Zo Phualva

Vo l u m e 0 6 , I s s u e 2 6

Thupuak

December 17, 2016

Thahatna hi lo, vangliatna zong hi loin keima Kha hang ahi hi. Zech 4:6

CHRISTIAN TE IN CHRISTMAS PAWI BAWL HUAI MAH HIAM?

hristian-te in Christmas pawi bawl ding pen adik mah

hiam cih dotna kum simin laikhak ahi zong phone
tawh ahi zong dotna ka ngah den hi. December 25 ni in
Jesu hong hong suak hi cih Lai Siangtho matlap ding a kiciatlohna leh December 25 ni pen dawibiate pawi tawh a kinahvawh nahi hi. Christmas ni hong piankhiatna thu le, tua ni
ni-tumdang diak ahihna thu matlap kician pawlkhat kong gen
cian nuam hi.
1. Christmas le Christian-te: Hih dotna tawh kisai kong
gencian ma in, Christmas pen Adventist-te in ih nial ding hi
tuan lo hi cih hong gen masa nuam ingh. Banghang in Jesu
Christ suah hun phawkna pen eite in va nial tentan se ding ie
hiam? Bangbang ahi ta zong, hih pawi pen Lai Siangtho ah a
siantho sakna(ordained) omlo ahih manin thu-ummite tawh
kisai dingin ih ngaihsun kei hi. Eite in ni siangtho khat bek ie
nei a, Piangsak pa le Honpa thu ie manna in ih siantho sak Sabbath ni ahi hi.
2. Christmas le Leitung Tangthu: Ih theihtek sa mah
bangin Christmas cih pen tanglai mikang kammal ahi
Christmesse, pan kila hi a, a khiatna in Christs Mass kici
Khazih Pawi cihna ahi hi. Hih Kammal pen khuamialpi hunlai in hong kizangto hi a, December 25 ni in Jesu hong suahna
pawi kham ding kithawi in zan kim in Mass (Siangtho pumpi
nekna: Catholics; src: https://www.merriam-webster.com/
dictionary/mass) na nei den uh hi. Hih pawi pen Kammal
dangte ah Nativity ci in zong kizang a, Latin kammal
Natalis pan kila hi a, Holy Night: Zan Siangtho cihna ahi
hi. (German: Weihnachten)
Hih Christian-te pawi ie hong piankhiatzia abul taktak
kician lo hi. Tangthu kan pawlkhat in hi nativity pawi pen AD
kum zabi 4 lai pan kizang ta hi a ci om hi. Christian pawlkhatte
in Christ sih ni pen March 25 hi ding cih thu bullet nei in tuat
uh hi. Pawlkhatte in Amah pen December 25 ma kha 9 lai in
suak ding hi ci in upmawh gen uh hi. Adangte leuleu in March
25 ni in Jesu suak sak uh hi.
A tamzaw te hilhcianna ah hih Christmas pen Romans te ie
ciindan namkhat ahi December 25 ni sim a aneih den uh
Zawhtheih loh Ni Invincible Sun (Latin: Sol Invictus) ie Suahkik ni the Rebirth of the Sun tawh kizom hi. Nativity pawi
hun sung a meivakte a thupitsakna uh ih et ciang, Lai Siangtho
sungah Christ zong meivak (Luke 1:78, 79) hi a, tuate nih kizopna nei gige hi. Hih thu en leng, Christiante in dawibiate
pawi kimlai Christian pawi a suak dingin la a, lemtuah tawm uh
hi. Hi thu zong hikha ding, ahi zong tangthu matlap ding haksa
mahmah hi.
3. Christmas le Thu-um mi: Eite in ih theih ding thu nam
nih om hi: Eite in Pasian lamlahna tawh Jesu suahni ih kepcingna ding thu ih thei kei hi. Upmawh gen zong kullo hi. A
nihna ah Christian bupphial in December 25 ni in Jesu suahni
bawl hi. Ih laihkik thei kei a, laihkik zong kullo hi. Hih pawi
tawh kisai bawlloh ding ih genna pen Lai Siangtho siksanna
omlo bek thamlo in dawibia mite pawi tawh kizopna nei ahih
man ahi hi. Tua ahih manin eite in ih ngaihsutna panin hi tawh
kisai ih hepkhiat ding kisam hi.

