Ang Polo

Ang lahat ng lalaking Pilipino na may 16 hanggang 60 ay sapilitang

pinagtrabaho nang 40 araw. Ito ay tinawag na polo. Kailangan silang maghandog ng
kanilang lakas sa pamahalaan. Gumawa sila ng mga imprastrakturang pampubliko
nang walang bayad. Gumawa sila ng tulay, simbahan at galleon (bapor pangalakal).
Ang mga naglilingkod na mga katutubong lalaki ay tinawag na polista. Dapat ay
hindi sila lalayo sa kanilang pamilya sa panahon ng polo ngunit hindi rin ito
nasunod.
Sa sapilitang paggawa nakapagpagawa ng mga daan, tulay at mga barko ang
pamahalaan. Nakabuti ito sa ibat ibang syudad o pueblo.
Mabuti at maganda ang mga adhikain ng kautusan, ngunit it ay hindi
sinunod ng mga maykapangyarihan. Ang mga Pilipino ay pinilit gumawa nang
walang bayad. Malalayong lugar ang pinagdalhan sa kanila kung kaya hindi nila
nakapiling ang kanilang pamilya. Marami ang namatay sa gutom at hirap sa
pagtatrabaho. Nagkaroon ng mga tulay at daan ngunit masama ang naging epekto
sa mga Pilipino. Dahil sa mga namatay,lumiit ang bilang ng mga katutubong
mamamayan. Napabayaan ang mga lupang sakahan at nagkahiwalay ang mga
pamilya. Nagalit at naghimagsik ang kalooban ng mga Pilipino laban sa kalupitan ng
mga Espanyol.

Epekto ng Sapilitang Paggawa

May mga Pilipino na tumutol sa mga patakaran ng Espanya. Ang ilan sa hindi
nila nagustuhan ay ang katiwalian sa pagbabayad ng buwis gayundin ang walang
katarungang sapilitang paggawa. Nagkaroon ng pagbabago sa sistema ng sapilitang
paggawa. Tanging ang mga lalaki lamang na may gulang 18 hanggang 50 ang
magbibigay ng serbisyo. Ibat ibang kagamitan ang maaaring gamitin sa paggawa.
Ito ay ang alagang hayop, kariton, bangka at iba pang sasakyan. Maaari ring hindi
magtrabaho kung magbibigay ng tatlong piso o alinman sa kagamitan nila. Ang
panahon ng paggawa ay hindi dapat makahadlang o makasabay sa pagsasaka.
Dahilan ito kung kaya hindi gumawa ang isang titulado o abogado. Ninais ng mga
magulang na mapag-aral ang kanilang anak at magkaroon ng mataas na tungkulin
sa tanggapan.
Muling nagpalabas ang Espanya ng kautusan upang malunasan ang suliranin
sa pagwawalang bahala o pagpapabaya sa Gawain. Ito ay naganap noong Hulyo 12,
1883. Ang kautusan ay naglaman ng panukalang labinlimang araw na lamang ang
paggawa. Ngunit ang sapilitang paggawa ay hindi maaaring mabili. Maaari lamang
kumuha ng kapalit o hahalili sa paggawa. Ang maaari lamang paglingkuran ay ang
mga lugar na nasasakupan ng pueblo. Isinali rin sa kautusan na lahat ng nakatira sa
Pilipinas ay kailangang maglingkod kahit ano pa ang kanyang lahi.