Tigsik ko ining si Imelda Marcos

Dai nauuntok sa saiyang mga sapatos

Sain baya siya nagkukua ning pang-gastos?
Eh, mas mayaman pa saiya ang mga para-limos

Tigsik ko sakuyang mga barkada

Kang inot akala ko mga santa
kang nabistado ko garo palan kasta
Diit na lang mapagkamalan mga bua

Tigsik ko sakuyang kurso

Na ang pirming hinahagad Otsente de Kwatro
Akala kang iba pano ang utak mi ning numero
Pero minsan, iniisip mi man lang si titser ming gwapo

Tigsik ko kitang mga Pilipino

Saro man lang satuyang motibo
Ini ang kita maging progresibo
Pero pano ta ni magigibo
kung nalalaway na tulos kita sa sang ribo

Tigsik ko ang satuyang buhay

Gusto ta ni maging hayahay
Kaya pwerte mana ang pag-igot tang maray
Dawa minsan nagigi ng bublay