Since 2006 ZAM Information Department
ZAM Hotline
Thupuak
informing people, transforming lives
Volume 12, Issue 02 ...not to be served, but to serve (Matt 20:28)
PATE NI LEH NUTEEK PA TEEK
Nu leh Pa lo a piang leitung mihing omlo ahihman in Ipu Ipa
ten, Singhawm suanghawm aa piang kuamah omlohinaci uh
aa, khat leh khat kithupi simding acihnopna ban ah, tua sang
athuk zaw ahi, piansakna(creation),kimawkpianlo hi, hong pi-
angsak Khat (Pasian) omhi cihna hipahhi. Theology thuthukpi
ahihi. Hih lungsim pua, hih lungsim anei, Zomite, hongpiang-
sak Pan minam khat a hong bawlcil in, tuni tuhun a Laisingtho
Piansakna ihsung ah hong guankhin ahihlam kilanghi.
Tuadungzui in, leitung miten Pate pahtawina NI ihneihtheih
pen alungdam huai mahmah ahihi. Ipianna Pate pahtawina a
nei hih leitung leh Vantung gambek hiding a, a angtan huai
mahmah ahihi. Leitungdang te in neilo uhhi. Nute pahtawina
ahih leh Vantung ah zong kibawllo in leitungbek ahih manin, a
manpha mahmah cihna ahihi.
2010 tukum in leitung aa hong kipiansak zawh kum 55 kapha
a, leitungbup tawh igenngam kei zongin Zomite lak ah, kazi
kata nangawn in angahloh Pasian tungpan hamphatna Thu-
pha lian angah ci-in kakigen ngamhi. Banghanghiam cihleh
kum 55 kaphakdong kaNu leh kaPa in ong nuntaakpih, mit
ciim, bilpil, lungsim pil lai a, tuabang Thupha mikim in kingah
kim khollo hi. Kei sangin ka U pi kum 62 apha pen Thupha
ngahzaw hilai ahihi. Topa minthanna hita hen.
Khatvei, Tedim ah khualam papi meltheih khat tawh kaki ho
kha aa, Nang zong nanaupangte, USA aa om khat om hilo
ahia? kacihleh, Ommah hiven tuate khakuun huai lel, kha-
kham veina hilel ee, genvet ding hikei hong cihsan aa kakan
kikkik leh, asawtnailo lai in India lam tawn in hongciah aa aPa
kiang kihillo, baanglo in, azi leh atate omna Kawlpi delhsuk
suak ci-in katheihi. Khakuun huai takpi ka sahi.
Khatvei mah Singapore zatopi ah cina gimsimsim khat kaveh
leh, kacina vehpa hong gim, hong kipan tawm biangbuangin,
abei kuanciang, KaNu leh kaPa tung nathum sak un, hong ci
aa, Tuni dong sumlepaai bangmah puak zolo hing hongcihi.
Ka lungsim sungah, gamdang aa sum thalawh aa tutanvei om,
NulePa tung dangkasan peekkhat zong puaknailo cihbel thu-
um a patvet ding zong hikei, Kawlten, Leitung gik tuamsak
lel, kimanna neilo acihte nahihman in asi hakzaw hiteh kaci
simsimhi.
1970 pawlmah in Zomi sumbawl masa khat khanglaipi in hong
sivat aa, sigalte kiho sim kazak ciang ahiding mah hi kacihtha
hongsuak hi. Amah pen a innkuan sung vuah, sum muthei pen
ahihna tawh kizui in aNu, aPa leh asanggam a-u, anaute tung
ah kiphasak mahmah, simmawh mahmah hihtuak aa, heh
nading zongden in, ahehciang, Zongeina zong ahihetlo Kawlte
hehciang aa kisimmawhna aa azat uh azummawh nangawn
aNu, aPa mai ah leemngam hihtuakhi. Ipianna iNu, iPa mai aa
zummawh lakngam mipa bel iplah huai hetlo mawk mahhi.
Hihbang aa thusia theihsunsun, tuahkhak sunsun ikaihkhopna
in hici gamtat kha hetkei ni ikicih nopman ahihi.
Khatvei mah Singapore pan aa ciah tangvalno khat, Ygn atun
teh, khualzinna tawh gim, ihmut cimlo ahih manin, tutphah zal
tung kingam (lum) kawm, mitsi kawm leh akhe khaam hiding hi
ven akhe asanglam ngato kawmin, innlam a om aPa phone
tawh hopiha, tua laitak naupang ten, gamdang pan ama cam-
era ken mah tawh maan (photo) nala kha uhhi. Innlam a Nu
leh aPa kiang tung, avanpuakteng leh a maan(photo) puak
teng vel ngeingai a om laitak un, Ygn atun ni a aPa tawh akiho
ZAM Thupuak pen leitung muntuamtuam aom Zomi khempeuh in asimtheih dingin www.zomidaily.org website ah ki koihden hi.
