AEOLUS ROUXGREY F.

GANIBAN
Level 4A

Ang Pagong at ang Matsing

Sina Pagong at Matsing ay matalik na magkaibigan. Mabait at matulungin si Pagong, subalit si Matsing
ay tuso at palabiro. Isang araw, binigyan sila ni Aling Muning ng isang supot ng pansit at hindi nagtagal
ay nagyaya na si Pagong na kainin na ang pansit ngunit sinabi ni Matsing na nangangamoy panis na ang
pansit kung kaya siya na muna ang unang titikim nito hanggang sa naubos na ni Matsing ang pansit at
walang natira para kay Pagong humingi ng tawad si Matsing dahil naubos at hindi nakakain si Pagong ng
pansit.

Dahil sa likas na mabait at pasensyoso si Pagong, hindi na siya nakipagtalo sa kaibigan.

Sa kanilang paglilibot sa kagubatan, nakakita si Pagong ng isang puno ng saging at pinaghatian nila ang
puno ng saging ngunit ang kinuha ni matsing ay ang parteng taas dahil ayaw na daw niyang mag patubo
ng mga dahon kayat ang bandang ibaba ang napunta kay pagong na may mga ugat at umuwi na sila
upang itanim at patubuin ang puno ng saging. Umuwing malungkot si Pagong dala ang kanyang
kalahating bahagi ng saging na may ugat. Samantalang si Matsing ay masayang umuwi dala ang
madahong bahagi ng puno.

Inalagaan ni Pagong ang kanyang halaman. Araw-araw dinidiligan niya ito at nilalagyan ng pataba ang
lupa. Ganoon din ang ginawa ni Matsing. Subalit makalipas ang isang linggo, nalanta ang tanim na saging
ni Matsing. Si Pagong naman ay natuwa nang makita ang umuusbong na dahon sa puno ng saging. Lalo
nitong inalagaan ang tanim hanggang sa mamunga ito nang hitik na hitik.

Nainggit si Matsing nang makita ang bunga ng saging sa halaman ni Pagong.

Di naglaon nagyaya na si Matsing na kainin na ang saging na tumubo sa puno ni Pagong at pumayag
naman ito. Ngunit hindi makakaakyat si Pagong kung kaya nangako si Matsing na siya na lamang ang
aakyat sa puno at lalaglagan na lamang niya ng saging si Pagong, pumayag si Pagong sa alok ni Matsing.

Subalit nang makarating na si Matsing sa taas ng puno kinain niya ang lahat ng bunga ng puno. Wala
itong itinira para kay Pagong nanatili sa taas ng puno si Matsing at nakatulog ito sa sobrang kabusugan.
Galit na galit si Pagong kay Matsing sa ginawa nito sa kanya. Kung kaya habang natutulog ito sa sobrang
kabusugan naglagay ng mga tinik sa ilalim ng puno si Pagong. Nang magising si Matsing ay nakita niya
ang tinik kayat humingi ito ng tulong kay Pagong.

Ngunit tumangging tumulong si Pagong at iniwan na lamang doon si Matsing. Makalipas ang sandali
nagsimulang bumuhos ang malakas na ulan. Walang nagawa si Matsing kundi bumaba sa puno ng saging.
Nasaktan ito sa mga tinik na nakatusok sa puno ng saging sa kanyang pagbaba. Kaya nangako siya sa
sarili na gaganti siya kay Pagong.

Kinabukasan, kahit mahapdi pa rin ang mga sugat ni Matsing, ay hinanap niya si Pagong. Nakita niya
itong naglalakad sa may kakahuyan. Kinuha ni Matsing si Pagong na takot na takot. Nagtanong si Pagong
kung anong gagawin nito sa kanya, at sinabi ni Matsing na tatadtarin siya nito ng pinung-pino. Nag-isip
ng paraan si Pagong para maisihan ang tusong Matsing. Kaya ang sambit nito kay Matsing na kapag
tinadtad siya nito ay dadami siya at susugurin siya ng mga ito at kakainin. Nag-isip nang malalim si
Matsing at naisip nito na sunugin na lamang si Pagong, ngunit nangatwiran na naman si Pagong na hindi
naman tinatablan ng apoy ang kanyang makapal at matibay na bahay. Kaya muling nag-isip si Matsing,
hanggang sa maisipan niyang pumunta sa dalampasigan at doon na lamang itapon si Pagong. Lihim na
natuwa si Pagong. Nagpanggap itong takot sa dalampasigan.

