Kalilid a

Karibatan
ko gii
Kazambaya
ng
go so pd a manga
Ndaowa-
niyan
 Piyanimo Ago
Pindiyorobasaan Phoon Ko pd
a Manga
Hadith

Pitowa
Al-Hamdulillh, So langowan o
bantogan na rk o Allh a Kadnan a
Mala-i Gagaw. So rinaw ago so sanang
a maliwanag na san ko pangolo tano
a so Muhammad a Riyahmatan o
Allh ago Piyakaslang iyan, go sii ko
manga dadazg iyan, go so manga
Sahabah niyan, na rabray ko
langowan a manga Mo'umin.

Sabap ko arapakn ko balas o Kadnan

tano a Makalimoon na inisorat akn
angkaya "Kalilid a Karibatan ko gii
Kazambyang go so pd a manga
Ndaowan-iyan" ka an mapd ko inngka
go sabot o langowa pagari ami go
2
manga Babay ami ko Islam a
khasampayanon.

Sa phagarapn tano ko Allh a rilaan

tano niyan ko datano katarotopi ko gii
tano rkaniyan kazoa-soata, na aya dn
a makkdg tano ko gii tano
kazambayang na sodn so kini okit non
o Raslullh ka an tano maparoli so
balas o Kadnan tano a Paririla a
Masalinggagaw, go Baralimo a
Masalamatn, a di mapkhira kira so
kadakliyan.

So Mindiorobasa
rsa/08

3
SO KALILID A KARIBATAN KO GI-
IKAZAMBAYANG:

Zaboten daan:
So datano pn kalabo-i sangkaya manga karibatan ko
kazambayang, na daan tano ilayin angkaya manga patoray
a thanodan ko kini palioygatnon:

* Madakl so kiya aloyawon ko Sslaan a Qur'an, na issawon

anka-i (pd ko osayanon ) na: So ALLH na inosiyatan iyan so
manga Moumin, sa oba siran mapd ko khaori a manga Ummat
a ipndaraynon iran o di na pagilangn iran so Sambayang ka
piyangonotan iran so nafso hawa iran. Maana giiran panaakhirn
so giiran kazambayang. Aya kalilid na siiran giizambayangi so
manga Waqto ko ka khaoma o isa a Waqto. Ibarat o Fajr na
kiyalayaman iran a daan iran phakasbangn so alongan na o
malalayon aya na sii siran pagologa ko NARAKA a GAYY,
Inonta bo so mithatawbat go minggagalbk sa manga pipiya ka
prilaan siran o Allh na da den a ba kiran plalima a isa bo ko
simba iran na taros a phakatarosn siran ko SORGA a
piyagibatibatan;

* Go Pitharo pn o Allh sa Qurn a (pd ko maana niyan):

Pakaokita niyo so Pangni niyo ko Sambayang; go Pitharo iyan
pn (pd ko maana niyan) a: Pangni kano Rakn ka Tarimaan ko
rkano. Na sadn sa giizambayang lalayon na miyatangkd a
khakowa niyan so pphangnin iyan, Ogaid na tlo a rompak o
Pangni: Paganay ron na imbgay Niyan ko tao sa doniya amay
ko di ron phakabinasa; Ika dowa, na Ipagrn Iyan ko morala a
phaka tana ko miyangni; Ika tlo na sii niyan imbgay, odi na
Tataalikn Iyan ko miyangni amay ko maka talingoma ko
kasoragaan iyan a dayon sa dayon so kapipiyawon a ginawa;

* So SAMBAYANG na skaniyan bo i miyasalbo a paliyogat odi

na Paralo a sii pimbitiyara-iyan o Nabi tano a Muhammad ago
so Tohan tano a Rabbul Almn sii ko pitharo a Sidratul
4
Montah ko Ika-pito pangkat a langit, a sii mini pantag ko oras a
kia Mi'erj iyan. So langon a paliyogat ibarat o Kaphowasa,
Kabgay sa Zakah, ago so salakaw ron, na sii inipando sa lopa a
miyakangggolalan ko Jibrl (AS).
* Pitharo o Raslullh , (Pd ko maana niyan) a: so Sambayang
na gonsi o Sorga, na go skaniyan i paganay a ipagiza ko manga
oripn ko alongan a Kaphangokom. Na pabila a di ka on
makaapas na da dn a bali o manga amal ka na singgaotn ka o
manga Malaikat na pozangn ka iran dn ko Naraka Jahannam.
Anday kapakaapas ka on na pamagitongn pman so langowan a
simba ngka sa doniya na iyoman on so sambayang ka ka an
makala so manga kalbihan ka, odi na pirmyo rka o Makalimoon
ko kasorgaan ka;

