Zo Phualva

Thupuak

Vo l u m e 0 1 , I s s u e 1 5
October 29, 2011
Thahatna hi lo, vangliatna zong hi loin keima Kha hang ahi hi. Zech 4:6
KHUADO PAWI LEH PASI AN THU
Mun khempeuh a om kongit Zomi, sanggam u leh nau,
nu leh pa akua mapeuh aw, kumsim a ih neih, ih Khuado pawi
hong tungkik ding hi ta hi. Nite, khate, khuahunte hong kikheelkheel a, Khuado pawi hong tun zel mah bangiin, ih ngaklah mahmah ih Topa Jesu hong kumkik hun ding zong ih upcil lai sanggiin hong naizawtham ta hi. Tua ahih maniin, tukum Khuado pawi, nuamtak a ih bawlkawmin, ih Pasian thu
zuihna tawh kisai a, ih phutkhak, ih tuahkhak dingg thute
lungngaikhawm dih ni. Ih Zo ngeina Khuado pawi a thupina
ih mangngilh loh nadinggiin, ih manthansak khak loh nanggiin, anuai a Khuado pawi leh Pasian thu enkak khawm
ciat ni. A telsiam dinggiin Topan thupha hong pia ta hen.
Ih pu ih pate in, nakhat pepeuh asep uh ciangiin, ngimna
leh deihna nei lopi-iin, sem ngei lo uh hi. Mai lam nuntak
nading ahi zongiin, sihkhit ciang ading ahi zongiin, ngimna
leh tupna na nei tawntung uh hi. Ih Zo ngeina pawite abawl/
khaam uh ciangiin zong, leitunga a nungta lai teng bek hi
loiin, asisa pu leh pi, nu leh pa, sanggam u leh naute mah kho/
sam/ko hamtang uh hi. Tua mah banginn, Khuado pawi
hun ciangiin zong, Khuazing pasian, Khuavak Pasian leh
asisa it leh ngaih teng tawh ankuang umkhopna leh hong
bawlsia thei, dawihang, kauhangte nawhkhiatna huniin kizang
hi. Anlak khitlim a, kibawl pawi hi a, nek leh dawn kicingiin,
nuam kisa mahmah hi.
Hih ih Zo ngeina Khuado pawi leh Pasian thu a ki
mematna a tomiin en leng:
1. Khuado pawi in, Anlak pawi hi a, Khalam thu
ah, Rapture kici, Topa Jesu hong paikik ni (Second Coming)cianga, asi, ahing mi Siangthote lak tohna Kha anlak
pawi tawh a kibang ahi hi. (Feast of Harvest).
2. Hih Khuado pawi ah, asi leh ahingte a kihelkhop mah
bangin, Kha anlak pawi ah zong, thu-um asisate leh ahinglaite
kikhel a, sih theihna pumpi pan, sih theih nawn lohna pumpi
silhin, (mortal to immortal) lungdam pawikhaam ni ahi hi.
3. Khuado pawi in, asisate leh ahinglaite ki pawlkhawm a,
an-gui, an-gah hong pia, hong siam Pasian tungah lungdam
kohkhopna ahih mah bangin, Khalam thu ah zong, vantung
gam ah, asisa leh ahinglai thu-um kikhelte, kum

