Ni Tuung Kuning

Pemeran :
1. I Ketut Edy Sudarma (I Pudak)
2. Pande Ni Ketut Santi ( Wayan Sari )
3. Ni Kadek Detiani ( Ni Tuung Kuning)
4. I Dewa Putra Arsana ( Dukun )
5. Ni Luh Putu Wahyu Widiani (Dedari)
6. I Dewa Made Agus Sudiarta ( Pekak)
7. I Dewa Putu Budi Yoga Putra ( I Gede Ngambul )
Babak 1
Latar : Rumah I Pudak
Ring Desa Denbukit wenten lanang istri. Sane lanang mewasta I Pudak. Ia anak demen mebotoh. Gegaene
sabilang wai matajen dogen. Sedek dina anu I Pudak ngemaang siapne ngamah:
Wayan Sari : Bli,bli suud je metajen. Sebilang wai jeg siap gen runguange!.
I Pudak : Nyai awak Luh endepang ibane. Awak Luh Di paon gen urusang,de ngurusang ane len-len.
Wayan Sari : Bli,bli runguang je belingan tiange,de siape ne sanget runguange. Tiang dot gati naar rujak
poh,beliang je tiang rujak bli.
I Pudak : Cang sing ade waktu ngurussang meli rujak. Nyai gen be meli padidi. Cang kel luas malu
metajen.
Wayan Sari : Bih dadi ati gati ngalin tiang metajen sedek tiang beling gede kene.
I Pudak : Be je cang undange metajen,kenkenang cang sing kemu. Nah suud je malu nyai
mamunyi,ngaenang cang kopi malu.
Wayan Sari : Nah bli, jani ngaenang tiang kopi.
Lantas I Wayan Sari ngaenang I Pudak kopi. Sasuudnengaenang kopi, Wayan Sari ngemaang I Pudak kopi ne
ngaene ento.
Wayan Sari : Niki kopine bli(ngejang di mejane).
Pudak : (Nyiup kopi) Kopi ape ne sing mase lud. Gaenang cang kopi buin!.
Wayan Sari : Bih be monto jaen asan kopi ne orahange sing mase ape. Nah gaenang tiang be buin bli.
I Pudak : De be ngae (galak) ilang kitang cange ngopi!.
Lantas I Pudak ngayehang siapne lan kurenane mejalan manting ka tukade. Lantas di jalan tepukine I Gede
Ngambul.
I Gede Ngambul : Lakar kije ne yan? Jeg rengked gati aban-abane.
Wayan Sari : Tiang lakar manting bli. Bli lakar lunga kije bli?.
I GEde Ngambul: Bli lalar ke umah Wayane be. Ngalih I Pudak ngorain mani jam 8 kel majalan ke tajen.
Wayan Sari : Bih Pang bin mani gati bli ow?. Yen sing kemu kenken bli?
I Gede Ngambul: Ne nak tajen luung yan, yen sing kemu jeg sing luung asane dadi babotoh.
Wayan Sari : Nah lamun keto I Pudak nak di jumah, alih gen be ditu!.
I Gede Ngambul: Nah yan.
Di tukade Wayan Sari nepukin anak jegeg gati, putih kedas,lan nganggen pegangge sane becik pisan. Lantas
Wayan Sari maekin anake jegeg ento.
Wayan Sari :(maekin) Sire wastane geg? Ngude nongos dini?
Dedari : Tiang Nari me,tiang mabesen ken meme melahang nyage belingan memene,nak ade sing
demen ken belingan memene!.
Wayan Sari : Sire sane sing demen jak belingan memene Nari?( sagetan Dedari ne ilang). Yeh adi sing
ade nyen dini? Ape netepukin tiang mare?(ngemikmik padidine)
Di suud ne manting Wayan Sari langsung mulih ne. Neked jumah ne
I Pudak : Ne nyai kali jani mare teke, kije gen uli tuni?.
