Professional Documents
Culture Documents
Kmu Nadismaya Kay Bise Mayor Paolo Duterte Recent
Kmu Nadismaya Kay Bise Mayor Paolo Duterte Recent
SULAT PAMAHAYAG
June 1, 2016
Ang mga trabahante ang naghukom nga ipadayon ang pagwelga ug dili gikan kay
Dodong Basilio nga maoy ginapagawas ni BM Duterte. Naghulat ang mga trabahante
sa gisaab nga kasabotan nga gikahinaman sa mga trabahante. Apan ang maong
kasabotan wala miabot ug nahitabo.
Ang pagbalikas ug pagbusabos ni BM Duterte kay Ka Dodong Basilio sama sa Putang
un aka Ikaw ra makinabang ani Ugok.Putang ina, badyak-badyakan tika
dira karon Bungol man siguro ka tan-awa imong tiyan dako kaayo usa ka
pagbinastos nga dili angay buhaton sa opisyal sa gobyerno ilabina sa kondukta sa
negosasyon sa labor dispute. Ang maong abusadong binuhatan dili angay palagpason.
Dugang pa niini, ang pagtim-aw ni Atty. Manases Mans Carpio, nga bayaw ni Duterte
ug asawa ni incoming Mayor Inday Sara Duterte didto sa picketline isip abogado sa
Nakashin Davao Intl gilantaw sa KMU isip us aka conflict of interest.
Ang Nakashin mao ang unang misupak sa balaod ug dili ang mga nagwelgang mga
trabahante. Adunay labor-only contracting o pagpatrabaho sa kontraktwal nga mga
trabahante sa mga trabahong adunay direktang kalambigitan sa negosyo sa kompanya
o usually necessary and desirable services us aka iligan ilalom sa balaod. Ang kalit
nga pagtanggal sa mga trabahante tungod giduso nila ang ilang katungod alang sa
regular nga trabaho us aka pagsupak sa balaod nga gibuhat sa Nakashin. Ang maong
kahimtang wala lantaw ni BM Duterte.
Dugay nang panahon gibuhat sa Nakasin ang iligal nga binuhatan nga naghikaw sa
katungod sa mga trabahante sa kasegurohan sa trabaho. Gawas pa kana sa mga
mangtas nga pagtratar sa Nakashin sa mga trabahante nga ginapatrabaho mokabat sa
14 ka oras matag adlaw nga dili pwedeng molingkod.
Dili lang ang 75 ka mga nagwelgang trabahante ang biktima sa paghikaw sa iligan nga
binuhatan sa Nakashin apan lakip niini ang kapin 200 ka mga trabahante nga
nagtrabaho sa kompanya.
Kung tinuod nga motabang si BM Duterte sa mga trabahante nganong dili niini
unahon ipatuman ang balaod mahitungod sa pagdili sa labor-only contracting ug ang
mangtas nga pagtratar sa Nakashin sa ilang mga trabahante?
Ang pagbusabos ni BM Duterte kay Dodong Basilio usa ka pagbusabos sa mga
trabahante ug sa KMU nga sa kinauyukan pagdapig sa mga kapitalista. Si Ka Dodong
Basilio 29 na ka tuig nga lider sa mga mamumuo nga napamatud-ang ligdong ug
tinuoray nga nagadapig sa mga mamumuo. Nagpabilin nga simple ang kinabuhi ni Ka
Dodong Basilio ug sukad kaniadto ug hangtod karon wala midawat og bisan unsang
personal nga pabor o mga suborno gikan sa kapitalista.