Ih gensa mah bangin, Jesu in mihing bangin numei sung

pan hong suahni phawkna le lungngaihna hun a tuam a neih
ding pen khial vetlo hi cih kong genpha kik hi. Ngaihsutna
kong piak nop khat ah, hih Christmas hun sungin a lamdang
taka Jesu mihing hong suahna thu lungngaih ding hoih ka sa
hi. Pasian Tapa takpi Ci-le-sa suak (John 1:14 ZIV) cih pen
a lamdang mahmah thu hi a, mawhnei eite mawhna pan hong
hotkhiatna dingin Piangsakpa ta-ngial mawhnei khat bangin
hong suak hi.
Nativity ih cih zong mihingte ading a Pasian hong piak
letsong hi a, a Tapa tungtawn in Pasian in a lianpen letsong
hong pia ahi hi. Amah pen vantung Pasian in a khawnkhong a
hong piak vantung anlum (John 6:48-51) ahi hi.
Tua bek hilo, Nativity ih cih pen taangko khiat hun ahi hi.
Tua zan in vantungmite in tuucingte kiangah lungdamna thu
na taangko uh a, Lau kei un Topa Christ ahi Honpa in note
aa dingin David khua ah a suak zo hi. (Luke 2:10,11 ZSV) ci
uh hi. Eite in zong ih awte gingsak in Honpa Khazih Topa
hanga ih ngah launa pan suahtakna le vangliatna dim lungdaihna te tua vanmite aw tawh kituak in ih taangko ding hi.
Christmas in Bethlehem a mihing ci-le-sa a hong suak Jesu
Christ thu phawkkikna ding hun manpha eite hong pia hi. A
lungdam huai thu taangko ni!
David Lian
Ref: https://adventistbiblicalresearch.org/materials/practical-christian
-living/should-adventists-celebrate-christmas

THU TUAMTUAM
My Proverbs. (Chapter One)
1. A lawp khempeuh, piangthak hi kici thei tuanlo a,
a piangthak khempeuhte lawp lanlan khin tuan lo uh hi.
Lawpna maan tawh a piangthakte nuntakna, agah in ki mukhia
thei hi.
2. Jesu lim ki suanna inn khempeuh tapidaw hi khin pah lo
uh a, tapidaw khempeuh inn ah zong Jesu lim om tuan lo hi.
Zeisu lim-le-mel a pua Tapidaw te innkuan, inn veng le paam
adingin ettehhuai cing ding uh hi.
3. Adah mahmahte kap pah sam lo uh a, a kap khempeuh a
dah mahmah man hi khin tuan lo hi. A dah hun a dah thei,
nuam ding hun a nuam theihna in Mihing hihna hi.
4. A maitaite a lungdam man hi khin tuan lo a, a lungdam
khempeuh maitai khin tuan lo hi. Maitai zo dente nuntak na ah
lungkhamna mualin liah zo lo hi.
5. A ki zem khempeuh melhoih tuampah tuanlo a, a
melhoih khempeuh kizep siam tuan lo hi. Sunglam kizepsiamna in a pualam melpuah theih bil bel hi.
6. Piangthak khempeuh Laisiangtho simdente hi pah sam lo
a, LST sim hat khempeuhin nuntakpih zo tuan sam lo hi. Zak
banga nuntakpih pahna in phattuamna hong pia thei bek hi.
7. Thunget siam/hat khempeuh khami kici thei pah lo a,
Kha-mi khempeuh thunget siam/hat tuan lo hi. Kha-mi thunget
hatte thungetna muibun mahmah hi.
8. Lasiam khempeuh in pianpih talen neih man hipah lo a,
pianpih lasak talen nei khempeuh zong kimang khin thei tuanlo hi. Phatnopna lungsim neite lasakna in suahtakna piangsak hi. Paul &Silas