* Pitharo pn o Raslullh Pd ko maana niyan a: Aya bo a

mbidaan o miyaratiyaya go so manga kafir na so kibagakn ko
Sambayang. Bapiya inimbawata ka a Muslim odi na Mranaw ka
na o di ka pzambayang sa Lima Waqto sa paratiyaya ngka sa so
sambayang na kna o ba paliyogat odi na paparatiyaaan ka ogaid
na dingka dn pnggolawlaan na miyakokom ka dn a kafir. Na
bapiya inimbawata ka a Christian, na go ka miyagislam sa gii ka
zambayang sa lima Waqto na ska na Muslim;

* Pitharo pn o Raslullh Pd ko maana niyan a: So

Sambayang na aya polaos o Agama Islam na sadn sa ibagak iyan
na miyagba iyan so Agama niyan, na sadn sa taw a inggolalan
iyan na miyabangon iyan so Agama niyan;

* Pitharo pn o Raslullh . Pd ko maana niyan a: So

Sambayang na miyakaibarat ko wayir a aya tano thompokan ago
so Miyadn rkitano na anday kalpasa tano ron na miyapotol so
khoyaptaan tano na miyatangkd a miyada tano ko Pangilaylayan
iyan na miyakawatan tano ko Limo Iyan;

* Pitharo pn o Raslullh , Pd ko maana niyan a : So

Sambayang a Barajoma na aya milalawaniyan ko Sambayang a
sakataw na 25 odi na 27 pangkat (Darajt).
5
* So kawatan o Masjid na kna ba balamban, sabap sa pitharo pn
o Raslullh Pd sa maana niyan a: omani milakad ko kapzong
ko Masjid na timbang a Isa a mapiya. Maana bigan sa fabor so
manga tao a maawat so darpa-iran ko Masjid ka ansiran di
pmbokla;

* Sii ko kapagndod sa Limo o Allah o Nabi tano a Muhammad

na miyapanothol o pakatatayaan niyan a wata iyan a so
Fatimah a sii dn ko kapkhatonggos o napas iyan na aya
moripori a giiniyan matharo na so giiniyan kapanginsanaa ko
Sambayang sa oba ndaraynonn. Kapdi iyan ko manga Ummat
iyan sa ba aya kasabapan ko kapamaka naraka iran na ba
misabap ko da kinggolalann ko lima a Sambayang. Mala i limo
a Nab a aya dn a kabaya iyan na palaya makasorga so manga
Ummat iyan.

* Ptharo pn o Raslullh , Pd ko maana niyan a: Aya tiyarima

a Sambayang na so khisaparan iyan ko taw so manga rarata a
galbk. Ogaid na o da bo maalin so manga rarata a galbk ka
ibarat o Kapamaganta, Kazoroyan, Kathakabor, Kazaksi sa Di
Bnar, Kasiig, Karata-i Kazirin-siringan, Gii thobo, goso manga
pd a olawla a ipphananayan ko manga olawla o Soranga ka
ibarat o Birthday, Christmas, Valentines, etc., na karina sa da
tarimaa o Allah so Sambayang ka, na paginngka ka pagariko o
di na Babay ami, ka oba ka badn maapd ko giimlpalpas go
isawn na asar a gii ka makazambayang na dingka dn labot a
kapphangenalangka ko manga okit a inokitan o Pangolo tano a
so Muhammad ko gii niyan kazambayang. Sabap saya na
Ilayangka angkai a phanga a-aloy a kalilid a manga karibatan na
isapar go paganadn ago inggolalan tano. Sa katii siran:

