Ang mga Gamit ng Wika

1. Personal -- Upang ipahayag ang sariling damdamin, pananaw at opinyon.

Sakop nito ang mga bulalas ng damidamin tulad ng pagkagulat, gali,
hinanakit at tuwa. Maging ang pagmumura ay maituturing sa uring ito,
kung kaya, ang ganitong gamit ay nasa ilalim ng alinman sa firmal o
informal na talakayan.
2. Imahinatibo nalulubos ang gamit na ito ng wika kapag nailalapat sa
pagsulat o pagbigkas ng mga akdang pampanitikan. Malikhain ang tunguhin
nito kung kaya karaniwan nang mapapansin ito sa mga gawang masining o
estetiko. Sa pasilat o pasalita man, nagagamit ito sa mga tila, awit, kuwento
at ibang mangangailangan ng mga talinghaga.
3. Interaksyonal mahalaga ang gamit na ito ng wika sa dahilang sa
pamamagitan nito, pinananatili ang mga relasyong panlipunan. Sa mga
magkakakaibigan, nariyan ang pagbibiruan at panunukso. Sa mga
magkakamag-anak, nariyan ang mga paanyaya ay pasasalamat. Sa mga
pangkat panlipunan, nariyan ang mga salitang pangkabataan, wika ng mga
bakla, mga propesyonal na jargon tulad ng mga eksprestong sosyolek.
4. Impormatibo/Representasyonal -- Ito ang gamit ng wika na may linyang
maipaalam ang napakaraming katotohanan, datos at impormasyong hatid
ng mundo. Dahil dito, mas higit na formal ang gamit na ito ng wika lalo pat
gamit ito sa pagtuturo, mga talumpati, palitang-kuro, pagbabalita o
simpleng pag-uulat.
5. Instumental ginagamit ang wika upang magawa ng isang individwal ang
kanyang nais gawin. Pasalita man o pasulat, magagamit ang wika upang
mag-utos, makiusap, humihingi, magmungkahi at magpahayag ng sariling
kagustuhan.

6. Regulatori madalas na ginagamit ito ng mga taong may nasasakupan o

mga taong may taglay na kapangyarihang magpakilos ng kanyang kapwa.
Kontrolado ng gumagamit ng wika ang sitwasyon kung kaya napakilos ang
sinuman matapos niyang magamit nang ganap ang wika. Sa pasalita,
kapansin-pansin ito sa mga talumpati o debateng ang layunin ay maghimok
tulas sa isang halalan. Sa pasulat, mapapansin ito sa mga memorandum,
patakaran, reslusyon at iba pa.
7. Heuristik gamit ito ng taong nais na mtuto at magkamit ng mga
kaalamang akademik at propesyonal. Upang kanyang mabatid, kailangan
niyang sumuri, mag-eskperimento, magtanong at sumagot, magbigaykahulugan, makipagtalo at pumuna.