9. Kimawl a uk khempeuh siam pah samlo a, a siam

khempeuh zong kideih khin tuan lo hi. I ukkhat tawh siamna
a lak theite agong uh tai hi.
10. Anhai khempeuh thahat pah sam lo a, a thahat
khempeuh anhai khin tuan lo hi. A thahat limlimte, nek le
dawn ah kidawm uh hi.
11. Gamdang a om khempeuh in inn le lo vaan zo tuan lo
a, inn le lo a vaan zo khempeuh gamdang ah a om man hi
tuan lo hi. Ki theh thang lo a, Innkuan kiim tawh, munkhat a
om linglingte vangam malepte hi.
12. Laipil khempeuh a hahkat man hi khin lo a, a hahkat
khempeuhte pil khin tuan lo hi. A hahkat apil tungtuang te, mi
nuai ah om ngei lo uh hi.
13. A nehno khempeuh a lungsim neemte hipah lo a,
a lungsim neem khempeuh nehno duaiduai khin tuan lo hi.
a nehnote nuntakna ah tuahsiatna tampi om cihna hi.
14. Mi a hawmthawh thei te apicin man leh asiam man hi
khin tuan lo a, mi apicing, misiam khempeuhin mi
hawmthawh vanvan tuan lo hi. Hawmthawh na kammal tampi
in mi picing suah thei hi.
15. Maikai khempeuh in kimakaih dan siampah lo a,
ki makaih dan a siam khempeuh Makai ah kikoih tuan lo hi.
Makaih dan a siam makaipa in makai thak tampi piangsak hi.
Sia Nangpi, AAS Principal, Zogam

TANGTHU PANIN SINNATE

* Gal a Kinei Gamte Lawmta Asuak Thei Mah Hiam?
Leitung galpi nihna lai in America in Germany leh Japan
te do hi. Tu hun in a kipawlpihte suak uh hi.Bang ci a?
Germany te a langte kiangah a ki-ap tak ciang in, Germany was reduced to rubble in 1945. America in nek leh dawn
silh le ten tampitak a gal lui te kiang ah puak hi. America in
Europe gam a a ciimzan gamte sum le pai tawh huh in puahphat ding in geel hi. Kum sawm sung in Germany gam pen
Europe gamte pan in sumbawlzia ah a muanhuai pen in ong
kikhangkhan hi. A kumpi in Nazi ki-ukna nuai ah a mithahna
te nangawn uh thum in, a thuak mite tungah liausum pia
hi.Germany in a galte tunga a muhdahna damdam in ong bei
sak hi.
1945 kum in Japan in gallel a a ki-ap uh ciang in a kumpipa Hirohito in mipite kiangah a thuakzawh loh ding te a thuakzawh uh kul in, a gimpih zawhlohte a gimpihzawh uh kul hi,
ci hi. A hi zong in galkap mangpa Mac Arthur in Japan tawh
kum li sung gal nasia mahmah a makaih khit ciangin a kumpipa leh Japan mite zahtakna lak hi. Galkap za lianpen a hih
mah bang in suaktakna leh thutanna tawh a hoih zaw nunna
gam mite tungah kamciam pia hi. Japan mite in a theihkhak
ngei loh uh suahtakna a kipsak gam thukhun pia hi. Numei te
pasalte tawh a kikim hamphatna(right) kipia hi. Lokho mite in
leitang nei mihau te kiang pan in leitang leitheihna ding in
phalna kipia hi. Japan pen gam thakhauh ong hi kik bek hi lo
in, a galluite tawh a kipawl khawm ong suak hi. Japan in zong
a beisa a gamtatsiat luatna te a langtang in ong thuum in liausum pia hi.
Source: Building A Better Cambodia (ZLD)

CIDAMNA THU
Mihing Pumpi Sungah Cancer Hong Kihilzia:Mangkangte in, "Prevention is better than cure," a na cih
mah bangun natna khat peuhpeuh apian khit ciang zatui
kibawl tawm sangin natna hong pian ma kidal kholh ding a
thupi penpen ahi hi. Deihloh penin natna hong pian khit leh
zong natna hong pian tuung mahin thei-a kibawl pah pen nat-

Seventh-Day Adventist Church

No 8-3A, Jalan Sungai Besi 57100
Kuala Lumpur, Malaysia

Pr. Mungtong (ph: 017-326 5747)

