Professional Documents
Culture Documents
AMBURUKAY2
AMBURUKAY2
AMBURUKAY2
sang talithi sa malawig nga tig-ilinit. Sang sia nagtuto liwat, naglagtik sa bato ang talum
Ginbalikid niya si Aying Sampaga. Husto lang sia mahinulokan sa iya inaypan
nga iya ginahulat nga makadungan sa iya. May igahambal sia. Apang kaangay
nagatiku ang iya dila sa pagtuad sang iya tuyu kon ngaa ginhagad niya ini sa
pagpamanggas sa kaingin.
Ginsunod sang iya panulok ang kada pagtikang kag paghakyaw sang kamot
sang iya inaypan kag ang pagtulotay-og sang tabig nga natuon sa tiyan sini.
Nakita niya sang naghulog sang kutsyam si Aying Sampaga. Nag-alalasik ang
Samtang ginaguyod ang tagad, nag-usoy ini pabalik kag ginpangkahig ang
nagalinapta nga binhi agod matabunan sang duta. Sa mga sanga sang balayong kag
hinagdong, nagahulat ang mga pinggan-pino, umbok, kag maya sa pag-udak sang indi
natuos na niya ang inaypan para sa katumanan sang madugay na niya ginahandom.
1 of 17
Kaangay ginapaalangayan nga tinig-ang, si Aying Sampaga madali na pagabak-
iton kag pagasukaron. Maputi ang supat sini kaangay sang bisya nga kan-on. Saway
ang buhok. Bulagaw ang kalimutaw. Pinasahi ang katahom. Anak kuno sang tamawo.
Nadumdoman niya ang siling sang merka-paltera samtang ginauyatan ang bag-ong
bun-ag nga lapsag. Ginhimuslan kuno sang tamawo sa iya katulogon si Marya
Manograra nga bag-o lang nabalo bangod ginkagat sang idu-buang ang manog-uway
nga bana. Masobra isa ka bulan pa lang ang lapsag sang ginbawian man sang hulam
nga kabuhi ang iloy. Nabughat ang balo bangod gilayon nagbirabira pangrara bisan
indi pa maayo ang pamatyag. Bilog nga Purok Disig ang nanugon sa sagad nga
manograra sang tabungos, dulit, banig, kararaw, sabakan, nigo, kag tabig.
Sa iya gintugyan sang kamal-aman ang makaluluoy nga lapsag. Sia abi ang
talawgon kon nagakinahanglan sang bulig ang pakaisa nga manograra. Kon ara sia sa
talaytay sa ubos sang ila balay, bation ang iya singgit didto sa kamalig sang pakaisa nga
Sia ang nagpahayu sa lapsag. Nagapuganti ini sa kaputi gani gintawag niya nga
Aying Sampaga. Wala ini ginbalikda sang mga magulang nga nagpauna-una dulhog
sa patag kag wala na makadumdom sa pagtukad pa. Didto na sila nagpalangasawa kag
nagpalamana. Nalipat gid sila sa kinagot nga nagakinahanglan kuntani sang ila pag-
inakop.
Siling sang iya katiyaan, bugay sang langit sa iya ang lapsag bangod pat-od nga
sa iya hitsura, indi na sia makapamana. Siling sang iya katiyuan, mapuslan niya sa ulihi
2 of 17
Kon iya panumdumon, daw kasan-o lang ang panahon sadtong si Aying
Sampaga nagakamang pa lang. Bisan sin-o lang nga nanay, pangabayon niya nga
patition ang iya inaypan tubtob nga makaliton sa kan-on. Subong, dalagita na ang iya
Sia ang ginakilala sini nga iloy. Kon pamangkuton sia sang dalagita kon kay sin-
o ini nagtiti sang lapsag pa, binutig niya, sa iya gatas ini nabuhi. Ginasulitsulit niya,
Uli kaw una, mandu niya sa inaypan nga kon wala niya ginahagad sa
pagpamanggas, didto lang ini sa ila kamalig sa pagluto sang ila pagkaon. Mas sagad na
ini magluto sangsa iya. Nagapamalhas gid ang iya bana sa paghigop sang linuto sini
nga tinola. Sa masami, marabo ang yuhom sang iya bana matapos makatig-ab sa
kabulosgon.
