Nalpay a Namnama

Leona Florentino
Amangan a ragsac ken talecda, dagiti adda caayanayat da,
Ta adda piman mangricna, cadaguiti amin a asugda.

Manang Biday
Ilocano Folksong
Boy:

Manag Biday ilukat mo man

Ta bintana ikalumbabam
Ta kitaem toy kinayawam
Ay matayakon no dinak kaasian.

Girl:

Siasino ka aglabas-labas
Ditoy hardin nga pagay-ayamak
Ammom ngarud nga balasang ngak
Sabong ni lirio, dipay nagukrad.

Boy:

Denggem ading ta bilinen ka

Ta inkanto diay sa di daya
Ag-ala kanto bungat manga
Lulukisen ken adu nga kita.
Nu nababa dimo gaw-aten
Nu nangato di ka sukdalen
Nu naregreg dika piduten
Ngem labas-labasam to paylaeng.

Girl:

Daytoy panyok no maregregko

Ti makapidot ikotan-nanto
Ta nagmarka iti nagan ko
Nabordaan pat ti sinan puso.

Boy:

Alaem dayta kutsilyo

Ta abriem toy barukong ko
Ta tapnun maipapas mo,
Dayta guram ken sentimiento.

Ni gasatco a nababa, aoanen ngatat capadana,

Ta cunac diac agduadua, ta agdama garud nga innac agsagaba.
Ta nupay agayatac iti maysa a imnas,
Awan lat pangripripiripac, nga adda pacaibatugac.
Ilunodconto t oras nga innac pannacayanac,
Ta maminribo coma a naseseat, no natayac idin ta nayanacac.
Gayagayec coma nga ipalaoag, ngem bumdeng met toy dilac,
A ta maquitac met a sibabatad, nga ni pay ti calac-amac.
Ngem umanayento a liolioac, ti pannakaammom itoy a panagayat,
Ta icaric kenca ket isapatac, nga sica aoan sabali ti pagayatac.