Pr. Noel Cinh (ph: 018-227 3302)
Pr. Mamang (Ph: 011-2112 2293)

na a nasiat khit ciang kibawlpat sangin dam nading baihzaw

hi. Tua hi-a a lauhuai cancer tuamtuam ngahloh nadingin
kidal kholh ding a thupit mah bangin cancer nei maw/neilo cih
zong theih baih ding thupi mahmah hi.
Cancer nei maw/neilo koici theih ding?
1. Bangmahpi seploh hangin gim na kisa den hiam?
(Fatigue)
2. Thu omlo pi-in (gtn. cina, annek khiam, exercise bawl)
na gawng vat hiam? (Sudden unexplained weight loss)
3. Gil dim suahin om daan nop lo-in na om hiam? (Feeling
of bloated or swollen abdomen)
4. Pumpi ah a bawk (ahkl) sabawk khat peuhpeuh hong om
hiam? (Thickening or lump in any part of the body)
5. Pumpi tungah a na khat peuhpeuh (gtn.liamma) a dam
theilo a om hiam? (A sore that does not heal)
6. Huih khamlo/ naklah/ nawhnak cih bangin na om thei
zel hiam? (Shortness of breath)
7. Pumpi tungah na vun (a mel) kikhelna khat peuhpeuh a
om hiam? (Skin changes)
8. Zan khua-ulneel kaai-in na ci a sa thei zel hiam? (Fever
or night sweat)
9. Dailen hun (ngeina) hong kikhel hiam? (Change in bowel habit)
10. Zunthak hun (ngeina) hong kikhel hiam? (Change in
bladder habit)
11. Bukkhuh hun sawt na veilua hiam? (Nagging cough)
12. Anvalh ding haksa na sa hiam? (Difficulty swallowing)
13. Kamsung ah a na (a san ahkl a kang) a po hiam? (Red
or white patches or sores inside the mouth)
14. Na ci a na pahpah thei hiam? (Repeated infection)
15. Na aw a heu/hut pahpah thei hiam? (Hoarseness)
16. Niin pai hun hilo in siluangna (ahkl) niinkang paina a
om hiam? (Unusual bleeding or discharge)
17. A omsa civom leh siklikte a ngeina bang hilo in hong
kikhel a om hiam? (Obvious change in mole and wart)
18. A thu omlo in sisan hatloh natna na nei hiam? Unexplained anaemia)
A Tung ate bangin na thuak a om leh zato ah limtakin kivelsak ding kisam hi. Ref; Dr. ( )
Fourth Year Adult Health Nursing Text Book

ZAKSAKNA
Pawl Lutna & ZSM/CDK : Kipawl ciat ding phawk ni.
ChristmasGive to Jesus Program: December 25-27,
2016 (Sunday-Tuesday) nite-in khangnote in laibu /
laihawmte tawh Pasian na sem dingin amun mun ah kuan
khia ding uh a, Dorcas (WM) te in cina vehna le cimawh
huhna piakna nei ding uh hi.
New Year PICNIC: 2017 Kumthak (Sunday) ni pawlpi
bup Taman Botani Negara Shah Alam ah picnic kipai ding hi.
A pai thei dingte in hunbit siate tungah mi1 RM10 tawh min
na pia pah un. Dead-lined: Dec 29, 2016 (Thursday).
Kumkikna Lamen Innkuan: Ellen G White laigelh,
Adventist Home laibu Zokam in Kumkikna Lamen Innkuan kingah thei ta hi. Adeih te in siate tawh hong kizom pah
un. Innkuan vai thuhoih thupha tampitak om hi.
Dahpihna : Zogam ah Pasian thupha hong puak Missionary Pi Lois Anderson (Kum 97) in Dec 19, 2016 ni 5:00AM in
a omna, Ukiah, N California, USA pan hong ihmut san hi.
Lungdam Kohna: Tuni laihawm hong pia khia Pi Ciin Sial
Cing te innkuan (Australia) tungah lungdamna lianpi ih ko hi.
KL ZOMI SERVICE
Every Friday:
Dorcas
Every Saturday:
Sabbath School
Divine Service
Adventist Youth

08:00pm
11:00am
12:30pm
03:00pm

PAI DAN DING:

BUS > Pudu Pasar
Train LRT > Pudu Station
Facebook: Zomi Adventist Facebook Group
Email: zomiadventistmls@gmail.com