kum tulkhat sung, (Kum 1000 maanna) lungdam kohna

pawi tawh a kibang ahi hi.
4. Khuado pawi in, hong bawlsia thei, dawi gilo, kau
gilote nawhkhiatna pawi ahih mah bangin, Khalam thu ah
zong, ih galpa ahi, Dawimangpa leh apawlten khumcipna
thuak a, taw neilo kuam (Bottomless Pit) sungah kum tul
khat (kum 1000) sung, kikhiatna tawh a kibang ahi hi.
5. Khuado pawi abawl/khaamte thupha ngah ahih bangmahiin, Khalam thu ah hih Kha anlak pawi pen, amasa
thawhkiknahi a, nihna sihna in, neukha beek sukha lo
ding ahih maniin, thupha ngah taktak mi ahi uh hi.(Lai
siangtho etkak dingte: Jer. 8:20, Matt. 13:30,39, Mk.
4:35b, I Thess. 4:13-17, Rev. 14:15; 20:2,3,4,5,6).
6. Hih Khuado pawi in, innsung, huangsung a om, dawi
leh kaute nawhkhiat, hawlkhiatna pawi hi a, Inn siansuahna pawiahi hi. Tua mah bangiin, Khalam thu ah
zong, gumpa Topa Jesu hong paikik ni cianga dingiin, a
kigingkholsa ih hih theih nadingiin, ih sunga om, mawhnate ahi, hoihlo ngaihsutna, numei tawh mawhna, misum
gukna, mi thahna, mi zi tungah mawhna, huaihamna, gitlohna, mi khemna, kihhuai deihna, eenna, mi gensiatna, ki
phatsakna, mawktatnate a kipan duhhop huaiham, angsung
khualnate, nawhkhia hawlkhia a, ih Topa Jesu dawn dingin, a kiging kholsa a ih om ding hong phawk sak hi. Mk.
7:21-23.
7. Tua banah, hih Khuado pawi pen, Kumcin pawi
hilo, Kumkhen pawi, zong kici ahih mah bangin, khua
hun khat leh khat kikhenna ahi hi. Tuk hun bei-in, Phalbi
hun hong tung ding hita hi. Tua mah bangiin Khalam thu
ah, ni khat ni ciangiin, hih ih tenna leitung hun bei ta
dinga, thu-um mite in, nuntak tawntungna mun luah ta
ding, hih leitung mangpha khak ta ding, sihna natna, anduh
gilkiall dangtakkna a om nawn lohna munthak aluah ding
ih hihna zong hong phawk sak hi. Tua dingiin haksa pipi,
nei lo pipi-iin, Khuado pawi ahahbawl mahmah ihhi hi.
Khuado pawi simin, hih thute aphawktel thei tek dingiin,
Topan thupha hong pia ta hen. Rev. 2
Rev. Dr. Cin Sian Pau, Assistant Pastor

CIDAMNA THU
R=Rest (TAWLNGAKNA)
Tawlngakna pen lungsim, pumpi cidamna dingin athupi mahmah leh akisam mahmah khat hi. Tawlngak dan pen nasep
khempeuh pan khawl sangin nasep anam tuamtuam laih kawikawina in cidamna hong piang sak zaw hi. Gentehna in sangnaupang te bang khuak tawh na sep na hi phadiak ahih manin, khuak nasepna pen tawmvei khawl in thatang sanna nasep nam tuamtuam sepna in tawlngakna hi aa ci dam sak zaw hi
Matthew 11:28-29 Van gik pua a, agim mi khempeuh te aw ka kiangah hong pai ta un. Tawldamna ka hong pia ding hi.
Keima hakkol na kisuan un la, kei kiangah kisin ta un. Banghang hiam nacih uhleh, keimah in lungsim niam mi kahi hi. Note in
lungsim noptuamna zong na ngah ding uh hi.
Pumpi tawlngakna: Ih nuntak hun sung khempeuh ii 1/3 pen ihmut hun in zang thei leng cidamna dingin ahoihpen ahi hi.
Lungsim leh pumpi nasep te pen ihmut sungin tha la kik, dim kik sak ahih manin ihmutna pen athupi mahmah ahi hi. Zan 10pm

