Zo Phualva
Vo l u m e 0 2 , I s s u e 0 2 Thupuak
Thahatna hi lo, vangliatna zong hi loin keima Kha hang ahi hi. Zech 4:6
KUMTHAK 2012 TAWH TH AK KHAWM NI
Maisak zawhlona in, maisak theilo mawhna hi, Satan
nang nuntakna sungah a lutsak hiteh. Nang tungah hong
mawh te, na maisak leh bekin, vantung Pa Pasian in nang
mawhna zong hong maisak pan ding hi. Ahihangin, mite
mawhna na maisak kei leh Pa Pasian in, nang mawhna
zong hong maisak lo ding hi. Matthew 6:14-15
Khasiatna zungpi sau semsem icih pen, mikhat mai-
sak zawhlona pan hi. Hi zungpi pen, na lungtang sung
thuuk tak in zungkha aa, tua in, Pasian hong itna lampi
khaktan hi. Pasian in nang hong zatna ding te zong
khaktan hi. Pasian itna midang te nuntakna sung kilatsak
nang haksa sak hi. Maisaklo na pen in mite lungkhamna
pia pen hi. Mi tampi te in, maisakna lungtang pualo napi ki
phawklo lai uh hi. A sunglam thukpi ah kiselcip hi. Khat-
veivei mi lungtang natnang, khasiat nang peuh pau ekek
lai uh hi. A kinai pih mite in thuak pen lai hi. Naupan lai
in, a thuak kha te a meima pawn bei ngeilo hi.
Maisak zawhlohna icih pen, ki phatsakna khat hi in,
Satan, i zawl dinga zolna khat hi. Mi tunga, khasiatna a
pua-pua den te, a lungsim cidam lo mite hi un, tua bang
lungsim apuak lam zong kithei lo uh hi.
Heh inla, mawh kei in: na hehna ni tumsak kei in,
dawi aa ding kipia kei in. Ephet 4:26-27 Mi khempeuh
tawh na kilem na ding, na siantho na ding hahkat in,
sianthona om lo in, Topa kimu thei lo hi. Miten Topa
dikna taan kha sak kei in. Lungsim khasiatna in mite ni-
insak hi, hamsatna ngahsak hi. Hebrew 12:14-15 NIV
Pianthakna: Mitung aa, khasiatna bekbek a genden
khat pen, a lungtang a nosuah nailo, apiangthak tatak nailo
khat ahi hi. Pianthakna in, mi hoihlona te ciamteh lo hi.
Lungsim picinna, maisakna lungtang puan silh uh hi.
A tapa a thatpa, ata dingin la: Na tapa hong ki
thahlup sak leh, a thatpa na tapa dingin, na la zo diam? A
mawhna na maisak zo diam? A piangsa khempeuh na ma
ngilh zo diam? Na tapa it zah in, na it zo diam? Leitung
thupiang tatak khat om ngei hi.
Maisakna leh mangngilh bawlna: Mawh maisakna
icih pen, Christian nuntakna ah a haksa penpen khat leh,
tua lo aa a pianglo khat ahi hi. Nupa khat, tapa khat bek
nei hi. Ni khatni guta khat in, a inn luh aa, a tapa in, a va
delh leh, guta pa in, pistol tawh na kaplum hi. Guta pa,
khantawn thong kia ding in, thukhen zum ah khensata. Tua
laitak in, nupa te in, thukhen zum ah bangci gen hiam cih
leh, hi ka tapa hong thahlupsak pa- ko kata ding in, khawi
nung. Ko ka teek nungin, ka tapa hong vak ding om nawn-
lo ding ahihman in, hi a that pa in, ko teek leh sih dong
hong keem, hong khoi, hong vak hen. Tua pen, ama aa
ding, a khan tawntung bawlsiatna thuakna (punishment) hi
ta hen na ci hi.
Tua thu a zaak ciangin, guta pa zong, khitui naptui
luang sa in, misuakta ahihna lungdam tak leh kisuangtaak
January 21, 2011
tak in, saang in, tua nupa te zong a tapa ii a et ding bang lian
in, et ding, kep ding kamciam pia hi.