1. SII KO KAPAGABDAS
Giya-i gonsi o kapzambayang. So miyaaloy a manga anggawta a
pagabdasn na odi makomplito ka maitobo a diron mabasa go di
makathondo-thondog ko kiya atorawon o Raslullh na daa
6
bali o kap-zambayang. Aya lalayon a di khaypat o gii magabdas
na sii ko kaposan o siko, sii ko paglt-ltan o kmr a A-i na go sii
ko oriyan o boko a panintilan. Aya thanodan saya na kna ba
giyabo a kambasa-awon ka piakatana sii sa Qur'an (5:6) a
pagonabn so boring odi na khadath a maito a mini dkt ko Paras,
Lima go A-i. Sii bo ko Bok i miyaparo a zapon badn a ig. Adn a
bayrandn aatagn ko giripo odi na phagododi sa ig na da makowa
so mapipikir saya. So kapamomog go kapangilk sa ig na isanan
a mala a sunnah ko kapagabdas, na taralbi a di pkhalpas;

2. SII KO KANDIDITARAN
Aya taralbi go patot na isibay so gii nditarn ko kazambayang ka
miya tangkd a libri ko manga najis a phananggilaan. So nditarn
a ipndarpa ko manga kalilimod isawon na so thigiran a pang-
opisina na taralbi. So Rogo, Gowa (a manga ala), Titi, Ta-i na
midakt ko sosolotn a nditarn a di kapipi-an na mapakay a di
tarima-an so kazambayang. Di mapiya so nditarn a ipphaka-
torog lalayon, Hadith a pd sa maana niyan na, miyaka isa
alongan na siyagadan o Rasulullah a isa a kobor na pitharo
iyan ko manga Sahabaht iyan a makamamasa a so khikobor roo
na pziksaan sabap ko daniyan pananggila-i so Titi iyan sa kapkhi
tarsikiyan ko nditarniyan inako zisa doniya. Sigurado a di
tharimaan so sambayang a ana mini trasik ko ndatrn a maitbo a
Titi Sa pananggilaan tano

3. SII KO KAPNIYAT
Tanodan ka aya darpa o NIYYAT na sii ko poso. Sa di mapiya
so kilapiyat non. Sii iphrngan so Niyyat ko TAKBR (So
katharoa ko Allhu Akbar) odi na maona so niyyat a di skaniyan.
Khapakay dn a aya bo a phniyatn (Ibarat) na: "PZAMBAYANG
AKO SA PARALO A FAJR A DOWA RAKAAT A ONOT KO
ALLAH ", ODI NA SUNNAH A ONOT KO ALLAH ,
(Bapiya diron mapd so kipagadapnon sa Kaabah ka so pthindig
sa sambayang na sii dn iphagadap sa Kaaba);

7
4. SII KO KAZAAP
So katindg na mathitho na di khapakay so tanto a mala a kaki-
ang ka anday ka ontod na pkhabaloy so saap a pphakaloag na
giyoto i isa a kapphakasngit o shaytan (A Pimorkaan). Aya taks
o katindg na sadn sa kablang o lawas na diron zobra. Aya pd a
ndao o sambayang na phlayam niyan so Ummah Muslimin ko
ptharoon a kapitiyaa ko ginawa, so gii kapaka khakalayama o
lawas na isayni ko pkhapoonan o tagonanay a tawfiq o Allah
ko gii kanggiginawa-i, a ondas o bagr ko kaysa-isa. Aya
kiyaopakatan ko pat a Imam na pakapzzkoayin so manga waga
ka miyatangkd a dadn a darpa o shaytan ko saapan. So Ibn
Masud na piyanothol iyan a so Raslullh , pitharo iyan, Pd
sa maana niyan a: Tindg kano ko sambayang, sa zaap kano
phiyapiya na pakaszkho-aya niyo so manga waga niyo na sadn
sa komplito niyan so kallbatan ko saap na bgan sa balas a
mapiya o Allh , na sadn sa di niyan tarotopn so kallbatan ko
saap na ikagowad skaniyan o Allh ;