Wayan Sari : Tiang manting bli.
I Pudak : Kije nyai manting mare,sing ngorah-ngorahang nyai manting.
Wayan Sari : Bli tuni nak sibuk ngurusang kurungan bli ne ento dogen, tiang takut maorahang jak bli.
I Pudak : Nah amen be seken gen nyai manting. Be melebengan nyai? Cang be seduk.
Wayan Sari : Nden bli, nah jani be tiang be lakar melebengan.
I Pudak : Nah, mu be nyai melebengan malu!.
Lantas malebengan Wayan Sari lan di suud ne to ajake due ngajeng. Tan karasa gumine sampun peteng Wayan
Sari lan I Pudak sirep. Ring dinane semengan sampun ade ane ngalih I Pudak lakar ajake matajen.
I Gede Ngambul: Pudak mai rage mejalan.
I Pudak : Bih cai sing ngorang-ngorang kali jani mejalan.
I Gede Ngambul: Tiang be mebesen jak Wayan Sari, sing oraine ci ibi?.
I Pudak : Bih engdapine takeh teken I Wayan.
I Gede Ngambul: Nah lamun keto jalanang be ibane jani.
I Pudak : Nah mai nake( sambilange nyemak kurungane). Yan, Wayan mainang iban nyai ne!
Wayan Sari :( Wyan Sari lantas nyangjag ) Enggih bli ade ape?
I Pudak : Jani cang lakar matajen ke desa nak len. Jani bli lakar luas joh,tusing karoan buin pidan
lakar teke. Ne kene nyai beling gede. Nyanan bise satonden cang mulih nyai ngelah panak
ingetang pabesen cange, yening muani melahang miare. Amen luh matiang dogen tendasne,
tektek baang siap baang pade abedik. Cang sing demen ngelah pianak Luh, irage tuyuh
ngedenang,sube kelih anak luh nyuaang anggon kurenan.
Wayan Sari : Nggih Bli tiang kel inget teken pabesen bline ento(krane tusing bani nungkasin munyin
kurenane)
Tan kacerita I Pudak,kacerita jani kurenane mare katelun kaline luas. Lantas teke I Pekak ke umah ne Wayan
Sari.
Pekak : Bih bendan kel lekad belingan nyai ne ento? Be ade sie bulan adi tonden lekad-lekad?.
Wayan Sari : Bih tiang sing nawang be pe. Len tiang kalaine jeg jejeh atin tiange padidian.
Pekak : Nah de jeg to kenehange Luh, Jani bape nginepin jani.
Wayan Sari : Nah pe, suksma sampun nongosin tiang.
Sagetan di ketelune Wayan Sari sampun ngelekadang lan I Pekak ngaukin Dukun Sakti. Lantas di jerone
Dukune ento I Pekak mereraos.
Pekak : Ne jero Dukun tulungin je pianak tiange ne lakar ngelekadin.
Dukun : Nah lamun keto jani kemu keumah e.
Lantas Jero Dukun ento jak I Pekak neked jumah ne I Pudak.
Pekak : Nggih Jero durusang sampun ke kamar ne Wayan. I wayan nak sampun drike!. ( Lantas
ngatehin Dukun punika ke kamar Wayan Sari)
Sejam sampun ngaliwat, lantas I Wayan Sari sampun lekad pianak ne.Nanging lacur pianak nyane lekad Luh.
Dukun : Wayan Sari ne panake Luh lekad.
Wayan Sari : Kenkenang jani I Cening orahine nektek teken Bapane, baang siap kurungan pade abedik,
yen tuutang bes pianak baan lekadang, sejabaning jleme buduh mare ye nyak bakal nektek pianak anggo
maman siap. Aduh Dewa Ratu Betara sesuhunan titiang, icenin tiang pamargi sane becik. Aduh kenkenang ben
madaye.