Bang hang maisak kul: Midang te mawhna i maisak
zawhna pen, ei ading leh amau a ding suahtakna lianpi khat
hi. Mi khat i siamlona tawh na sakna, dahna, lungkiatna leh
hehna ki vei thei hi. A hi hangin mangngilh aa, maisak zo kei
laileng, tua lungkiatna pen damdam in khasiatna suak thei hi.
Khasiatna tawh mite ki kai-awh kha thei hi. Mi kimkhat khasi-
atna tawh, alungsim, tha le ngal, hun te tampi beisak uh hi.
Amau le amau ki lungneu sak tawmtawm, hehpih huai kisa
tawmtawm uh hi. Mi tung aa heh aa, a sin so sak nilo uh hi.
Thudang peuhmah ngaisut ding haksa sa un, nisim nuntakna
pen, meigong lungham hong bang ta hi. Nengno cik tawh
phunphun uh a, mimawhna ding zonna tawh nisim nuntakna
hun te hong zangh aa, (selfpity), ki khasiasak tawmtawm uh
hi. Mawhsakna a tuakkha pen aa ding zong, khasiatna van
hong gik semsem hi. Khatpeuh thusiamlona hangin, khat in
maisak zolo ding cih pen a dahhuai, a thuahlah huai mahmah
thu khat hi. Maisakna icih pen in, a nih tuak a ding, van
zaangsak hi. Tua man in zongh, nupa kikal ah, maisakna in
nupa hihna cidam sak hi. Ki maisak zawhlona leh khasiat luat-
na lungsim puakte in, mi nih kikal thusia lasia tampi omsak
aa, ki naipih te kikal, a diakdiak in nupa kikal kisia sak hi.
Teel ding: Mawhmaisakna i bulpi pen lungsim khensatna
hi. A ki khensat ngiat hi. Khatvei ciangin, hong tuacih pen ci-
in, na kisa lua aa maisak zo kei ning kici hi. A dang hi le mai-
sak zo mah ning, ahihang tu aa pen maisak zo kei ning kici
thei hi. Mi khat ii mawhna pen, lian lua in, maisak zawhlo
ding om hi ci in um khang. Maisak noplo man hi zaw hi.
Ngaihsun pha in. Tuahsiatna khat pen thuak-hak sa-lua, khasia
lua maisak nuamlo hi zaw hi. Ki khasiasak tawmtawm aa, kua
mah maisak sawm zo lo, mi mawh zon tawh lungkim peuh
mah lai. Mi khatpeuh in, lungkiatna leh dahna nei thei hi.
A hih hangin, kua mah in, mawhna kol khihna leh maisak
zawh lona lungtang puak den ding thuneihna (rights/akhuan
azi) kinei lo hi. Maisak ding haksa mahmah thei ding hi. Mai-
sak ding khensat in, makngilhding zong ut mah taleng, lung-
sim sungah ki phawk kha lai thei hi. Maisak zo nailo kai ve
maw kici thei hi. Mawhmaisakna in, telding khat, ken zong
maisak ding khensat ta, ka khensat khitciang, ka feeling in
bangbang genta leh ka maisak ding hi, adang om lo hi. Ih
feeling te pen, khasiatna lam hong bei pak lo kha mah tase leh
ka maisaksa mah hi. Tua bang ciang, koici ding ka hiam?
Mangngilh ding: Maisak ding i khensat khitciang in,
thupiangte nunglam a koih aa, mangngilh bawl ding hi.
Mangngilh ding icih ciangin, a piang khempeuh i khuaksung
pan phiat ding cihna hilo, tua dan haksa ding hi. Mangilh ding
icih teh, gen kik-kik phun kik-kik lo ding cihna hi.
Mangngilhna tuipi sungah vapaai ding, ngasa mat dan in, siik-
kawi tawh man kik-kik lo ding cihna hi. Deih phat lo khat, a
om kikciang in, leuleu aw ei ci a, i zi te, i pasal te khawng va-
hap se lo ding cihna hi. Khat peuh i, kicin loh na, khialhna
khat maisaklo a, phunna, ciakna nengno cik a om sial ki kaw-
kna te in, kiamsukna pia zaw hi. ZOP LAI DING
By, Pu Tong Seal
THU TUAMTUAM
Leitungah mi awn 150 bangin zumkhum sikhum natna ki
ngahta hi. Zunkhum sikhum aneite bangci kitheih hiam cihleh
1. Zunkhum sikhum anei te zanzun tha pahpah ding hi.
2. Khut-le-khe te hik melmal ding hi.
3. Tuiduh (dangtak) pahpah ding (yekhe-tui duh phadeuh
ding hi.)