5. SI KO KABATIYAA KO SRAH AL FTIHAH

(Isa ko Rokon) Oba pakalipati so BISMILLAH ka giyanan so
paganay a Ayat ko pito a ayatan iyan; b) Taralbi so kapndkha
ko oman i ayatan iyan go mananay, sabap sa miyaaloy sa
Hadith a pzmbagn o Allh so oman i mabatiya ko ayatan iyan.
Phoon ko paganay taman sa Ika Pat na aya ipzmbag on o Allh
na "Gii ako mbantobantogn o oripn ko". So Ika Lima na
Tharoon iyan a giyanan i lt ami ago so oripn ko. So Ika Nm go
Ika Pito a ayatan na Smbagn Iyan a so piyangni o oripen Ko a
matoro ko lalan a mathitho na ibgay Akn on; c) So kabalsa odi
na ka-koropa phiyapiya (tajwd iyan) na aya sangat a paliyogat a
patoray dn so kapaganadawon ka isa ini a Rokon o
kazambayang, a odi matarotop so Rokon na khapakay a di
tarimaan so sambayang. Ogaid na asar a piyanamaran maganad
na odi khasowa so koropan na so Allh i matao ron. Ompman
o da paganada a kiyatokawan a wajib so kabalsawon na
miyataksil so Taw na korang a balas o sambayang iyan. So Allh

8
i Lbi a Matao. (WALLAHU A'LAM). O khaparo na masowa pn
so pd a maana niyan; Pd a miya tharo o Raslullh , Pd sa
maana niyan a: Paganadangka so Ilmo phoon ko kakakayoga rka
na taman ko kikayokot ka ko Kobor.

6. SII KO KAPANGALING-KAKP
Aya taralbi na sii iphantag ko pagltan o Tiyan go giya Rarb,
maana sii ko pantag a Poso. Di khapakay oba babaan ko posd
odi na oba poro-on ko kababaan o baka, isawon na kaptan so
mbala a siko odi na waga, isawon na datar o tomiyakhip sa
kiping ko diwang o kilid iyan. So katayothona ko lima na mayto
a mi khpiton, ka datar o aya kapkha-ilayawon na di mattkhs so
gii kazambayang. Aya taks o kapangaling-kakp na paka
pphantagn so tko-tko-an odi na bkhokhong o dowa barokan a
lima;

7. SII KO KAROKO SA LB
(Pd ko Rokon) Di khapakay o ba ilat bo odi na asar bo so ka
phroko sa lb, isawon na baka makatolong sa tanto a mala. Aya
taralbi na thimbang phiyapiya so likod, a ododi sa ig na
khawdod ko mbala-bala-on. Ogaid na oba di khagaga ka adn a
sangkot na sadn sa kakha gaga-awon;

8. SII KO KASUJUD SA MOSALA

(Pd ko Rokon) Aya Sojud na so kapakatana phiyapiya o pito a
tolan (anggawta). Paganay go Ikadowa na so bnng ago so poro o
ngirong, Ika Tlo go Ikapat na so mbalaa palada lima, Ikalima
go Ikanm go Ikapito so kapakatan phiyapiya o dowa a Lb goso
mbalaa poro o A-i (Ski). Kadaklan na aya bo a pakatatanaan
iyan na giya bo a bnng iyan na ibabayao niyan a ngirong iyan,
isawn na di niyan phakatanaan so palad a lima niyan ka aya bo a
pakatatanaan iyan na so manga tindoro iyan, go adn pn a
pakatatanaan iyan so mbalaa a barokan iyan a rakhs o siko
palaya aya di khapakay ko Sujud sa musala;

9. SO PITHARO A KHUSHO

9
Maana mailay so giizambayang a tanto a mangangalimbabaan
go mbibilangataw. Tanodan ka aya pangaadapn na so
Miyangadn. Na odi khagaga o pamikiran sa kindadarpain
rkaniyan a Allh na tangkdn ko ginawa a sigorado a phagilayin
ka Niyan (Giya-i so pitharo a IHSAN). So kakha-oka-og sa
madakl na phakabatal ko sambayang. Ibarat o giikathanotanora
ko bangkala, kailaya ko oras, kapangamoga go kapangalongat
na phagilayin pn, kasinga, kapanirisiri o mata ko mbalabala, so
kizib-zibgn ko lima, kapangongokot sa mathorog, na palaya aya
minisopak ko pitharo a Khusho, na miyapd ko batal, amay ko
malalayon so giiron kanggolawlaa o giizambayang. So khokotn
a di khatigr na thodkn na pakasagat non so tindoro na khapakay
a maka tlo ron mi kasoy.