Naabtan niya sa dapog ang dalagita nga nagahagunghagung sang talda samtang
Nahalyag ka gid kang mal-am, labaw sa pagpangakig, may liwan nga damil ang
iya dinalan.
Nakibot si Aying Sampaga. Wala sini gilayon nabatak ang patadyong nga
nawagak. Husto lang nagpamusimusi sang iya mga mata ang dalagita. Ang malakan-
on kaputi sini nga supat ginadilapan sang kasanag. Kaangay sang aso ang saway sini
3 of 17
nga buhok nga nagahurikap sa karne sang usa nga naganggang sa talap-anan sang ila
dapog.
Nagtubod ang iya laway sang iya mahaklu ang humot sang nagabukal nga tinola
Ginkuha niya kay Aying Sampaga ang paya nga luwag kag maghigop sang
sabaw. Para sa iya, sampat ang timpla: Nagaagaw ang rimis, arat, kag tam-is. Daku ang
iya pasalamat bangod nanuto ang iya inaypan sa pagluto sang ano man nga sahi sang
sud-an.
Masubo ang kan-on kon wara dapli nga hulidon, masami niya nga hulobaton.
KAANGAY kadalom sang gab-i ang iya ginapinsar samtang ginasipat ang
nagabarikutot nga dalagita sa hiligdaan nga kawayan nga nagaduot sa nagabusong nga
Nagabadlak sa kadulom ang maputi nga mga paa sang dalagita. Sang nagpisik
ini, nagbalik ang iya panulok sa ginahikot sang duha niya ka kamot. Nagdasig nga
nagdasig ang iya pagkukot sang turing nga kadyos nga iya ipanggas palibot sa kaingin
sang kamuros.
4 of 17
Bug-os na ang iya pamat-od. Subong nga gab-i niya ituad ang daku nga butang
nga iya ipatuman sa inaypan. Ginkuha niya ang kalalaw sa iya sabak. Inanay sia nga
Nagapangapkap man sia sang mga tinaga sa pagmitlang sining daku nga butang,
Rum-an sa gabii. Rum-an sa gabii. Pagpasikto ang tinutuyo sang pagsulit niya.
Kaangay paktakun ang iya pagpabutyag. Apang luyag niya patihan, nahangpan sia
sang dalagita.
Daw natagban sang ispirito ang iya kahambal. Husto lang ini mahinulokan.
Napabutyag gid man niya. Kag tumanon sia sang dalagita. Indi sini masupak
Nagapamalu ang mga sulog, nagauwang ang ila idu. Mariit ang pag-abot sang
kabugwason. Indi sia makatulog. Ginbalikid niya ang bana. Tunga sa dupa ang antad
sini sa iya. Nagatibi sia sa katre samtang ang nagahuragok nga bana, nagapilit sa tadtad
Indi niya mabatyagan nga ginahigugma sia sang bana. Napilitan lang bala ini sa
pagpangasawa sa iya? Sa malip-ot nga pulong, napikuta. Bangod apa ang iya bana, indi
5 of 17
sini masabat ang iya pamangkot gamit ang mga tinaga. Nabudlayan kag natamaran sia
magsenyas sa bana nga mas bata sa iya sing napulo ka tuig. Gani sa masami, si Aying
Ginakupkupan lang sia sang bana kon hubog ini. Nagakaedad na sia. Nahadlok
Nakalamhu sia sang iya nadumdoman kon paano niya nasiod ang bana.
Madamo ang nagsiling, wala sing lalaki nga magkagusto sa iya bangod sa iya hitsura.
Mangin laon sia nga tunay kag asinan na lang kuno niya ang iya. Makasalaklaw-
balatyagon nga dinupak. Apang ginaaku niya nga malaw-ay sia. Kon makatamwa sia
sa matin-aw nga sapa, bisan sia indi makauyon sang iya makita. Daw iya sang bukaw
ang iya mga mata. Daw nagatuwad nga paris nga kweba ang iya ilong.
Nagasalalampaw ang iya mga ngipon. Daw gintagad ang iya makaluluoy nga guya.
Dugangan pa sang daw uhot niya nga buhok. Ara na sa iya ang tanan nga kalaw-ay.
