Leonardo D.

Tejano
MMSU-GRADUATE SCHOOL
Ilokano Studies

No Apay a Saanak nga Agbay-Bayang Magiliw*

Mabuyatayo iti naipelikula a Nuremberg Rally, Triumph of the Will ti proklamasion ni Hitler iti
asemblea ti masa nga: Ein Volk, Ein Frher, Ein Reich!. Ditoy nga inwaragawag ti Aleman a
lider ti Volksgemeinschaft: maysa a komunidad ti puro a puli nga addaan iti nangato a moral.
Daytoy nga apela para iti panagkaykaysa dagiti umili ti kararua ti fasistiko a konsepto ti nasion,
nasion-estado, nasion estadomaysa nga imaginasion ken ladawan nga utopian ti regenerasion.

Kastoy a kastoy ti mapaspasamak ita iti Filipinas. Adu dagiti simbolo a maipapaawat
kadatayo iti nagan ti panagkaykaysa, kinanasion, kinanasion-estado, ken kina-Filipino. Ngem
dagitoy ket aglemlemmeng a fasismo a ti laeng pakaituronganda ket kolonisasion iti awanan-
puot wenno artistiko a wagas kas kuna ni Walter Benjamin a The Aestheticization of Politics3.
Dagitoy ket simbolo a naregget a mangiwarwaragawag iti nasionalismoti nailian a
kanta, nailian a bannuar, nailian a simbolo, nailian a watawat, ken amin a nailian a ti-la-adda a
prominente a panangiparparangarang iti patriotismo iti agdama a regimen ken kinasiudadano
ngem saan met a mangted iti pudno a representasion dagiti amin a tao.
Kontrolen daytoy a fasistiko a nosion ti nasion-estado ti politika, kultura, pammati ken
dadduma pay paset iti naintaw-an a kapadasan. Ngarud ti kapanunotan a: siasinno wenno ania
man a tignay kontra iti nasionalismotignay a di met maikkat iti pluralistiko a realidad ti
Filipinasket rebelion.
Saan ngarud a nasken ti esensialistiko a panangpadapadatayo kadagiti simbolo ken
kapanunotan gapu ta dagitoy ket manglapped iti wayawayatayo a mangpaksiat iti nadumaduma a
dana a no ar-arigen ket kayo met a mabalintayo a pangalaan iti napintas a bunga.

Dagiti nota:
1
tinnawen a rali ti Partido Nazi manipud 1923-1938
2
One People, One Empire, One Leader kalatakan gapu ta maulit-ulit a slogan dagiti Nazi
3
Maysa a Aleman-Judio a filosopo, kritiko ti kultura, ken mannurat

Nota:
* gagangay a riro dagiti tao iti Filipinas kas Paulo iti nailian a kanta, Lupang Hinirang. Inusar daytoy ti
nagsurat kas simpatia a saan a balikbaliksen daytoy a kanta ti pudno maipapan kadakuada