10. SO TOMANINA
(Pd ko Rokon) Giyaya so kapakalombata ko giikaprokoroko.
Di khapakay so datar o giimanokatoka a manok. Inoto sunnah so
kapmbatiyaa ko manga Tasbh sa minos so makatlo ka aya
tarotop a roko, sujd na so kapakadkha phiyapiya o anggawta.
Sii ko masa o Raslullh na adn a miyailay niyan a
mizambayang a pd ko manga Sahabaht iyan a da niyan masowa
so manga langka iyan na piyakakasoy zambayang o Raslullh
, sa miyakapira na da niyan dn masowa so thitho a
kazambayang. Pitharo o mama a pando iya kongka ya
Raslullh , na thig o Raslullh a pakalanatangka go targ ka
phiyapiya ko Roko sa Lb, go so Sujd sa Musala, sa thangka a
miyakadkha phiyapiya so manga anggawta aka;

11. SII KO TAHAYYAT A PAGANAY GO TAHAYYAT A

IKADOWA
(Pd ko Rokon) Paliyogat a milangag go makorop phiyapiya.
Aya Tahayyat a paganay na taman bo ko Dowa kalimatus-
shahdat. Aya Tahayyat a ikadowa na khasoyin so Tahayyat a
paganay na izompaton so kazalawati ko Nabi tano a Muhammad
sa tarotop sa taman ko INNAKA HAMDUN MAJD;

10
12. SII KO KAONTOD
Sadn sa kapaparo ngka na khapakay, aya bo a da pakaya na so
ka phalowa. Aya mapiya a kaontod na oontodan so diwang a A-i,
na pakatitindgn sarta a llpiin so manga kmr o ski. Sii ko
Tahayyat a ikadowa na ililip so diwang a A-i (ski) ko kawanan a
ski na pakatindgn go llpiin so manga kmer a ski. Aya hikmah
saya na palaya phakasangkopn so manga anggawta tano a
palaya paka-a-adapn sa Qiblat;

13. SO KAPAKATANOGA KO BATIYA IGIRA MAUMM

Inisapar so kapakatanoga ko batiya ka sabap sa pkhasarani odi
na pkharibat iyan so kapphamatiya o maka-o-obay ron;

14. SO KAPANGILAYLAY SA PORO

Pitharo o Nabi tano a pananggilaan so kalangkao sa poro ko
oras a gii kazambayang ka ikhabinasa o mata. Aya bo a tiyabiya
saya o manga Ulama na igira a giita zambayang sa sold a Haram
ka Sunnah so kaphlangkawa sa Ka'bah. Aya taralbi na aya
phagilayin na so darpa a psojudan ko musala;

15. SO KAPASBOK
a) Aya kalilid a karibatan na igira a aya kiyaomaan a romoroko
so Imm sa lb na sabap ko gii kanggagaan ka an makomplito so
isa ka rakaat na pphanaros so phasbok romoko a da niyan daan
matharo so paganay a Takbr. Aya kaontol iyan na ptharoon daan
so paganay a Takbr a giyoto so kiprngann on ko Niyyat sa
kapzambayang ka na matharo oka pman so Allhu Akbar amay
ko proko ka sa lb. Tanodan ka so katharoa ko ALLHU
AKBAR ko oman i kaokhaog o sambayang go so katharoa ko
SAMIALLHU LIMAN HAMIDAH odi na RABBAN
WALAKAL HAMD (Igira mamum ka) na pd ko rokon o
sambayang a o malpas na di khitarima so sambayang. b) Sii ko
kasalam o Imm na kadaklan ko miyasbok a sii dn thindg ko
paganay a kaptharoa o Imm ko paganay a salam. Aya ontol na
mapasad o Imm so salam a ika dowa na go bo tindg so
miyasbok; c) Aya pd a karibatan na kadaklan a pphasbok na
daan a giimnayaw ko kapakatindg o kiyaomaan iyan a Jamaah.
11
Aya taralbi na makaphniyat ka dn na khatalokonan ka siran dn
ko kapapantagan kiran ko giiran kazambayang;