016-293 9027
ZAM Office
03-2142 6659
Email:
zomiassociationmls@gmail.com
18 June 2017
laitak aa a omdan aPan amuhteh, Suan Kim, hih Ygn nong
tunni aa kei tawh ihkiho laitak aa na omdan maw? ci-in dong
pah aa maan sung ah ani, anai kigelh himawk ahihman in nial
theih omlo hihtuakhi. A Pa lupna khansung lutpah liana, aNu
a kipan a unau teng un athuum takteh, Nidangciang kei kahi
a, naNu ahizongin, nagei ah ka om uh a ka om kei-uh zongin,
ihkiho a, ko tawh kisai kizopna khatpeuh nasep, nabawl uhteh
hibang tutdan, khawldan za nuamlo hing, ko, note hiciciang
a hopih ding hilo hi-ung, lungsim takpi tawh nong hopih nop
kei uhleh hong hopih dah zaw un kici pah uh hihtuakhi. Hi
kasa mahmah hi. NulehPa muhna bek aa kihoihsak ding hi
zenzen lohi. Nu leh Pa lungkimna sum leh paai zong na hi
khin pah khollo mawk mahhi. Avaang uh tanding ahihi.
Ka Upipa kum 62 aphaak ciang nasep tawlnga aa, Kei pen
ka tate kazon, kavaakna in katha kangal beitahi. Tua ahihman
in ka tate ading Pa hoih kakici theihi. Ahihhang kaNu leh ka-
Pa ii tapa hoih kahih nading in ta hoih kaneih kisam hi ci aa,
hi kasa mahmahhi. Pa hoih hihding athupit mahbangin tahoih
hihding thupi zaw laihi
Nute, Pate pahtawi icih pen amau pahtawi ihi kei a, ei leh ei
kipahtawi ihi zaw hi. Khatguak nasep hilohi.
Khatvei, sang a sang sia ka sep lai, sangnaupangte khat in ak
gualno khat hong puak a, nuamlua kahihman in kakhawi leh
khanih, khathum khitteh hong tui hi. A tui masa nambat 1 ci-
in kaciamtehhi. Azingteh khat hong tui leuleu in 2 ci-in kaci-
amtehhi. Athumna hong tuiteh, akhatna leh anihna la in, kaNu
leh kaPa akhatna pia in, ka Panote nupa anihna kapia uhhi.
Alungdam dan uh ka mangngilh thei keihi. Aktui tang 100 lei
in kapia zongin tua zahin nuamlo ding uhhi. Ne le uh zong
khamtaak ahilo aktui pum khat hang aa anuamna uhpen, a
aktui hilo in athu ahihi.
Tua ahihman in, ZIS kikhopna ah tukum Nute Ni in, INu, I
Pate pen anlim tuilim tawh nungta hizenzen lo-in, huih tawh
anungta ahihi kacihi. Hong kinuihsan hi. Ngaihsun kikkik hi le
hang NulehPa lungdamna pen, sumlehpaai neih leh lam hi
khin khollo in, athu hi aa huih ahihi. Khemna huih hilo in zah
taakna, pii bawlna, itna huih ahihi. Ahamsa hihetlo hi.
Kawlte paunaak ah, Nupa kop khat in ta 1000 vaak zo aa, ta
1000 in Nu leh Pa kop khat vaak zolo uhhi naci hi.
Zomi ulehnau kong hanthot nop in, NaNuteek, naPateek
neekding nazi nata tawh kisut liang mah in nakhen khiat kei
leh bangmah napia zo ngeikei dinghi. Hihbang kacih ciang
ihzi ihta in pia nuamlo, gitloh sakna hiloin tuazah dong a thupi
ngaihsutding kacihnopna ahihi.
Zomi pasal pawlkhat in asung, apu (azi nu leh pa) pen Nu leh
Pa in simlo in etding ngaihsunlo, zi lel akicihding patauh ngaih
sutkha uhhi. Ngaihsut khialhna lian mahmah ahihi.
Nuteek, Pateek bangmah sem zo nawnlote, ei atu, ata ten en
kei lehang kuan en aa ummawk ihihiam? Tuate neek ding
dawnding, vaihawmsak kei lehang kuan vaihawm sak aa um
ihihiam?
Gamdang ah sum thalawhin ka om a, kha sum kasan a kipan
kaNu, kaPa kakhakdenhi. Zong akisim theipian kahihi. Khat-
vei inn lam ciah in Nuteek, Pateek tawh tawmvei ka omleh,
ihNu, ihPa te ateek uhteh agenhak zia uh kigen theilo hi. Ei
zong teek in ihkum tamleh akituaci luading ahihi. Anneek ding
nanagwn ne nuampaklo in zolzol akuul uh nahimawkhi. Tua-
tawh kizom in kangaihsutna hong kilamdangsak lianhi. Azen
zen in kaNu kaPa in, Zinkhia nawn kenla ko hong ompih in
hongci hileh bangtanvei kithuah in, kangeek bawl zotam ci-in
kei leh kei kakidonghi.
