Eldin john t. abella stem a mr.

plas
06/20/17

Tore ng Babel
NAGDAAN ang maraming taon. Ang mga anak ni
Noe ay nagkaroon ng maraming supling, kaya di nagtagal
at kumapal ang tao sa lupa.

Isa sa kanila ay ang apo-sa-tuhod ni Noe na

nagngangalang Nimrod. Siya ay isang masamang
mangangaso na pumatay ng maraming hayop at mga tao.
Ginawa rin niyang hari ang kaniyang sarili. Galit ang Diyos
kay Nimrod.
Noon ay iisang salita lang ang ginagamit ng mga tao.
Gusto ni Nimrod na magsamasama ang mga tao para
mapagharian niya sila. Kaya sinabi niya sa mga tao na
magtayo ng lunsod na may malaking tore. Tingnan mo sila
habang sila ay gumagawa ng tisa.

Hindi ito nagustuhan ng Diyos na Jehova. Pero sinabi ng

mga tao: Magtayo tayo ng isang lunsod at isang toreng
mataas upang ang taluktok nito ay umabot hanggang
langit. Tiyak na magiging tanyag tayo! Gusto nila na sila
ang hangaan, hindi ang Diyos.
Alam mo ba kung papaano pinatigil ng Diyos ang mga
tao sa pagtatayo ng tore? Bigla niyang ginulo ang kanilang
wika. Hindi tuloy sila magkaintindihan. Kaya ang kanilang
lunsod ay tinawag na Babel, o Babilonya, na ang ibig
sabihin ay kalituhan.
 Dahil dito umalis ang mga tao sa Babel. Ang mga tao na
parepareho ang salita ay nagsamasama para manirahan
sa ibang parte ng lupa.
 Eldin john t. abella stem a mr.plas
06/20/17

Tore ng Babel
Inilarawan sa Genesis 11:1-9 ang Tore ng Babel. Pagkatapos ng
Baha, inutusan ng Diyos ang sangkatauhan na magparami at punuin
ang mundo (Genesis 9:1). Ngunit nagdesisyon ang sangkatauhan na
gawin ang salungat dito: Ang sabi nila, Halikayo at magtayo tayo ng
isang lunsod na may toreng abot sa langit upang maging tanyag tayo
at huwag nang magkawatak-watak sa daigdig (Genesis 11:4).
Nagdesisyon ang sangkatauhan na magtayo ng isang malaking
siyudad at manatili doon. Nagpasya din sila na magtayo ng isang
higanteng tore bilang simbolo ng kanilang kapangyarihan, at upang
gumawa ng pangalan para sa kanilang sarili (Genesis 11:4). Ang toreng
ito ay nakikilala bilang Tore ng Babel.

Bilang tugon, ginulo ng Diyos ang wika ng sangkatuhan upang hindi

nila magawang makipagusap sa isat isa (Genesis 11:7). Ang resulta ay
nakisama ang mga tao sa iba na ang wika ay kapareho ng kanilang
wika at kumalat sila at nanirahan sa ibat ibang panig ng mundo
(Genesis 11:8-9). Ginulo ng Diyos ang wika sa Tore ng Babel upang
ipatupad ang Kanyang utos na kumalat sila sa buong mundo.

May ilang nagtuturo ng Bibliya na naniniwala na nilikha ng Diyos

ang ibat ibang lahi ng sangkatauhan sa Tore ng Babel. Posible ito,
ngunit hindi ito itinuturo sa teksto. Tila mas kapanipaniwala na ang
ibat ibang lahi ay naroon na bago pa ang pagtatayo ng Tore ng Babel
at ginulo ng Diyos ang kanilang wika base sa kani-kanilang lahi. Mula
sa Tore ng Babel, nahati ang sangkatauhan ayon sa kani-kanilang wika
(at posibleng ayon sa kanilang lahi) at nanirahan sila sa ibat ibang
panig ng mundo.

Inilarawan sa Genesis 10:5, 20 at 31 ang lahi ni Noe na kumalat sa

sanlibutan sa kanilang lahi at wika, sa kanilang teritoryo at bansa.
Paano ito nangyari gayong hindi pa ginugulo ng Diyos ang wika ng
sangkatauhan bago itinayo ang Tore ng Babel sa kabanata 11 ng
Genesis? Inilista sa Genesis 10 ang mga lahing nanggaling kay Noe
mula sa kanyang tatlong anak na sina: Shem, Ham, at Jafet. Inilista din
dito ang kanilang lahi sa ilang henerasyon. Dahil sa haba ng kanilang
buhay ng panahong iyon, (tingnan ang Genesis 11:10-25), ang talaan
ng angkan sa Genesis 10 ay posibleng nasasakop ang may ilang daang
taon. Ang salaysay tungkol sa Tore ng Babel na itinala sa Genesis 11:1-
9 ang nagbibigay ng detalye tungkol sa panahon kung kailan ginulo ng
Diyos ang wika ng tao. Makikita natin ang ibat ibang wika sa Genesis
10. Ipinapakita naman sa Genesis 11 kung paano nagumpisa ang ibat
ibang wika.