The Diego Silang

Si Diego Silang ay isang Ilokanong principales na naging isang

rebolusyonaryong pinuno ng Pilipinas. Siya ay anak ipinanganak sa Aringay,
Pangasinan na sa ngayon ay parte na ng La Union noong Disyembre 16,
1730 sa magulang na sina Miguel Silang at si Nicolassa de los Santos,
kapwa principales. Naging menshaero si Diego Silang ni Cortes y Crisolo,
isang pari sa Vigan. Dito siya natuto ng ibat ibang bagay tulad ng wikang
Kastila.
Isa sa mga nasilayan ni Diego Silang sa kanyang paglaki ay ang pangaabuso ng mga Kastila tulad ng labis na tributo, ang polo y servicio at ang
abuso sa indulto de comercio ng alcalde mayor na si Antonio Zabala. Ito ang
kanyang mga nilabanan at dahilan ng kanyang pag-aalsa. Ninais din ni
Diego Silang na dapat mabigyan ng posisyon sa gobyerno at simbahan ang
mga kapwa niya Pilipino.
Noon panahong iyon, ang mga Kastila ay humina dahil sa
pagsakop ng mga Ingles sa Maynila. Nakita ito ni Diego Silang at natanto
na maaari pa lang mayupig ang mga Kastila. Kaya isinagawa nila ang
kanilang pag-aaklas sa Ilocos.
Ano ang naging resulta? Silay nagtagumpay at nakamit nila ang
kalayaan ng Ilocos noong Disyembre 14, 1762. Ginawa ang Vigan bilang
kapital ng bagong-layang Ilocos. Kasabay din nito ay ang pag-alyansa niya
sa mga Ingles sa pagsupil sa mga Kastila na siya namang ikinatakot ng mga

Kastila. Binigyan ng titulo si Diego Silang bilang isang gobernador ng Vigan

ng mga Ingles. Ngunit di rin nagtagal ang buhay ni Diego Silang. Noong
Mayo 28, 1763, si Diego Silang ay binaril sa likod nina Miguel Vicos at
Pedro Becbec, kapwa kaibigan ni Silang na nakipagsabwatan sa mga Kastila
upang kitilin si Diego Silang. Namatay si Diego Silang sa mga kamay ni
Maria Josefa Gabriela Silang, ang kanyang asawa, na siya namang
nagpatuloy ng pag-aaklas.