Kei pen kasanggam numei nih kaNu, kaPa keemding omthei a,
tuate thupitna, alungsim duaiziate uh kei sumkhak sang thupi
zaw ahihna kaphawk phaphahi. Tuate hang a kaNu, kaPa tutan
vei anungta na hizaw aa kei sum khak hang nahihetlo zawhi.
Kei pen sum thalawh kahihman a sumkhak kahi a, kasanggam
te pen sum ngahtaleh ngahtakei leh Nu leh Pa keem ahi uhhi.
Zomi ulehnau, innlam aa ihNuteek, ihPateek hong kepsak, ih-
sanggam, ihzi, ihta te ei sumzong paaizong tesang thupi zaw
kaanlai ahihlam mangngilhkha hetloding hihang. Adiakdiak ei
pasalte kipasal sakna anuihzaak huaipi nahi mawkhi.
Khatvei, nasepna pan ciah, kasung nuamlo, ka awnghawh tha
suakkawm in inn katunghi. Ka Nun hong dawn a ka kiho kawm
kawm un, ka omdan man saphalo hiding hiven, Na dailen tha
suak ahia? hongci aa, Hidihdih veh aw kacihi. Ka taten lam
dangsa mahmah uh a, Pi, nang bangci theih nahia? ci-in dong
ngeingai uhhi. Ka Nun atute kiang ah, Leltak, nasuahtung
vuakipan, mitkhahlo aa ih hong et gige hiven, na omdan uh en
lehang akithei lel veleh cihsan aa, atu ten lamdangsa mah-
mah in, Pi, nang na tate it taktak ciai ci-in nui ngeingai uhhi.
IhNu iPa ten hawmthawhna tawh mitkhahlo aa hong encik gige
ahihmanin, hong tel mahmah uh himawkhi. I hihbangbang hong
naak tel lua mahmah ahihi. Sum zong paai zongin ih omciang,
amau khutsung ah ih-ap lohhang ihngahzah athei lua mahmah
uh nahi a, hop noploh man, piak noploh man a angahlo kineih
khakding hilohi. Thei lua mahmah mawk uhhi.
NulehPa ahai mahmah zongin tate khem zawhding hilo a, a
theilo akineihbek uh ahihi. Tua pen akhemsawm tate ading gu
suakhi. Khemtawh patkhak vetding nahihetlohi.
Zomi ulehnau in tuni aa kipan ihNuteek, ihPateek zahtaak,
thupi bawl, it, khemsawm hetloin lungkim sakding hanciam ding
hihang. Khansauna Thupha ahihi. Adiakdiak gamdang ihtun
teh, gamdangte tatzia in ta mawkloin, ih Zongeina limcite khah
suah loding hihang. Nu leh Pa ompih aa, vaaka a zawng om-
nailohi. Nasep manlah in Nu leh Pa ompih manlo, Piteek,
Puteek kepna ah puakziau cihte zuaupi hi aa, puaksawm kei
peuh lehang tua hangin puuksi hetlo ding hihang.
Tuni aa Nuteek, Pateek limbawllo khat in nateekteh ong kilim
bawlding lam-en kha kei in. Ihvawh bangtek in atding hihang.
Zongeina ah, Nuteek, Pateek pen upen, innluahte etding vil
ding kisa kha aa hizenzen tuanlo hi. Nuteek, Pateek pen ta ihih
naakleh etding hi a, uzaw, innluah cih gengenloh, numei, pasal
kikhen ding thu hilohi. Ta ihihnaakleh etding ahihi. Tam ngah
ten tam etzo ding a tawm ngahten tawm etzo dinghi. Thupha
akibang ngahciatding ahihi. Etzawhzah athupi hilo a etnopna
lungsim athupi ahihi.
Nu leh Pa akhasia saklodingin Pasian in hong siam ciat tahen.
Hih ihPi, ihPute agilvah, akhangno suah masiah, ih Zogam
khangno suah in, alei hoih ngeilo dinghi
PU Hang Khan Lian
UN ZUM PAN PHONE HONG KI SAP CIANG: UN zum pan
phone hong kisap ciangin koi department pan hong sam, bang
vai in hong sam cih hoihtak dong cian phot tangtangin. Bang
mah kitel cian lopi in zum ah ih pai ciangin ih hun mawk bei thei
hi.
