Prayer for Healing

Hesus, mangyaring ang Iyong malusog at purong dugo ay

dumaloy sa aking sumasakit na katawan, ay ang Iyong
wagas at malusog na katawan ay baguhin ang aking mahina
at masakiting katawan, at mangyaringg maging malusog at
matibay muli ang akin buhay, kung ito may umaayon sa
Iyong Banal na Kalooban. Amen.
Oh, Hesus, aking Panginoon at patnugot, ako ay Iyong
patibayin at linawagan sa mga mahihirap na panahon sa
aking buhay. Hindi ako naghahangad ng tulong galing sa
iba, ako ay buong-buong umaasa lamang sa Iyo. Akoy nagiisa sa harap ng Iyong sakdal, Oh Diyos ko Sa kabila ng
aking takot at panlulumo, tinutupad ko ang iyong Banal na
Kalooban upang tuparin ito sa abot ng aking makakaya, sa
aking pagkabuhay at pagkamatay. Hesus, sa Iyo, lahat aking
magagawa. Gawin mo sa akin ang nararapat; ipagkaloob mo
sa akin ang Iyong Puso at iyon ay sapat na.
Oh, Dugo at Tubig na dumaloy mula sa Puso ni Hesus,
bilang bukal ng awa para sa aming lahat, kami ay nananalig
sayo.

Dear Jesus
Salamat sa regalo ng buhay at biyaya sa pagiging isa sa mga
nakakaalam na Ikaw ang Anak ng Diyos. Salamat sa regalo
ng paningin na nakatutulong sa akin upang makita ko ang

nakapanggigila-gilalas na mga bagay galing sa Iyo, at sa

aking kaluluwa na nakatutulong sa aking makakita nang
higit pa sa nakikita ng mata. Salamat sa lahat-lahat ng
ibinigay mo sa akin, lalo na ang aking pusong binigyan Mo
ng may bato-balaning buto ng grasya na humihila sa akin sa
Inyong pagmamahal magpakailan pa man. Alam kong
hawak Mo ako sa Iyong palad at pinoprotektahan Mo ako
gamit ang Iyong Banal na Mukha. Ngunit sa paglipas ng
ilang taon, Diyos ko, kinatatakutan ko ang singkaw ng
damdam at sakit, at nangangamba sa kung paano matatapos
ang aking buhay.
Kaya akoy mapagkumbabang nakikiusap sa Iyo, Diyos ko,
na sa pagdating ng panahon na lilisanin ko na ang mundong
ito, huwag Mo sana akong tawagin sa biglaang pagkasawi,
hindi rin sa aksidenteng sisira sa katawan, hindi sa sakit na
lilito sa isip at sisira sa pandamdam, hindi sa habag ng
masasamang puwersa, hindi sa pusong puno ng poot o
katawang hirapan sa sakit, hindi napabayaan o nag-iisa,
walang pagmamahal o pag-aaruga, hindi sa sarili kong
kamay sa panahon ng pagluluksa.
Hesus, hayaan Mong dumating ang kamatayan bilang isang
mahinahong kaibigan na tatabi at magtatagal kasama ko
hanggang tawagin Mo na ang aking pangalan. Saka, hayaan
Mo akong pumasok sa Iyong tahanan sa kalangitan upang
matanggap ang huli Mong regalo ng biyaya na maging sa
tabi Mo kailanman at tumingin sa ibabaw ng banal na anyo
ng iyong Banal na Mukha. Amen.