Ginasunlog sia sang mga sultero. Bagay kuno sia papungkoan sa puga kag
pagakoronahan sang may dukut sa buli nga kaldero. Wala sia nagahibi sa atubang nila.
Luyag niya ipakita nga maisog ang iya dungan. Nagsiling sia sa iya kaugalingon ---
Tuman sia nga nagpanikasog kon paano mahulog sa iya mga kamot ang bataon
nga si Tilad Apa. Maambong para sa iya ang mangangayam: Malahoylahoy ang
panglawason, ginbronse sang adlaw ang panit, makadag ang mga batiis, mapasik ang
duha ka kamot; Matiluong ang ilong, maila ang panulok, may diutay nga buy-on,
6 of 17
Kon maglabay gani sa ila balay si Tilad Apa, ginasunod ini sang iya panulok kag
dayon sia magpanginamkinam ilabi pa bangod sa masami, wala ini sang panapton
pang-ibabaw. Nagaungot ang iya panulok sa mataliwis nga bangkaw sang lalaki.
Damhag kon may daramhagan. Kon maghisugot, buruyot. Mabatian niya sa painu-ino
ang hulobaton sang mga tigulang. Para sa iya, wala sang bastos ukon matarung nga
Sina nga hapon, ginbantayan niya sa ila bintana ang pagpauli sang apa halin sa
pagpangayam. Alagyan ang ila puloy-an padulong sa lasang. Mahibal-an niya gilayon
kon manoggwa na sa dabong sang mga talungon ang ulitawo bangod sa pagtinaghol
sang duha sini ka idu. Nagapauna-una simhot sa puyu sang ila idu nga si Baleleng
sanday Kadlum kag Taghoy. Nauyonan sang ila dalagita nga idu nga ginaagawan ini
Hapit anay, pangagda sang iya amay kay Tilad Apa bisan pa nga ang
mangangayam indi makabati kag makahambal. Dayon man sini dahu sang suki sang
nagabukalbukal nga hapunan. Wala sing hiyagon nga nangindi ang ulitawo sa ilimnon.
Uhaw kag gutom ini sa halos bilog nga adlaw nga pagpangayam. Ginhatag sini ang
bahin sang pinangayaman agod pagalutuon nga sumsuman. Ang madala sini sa
pagpauli, ilabi na gid kon baboy-talunon ukon usa, ila ginasud-an ukon ginapautang
sing parayan.
Uyon ko gid dya si Tilad. Kana, indi kaw magutman, pabati-bati sa iya sang amay
nga nagdulot sang iya pagpalamula. Naluyagan man ayhan sia sang mangangayam?
7 of 17
Waay ti maray-ay nga daraga sa sultero nga hubog, yinamuhat sang amay nga
Ang ilahas nagahagop kon may bubud, nagatamsak nga hulobaton sang amay
samtang nagausang sang ginluto niya nga sumsoman --- ginat-an nga halo nga ginpus-
Matiuntion, natulogan na sa kahulogbon ang iya amay. Sia ang nabilin nga
kasenyasan sang mangangayam. Nabudlayan sia maghangop sa mga senyas sini sa iya.
Gani, gindasig na lang niya ang paghilig sang nabilin nga tuba sa kawit. Mas madali kon
sid-on sangsa lagson. Nagaranog sa iya palamatin-an ini nga hulobaton samtang
ginaduhol sa apa kag bungol ang suki nga buta sang tuba.
Nagayuhom sia samtang ginabangot ang sira ang talutog. Gilayon sia nga
naglaaw sa bintana agod sundon sang panulok ang naga-isi sa paglakat nga hubog.
balay. Isa ka gab-i, natumba sa kahulogbon si Tilad Apa kag wala na ini nakapauli pa.
Sia ang nagpang-una-una gani may natabo sa ila. Katingalahan bangod sina nga gab-i,
sila na lang nga duha ang nabilin sa ila balay. Didto nagtulog ang iya amay, iloy, kag
Wala pa sila nakabugtaw nga duha, ara na ang iya amay upod ang mga
ginikanan ni Tilad Apa. Ginhiwat ang patalighid ukon pagsugtanay sang magtimbang
8 of 17
nga pamilya nga sila maasawahay. Ginhambalan ang tuhoy sa ginapaabot nga hungaw
kag punsyon. Nahinalian man, wala na sing nahimo si Tilad Apa sa pag-isol pa.
katapusan nga halintang sang ila hagdan samtang ginahiwat ang ritwal sang
patakdang. Sa ritwal nga ini, ang amay sang lalaki nagapangayo pangatahuran sa
pagsaka sa balay sang mga balaye kag sa pagbayad sang kada talakdang sa hagdan nga
kawayan. Samtang ginabayaw naman ang biit bilang bayad sa pag-ayu sang iya kamot,
nagkilan sa iya panulok ang talum sang bangkaw bilang tanda sang ila pag-isa.
