Naalala ko pa nung minsang umuwi kami ng aking Mama sa Vinzons.
Bumisita kami kasama ang aking magulang upang batiin ang aking Lola dahil kaarawan nya. Habang naghahanda ng pagkain ang aking Mama, tinawag ako ng aking Lolo. Sabi nya may ipapakita daw sya sa akin. Agad akong sumunod at laking gulat ko ng makita ang isang asong napakaganda. Tinanong ako ni Lolo kung gusto ko ang aso. Sumagot ako ng opo.
Nagustuhan ko ang ang aso sapagkat kulay kayumanggi at sadyang
nakakatuwa. Mababa lang sya at may maamong mukha. Noong iniuwi naming sya sa bahay ay kahol sya ng kahol. Kaya sinabi ko sa aking Papa na siguro ay nagugutom sya. Agad nag-isip ang aking Ama ng pwedeng makain nya. Subalit wala kaming mahanap na pwedeng ipakain. Naisipan naming pumunta sa grocery upang maghanap ng dog food at nakakita naman kami.
Sa pag-uwi naming, agad kong pinakain ng dog food ang aking
alagang aso. Agad nya itong inubos at tuwang-tuwa kami. Tinanong ako ng aking Ama kung anong pangalan ng aking aso. Agad kong naisip na pangalanan syang Chuchay dahil sa angkin nyang kagandahan at kakulitan. Simula noon ay kumakahol at lumalapit sya kapag tinatawag ko syang Chuchay.
Tanong:
1. Ano ang ibinigay ng Lolo sa kanyang apo noong bumisita sya sa
bahay nila? 2. Bakit nagustuhan ng apo ang aso? 3. Ano ang binili nila sa Grocery para sa aso? 4. Bakit pinangalanan ng apo na Chuchay ang aso?