HARI NG KAGUBATAN

(Readers Theater-IKALAWANG PANGKAT)

Aiza Molino
Rosalyn Cejo
Genies Misa
Rea Montealto
Regina Merza
Cecille Fontelera
Via Marie Magno
Liezl Marty
Apryl Maranon
Jyza Manila
Angelica Vencito
Cherry De Leon
Jerson Delos Santos

-TAGAPAGSALAYSAY
-TAGAPAGSALAYSAY
-TAGAPAGSALAYSAY
-SEBRA
-LOBO
-USA
-UWAK
-OSO
-KUNEHO
-KABAYO
-UNGGOY
-KAMBING
-LEON

TAGAPAGSALAYSAY:(Lahat ng hayop ay nakaharap sa awdyens maliban sa Leon) May isang malaking Leon na
naninirahan
sa gitna ng kagubatan. Lahat ng hayop ay takot sa kanya. Araw-araw ay naglilibot-libot ito upang humanap ng makakain kaya naman ang
lahat ng hayop sa kagubatan ay nagsisitago dahil sa oras na matagpuan sila nito ay tiyak na kamatayan ang naghihintay sa kanila. Kayat
ipinatawag ni lobo ang lahat ng hayop para sa isang mahalagang pagtitipon.
LOBO: Mabuti at narito kayong lahat. Narito tayo upang pagusapan ang isang napakalaking problema. Nasa panganib ang ating mga buhay.
(Mag-iingay ang mga hayop)
KAMBING: Meeee-eee-eee. Anong maaari nating gawin para makaligtas sa mabangis na leon. Isa isa niya tayong inuubos. Hindi
magtatagal lahat tayo ay mamamatay .
USA: Mabangis at malupit ang leon. Wala siyang awa sa kahit na sino. Naalala ko noong iniwan ko ang aking munting usa at nang makabalik
ako ay wala na itong buhay.
SEBRA: Anong gagawin natin? Matalino ang leon. Umuungol siya upang takutin ang mga hayop. Nanginginig at umiiyak ang mga ito sa
kanilang pinagtataguan kaya nahahanap sila ng mabagsik na leon.
OSO: Ang matatalas na kuko ng leon ay kayang-kaya tayong pagpira-pirasuhin.
UWAK: Malakas ang kanyang mga paa na maging ang mga puno ay kaya niyang akyatin at ang kanyang mga mga ngipin ay tunay na
napakatalim.
UNGGOY: Nag-iisa lang siya ngunit lahat ay takot sa kanya. Tandaan niyo! Marami tayo. Hindi ba natin siya mapipigilang kitilin ang mga
buhay natin?
UWAK: Kailangan pagplanuhan natin ito ng mabuti, dahil kung hindi ay siguradong manganganib ang mga buhay natin.
LOBO: Ano ang iminumungkahi mo?
USA: Bawat isa ay dapat mag-isip ng kanya-kanyang mga plano at ang pinakamabisang plano ang siya nating gagawin.
LAHAT: Sang-ayon kami. Tayo na at magisip.

TAGAPAGSALAYSAY: Patuloy sa pagiisip ang mga hayop. Maraming nagbigay ng mga mungkahi. Sa huli, ang plano ni kuneho ang kanilang
napili. Nang sumapit ang gabi, nagtungo sila kay leon. Nang makarating sila sa kuweba narinig nila ang atungal nito. Marami sa kanilay
nagnais na bumalik na lang ngunit nang makita nila kung gaano katapang si kuneho, sila ay nagpatuloy.

LEON: (Haharap sa awdyens) Ano ang nais ninyo at naparito kayo?

OSO: Haring leon, naparito kami dahil may nais kaming sabihin na makatutulong sa inyo.
LEON: At ano naman ito?
OSO: Alam namin na ikaw ang hari ng kagubatan, ngunit kailangang itigil mo na ang pagkain sa katulad nating mga hayop. Marami ka nang
pinatay. Lahat kami ay takot nang manirahan dito sa gubat.
KABAYO: Darating ang araw haring leon, wala nang hayop na matitira dito.
LEON: Ano na ang aking kakainin? Kailangan ko ng makakain.
KABAYO: May solusyon kami diyan. Bawat araw ay mamimili kami ng isang hayop bilang iyong pagkain.
OSO: Dadalhin na lamang namin ito sa iyong kuweba upang hindi ka na mag-abala pa sa paghahanap ng makakain sa kagubatan.
LEON: Mukhang maganda ang naisip niyo. Subukan natin.
(Tatalikod ang lahat ng hayop maliban sa leon)
TAGAPAGSALAYSAY: Tinupad ng mga hayop ang kanilang pangako sa haring leon. Bawat araw ay nagdadala sila ng maliit na hayop sa
tirahan ni leon.
TAGAPAGSALAYSAY: Isang araw, si kuneho ang napili nila bilang maging hapunan ng leon. Dahil maaga pa nang dumating ang kuneho,
nagliwaliw at nilibang muna nito ang kanyang sarili bago man lamang siya gawing hapunan ng mabangis na leon. Dahil sa paglalaro, nahuli
siya nang dating sa kuweba. Ang leon ay labis na ang gutom sa paghihintay.
LEON:(Galit na umungol) Bakit mo ako pinaghintay ng napakatagal?
(Haharap sa awdyens ang kuneho)
KUNEHO: Magandang umaga haring leon. Kailangan mong sumama sa akin upang makita ang isa pang katulad mong leon. Malaki at makisig
din siyang tulad mo.
LEON: Nasaan ang leon na yan?
KUNEHO: Hindi ko masasabi sa iyo haring leon. Kailangan mong sumama sa akin upang makita siya.
TAGAPAGSALAYSAY: Lumundag palayo ang kuneho at nagtungo sa kagubatan. Sumunod sa kanya ang leon na walang kamalay-malay sa
pinaplano ng kuneho. Kapagdakay narating nila ang isang malalim na balon.
KUNEHO: Tingnan mo haring leon, nariyan siya!
TAGAPAGSALAYSAY: Dumungaw ang leon sa balon at nakita ang isa pang leon. Umatungal siya at umalingawngaw ito ng malakas at
inakalang ito ay mula sa isa pang leon. Kayat tumalon siya upang harapin ito at siya ay nalunod. Lumundag-lundag pabalik ang kuneho
upang sabihin ang mabuting balita sa mga hayop.
(Haharap ang lahat sa awdyens)
LAHAT: Simula noon, namuhay ng payapa ang mga hayop sa kagubatan.