BALARILA

Ang balarila ay kailangan upang magkaroon ng isang mainam at maayos na

pahayag.
Ang balarila ay isang agham na tumatalakay sa mga salita at sa kanilang
pagkakaugnay-ugnay.
Ang balarila ay bala ng dila.
Ang balarila ay masasabing isang agham sa paggamit ng salita at ang
pagkakaugnay-ugnay nito. Isinasaalang-alang din ang mga bahagi at tungkulin
ng mga salita sa pangungusap.
Ang balarila ay may kaugnayan sapag-aaral ng uri ng mga salita, tamang gamit
ng mga salita at pahayag upang makabuo ng malinaw na kaisipang panggramatika.

RETORIKA
Ang retorika ang tawag sa mahalagang karunungan ng pagpapahayag na
tumutukoy sa sining ng maganda at kaakit-akit na pagsasalita at pagsusulat.
Galing sa salitang rhetor na salitang Griyego na nangangahulugang guro o
isang mahusay na orador/ mananalumpati.

Ang retorika at balarila ay pawing mahahalagang sangkap para sa maayos,

masining at magandang pagpapahayag. Kapag inalis ang balarila, mawawalan
tayo ng kawastuhan sa anumang matinong panulat sa hinaharap.
Sa pamamagitan ng balarila, makakabuo ng isang mainam at mayamang
pahayag. Subalit ang isang pahayag na may balarila lamang at walang
retorika ay nagiging kabagutbagot sa bumabasa o nakikinig.