16. SO KAPHIPIDNG
Di khapakay so kaphipidng o da a sabap. Piyanothol i Ibn Al-
Qayyim a da kon aya ko pandoan o Raslullh , na miniitong
sa MAKRUH, ka olawla kon aya o manga Yahudi igira pzimba
siran. Miyagayonayon so pamikiran a so kaphipidng na roo
pkhapikir so langon taman ka bapiya so miyathay a kiyalipatan
na pkhatadman, na saya pn phaka sold so shaytan, na pkhapokas
so pamikiran ko kaadapa ko Rabbul Alamn. Aya ika dowa kpit,
na piyakay asar ka aya kapipikira o giizambayang na aya niyan
kipnggolalann ko pitharo a KHUSHO. Isa on na amay ko
phakabimban rkaniyan so pithibarang a makao-obay ron na
giyoto i kiyapakay o kaphipidng. Ompman o ba daa
phakabimban non ko kasasangoran iyan na taralbi so kabbkara
ko mata, na aya mapiya na aya ngka phagilaya so psojudan ka
igira tomitindg ka. Amay ka romoroko ka na ayangka phagilaya
so manga kmr o ski ngka, odi na sa kabaya aka a phontari an ka
ko matangka.;

17. SII KO KAZONAT

Kadaklan a bapia kiyamatan na itataros iran dn so kititindgn ko
sambayang a Sunnah. Adn pn a manga tao a bapiya
kiyaphoonan dn so Sambayang a Jamaah na daan a gii
zambayang sa Sunnah. Palaya aya di khapakay. Aya taralbi na
bapiya-i kibobolog o sambayang a Sunnah na pabilaa a Kamatan
na aya mala-a Sunnah na bapiya anda kapapantagi so taw ko gii
niyan ka Zunnaht na maka pzalam dn;

18. SO KABATIYAA KO QURN SA MATANOG O

MA'UMM KO GII KAZAMBAYANG
Miyaka isaa alongan a gii zambayang so Raslullh na adn a
pmbatiya sa Qurn sa matanog ko oriyan iyan na kagiya
makapasad na iniiza iyan anta angkoto a pmbatiya sa matanog
12
na thig o mama a sakn ya Raslallh, na pitharoo Nab a
obangka nan phaparomani igira adn a imm ka, ka so batiya o
imm a matanog na aya batiya o maumm;

19. SO KIPOROON KO LIMA KO KASOJUD SA

MUSALA GO IGIRA THINDG PHOON KO SOJUD
Di khapakay so kiporoon ko dowa a lima sii ko onaan odi na
oriyan o Sojud sa musala. Aya bo a kiyapakay niyan na igira
paganay a pzambayang ka go sii ko onaan odi na oriyan o
kaphroko sa lb;

20. SO KATGLA KO ISA A PHAGIMAM AMAY KO ADN

A SOBRA ON SA KATA-O A MAKADADARPA
Isa ini a karibatan ka sii ko kapili sa phagimamn na aya taralebi
na aya dn a khaonotan go philiin a gii pagimamn na so katawan
a mata-o ko pitharo a khoropan go so Tajwd. Aya ped a
thanodan saya na aya taralbi a philiin na so katawan a maw-ona
sa idad;

21. SII KO KAPAG-IMM Aya dn a taralbi na so

phagimam na mata-o, maana katawan iyan so khoropan o
manga batang go so Tajwd, go katawan iyan langon so
phamatiyaan na aya pn a taralbi rkaniyan na so kapakalolombata
niyan ko manga batiya iyan sa mathangka (di tanto malombat na
di pman tanto a magaan). Sabap sa pipikira niyan a so manga
maumum iyan na ana malmk kiran ago adn a malombat kiran i
kapamatiya na pmbgan iyan siran sa oras a phlakay siran ko
pitharo a tomannah. Tanodan ka pd ko tlo a di tharimaan so
sambayang iyan na so Imm a katawan iyan a ipkhagowad o
pagi-imaman iyan ,isawon na di mata-o na ittgl iyan dn a
kaphagimamawon;

22. SO DI KAPAGANADA PHIYAPIYA KO

KAZAMBAYANG
Kadaklan a asar a giimaka zambayang na di niyan phaganadn so
kinggolalann iyan on phiyapiya. Pd saya so Sunnah a
phamatiyaan non rakhs o kakorop iyan phiyapiya. Sii ko Qurn
13
na sobra so pito polo a ayatan a kiyaaloyawon sangkaya a
AQMU AS SALH maana tindgniyo so sambayang sa
phiyapiyai niyo. Di khapakay so kapagasar bo. Inisogo o
Raslullh so kapaganad phoon ko saloyota na taman ko
kapatay. Na o da ngka paganada phiyapiya so okitokit o
Sambayang na o dingka matarotop na aya khasnditan ka na giya
ginawa ngka amay ko di tarimaan, ka bangka dn miyang a
paliyogat rka so kaknalangkawon phiyapiya na dangka
nggolalann ka inindaraynon ka ko tnday o omor ka;

