Endah sumorot madhangi jagad Rasane anget sumlenget Enak kepenak pangrasaku Miwiti dina anyar kanggo urip Pinaringan berkah saking Gusti Allah Dina kang kudu tak syukuri Ingayoman dening Gusti Tan wedi tan sumelang Aku tetep semangat Wektu lumaku kairingan sumoroting surya Aku jumangkah kanthi mantep Hanggayuh pepinginan kang luhur Yaiku sinau kanggo mujudake pepinginan kang luhur mau Uba rampe cumawis Kanggo sinau kang temen Uwis kasedya sakkabehe Semangat kang makantar-kantar Ujube kanggo nggayuh gegayuhan Manawa ora mangkono Aku ora bakal bisa mujudake gegayuhan luhur Nalika ana pepalang maneka warna Ing kono ana pangluwaran Nadyan kadang pupus ing pangarep-arep Gegayuhan tetep kudu kawujud Rekasane kudu dak lakoni Urip pancen kudu duwe gegayuhan Minangka sangu urip kang luhur lan mulya