen BMK-in
mahni puala Biak In kan neih dan turte pawh an sawiho bawk a. Tun tumah
hian Synod Moderator tang lai Rev. K. Lalhmuchhuakan min rawn tlawh
leh ta a ni.

Synod Moderator hi a nupui Pi R. Lalramengi leh Synod Office a thawk
mek, Mission Field hrang hranga school te enkawltu Pu H. Vanlalchhuanga
ten an rawn tawiawm a. Zirtawp zanah khan Bangalore Bialtu Pastor
Vanlalnunmawia Zawngte in Airport ah a va hmuak a. Pastor Quarters ah
Kohhran Committee member awm remchang apiangten an lo hmuak bawk.

Nimin (Inrinni) ah khan chhun lamah hmun hrang hrang fang kualin tlawh
tul apiang an tlawh a. Tlai lamah Kohhran Committee te nen Pastor
Quarters ah inkawmna hun tha tak neiin zanriah an kilho nghal bawk.
Synod Moderator hian vawiina Kohhran inkhawmah khan Pathian thuchah
a sawi a. Naktuk lamah Bangalore atangin Delhi Mission Field tlawh turin
an chhuak leh ang.

Synod Moderator Rev. K. Lalhmuchhuaka hi Mizoram Synod hnuaia Mizo
Pastor thawk mek zingah chuan a senior ber a ni. Kum 1980 ah khan hun
puma rawngbawlna bul tanin Suangpuilawn Pastor Bial chhunga Phullen
khuaah Pro. Pastor-in a awm a. Pastor puitling ni tura nemngheh a nih
hnuah Pastor Bial hrang hrang heng Phuldungsei Bial, Sakawrdai Bial,
Kolasib Venglai Bial, Zemabawk Bial leh Dawrpui Vengthar Bialte hi a
vawng tawh a. Manipur Administrative Area-ah Administrative Secretary-
in a awm tawh bawk. Zirna lamah chuan Aizawl Theological College
atanga B.Th. zir chhuakin Leonard Theological College, Jabalpur atangin
B.D. a zo a ni.











INKHAWM PROGRAMME







JUNE THLA
Meeting Chairman:
Rev. K.M. Vanlalpeka
Vawiin Inkhawm 3:00pm
Hruaitu: Pastor
Vanlalnunmawia Zawngte
Tantu: Pi K. Vanlalhruaii
Thuhriltu: Rev. K.
Lalhmuchhuaka, Synod
Moderator
Zaipawl: Kohhran Zaipawl
June 22, 2014 (Pathianni)
Pathian Biak Inkhawm
KTP Hruai
Hruaitu: Tv. J.C.
Rochangliana
Tantu : Nl. R. K. Lalrinsangi
Thusawitu: Tv. K.
Remruatfela
Special Items:
1.Nl.Saithanpuii Zote
2.Group Singing
3. KLE Mizo Zirlaite
June 29, 2014 (Pathianni)
Sunday School
Hruaitu: Superintendent
Tantu: Tv. Lalhruaizela
Zirlai khaikhawmtu: Rev. K.
Ramdinthara







June Thla
Thupui:
Isua Zui

Volume IV Issue No. 24 OLIVE 15th June, 2014 1
Inkhawmna Hmun:
JRC Hall
United Theological College
Millers Road, Benson Town.

Inkhawm Hun:
Pathianni tlai dar 3:00pm















HUN HMAN THAT
Mitinin inang tlanga kan neih theuh
chu hun hi a ni a. Ni khatah darkar
24 a awm a. Mi tumahin hei aia tam
hi hun an nei thei lo va, chutiang
bawkin mi tu mahin hei aia tlem hi
an nei thei lo bawk. Mahse inang
tlang theuh kan neih kan hun kan
hman dan erawh chu a inang lo
hlawm hle a ni.
Mi tam tak chuan kan tan leh
midang tan pawha tul lo leh
tangkaina nei lo thilah kan hun kan
hmang hnem hle thin niin a lang.
Thatchhe taka engmah ti lova
zelthel mai mai te, mut deuh reng
mai te hi mi zawmthaw hna a ni a.
Chutiang mi tan chuan hlawhtlinna
duhawm tak hmuh leh midangte
tana malsawmna nih chu vana rah
ang a ni. Hun hmang tha thin mi tan
erawh chuan eng hun pawh hi hun
hlu leh tangkai tak a ni thei zel. Tha
taka hun hmang thin mi chuan
hlawhtlinna pawh an dawng hnem
nge nge a, midang tan pawh
chhenfakawm khawp leh
chhawrnahawm tak an lo ni thin.
Nun leh hun hi Pathian min pek a ni
a. Tha tak leh tangkai taka hman hi
a va tul em! I hun i hmang tha em
le?