Masinaw pa sa linaw sang Suba Halawod ang hinambalan nga kon indi niya
mahatagan sang anak ang iya bana sa sulod sang lima ka tigpalanggas, hilway ini sa
pagbiya sa iya sa pagpangita sang liwan nga asawa. Ginbaton niya ang ginbayaw nga
bangkaw kag iya ginbangday sa talap-anan sang ila dapog sa bag-ong pasad nila nga
Nagpuyo sila bilang mag-asawa kaupod ang iya inaypan nga si Aying Sampaga.
Nagpabatak na sia sang pus-on kay Indang Paltera. Wala problema ang pag-abot sang
iya pamulanon. Ginpatpat ni Agurang Merka ang pag-abot sang lapsag bangod wala
man sia sang sablag sa lawas. Bisan si Kurnay Libat nga manoghimalad nagtadlong ang
panulok sang nakita sini sa iya palad ang pag-abot sang isa ka lapsag.
Samtang nagahulat sia nga magbusong, amo man ang ingos sa iya si Aying
9 of 17
ikaduha lang nga halintang ang eskwelahan sa ila baryo nga malaka ginakadtuan sang
Ay maan. Maano kaw to, mapauripon? nagsampok ang iya madamol nga mga
kilay sa pagpamatok sa ginaingos sang inaypan nga daw ulipon man kon iya kabigon.
inaypan. Nahadlok sia nga bayaan sang bana kon matapos ang ginapaabot nga
Bangon run, mandu niya sa dalagita nga daw nagapilit sa hiligdaan bisan kaina
Nagpaninlu sia sang ila kamalig. Ginpahining niya sang lana sang lubi ang ila
salog nga kawayan. Ginpangtipon niya ang nagalinapta nila nga mga lagu kag gintago
sa daku nga sabakan magluwas sa iya saypang kag pula nga patadyong.
Ginhatag niya sa dalagita ang iya saypang nga may dapug sang iya ilok kag ang
Wala niya gin-ilisan ang duha ka ulonan kag tulagbuon nga habol sa ila nagaigot
nga hiligdaan.
ila dumaan nga balay sa ibabaw sang talaytay. Naabtan niya ang amay nga nagahimas
10 of 17
"Waay gid. Piesta pa daad rum-an sa Sityo Pisaw."
Gintunghol niya sa amay ang napiud nga kwarta. Ginsipat sang amay ang tawo
Ako ang bahala , pasalig sang nagangisi nga amay nga ang ginapanumdom kon
Nabalikdan niya ang iya iloy didto sa tambi. Nagalidgid ini sang sulod sang
balinghoy nga himuon sini nga alupi. Mahilig magluto sang matam-is nga mga kalan-
unon ang iya iloy. Kon may madamo lang sang balaklan sang kalamay sa ila sityo,
ayhan adlaw-adlaw kon magluto sang alupi, aripahol, inday-inday, kag but-ong ang iya
Humalin sang matubuan sia sang buot, ilisipon kon makighambal sia sa iloy.
May huol ini sa palamatin-an dulot sang tuman nga pamulog-aton agod masabat ang
pagpamaghut sang lubi apang kon makapanahor kag makapabalong, kaangay daw
wala lang sang salabton sa pangabuhi. Dugang pa sa kunsumisyon sang iloy bangod
lalagson sang mga balo kag binayaan ining mananggiti nga sagad magkuskos sang
Ayhan ginhungod sang iya iloy nga magpabungol-bungol na lang. Indi sini
sang bana. Wala na ang mga ginikanan sini agod mag-amlig sa kasugtanan nga kon ang
11 of 17
bana magbinuang, talum gid sang bangkaw ang masumalang. Maluya nga asawa si
Martir ang iya iloy. Nagasunod lamang ini sa mga kagustohan sang bana. Bilang
kinagot kag nagaisahanon nga nabilin sa luyo sang mga ginikanan, isa ini sa wala niya
naluyagan. Gani sa iya pagpamana, gintanom niya sa iya kaisipan kag dughan, indi sia
magpadaogdaog sa iya bana. Mangin maisog sia nga asawa. Kon magtinunto ang iya
bana, indi sia magduhaduha sa pagdakup sang bangkaw nga ginbayaw sa ila hungaw.