Pekak : Keto pabesen Bapane?. Nah amen keto di umah bape ne kingsanang pianake lan ari-arine
dogen baang kurungane.
Wayan Sari : Nggih Pa suksma pisan.
Lantas pianak Wayan Sari abane ke umahne I Pekak tur piarane ditu. Lan adanine Tuung Kuning. Ditu lanta Ni
Tuung Kuning gede mangkin sampun kelih.
Tuung Kuning : Pekak ije meme tyange,adi sing taen delokine tiang?
Pekak : ugase cening cerik ube sai mai memene ngabaang susu lan bubuh nanging jani dina bapane
kal mulih.
Tuung Kuning : Kija seh bapa tyange kak?
Pekak : Bapa ceninge nak metajen ke desa len,nak sing karuan bin pidan mulih.
Tuung Kuning : Bih adi kanti joh keto bapa tyange luas metajen kak?
Pekak : Nahh suudang be nuturang bapane!
Tuung Kuning : Nggih Kak.
Tan kacrita I pudak suba teka uli luas matajen. Disubane neked jumahne iya matakon teken kurenane.
Pudak : Apa pianak cange?
Wayan Sari : Luh bli (keto pesautne ngajak kurenane ajak I Pudak)
Pudak : Men suba tektek nyai tendasne baang siap?
Wayan Sari : Suba Bli,suba ketuutin pabesen bline ento.
Pudak : Cang nu sing ngugu jak munyin nyaine ento,jani kal kealih dukun ne nulungin nyai
ngelekadang nto apang cang nawang kenken ane benehne.
Lantas I Pudak ngalih dukunne ento. Lan neked jerone dukun ento.
Pudak : Jero dukun,napi pianak kurenan tyange jero?
Dukun : Luh nika Pudak. Ada ape adi nakonang keto?
Pudak : Cang nak sing demen ngelah pianak luh,keorain kurenane nektek ndasne baang siap.
Dukun : Setawang tyang panak caine ento kingsanange di jumah pekakne,tur ari-arine dogen
baange siap,keto dingeh tyang kurenan caine ngorte jak bapanne.
Pudak : Nah suksma jero dukuh. Nah jani tyang pamit lakar mulih.
Lantas I Pudak mulih,ditu lanta iye ngorahin kurenane ngalih pianakne apang mulih kaumahne I Pudak.
Pudak : Nyai Wayan Sari,alih pianak nyaine jani! Orahin ye mulih.
Wayan Sari : Nah bli jani kal kealih tyang.
Disampunne Wayan Sari neked di jumah Pekak Tuung Kuning.
Pekak : Nak engken nyai yan,adi inceg kene?
Wayan Sari : I Bli Pudak sampun nawang pianakne Luh tur kingsanange dini pa, lan jani orahine mulih
lakar matiange.
Pekak : Adi bise tawane dini panakne? Jani sing ngidang baan bapa ngorhang apa-apa jani ngidih
pasuecan Widi gen pang Tuung Kuning selamat.
Wayan Sari : Ao pa,tyang masi sing ngidang ngomong apa-apa masi. Jani tyang kal ngaukin Tuung
Kuning malu.
Lantas Tuung Kuning teka setonden kaukine.
Wayan Sari : Cening Tuung Kuning orahine mulih cening teken bapan ceninge.
Tuung Kuning : Nah me,njepan tyang suud nyait kamen.
Keto pasautne Tuung Kuning teken memene. Ditu memene malipetan ningeh panakne mamunyi keto. Suba
lantas iya neked jumah suba tepukine kurenane nyangih blakas.
Pudak : Wayan ken pianak nyine? Adi sing ajak nyai mulih (keto patakone I Pudak teken kurenane
sambilange nyangih blakas.)
Wayan Sari : Iye nak nu nyait kamen Bli,nyanan yen be suud nyait bakal mai.
Keto kurenane masaut teken I Pudak. Disubane keto I Pudak buin ngorahin kurenane ngaukin panakne di umah
pekakne. Sube lantas iya neked ditu buin iya ngaukin panakne.
