MODULE OF INSTRUCTION

Mga Konseptong Pangkomunikasyon

Ang taoy nabubuhay hindi lang para sa kaniyang sarili.
Noon pa man ay kaakibat na ng pamumuhay ng tao ang
pakikipagtalastasan sa kaniyang kapwa. Ito ang naging daan sa
pag-unlad ng sarili at ng lipunan.
Sa modyul na ito ilalahad ang mga mahahalagang
konsepto ng komunikasyon: ang katuturan ng komunikasyon,
ang berbal at di berbal na komunikasyon, mga modelo, tipo at
antas ng komunikasyon.

Komunikasyon/Pakikipagtalastasan
Hinango sa salitang Latin na communis (komon) na
ang kahulugan ay pagkakatulad, ibig sabihin, posible
ang pag-iral ng komunikasyon kung may katulad na
paraan ng pakikipagtalastasan dito.
Proseso ng pagpapadala at pagtanggap ng mensahe
sa pamamagitan ng simbolikong cues na maaaring
berbal o di-berbal. (Bernales, et al., 2002)
Sining ng pagpapahayag ng kaisipan o ideya sa
paraang pasalita at pasulat. (Tanawan, et al., 2004)
Ito ay pakikipag-ugnayan sa pamamagitan ng mga
simbolo, ayon kay Wood noong 1994.

Komunikasyong Berbal
Ito ay pangunahing kumakasangkap sa wika sa pagpapahayag
ng kaisipan at damdamin ng tao. Ito ay paghahatid ng
mensahe sa pamamagitan ng mga salitang simbolo na
kumakatawan sa mga ideya
Halimbawa: pakikipag-usap sa telepono, pagtatalumpati,
pagtuturo ng guro atbp.
Komunikasyong Di Berbal
Komunikasyong naipapakita sa pamamagitan ng galaw ng
katawan,
pagtingin,
tikas
o

MGA KONSEPTONG PANGKOMUNIKASYON

Mga Konseptong Pangwika

tindig, ekspresyon ng mukha at paralanguage (pitch, volyum,

bilis at kalidad ng tinig)
Halimbawa :
pagyakap ng ina sa anak , pagtaas ng kilay sa isang lalaking
sumingit sa pila, pag-hoholding hands ng isang babae at
lalaki, magkalayong pagtulog ng mag-asawa sa kama atbp.

Mahalaga ang komunikasyong di-berbal dahil:

1.
Inilalantad o ipinahihiwatig nito ang kalagayang
emosyunal ng isang tao.
2. Nililinaw nito ang kahulugan ng isang mensahe
Naipahahatid ang ibang mensaheng di kayang sabihin nang
personal
Modelo ng Komunikasyon

LINYAR O ARISTOTELYAN
Modelo ni Aristotle batay sa kanyang Retorika, nagbigay ng 3 sangkap ng
komunikasyon

MODULE OF INSTRUCTION

1.Nagsasalita
2. Ang sinasabI
3. Ang Nakikinig

DAVID BERLO 1960

May apat na element sa modelo ng komunikasyon ni Berlo
1.Pinagmumulan
2.Mensahe(nais sabihin)
3.Tsanel (ginamit na daluyan)
4.Tagatanggap

Modelo ni Claude Shanman at Weaver

Ayon kay Claude Shanman at Weaver lima (5) ang sangkap ng komunikasyon Sangkap
sa Komunikasyon
Pinanggalingan
Tagapaghatid (transmitter)
Senyas o Kodigo
Tagatanggap ng pahatid (reciever)
Distinasyon

MGA KONSEPTONG PANGKOMUNIKASYON

Mga Konseptong Pangwika

Batay sa pag-aaral ni Shanman at Weaver, mayroong

pinagmulan ng mensahe o sino ang tagabigay ng mensahe.
Ikalawa
sino ang tagapahatid ng menshae o sino ang
nagdadala o naghahatid ng mensahe. Pangatlo, saan
nagdadaan ang mensahe, sa celfon, telepono, senyas ba o
nagsasalita? Malinaw ba o magulo ang linya? Senyas, simbolo
o salita ang pinagdadaanan ng mensahe?
Marami bang tao o maingay ang kapaligiran? Ayon kay
Shanman at Weaver, ang ingay ay malaking epekto sa
pagkakaunawa ng mensahe. Dapat malinaw at maliwanag ang
pinagdadaanan ng mensahe upang maunawaan ang
komunikasyon.
Mensahe
Encoding

Decoding

Interpretasyon

Interpretasyon

Decoding

Encoding
Mensahe

BLAINE GOSS
4

MODULE OF INSTRUCTION

Bago bigkasin ang salita, pinag-iisipan kung ano ang

sasabihin batay sa kanyang layunin, ang prosesong ito ay
tinatawag na encoding kapag lumabas na sa bibig. Ang mga
salitang pinag-iisipang sasabihin, ito ang tinatawag na
mensahe. Ang tumanggap ng mensahe at umunawang
mensahe ay tinatawag na decoding. Kung naunawaan ang
tinanggap na mensahe at sumagot(response) o nagbigay ng
reaksyon o feedback, kung nagkaroon ng palitan ng usapan,
nagkaroon ng komunikasyon.

Antas
Intrapersonal na komunikasyon (Pansarili)-Ito ang komunikasyong pansarili.
Nagaganap sa isang indibidwal lamang.