Nagsaka sia sa tambi agod halukan sa agtang ang iloy. Luyag man niya ini nga
buligan sa paglidgid sang balinghoy, indi niya mahimo bangod kinahanglan na niya
magpauli.
samtang nagatulok sa kakahoyan. Nakailis na, nagatulotulo pa ang basa sini nga
buhok.
Madasig niya nga nahimos ang panyapon --- linaga nga tiil sang baboy-talunon
nga gin-asluman sang dahon sang alumpiran. Nagsanlag sia sang iyangkas nga dala
kahapon sang bana sang makahapit ini sa binugsukan. Nagaaso-aso sa bandihado ang
Natungtong na ang tanan nga pagkaon sa lamisa nga nahapinan sang pula nga
tela. Sa tunga nga bahin, nagapungko ang kuribud nga tibud sang pangasi. Nakasangal
ang duha ka suluyopan nga bagakay. Sa punta sang lamisa, nagainguray ang duha ka
12 of 17
Nakasalop na ang adlaw sang nagbiya sia. Ang bug-at sang ginatus-on niya nga
binagtong ara sa hulobaton nga: Ako ang nagsun-ad, iba ang nagsukad. Apang luyag niya
Sa kweba sia nagpalipas sang gab-i . Sa iya pag-isahanon, luyag niya isipon nga
ginapangita na sia sang bana. Ginatiid man sia sang kahuya kag kahadlok, ginapaisog
niya ang iya buot. Ginapanganinaw niya ang pagmabdos ni Aying Sampaga. Didto sila
maliton sa ila kamalig sa iya kaingin sa gwa sang Purok Disig. Didto, malayu sila sa
mga mata kag mga dulonggan sang tsismoso kag tsismosa nga mga kasilingan. Didto,
magaanak si Aying Sampaga sa bulig sang indi taga-ila nga paltera. Matapos maka-
anak, pasugtan niya ang dalagita sa pagpasimpalad sa patag kag ini na pagpabalikon
pa. Sa paghatag ni Aying Sampaga sang subang sini sa iya, nabayaran na sini ang daku
Matapos ang tanan, mangin bug-os na ang iya pamilya: May isa ka lapsag, sia
Sang nagbalik sia sa ila kamalig sina nga aga, wala na ang iya bana. Wala naman
kamalig sa iya kaingin. Apang nagpalamahulay sia sa pagtukad didto, wala sia sang
Sa diin na si Tilad Apa nga iya bana? Madulom pa bala ini nagpalasang agod
magpangayam? Ginakalangkagan niya ang pagsampot sang duha ka idu bangod ini
pinalangga nga bana nga mangangayam. Apang madugay na ang iya hulat, wala sang
13 of 17
duha ka idu nga nagsampot nga dungan nagataghol kag nagaikol-ikol ang tagsa ka
ikog.
Sa diin si Aying Sampaga? Sa diin ang iya bana? Wala sing mahatag nga
impormasyon ang iya mga ugangan kon sa diin na ang ila anak kaangay nga wala man
sia sing mabungat nga rason kon paano nadula ang iya bana kag ang iya inaypan.
Agod mabuhinbuhinan ang iya kasubo sa iya pag-isahanon, nagakadto sia sa ila
dumaan nga balay sa ibabaw sang talaytay kada hapon. Ginaupdan niya ang amay sa
pag-inom sang tuba. May madamo sang plano ang iya amay kon paano nila makita ang
iya bana. Sarang kuno sini pangabayon ang pakaisa nga si Kumander Ungon agod
ipaayam ang iya bana. Sabat niya, indi sapat sa talon ang iya bana. Indi ini palangitaon.