DHS KISAM SAM TA : OPE/RSC mansa DHS a ngak a om te
na phone uh hoihtak len un. DHS pan interview ki samsam ta
hi. June 19 ni pan in DHS interview ding te Special Verification
Process Investigation(SVPI) in hoihtak sitphatna nei ding ahih
manin DHS interview ma in navai tawh kisai kikuppih theih ding
te hoihtak kuppih hamtang in.
ZAM ZUM AH HONG HAWH : Rev. Dr. Tun Tun, Senior Pas-
tor-Terbanacle Joy Assembly Church
leh a lawm te ZAM zum ah hong
hawhin thunget sakna leh thapiakna
hong nei uh ahihmanin kilungdam
mahmah hi. Topan siapa thupha
hongpiaksak in hongzang semsem
tahen.
ZAM PALAI 2017-2018 TENG
1. Sia Khoi Sian Tuang Lutang pi
2. Sia Gin Go Mang-Lutangpi huh
3. Sm Ning Ngaih Hau-Thuvan pi
4. Sm Zam San Cing-Thuvanpi huh
5. Sia Joseph Tuan Sawm Tuang
Sumkem
6. Sia Kap Za KhupSum lai at
RSC/UNHCR TE ZAM ZUM AH HONG HAWH DING : UN te
ZAM zum ah 21-06-2017(Wednesday)
10:00 AM-2:00 PM kikal hong hawh ding
a, tua sungah UN vai, RSC vai, min
kitaih vai cih bang in vai tuamtuam dot
nop a om leh kidong thei ding hi. A hun
tampi ngah loh na tawh kizui in mi(5)
ciang bek thu dong thei ding ci ahih main
dotnop na neih leh hong tung baih lecin
kician pen ding hi.
UNHCR AH KAMLET DING ZOMI MAH NA TEL UN: Inter-
view na pai ciangin Kawlpau, Mizo pau cih te sangin na pi-
anpih kampau mah telzaw in. Zomi kamlet hong zon sak un
na cih nak leh pello in hong zon sak pah ding uhhi.
redONE SIM CARD KILEI THEI DING : RHB Insurance te vai
hawmna tawh UN card a tawi khempeuh in redONE sim card
19-06-2017(Monday) ni pan kipan in kilei thei ding hi. Sim Card
khat ciang in RM 10 hi ding a, redONE leh redONE ahih leh
free call kingah ding hi. A dang sim card te na call leh minute 1
ciang in 0.16 sen hi ding hi.
INSURANCE CARD BAWL HAMTANG IN
UNHCR Cidamna lampan apulakna ah RHB insurance com-
pany tawh Operation tampi ki bawlkhin ahihmanin insurance
bawl nailote limtak hanthawn a bawlsak ding hi, tua hikeileh
gal taite kibawl zolo in mi tampin sih lawh khin ding cihi. Tua
ahih manin sum namawk beisak sangin ih muh kholh theih
loh Ih mailam ding kikhual kawm sa in RHB Insurance leh
ZSM Genvai te limtak ngaihsun in. Kuamah kiang leitawi lo/
Pawlpi, khua leh tui buaisak loin, ei leh ei I hih theih nang
ahun omlai in ki khual ciat ni. RHB Insurance card a leisa te
in zong na card uh tettan a bei ZAM zum ah kibawl thei hi.
KIMAT KIHEN NA TUAHKHAK LEH
ZAM member te kimat kihenna tuahkhak uh leh Sia Tuang-
pu: 016 254 4093, Sia Go Mang: 018 202 1216.
THONGLAM BUAI PIH TENG
1. Mang Thawn Kim(Tuivial) Serdang IPD ah buai pih
2. Khual Kim Sing(Tuivial) Serdang IPD ah kibuai pih
ZATO VAI BUAIPIH TENG
1. Cing Ngaih Nuam Ampang Hospit
2. Zam Niang(Khampat) HKL ah kiveh
3. Suang Za Khup(Suangzang) HKL
4. Thang Suan Khup(Vanglai) HKL
5. Niang Ngaih Nuam(Lungtak) Sungai Buloh
6. Kap En(Tuizang) Ampang Hospital
7. Dim Ngaih Mang(Nahnuai) Sungai Buloh
ZAM MEMBER TE A DING NASEP
HONG KONG RESTAURANT
Khasum 1100++, An leh omna pia
Nasep hun :10AM to 10pm (Sun nai 2 sung khawl)
Kal khat khat vei off. ADDRESSsunway pyramid(Pasal 5
kideih)
RESTAURANTS ZOK NOODLE HOUSE
Khasum :rm1200, UN Card nei mi (2) kideih hi.
Nasep hun : 10 hours. Kal khat khat vei off
Omna pia, Ann pia, Place: kota kemuning, Shah Alam
Zato vai leh nasep vai ah kizop na ding Contact : Sia
Khuppi 016 3838 014, Sm Cii Cing 011 1282 8482