ma a ihmutna in tha dim sak phadiak hi. Nitak annek zawh

nai 3 khit ciang ihmu pan leng hoih hi. Banghang hiam cihleh ih ihmut sungin gilpi an-gawi te zong tawlnga hi. Tua
hin ihmut ma in ih gilpi angawi hun piak kul hi. Ihmut
cimna pen hoih mahmah in ahoih lam ngaihsutna hong nei
sak hi.
Ihmut hun: Newborn (a suak tung) 12-16 hrs per day;
Youth (khangno te) 10-12 hrs per day; Adult (khangham ) 78 hrs per day; Old (atek te) 6 hrs per day
Ih ihmut sungin ih pumpi in Meletonil dat atampen piang
sak aa tua dat in mihing moisuak sak hi. Natna lungno te dal
zo sakin, si-khang te si kiam sak hi. Kum khat atawm pen
khatvei picnic (gualnopbawlna) pai zel ding kisam hi, banghang hiam cihleh lungsim pumpi tawlngakna dingin hoih hi.
Kha tawlngakna ding: Mite mawhna maisakna in kha cidam
sak hi. Matt 11:28 (Ka kiangah hong pai un tawldamna kong
pia ding hi.) Mihingte ih tawlngak hun ding Pasian in Sabbath ni hong bawl sak hi, tua hun pen pumpi, lungsim, leh
kha hih teng thum thadim sak kik ding hun ahi hi. Heb 4:4
Pasian in ama bawl na khempeuh a zawh khit ciang nisagih
ni in tawlnga in a om hi.
Dr Khin Moe Moe lai-atna sungah Friday (kigin ni) zan
a ihmut pen nitak dang khempeuh a ihmut nate sangin
cidamna dingin hoih zawpek hi ci in na at hi. Tua ahih
manin Laisiangtho sung aa, Pasian in ong piak tawlngak ni
pen mihing tading aa tawlngakni ding ahoih penpen nahi gige
hi.
Syama Aye Cing
THU TUAMTUAM
Sabbath Thupuak: October 15, 2011 Sabbath hunpi ah
Dr. Cin Sian Pau, Assistant Church Pastor, in Thumanna (I
Samuel 15:22, 23) cih thulu tawh thapiakna kician takin
hong nei hi. Lia Don Ngaih Lian, Lia Ning Ngaih Zuan & Tg.
Cin Sian Suum te unau in Sabbath sun-an hong vak manun
pawlpi min tawh lungdam ko hang! October 22, 2011 Sabbath pen Tg. Thang Kim Siing in Hebrews 4:15 siksan in
hanthotna nasia takin hong nei hi. Tua ban-ah gam thumna
zuan tading ahi Tg. Cin Za Tuang, Tg. En Go Kham & Pa
Khai te in Sabbath sun-an tawh kisai abei khempeuh hong
piak khiat manin lungdamna lianpi ih ciamteh hi.
Gam thumna Leng Ding Thungetsakna: October 15,
2011 Sabbath ni in gam thumna azuan tading ahi Pa Lian
Taih Sang, Nu Dim Hon Cing & Lia Cing Sian Muan te
innkuan; October 22, 2011 Sabbath ni in Tg. Cin Za Tuang,
Tg. En Go Kham, & Pa Cin Sian Pau (Khai) te Church Pastor
SB Ngaih Cin in atuam in thungetsakna hong nei hi.
Cheras Yulek Home-cell & Birthday: October 16, 2011
nitak 6:30pm in Sia Ngaihcin, Sm Aye Cing le Sia Mungtong
te makaihna tawh Nu Niangh omna Cheras Yulek ah veng
ki khop biakpiakna kinei a hong kihel mi 16 kipha hi. Peter
Suan 23th Birthday tawh kizang khawm in Sia Mungtong in
hanthotna hong nei in Sia Ngaih Cin in thungetsakna hong
nei hi. October 23, 2011 nin Sia Sia Ngaih Cin & Sia Mungtong te makaihna tawh Pa Dal SD Piang omna Cheras
Yulek ah kinei leuleu in mimal 15 hong kipha hi.
Nausuak Thungetsakna Kinei: October 20, 2011 nin Sia
Mungtong in Pa Thawng Khaw Tual & Nu Cing Lian Kai
sung pan Topa piak tano Tg. Joseph Khup Kim Siing hangin
GHKL zato ah vaveh in thungetna va nei hi. October 22,