4. An hai mahmah ding hi.
5. Liamma khat peuh aneih leh dam theilo ding hi.
6. Mit mial ding hi (Natna nasia tektek leh mit na-ngawn taw
thei hi.)
7. Natna nasia lua leh lungtang kisai khawl thei hi.
8. Natna nasia tektek leh pumzaw natna kingah beh thei hi.
9. Zunkhum sikhum ii asanggam te pen sikhangnatna le
lungtangnatna te ahi uh hi.
10. Tua hi a, zunkhum sikhum ih dal zawhna ding le nat na ih
ngah lohna dingin nek-le-dawn kidawm pha mahmah ding
kisam hi.
Zunkhum sikhum natna anei te ading anhoihte in
1. Tanghkha, benangsau, sakolkhekhap teh, buhkhiah loh,
tamayuat (tehkha), brownbread (pongmoh ham), aalu cih
te ahi hi.
2. Alu pen sodium (a-al dat) omlo ahih manin antang in ne
leng hoih mahmah hi.
3. Ni khat an khatvei bek ne leng hoih penpen hi.
By, Sm Aye Cing
THU TUAMTUAM
Sabbath Thupuak: January 7, 2012 Sabbath hunpi ah Pr.
Wung Wei Kung, Church Pastor of KL English Church, in
Luke 22:19 Laisiangtho mun tawh kha anvakna kician takin
hong nei hi. January 14, 2012 Sabbath pen SB Ngaih Cin,
Church Pastor, in MILLENNIUM = Kum1000 Manna (2
Peter 3:13) cih thulu tawh kha anvakna hong nei hi.
Communion Service Kibawl: January 7, 2012 Sabbath
nin pawlpi makai upa te vaihawmna tawh nekkhawm nekna
leh khe kisilsakna nuamtak kizang hi. Hong makaih Pr. Wung
Wei Kung, ahuh Elder Pau Suan Khai & Dai Khan Mung,
Deaconness Dim Zan Vung & Ning Ngaih Lian te ahi uh hi.
Special Thungetsakna: January 7, 2012 Sabbath hunpi ah
gam thumna leng tading ahi Tg. Pau Suan Kam ading atuam
thungetsakna Church Pastor SB Ngaih Cin in hong neih sak
ban-ah pawlpi transfer certificate piakna hong neih sak hi.
Children Ministry Training: January 14, 2012 Sabbath ni
2pm-6pm kikal PEM zumpi, Kuchai Lama ah Mrs. Leong Fai
makaihna tawh children ministry tawh kisai thusinna kinei aa
Dorcas Leader Aye Cing le Sabbath School Sianu Dini te vakah
thei uh hi.
Cina Vehna Kinei: January 14, 2012 Sabbath kikhop man
khit ciang Sia Mungno le Sia Mungtong te in GHKL zatopi ah
vapai in Tg. Hau Deih Piang (kha1val, Pa Cin Khan Khai & Nu
Cing Lam Man tapa) vaveh in thungetsakna vanei uh hi. January
15, 2012 ni ciang Church Pastor SB Ngaih Cin leh Sia Mung-
tong te in Tg. Mung Kim Nawl (kum7, Pa Thang Cin Mung ta-
pa) leh Tg. Hau Deih Piang te vaveh in thungetsakna vanei uh
Seventh-Day Adventist Church
15-1-5 (1st Floor) lorong Tiongnam 5
Off Jalan Raja Luat 50350 KL, Malaysia
Mr SB Ngaih Cin, Church Pastor 014-922 9452
Mr Cin Sian Pau, Assistant Pastor 017-329 1810
Mr Tual Suan Mung, Youth Pastor 017-326 5747
hi. Tua ban ah Lia Lian Khan Cing (kha2val) le anu Sm Nga-
Ngaih zong aomna Petaling Jaya ah vaveh in thungetsakna vanei
uh hi. Topa thupha tawh Tg. Mung Kim Nawl pen January 17,
2012 nin Sivuan te phalna tawh cidam in inn lam zuan theita hi.