Halimbawa: pagtatanong sa sarili, pag-iisip ng malalim

Interpersonal na komunikasyon (Pang-iba)-Ito ang komunikasyong
nangyayari sa dalawa o mahigit pang tao.
Halimbawa : pag-uusap ng magkaibigan, pagtuturo sa mga mag-aaral
Komunikasyong Pampubliko-Isinasagawaang komunikasyon sa harap ng
maraming mamamayan o tagapakinig.
Halimbawa : pagtatalumpati, pagkukwento atbp
Komunikasyong Pangmasa-Ito ay komunikasyong gumagamit ng massmedia, radio, telebisyon at pahayagan.
Halimbawa : panonood ng TV , radio abp
Komunikasyonna Pang-organisasyon-Ang komunikasyon na nangyayari sa
loob ng mga organisasyon o samahan.
Halimbawa : pagpupulong ng mga guro ukol sa Gabay guro
Komunikasyong Pangkultura-Ang komunikasyon para sa pagtatanghal o
pagpapakilalang kultura ng isang bansa.
Halimbawa : pagsayaw at pag-arte sa entablado/ stage play
Komunikasyong Pangkaunlaran-Ang komunikasyon pangkaunlaran tungkol
sa industriya, ekonomiya o anumang pangkabuhayan.
Halimbawa : pakikipagkalakalan

MGA KONSEPTONG PANGKOMUNIKASYON

Mga Konseptong Pangwika

Tipo
Pormal na komunikasyon piling salita o wika ang ginagamit
dito, maging ang mga kilos at galaw ay pormal dahil ito ay
sitwasyong may ugnayan ang mga pormal na tao.
Halimbawa : Pagpupulong ng mga board members sa
senado, mga propesyunal na pag-uusap
Impormal na komunikasyon hindi limitado ang salitang
ginagamit pati na ang mga kilos at galaw.
Halimbawa: pag-uusap sa pagitan ng mga magkakalapit o
matatalik na kaibigan

Activities/Exercises
Basahing maiigi at piliin ang tamang sagot.
1. Alin sa mga sumusunod na pahayag ang nagpapakita ng wastong
kahulugan ng komunikasyon?
a. Ito ay sining ng pagbasa at pagsulat tungo sa pananaliksik
b. Ito ay proseso ng pagpapadala at pagtanggap ng mensahe na
maaaring berbal o di-berbal.
c. Ito ay pagbuo ng kaisipan sa ating sarili.
d. Ito ay pagtanggap ng mensahe sa ating paligid.
2. Ang salitang komunikasyon ay hinango sa salitang Latin na communis
(komon) na ang kahulugan ay pagkakatulad, ibig sabihin ay
a. posible ang pag-iral ng komunikasyon kung may katulad na
paraan ng pakikipagtalastasan dito.
b. paulit-ulit lamang ang nagaganap sa komunikasyon
c. nagkakaiba ang paraan ng pakikipagtalastasan
d. may pagbabago sa paraan ng pakikipagtalastasan
3. Labis na nangungulila si Irma sa pagkawala ng kaniyang lola kayat
dinamayan siya ng kaniyang kaibigan sa pamamagitan ng pakikinig at
paghaplos sa likuran nito. Ang uri ng komunikasyong di berbal na
ipinapakita ng pahayag ay
a. oras
b. espasyo
c. pandama
d. kulay

MODULE OF INSTRUCTION

4. Ang komunikasyong berbal ay higit na makikita sa

a. pag-awit sa harap ng salamin
b. pagkaway sa paparating na kaibigan
c. pagsali sa patimpalak ng masining na pagkukuwento
d. pagguhit sa isang isang patimpalak pagpinta
5. Alin sa mga sumusunod ang daloy ng modelo ng komunikasyon ni Berlo?
a. nagsasalita, ang sinasabI, ang nakikinig
b. pinagmumulan, mensahe, tsanel at agatanggap
c. pinanggalingan, tagapaghatid , senyas , tagatanggap ng pahatid
d. encoding, mensahe, decoding
6. Batay sa pag-aaral ni Shanman at Weaver, ang komunikasyon ay mayroong
pinagmulan ng mensahe . Ang ikalawa ay
a. sino ang tagapaghatid ng menshae ?
b. saan nagdadaan ang mensahe?
c. ano ang paraan ng pagbuo ng mensahe?
d. paano makakarating ang mensahe?
7. Ang pagtitimbang ng sariling desisyon at pagbubulay-bulay ay mauuri sa
anong antas ng komunikasyon?
a. Interpersonal
b. Intrepersonal
c. Intropersonal
d. Intrapersonal
8. Ang usapan sa pagitan ng dalawang mangangalakal ukol sa isyung
pangnegosyo ay nasa tipo ng komunikasyong
a. Impormal
b. Pormal
c. Malawak
d. Makitid

9. Ang mga pagtatanghal na makabansa/makaPilipino at natutunghayan ng

ibang lahi ay nasa antas ng________________.
a. Komunikasyong Pangmasa
b. Komunikasyong Pang-internasyunal
c. Komunikasyong Pang-organisasyon
d. Komunikasyong Pangkultural

MGA KONSEPTONG PANGKOMUNIKASYON

Mga Konseptong Pangwika

10 Pre, alam mo ba may nakita akong masarap na pulutan sa may kanto.

May tokneneng akong nakita.
Wehdi nga? . Ang tipo ng
komunikasyon na nangingibabaw sa usapan ay
a. pormal
b. pabalbal
c. impormal
d. abnormal

References

Arrogante, Jose A.,et.al. (2009) Sining ng Komunikasyon sa

Akademikong Filipino. National Bookstore, Inc. mp.,8-19.

Dinglasan, Resurreccion D. (2007) Komunikasyon

Akademikong Filipino. Rex Bookstore, Inc., mp.,6-15.

sa