Wayan Sari : Cening Tuung Kuning orahine mulih teken bapan ceninge.
Tuung Kuning : Nah njepan gen Tyang kemu lamun tyang sube suud meseh.
Keto Ni Tuung Kuning masaut teken memene. Buin memene maipetan tusing ngajak panakne. Disubane neked
jumah sagetan tepukine I Pudak nu nyangih blakas lantas I Pudak Buin matakon teken kurenane.
Pudak : Wayan cen panak nyaine, adi sing ajak nyai mulih?
Wayan Sari : Iye nak mu meseh,buin kejep gen iya mai bli?
Pudak : Alih iye buin cepok gen kemu,amen ye sing nyak mulih, cang lakar kemu ngalih iye.
Wayan Sari buin ngalih pianakne sambilange ngeling disubane neked ditu sagetange tepukine pianakne sube
mebaju sarwa putih-putih. Krana iya sube tawange dewekne lakar matiange teken bapanne. Satonden iya
mejalan mulih ade pabesenne teken pekakne.
Tuung Kuning : Pekak melah-melahang dini nah,sawireh tyang lakar ngalahin pekak malunan.
Pekak : De ngomong keto Ning jeg sebet keneh pekak e ningehang.
Lantas Ni Tuung Kuning ajakine mulih ajak memene. Disubane Ni Tuung Kuning neked jumah segetan suba
jemake liamane teken bapanne lakar ajake kea lase, ditu Ni Tuung Kuning mereren nakonin bapanne.
Tuung Kuning : Bapa suba neked ija raga mejalan?
Pudak : Ne dini be nyai ngoyong (keto pasautne I Pudak teken Pianakne)
Kacerita jani Ni Tuung Kuning tegule di punyan biune lan nagih tektek e teken bapanne,jeg teke dedarine
nyilurang Ni Tuung Kuning aji gedebong.
Pudak : Jeg matiang cang jani nyai (gedebonge ento tektek e kadenine Ni Tuung Kuning lautang
abane mulih baange kurungane)
Disuargan Ni Tuung Kuning ajahine nyait teken widyadarine di suargan.
Tuung Kuning : Suksma dedari sampun nyelamatang tyang,nanging tyang jani mekite nepukin meme jak
bapa tyange mulih.
Dedari : Nanging cening sing takut buin matiange teken bapanne ento?
Tuung Kuning : Sing dedari, Bapa tyange sing ja kal ngematiang tyang buin.
Dedari : Nggih lamun keto jeg atuin tyang Tuung Kuning mulih.
Langsung dedarine ento ngjak Ni Tuung Kuning mulihne, disampun neked jumah.
Wayan Sari : (mekesyab) Bih pianak memene nu hidup. Suksma Hyang Widhi.(langsung ngelut Ni Tuung
Kuning sambilanga ngeling)
Tuung Kuning : Nggih Me, tyang nu hidup sawireh selamatange teken dedarine.
Kacerita I Pudak sing ngelah kurunganlan iya inget teken pianakne ditu sampun I pudak meselselan lantas
mulihne. Tepukine lantas Ni Tuung Kuning,lan I Pudak lantas mekesyab.
Pudak : Tuung Kuning pianak bapa,bapa nunas ampura sampun ngelaksana boya-boya jak cening.
Tuung Kuning : Nggih bapa,tusing kenape ane be liwat depang be liwat ane jani rage tetep panak teken
bapa lan jani buin jumunin. Ngelakasanayang hidup ane melah bareng-bareng lan saling tresnain.
Wayan Sari : Nggih cening jani ba jumunin rage ngelaksanayang hidup apang nepuk bagia.
Ni Tuung Kuning lantas magelut ngajak bapa lan memene lan ngelaksanayang hidup sane bagia, pianak teken
bapa lan meme.

PUPUT