Tuwang-tuwa si Matsing sa pag-aakalang magagantihan na niya si Pagong. Todo lakas niya itong itinapon
sa dalampasigan. Nagulat ito nang makitang marunong lumangoy si Pagong. Ang bilis-bilis ng pagkilos
ni Pagong sa tubig. Kung mabagal ito sa lupa, ay parang ang gaan ng katawan nito sa tubig. At
naghalakhak si Pagong na sabihin kay Matsing na naisahan din kita Matsing dahil gustung-gusto ko na
lumangoy sa dalampasigan. Malungkot na umuwi si Matsing. Naisip niya na napakasakit pala na
maisahan ng isang kaibigan. Naramdaman niya kung paano masaktan kapag naloloko ng isang kaibigan.
Mula noon nagbago na si Matsing. Hindi na sila muling nagkita ni Pagong.

Balangkas:
Ang kwento ay tungkol sa magkaibigang Pagong at Matsing. Si Pagong ay mabait at matulungin
samantalang si Matsing ay tuso at palabiro. Ang kwento ay naganap sa isang kagubatan. Isang araw
nakakita si Pagong at Matsing ng isang puno ng saging at dahil tuso si Matsing pinili nya ang parteng
itaas kung saan marami ng dahon samantalang ung parteng ibaba ang natira kay Pagong at wala na siyang
nagawa. Umuwi si Matsing nang masayang masaya dahil mayroon ng mga dahon ang parte ng puno ng
saging nya. Sa isang banda naman ay malungkot na umuwi si Pagong dahil yung parteng ibaba kung saan
me ugat ang napunta sa kanya. Inaalagaan ni Pagong ang kanyang puno ng saging, araw-araw niya itong
dinidiligan at nilagyan pa nya ng pataba ang lupa gayundin ang ginawa ni Matsing. Pagkalipas ng isang
linggo, nalanta ang puno ni Matsing subalit ang puno ni Pagong ay may tumubo ng dahon, tuwang-tuwa
si Pagong. Di nagtagal at namunga na ang tanim ni Pagong, kung kayat inaya na ni Matsing si Pagong na
kainin ang bunga ng saging. At dahil hirap umakyat si Pagong, nagprisinta si Matsing na siya na ang
kukuha ng mga bunga, pumayag naman si Pagong, ngunit ng nasa itaas na ng puno si Matsing, kinain na
nya ng kinain ang bunga at hindi na nya binigyan si Pagong, at sa sobrang kabusugan ay nakatulog si
Matsing. Sa galit ni Pagong ay nilagyan nya ng mga tinik ang ibaba ng puno ng saging upang di
makababa si Matsing ngunit umulan ng malakas kung kayat napilitang bumaba si Matsing kahit
mayroong mga tinik. Nagalit si Matsing kay Pagong kaya naisipan niyang gumanti kay Pagong, pinag-
isipan niya kung ano ang gagawin kay Pagong, hinuli nya ito, umisip si Pagong ng paraan kung paano
maiisahan si Matsing. Nagkunwari si Pagong na takot na takot nang itatapon siya ni Matsing sa ilog kung
kayat natuwa si Matsing, Itinapon niya sa ilog si Pagong, mabilis na lumangoy si Pagong palayo kay
Matsing na tuwang-tuwa dahil sa wakas ay naisahan nya si Matsing. Hindi na muling nagkita si Pagong at
Matsing at dahil sa nangyari ay napag-isip isip ni Matsing na magbago na.