Rawang Home-Visit Kinei: January 19, 2012 nitak lam in
Church Pastor SB Ngaih Cin le Sia Mungtong te in Rawang Ped-
erna a om Elder Go Lam Kim kiangh vahawh in holimkhopna leh
biakna te limci takin vazang uh hi. January 20, 2012 zingsang
ciangin Rawang aa om Sia Khuptawng, le a sanggampa Tultawng
te kiangah vapha in thungetsakna vanei uh hi.
Cheras Yulek Home-cell Kibawl: January 16, 2012 nitak
7:15pm in Nu Thian Nuam omna Cheras Yulek ah Sia Ngaih
Cin & Sia Mungtong te makaihna tawh veng ki khop biak-
piakna kinei a mi 19 kipha hi.
Hang Tuah Veng Kikhopna: January 3, 2012 nitak
8:30pm in Sia SB Ngaih Cin Omna, Hang Tuah ah veng
kikhopna kinei in lesson sinna Sm Aye Cing, Lasakna Khai-
Khai, Kamngah genna Lunpi le Tg. Paupi te innkuan,
Hanthotna Nu Mang, Tecipanna Sm Cingno in hong nei uh a
mimal 15 kipha hi. January 10, 2012 nitak 8:30pm in Tg. Kai
Sian Pau omna, ZIM veng ki khop biakpiakna ah lesson Sianu
Dim Za Vung, kamngah genna Lunpi & Pa Vungh Khan Dal
innkuan, lasakna Sm Don Nuam, hanthotna Sm Cingno in
hong nei in mimal 19 kipha hi.
Dahpihna: Zogam uk, Tedim khuapi huam Mualkawi khua
mi Pa Thang Za Dal Hatlang (Kum62) in a omna Guymon,
Oklahoma State, USA pan in January 10, 2012 ni sun 2:10pm
in hong nusia hi. A nusiat azi: Nu Suh Kim, atate: Thiangte,
Pipi, Thawngleek, Nautuang ban ah Khaipi (Malaysia), kawl-
gam aa om Nemboih, CiCing leh Tawisang (Pune, India) te
tawh kibang in ih dah khawm hi.
THU ZAKSAKNA
Member Fees Zaksakna: Pawl lutna ah kihelna tawh
mapang khawm ni. Malaysia om sung teng ding-khatguak:
Rm 20; Nupa kop: Rm 30; Innkuan: Rm 50.
ZSM Thuzaksakna: Zomi Social-welfare of Malaysia
(Genvai Kipawlna) ah kipawl tek ni. Kum1= RM10.
NIV Laisiangtho Kingah Thei: New International Verse
(Bible) man ol takin kingah thei hi, a lunglut (deih) ten hong
contact pah un. (017-3265 747)
Speaking Appointment Kigual Khin: 2012 kum Quarter
masa ading Sabbath hunpi ah thugen ding leh ahuh dingte
kigual khin hi, alem lote in Church Pastor pa tawh ahun lap in
thu na kiza hamtang un.
Help College FREE Kah Theihna: Application form kiten
thei lai hi. A nunung pen January 31, 2012 ni dong kingak
ding hi. Kum 15-24 kikal te ading hi phadiak a sanglut man
kingen lo hi. Alem thei ding peuhmah in hih hamphatna
khahsuah nei ni. A kicing zaw in: zomisdamls@yahoogroup.com
Ha Kilakna FREE Om Ding: Health Ministry Department
of SDA pawlpi te vaihawmna tawh Penang Adventist Hospital
pan ha siavuan te hongpai kik tading hi. Ha bek hilo in natna
tuamtuam zong hong vel (en) ding uh hi. Amun le ahun gelna
anuai aa bang hi:
Ani: February 11, 2012 (Sabbathday) 4:00pm-7:00pm
February 12, 2012 (Sunday) 8:00am-5:00pm
Amun: Zomi Innkuan Malaysia Zumpi, Jalan Cho cheng Khay
(Amun tawh kisai ahun zui in update lai ding)
Produced & Distributed by ZAC Family (2011)
Zomi Worship Service PAI DAN DING:
Every Saturday: BUS > Chowkit Bus Stand
Sabbath School 10:30am MonoRail> Chowkit Station
Divine Service 12:00pm LRT Meileng> PWTC Station
Adventist Youth 2:00pm KTM Meileng> Putra Station
Email: zomisdamls@yahoogroups.com