Synod Bookroom Conference Hall, Kolasib-ah hawng
June 12, 2014 chawhnu dar 1:00 khan Synod Bookroom Kolasib-a
Bookroom Conference Hall thar chu Rev. Lalzuithanga, Senior
Executive Secretary in hawng a, Pathian hnenah a hlan. Programme
hi Pastor R. Lalremruata, Diakkawn-in a a kaihruai a, Pastor C.
Lalchhuanawma, Hmar Veng-in hunserh a hmang a, Upa C.
Lalhmingmawia, Bookroom Committee Secretary hnen atangin
Technical Reports ngaihthlak a ni a, Rev. Lalzuithanga, Senior
Executive Secretary leh Upa R. Lalmalsawma, General Manager,
PRESCOM-in thusawina hun an hmang.

Diakkawn Bial Zaipawl, Tv. Dintluanga Tochhawng leh Tv. Andrew
Laltlankima te an zai a, a duh apiang tan thusawina hun hawn leh a ni
a, Upa K. Lalrema, Account In-charge, Bookroom Committee-in
lawmthu sawina hun a hmang a, Rev. C. Lalrintluanga, Kolasib
Venglaiin malsawmna in hun a khar a ni (Synfocity).

NEICCYA Biennial Conference-cum-Seminar
June 12 - 15, 2014 hian North East India Christian Council Youth
Assembly (NEICCYA) 15th Biennial Conferencecum- Seminar,
ECM Church of Vaihpi, Saiha-ah neih a ni a, inkhawmpui hi
Evangelical Church of Maraland (ECM) ten an thleng a ni.
Inkhawmpui thupuiah Oneness in Christ (John 17:20 - 21) an
hmang. Central KTP aiawha palai turin mi 12 an kal a, Mizoram
Synod Choir an kal bawk (Synfocity).

PHBS Graduation Day
June 10, 2014 khan Presbyterian Hindi Bible School chuan zirlai
Batch 53-na te pualin Graduation Day a hmang. He mi tuma thlah tak
Batch 53-naa zirlai zir chhuakte hi mi 29 an ni a, tha takin an passed
vek a ni.

Presbyterian Hindi Bible School hi Mizoram Synod Mission Board-in
Mizoram chhunga hnam dang ring tharte rinna kawnga an than zelna
atan leh an ngheh zelna atana a din a ni a, Synod-in ram pawna
rawngbawlna a zauh zel takah hian ram pawna ringtharte mai bakah
Para Church atang te pawhin zirlai lak an ni ta zel a ni. He School hi
August 24, 1990 khan din a ni a, kum 1997 thleng khan thla thum
course niin a hnu lamah chuan thla ruk course a ni ta a. Certificate in
Theology course a ni a, tun thleng hian tuna zir chhuak tate nen hian
mi 1292-in an zir chhuak tawh a ni. Tuna zir chhuak Batch hi state 11
atanga lo kal an ni. Admission hi january leh July thla tirahte hawn
thin a ni (Synfocity).





Volume IV Issue No. 24 OLIVE 15th June, 2014 2
Editor:
Rev. Lalawmpuia Hauhnar
Phone: 81059 60852
Joint Editors:
R. Lalremruata
Lalruatdika
Deborah Lalrempuii
HMS Dawngliana
Circulation Managers:
Lalchhandama
Thangkhuma
Email: olivenewsletter@gmail.com
Chhiar leh download duh tan:
www.scribd.com/Olivenewsletter/documents
Olive Variety






KOHHRAN CHHUNGKUA

Tv. J.C. Rochangliana Lo Haw
Chawlh hmanga hun eng emaw chen Zoram lama a
thang hnuah KTP Asst. Leader Tv. J.C.
Rochangliana chuan Bangalore a rawn thleng thla
leh ta.

Tv. HMS Dawngliana Tun Thla
Tawp Lamah
Kohhran Committee Asst. Secretary leh KTP Leader
ni mek, kan chanchinbu Jt. Editor ni bawk Tv. HMS
Dawngliana chu Zoram lamah a la thang mek a. Tun
thla tawp lamah hian rawn haw thlak a tum.
(Column lehlamah chhunzawm a ni)




































Nl. Baby-i Pu Lungleiah A Boral
B.Sc. (MLT) zir tura Nl. B. Lalthakimi PG-a awm
mek Nl. Baby Lalzamliani pu Pu Lalrinawma (kum
80) chu niminah khan Lungleiah a boral. Khawhar
chhungte i tawngtaipui ang u.
____________________________________




(L-R: Pi R. Lalramengi, Moderator Tev. K.
Lalhmuchhuaka, Pu H. Vanlalchhuanga)
__________________________________________

A ram leh a felna chu zawng hmasa zawk rawh u,
tichuan chung zawng zawng chu a pek belhchhah
dawn che u nia (Mathaia 6:33)