Seventh-Day Adventist Church

THU ZAKSAKNA
Member Fees Zaksakna: Pawl lutna ah kihelna tawh mapang khawm ni. Malaysia om sung teng ding-khatguak: Rm
20; Nupa kop: Rm 30; Innkuan: Rm 50.
ZSM Thuzaksakna: Zomi Social-welfare of Malaysia
(Genvai Kipawlna) ah kipawl tek ni. Mi 1, Kha 1, Rm 1= kum
1 Rm 12.
T-Shirt Ki Ngah Lai: Pawlpi min tawh ih thoh T-shirt kingah lai hi, alei kha nailo alunggulh peuhmah in na kan pah un.
Kizopnang: Mungtong (017-3265 747)
Gupna Thupuak DVD: December 2009 sungin Paangpi
Church, Kalaymyo ah Thuman tangkona DVD pen adeihte
ading kingah ta hi. Alim hita leh a aw hita leh siangin kitel
mahmah a zaknop mahmah hi. Thulu pite in: (Sapi Ciaptehna
666, Nong it Hiam? Kisik ken, Sabbath & Laisiangtho,
Kamsang maw Thusuak, Jesu Hong Pai takpi Diam? Sunday & Laisiangtho, Sunday Law, Pasian Thukham, Gamtat
pha hang maw Hehpihna Hang?)
Main Speaker: Evan. Sawm Sang
LST sim: Sia Thangnoe & Sia Kap Mang
Lasa: VCMang, Dimno, Muanpi, Kimboih
Video & Camera: Khupboih (Ngaih Anglai ah)
Lungdamkohna: Tutung Zo Phualva laihawm tawh kisai
abei khempeuh Sia Dai Khan Khual te innkuan in itna tak
tawh hong piak khiat manin lungdamna lianpi ih ciamteh hi.
Topan athupha hong dipsak kik ta hen! Amen.
Produced & Distributed by ZAC Family (2011)

Zomi Worship Service

15-1-5 (1st Floor) lorong Tiongnam 5

Off Jalan Raja Luat 50350 KL, Malaysia

Mr SB Ngaih Cin, Church Pastor

Mr Cin Sian Pau, Assistant Pastor
Mr Tual Suan Mung, Youth Pastor

2011 ni ciang Sia Ngaih Cin in zato mah ah thungetsakna

vanei leuleu hi. October 26, 2011 nin Sia Ngaih Cin & Sia
Mungtong te in Pa Thang Zo Khai & Nu Cing Hau Lun sungpan Topa piak tano Tg. Thang Khan Kim hangin HUKMCheras zato ah vaveh in thungetsakna vanei uh hi.
Kepong Juso Veng Home-cell: October 17, 2011 nitak
7:00pm in Pa Zam Nei Thang omna, Kepong Jusco ah Sia
Mungtong, Sia Ngaih Cin te makaihna tawh biakpiak kikhopna noptak kizang a mi 15 bang kipha hi. Kikhop man ciang
inntek ten kyazan kyaw tawh apaiteng hong vak pikpek uh hi.
October 26, 2011 nitak 7:00pm in Pa Pau Deih Lian Omna,
Kepong Jusco ah homecell kinei leuleu in mi12 kipha hi.
Hong kihel teng inntekten mohenhka tawh hong vak uh hi.
Hangtuah Veng Kikhopna Kinei: October 18, 2011 nitak
8pm in Sia Ngaih Cin omna, Jl Hang Tuah veng kikhopna ah
lesson sinna Sm Lunseuh, Lasakna Tg. Paupi, Tecipanna Nu
Mang, hanthotna Sm Cingpheng te in hong makaih uh a mimal 10 kipha hi. Hun man ciang inntek ten moh & niangtui
tawh apai teng hong vak hi. October 25, 2011 nitak 8pm in
Sia Kai Sian Pau omna, ZIM veng kikhop biakpiakna ah Sm
Dini in thapiakn leh tecipanna hong nei in Sia Mungtong in
lesson hong hilhsak a hong kihel mimal 17 kipha hi. Kikhop
man ciang inntek ten apai teng mohhenhka tawh hong vak hi.
Pudu & PWTC Youth Fellowship: Khangno lam pan
makai te geelna tawh kizui in October 22, 2011 khangno hun
pen Pudu church tawh kigawm in hun kizang ziahziah hi. Music lam hita leh LST kamngah genna, Pasian minphatna te ah
AY te hong diang ziahziah uh a Elder Mungno & Elder PaaKhai te in theihhuai thu tuamtuam te tawh hanthotna
(thapiakna) hong nei uh hi.

014-922 9452
017-329 1810
017-326 5747

Every Saturday:
Sabbath School
Divine Service
Adventist Youth

10:30am
12:00pm
2:00pm

Email: zomisdamls@yahoogroups.com

PAI DAN DING:

BUS > Chowkit Bus Stand
MonoRail> Chowkit Station
LRT Meileng> PWTC Station
KTM Meileng> Putra Station