Kon buhi pa ini kag maluyag pa magbalik sa iya, mahimo gid sini bangod indi ini bulag
Malawig ang kulomuron sang hubog nga amay. Kon mapamatud-an kuno sini
nga gintaban ni Tilad Apa si Aying Sampaga, sia gid ang mangamot sa pagbangkaw sa
wala huya nga lalaki. Indi na kuno kinahanglan pa nga mag-atubangay sila sa
manoghusay. Batunon na lang ni Tilad Apa ang silot sa nabuhat nga sala.
Wara kita kamaan kang matuodtuod nga natabo, sabat niya nga wala ginatuohan
nga nagtabanay ang duha. Ginpinsar niya nga didto sa dakbanwa si Aying Sampaga
agod tumanon ang handom nga mangamuhan kag makaeskwela. Kag ang iya bana,
14 of 17
Ilabu pa sa bato-bantiling, indi ako magsala sa panagupnop ko. Purya-ulin, purya
panulay, puis sang amay nga samtang nagasidu sa kahulogbon, ginhana sini nga
Gin-agaw niya ang natagub nga binangon kag gin-ilisan sang gitara. Amo ini
ang paagi agod mauntat sa pagwakal ang iya hubog nga amay. Gilayon man sini nga
ginbaton kag ginkuskos ang gitara nga ginbagay sa nagapamangkutanon nga kanta:
kaingin. Nagatagiti na ang init sang adlaw. Naadlawan sia bangod nagpamahog pa sia
sang iya nayon nga naghatag sa iya sang isa ka dosena nga mga idik. Ginbalikid niya
ang mag-iloy nga tabungos kag dulit nga puno pa sang bisya kag kamuros. Indi niya
maubos ang iya ani bisan pa nahatag na niya ang katunga sini sa iya amay kag iloy.
Napinsar niya, para kay sin-o pa ang iya tanan nga paghimakas? Wala na sia sang bana.
Nay Amburukay!
15 of 17
Nagmudlo pa gid ang iya mga mata sang iya makita si Aying Sampaga nga
nagapadulong kag nagapamayong sang dahon sang badyang. May nakabit nga
Ginhalukan sia sang inaypan sa agtang kag dayon nagkupu sa iya. Naghibi ang
Patawara ako, Nay Amburukay, pabutyag sang hamtong na tulukon nga si Aying
Sampaga bisan pa wala sini mamitlang kon ano ang nabuhat nga kasal-anan. Gindahu
sini sa iya ang isa ka bata nga naputos sa patadyong. Sang buksan niya, iya nakita ang
maputi nga bata nga kanawong gid ni Aying Sampaga. Nabulobanta niya nga nalutas
Waay ko ginkalimtan ang saad ko. Ginatugyan ko kanimo ang subang ko.
Nagahilibion nga naghalok liwat sa iya agtang si Aying Sampaga. Dayon, madasig ini
Magparayu kamo kag magpakalinong, singgit niya kay Aying Sampaga nga
gilayon nadula sa madabong nga kabadyangan. Nakibot sia sa iya kaugaligon kon ngaa
Padayon sa paghibi ang bata. Nagakupo ini sa iya samtang ang ulo sini nagaulon
sa iya abaga. Ginpulopapa niya ini sa buhi kag dayon gin-ili-ili sa iya mga butkon.
Gindala niya sa dapog ang bata agod pakaunon. Sang ginhungit niya ang bata,
namulalongan niya ang malip-ot sina nga dila. Nadumdoman niya ang iya bana.
Nadumdoman niya si Aying sampaga. Nagtabanay gid gali sila. Sa sini nga higayon,
16 of 17
Ginkuha niya sa talap-anan ang bangkaw nga ginbayaw sa ila hungaw. Ubos-
kusug niya nga ginlubong ang talum sang bangkaw sa duta. Mabudlay magpatawad
apang sa amo lang sini nga paagi masiling niya nga may matahom pa nga bahin sa iya
Ginkuha niya ang tabig nga puno sang matinggas nga binhi kag ginhigot sa iya
hawak. Ginkuha niya ang tagad. Gintibung niya ang bata nga iya pagakabigon bilang
matuod-matuod nga anak. Nagpamat-od sia sa pagtukad sa iya kaingin agod sugoran
ang pagpamanggas.
KATAPUSAN
17 of 17