Volume IV Issue No. 24 OLIVE 15th June, 2014 3
NITIN LALPA NEN
(Bible chang tarlan hi nitina i chhiar zel chuan kum khat
chhungin Bible i chhiar chhuak ngei dawn a ni.)
15 June (Pathianni)
1 Kings 14:1-15:24; Acts 10:1-23
Psalm 133:1-3; Proverbs 17:7-8
16 June (Thawhtanni)
1 Kings 15:25-17:24; Acts 10:24-48
Psalm 134:1-3; Proverbs 17:9-11
17 June (Thawhlehni)
1 Kings 18:1-46; Acts 11:1-30
Psalm 135:1-21; Proverbs 17:12-13
18 June (Nilaini)
1 Kings 19:1-21; Acts 12:1-23
Psalm 136:1-26; Proverbs 17:14-15
19 June (Ningani)
1 Kings 20:1-21:29; Acts 12:24-13:15
Psalm 137:1-9; Proverbs 17:16
20 June (Zirtawpni)
1 Kings 22:1-53; Acts 13:16-41
Psalm 138:1-8; Proverbs 17:17-18
21 June (Inrinni)
2 Kings 1:1-2:25; Acts 13:42-14:7
Psalm 139:1-24; Proverbs 17:19-21
22 June (Pathianni)
2 Kings 3:1-4:17; Acts 14:8-28
Psalm 140:1-13; Proverbs 17:22

K..P Thil Tumte:
Isua Krista leh Amah anna kawnga halaite hruai.
Kohhran kutke ni tura halaite buatsaih.
Kohhran hnathawh tihpuitlin.
Krista chanchinha puan darh.
Olive Huan Vengtu










Mite chuan, Huan vengtu, kan vengah hian mihring
kan lo thahnem ve ta hle a. Mahse i huan rawn tlawh
peih hi chu kan tam lo viau mai a. Olive rah tam laia
rawn kal ve te zingah pawh a rem deuh laia rawn kal
tha leh peih lo kan awm nual bawk niin a lang a. Hei
hi engtia han tih nge maw tha ang le? an ti a. Olive
Huan vengtu chuan, Fur ruahtui tam laia tuihna put
nazawng hi tuihna tak a ni chuang lo. Tui hna tak tak
chu thal va ek char lai pawhin a kang ve ngai lo va;
tuihna tak lo erawh chu fur a zawh rualin a kang ve
nghal mai thin, a lo ti a. Mite chuan, Chu chu han
sawi thui deuh teh, an ti a. Olive Huan vengtu
chuan, He Olive huan kawng hi a chho deuh a, ti
hram hram thinte tan lo chuan nisat vanglaia rawn
kal chu a peihawm lo thin a ni ang e. Mahse thil mak
tak chu, he Olive Huana rawn kal zing apiang hian
nuam an ti a. A rah mai ni lovin a hlim hnuaia
thlamuang taka thlifim dawnga han chawlh vang
vang te hi mihring hian kan ngeih em em a. Chu mi
hre chiang tawhte chuan a rah tam lai a ni emaw, a
rem deuh lai a ni emaw, he huan hi an rawn tlawh
reng mai a ni, a lo ti a
_____________________________________________

Olivet Smile
Hre dik teuh:
Zirtirtu: Zawlnei Samuela kha khawi khuaah nge
a chen thin?
Naupang: Shillong-ah (Silo-ah tih tur!)
Zirtirtu: Isua pa Josefa kha eng hna thawk nge?
Naupang: Istiri (Mistiri tih tur!)
_____________________________________

Sum tam tak aiin hming that hi thlan
zawk tur a ni a
Tangka leh rangkachak aiin duhsakna
a ngainatawm
(Thuf. 22:1)















_______________________________
FIFA WORLD CUP 2014
FIFA World Cup 2014 thlengtu chu Brazil
ram a ni.
June 12, 2014 ah khan inkhelh tan a ni.
Inkhelh tum 64 a awm ang a, khawpui 12 ah
khelh kual a ni ang.
Ni 32 chhungin ram hrang hrang 32 atanga
lo kal football team te an inkhel kual ang.
July 13, 2014 ah inkhelh hi zawh fel a ni
ang.



Volume IV Issue No. 24 OLIVE 15th June, 2014 4
OlitoN
Olive Newsletter 15th June, 2014
I Ngaihtuah Ngai Em?
Mihring ngaihtuahna hi thluakah a vir vel a. Chu
chu mi tam tak chuan thli fim hauh lovin an luan
chhuahtir buan buan a. Mi fing erawh chuan
thluaka ngaihtuahna awm chu thli fimin sawi
awm chin chauh an sawi thin tih hi i ngaihtuah
ngai em?