23. SO KAPAKANGGAGALPO-A KO MANGA TINDORO

Giyai isa a di dn khapakay ko kazambayang. Piyanothol i Ibn
Ab Shaybah a giikami zambayang a maooriyan ako o Ibn
Abbs na piyakanggagalpo akn a lima ko na oriyan o
kiyapakapasad ami na pitharo rakn o Ibn Abbs a timbang a
kiyada i rka sa Loks o pzowaangka nan igira giika zambayang;

24. SO KAPAKAZOZOLAMPIDAA KO MANGA KMR A

LIMA
Isa ini pn a di khapakay ka piyakagowagowad a olawla. So
Kab bin Ujrah na piyanothol iyan a miyang akn a thigyan ko
Raslullh a anday kapakapasad o isa rkano magabdas na
anday kazong iyo sa Masjid ka pzambayang kano na
pananggilai niyo o ba niyo mapakazokoba so mbala a manga
kmr iyo ka samanaya na madadalm kano dn ko Sambayang.
Adn pn a pd saya a Hadith, ko kini sapar non;

25. SO KATADAROS TOMINDG ANDAY KAPAKA

ZALAM O IMAM
Aya miyanga sosopak a manga ala a Sunnah sankaya olawla na
paganay ron na so pitharo a Parakala " Kapanasbih", ikadowa na
so kapamangni sa Limo a obadi pitharo o Allah a pd ko maana
niyan a "Paka okitaniyo so pangni niyo ko kazambayang".
Bapiya so Nabi tano a so Muhammad na gii Manasbih go gii
Ndowaa lalayon ko oman maka pasad zambayang. Aya Ika-tlo
na piyaka lipatan niyan so pitharo a Sunnah Mu'akkadah. Aya

14
kapiya o manga sambayang a Sunnah na owadn a kiyalpasan o
taw a Paralo na mapakay a ayaon misambi odi na mibayad. Aya
isawon na oba badn gii makambaal sa dosa amay ko lalayon a
kapkha sogoka niyan sankaya a bandingan a ika-26;

26. KATARAPASA KO GIIZAMBAYANG

Opama ka aya kabaya aka na di badn mada so balas o
pizambayangan ka na pananggila ingka o bangka pkhatarapas so
giizamabayang. Miyaka thitatayan ki Ab Juhayim bin Hrith
a pitharo kon o Raslullh a opama bo ka katawi o thatanggisa
so dosa ko katarapasa niyan ko giizambayang na thomo on a ba
dn nayaw sa maka pat polo, (da makatana angkoto a 40). Ogaid
na ibtad tano sa kiyasokodan a gawii (Lmbak o Oras ago so
Olanolan) a mapipikir roo o Raslullh na taralbi a nomayaw
so taw sa 40-gawii na gobo liyo amay ko ana khatarapasiyan a
gii zambayang. Na pananggilaan aya ka mala a dosa on na ikha-
ilang badn o pizambayangan. Aya bo a iniliyo saya o manga
Ulama na o sii ka matatago sangkaya a Dowa a Haram sabap sa
tanto a madakl so giizambayang a gii makazonosono na daa
phalagoyanon bapiya nomayaw ka sa pira gawii.

27. SO KAMBOROK (KAKHAKAMOTAN) ODI NA

KATHANOS O BAI IGIRA ZONG KO SAMBAYANG
Pangali sa oba badn phakambaal sa fitna ko manga mama a
kaonotan a dosa niyan na aya taralbi ko Bai na aya kapzong iyan
sa Masjid na so dn so kalalayaman a nditarnian a libri sa najis,
na bagakn iyan so kathatanosan odi na kakhakamotan. Miyaka
poon a thothol ki Ab Hurayrah a pitharo o Raslullh a
khapakay a giimbarajuma so manga Bai ogaid na sapar niyo
kiran o ba siran phliyo a mbarmbarng siran sa manga mamot go
thatanos siran phiyapiya ka timbang a miyaka zina siran o
mabao o zagadaniran a manga mama. Ogaid, na sii ko manga
Mama na mala-a Sunnah so giiran kakhakamotan igira
pzambayang siran;

15
28. SO KAZAMBAYANG A AYA MAOONAAN NA
MANGA BAI
Sii sa Masjid na aya malai balas a saapan o manga BAI na sii ko
oriyan. O ana plikayanon na taralbi dn a o ba zambayang so
manga mama sa a aya maonaan na manga Bai. Khada so pitharo
a khusho ko sambayang. So miyaona a Mufti a si Sheikh Abdul
Aziz Bin Bz (Pakasorgaan o Allah) na tiyangkd iyan a daa
balas o gii zambayang a mama a aya mao-onaaniyan na Bai. Aya
bo a tiyabiya iyan non na amay ka sa Haram sa Makkah, sabap
ko kadakl o taw;

29. KATHARO GO KAPANALINDALIN IGIRA A

PMBATIYAAN SA KHUTABA KO WAQTO A JUMUAH,
GO SII KO DOWA A BOKA
Tanodan ka sii ko Jumuah na giyotodn so Waqto a Dhohr a pat
rakaat a giiron kazambayangi. Anday katharo o taw igira a
pmbatiyaan sa Khutba isawon na manmbatmbang na miyabatal
so sambayang iyan ka giyoto so sambi o dowa on rakaat. Datar
aya ko dowa boka a daan a khanayaw so kapasad o Khutba,
maana ribat so kaawa ko saapan a dipn mapasad so Khutba
taman ko Dowa-a niyan.

30. SO KAKAN SA BOMBAY, LASONA, PD PN A

SOMPOT NA MADO
Onaan o sambayang na pananggilaan sa obaka maka kan so taw
sa tanto a mala sankaya a miya-aloy ka khabaloy nian so sngaw
goso spot o lawas a marata-i baw. Na o masarani go o mazodi o
mipago-obay niyan (dosa oto), na mapakay a di mitarima so
sambayang iyan.

31. SO DI KAPANGPD KO BARAJOMA SA MASJID O

MANGA MAMA A PKHANGIRAN SO BANG:
Isa a Hadith a pd ko maana niyan: Miaka isa a alongan na adn a
sakataw a mama a bota, na ini iza iyan ko Raslullh , o ino
khalibri skaniyan ko BARAJOMA sa Masjid kagiya skaniyan na
diniyan khanonowan so lalan? Paganay a smbag o Raslullh
na khapakay. Ogaid na kagiya thalikhod a mama oto na ini iza
16
iyanon o ino pkhang ka so Bang? Thiga mama oto a oway.
Oriyaniyan na pitharo pman o Rasulullah a kagiya pkhang ka
so bang na paliyogat rkadn so kapzong ka sa Masjid igira a ini
pananalo so Sambayang, bang (Maana maka pholoba dn a mama
oto sa taw a pphaka dologon sa Masjid).

Miyapanothol pn a so Omar Benul Khatb (RA) ko kiyabaloy

niyan a Amiril Mou'minien a giiniyan tharoon a : Khapakay a
pakitotong akn so walay o isa a mama a pkhangiyan so bang na
di zong ko Masjid, maana diniyan iphaliyogat sa ginawa niyan
so BARAJOMA

Miyatangkd a so Sambayang o MAMA sa walay a pkhangiyan

so BANG na di zong sa Masjid na daa bali niyan, ka ati da
paka libriya o Rasulullah angkoto a pd ko manga Shahabah
niyan a bota na ayapn so taw a daa mala a balambaniyan isawon
na daa mala a ojor iyan ko kapzongiyan sa Masjid ko omani
manga Waqto. So pman so manga BA-I na aya taralbi go mala
kiran i balas na sii siran gii maka plima waqto sa walay. Aya
tabiya saya na sii ko Jumaah, sii ko dowa Boka go sii sa dowa-a
Haram, ogaid na sodn so normal go limpiyo a nditarn niran ko
kaphangpdiran sa barajoma.

So Allah na Pkhababaya-aniyan so Karila, na mangni tano

Rkaniyan sa rila go thawbat tano Rkaniyan ko manga galbk tano
a miyathibaba go da tano thibabaa, na izndit tano go ditano dn
mbabalinganan, Giyanan so pitharo a "Tawbatan Nasouha"
ka antano langon maka slang sa maliwanag

17