Zo Phualva

Vo l u m e 0 2 , I s s u e 0 6 Thupuak March 17, 2012

Thahatna hi lo, vangliatna zong hi loin keima Kha hang ahi hi. Zech 4:6
CHRISTIAN TE PASIAN IN PASIAN MAAN TAKTAK HI
Ni dang lai-in, khua khat ah mihingte leh Tawmite kihel
in tengkhawm uh hi, cih tangthu khat om hi. Mihingte in
Tawmi nungakte ngai in, Tawmi tangvalte in zong mihing
nungakte ngai thei zel hi, ci uh hi. Khatvei Tawmi tangval
hoih mahmah khat in, mihing nungak hoih mahmah khat
ngai a, nungaknu in, Tawmi ahihlam thei lo iin, kiteeng kha
uh hi. A lupkhawm cilnii zan un, Tawmi pa in, azi kiangah,
Lawm aw, nong kawi ciangiin ka kawng nuaisiah hong
kawi ken maw cingiau hi. Nungak nu zong bil pilpah gige
aa, alawmpa ihmut khit ciangiin, damtakiin akawng nuaisiah
ava zawt khialkhial leh, mei nei zelzal mawk aa, amah zong
kangtakiin thokhia iin, zuntha ding bangiin kibawl in, a inn
lam uah ciahpah vingveng hi, ci hi. Tua numei pil ahih
maniin suakta hi, cih tangthu tomno khat om hi.
Tua mah bangiin Pasian bia mah hi veve napi iin, dawi
deihna zui ahipawl om aa, tuate pen, Pasian deihna bang-
bang azui nuam takpi pawlte tawh kihel zau iin kiteng hi. Tu
a kong thugen ding pen, Pasian deihna bang ahi hiam? ci-a
zonkhiat nopna takpi tawh kigen ding ahih ciangiin, hibang
thu kigen zelnate ah, Pasian deihna bang taktak, azongkhia
nuam se khol lo, a pawlpi omsa maan in maan takei leh akip
nading ahanciam veuvau pongmawk mi pawlkhat om zel aa,
tua bang mite in, "Hi thu kigente vangai sedah un," ci-in
alawmte khamm thei hi. Tua bang a khamm a om leh, LST
thu pen thuthuk aa theihhak ahih man iin, vangai kei leng
bangci theihtheih mawk ding ihhi hiam? ci-in kisittel huai
hi. Banghang hiam cih leh, tua amikhamm pawlte in, a mei
akilawn khak ding alau nahi hamtang ding hi.
Minam khempeuh in, Pasian na neitek lel uh hi. Amau
theihna sunga alian penpen ciat Pasian ci-iin na minvawh
tek uh hi. Tua bangaa Pasian ci-aa aminvawh tek tei uh
hangiin, amau Pasian mah pen, azia atong bangmah thei se
lo uh hi. Amau Pasian mah pen bangcia-aa lian aa, bangzah-
aa vanglian aa, bangteng bawl-a, bang zah iin hau-aa, koi
gam teng ukaa, cihte thei se lo uh hi. Phoneciate bangin
Adonai na ci aa, tua pen tanglai-a pau om masate
Persiate in, Kuros, Muslimte in, Allah, Hindute in,
Khuda, Kawlte in, Phaza, Mangte in, God cih bangiin
Pasian cihna nanei tek uh hi. Ahih hangiin Khristiante
Pasian pen bel, Piangsakpa Pasian hi aa, 1Kor 8:5 in, Pasian
a kici tam aa, Topa a kici tampi om ahih hangiin, amaan
Pasian taktak pen khatbek om hi. Rom1:25-ah Mihingte in,
amau piangsakpa Pasian thei lo uh ahih maniin, apiangsakpa
nusia iin, aki piangsakte biazaw uh hi. Rom1:22 ah, Amaute
kipilsak mahmah laidepp uh aa, akip Pasian ai-awh iin,
milimte peuh biamawk uh hi. Rom 3:29 ah, Pasian in, Jew-
ste Pasian bek hi lo-aa, mipawl khempeuhte leh muhtheih
muhmawhte khempeuh Pasian hi zaw hi. Tua hi aa, ei theih
baih nadingiin, amaan Pasian pen, piangsakpa Pasian hi.
Ama deihnate LST sungah hong kigen aa, tua Pasian pen,
Pasian maan hi, cih ih theih phot kul ding hi.
Hi mah hi. Khristiante in, Pasian in, nakhempeuhte pi-
angsak hi, ci-iin um uh hi. Akipatcil iin, Pasian in khuavan-
nuai khempeuh bawl hi. Gen1:1. Vs 3-5 ah, Amasa iin khua-
vak bawl hi. Vs.6-8 ah, Khua-kawhawm bawl hi. Vs.11-13
ah, Khaicite bawl hi. Vs.16-19ah, niite, khate, aksite bawl
hi. Vs.20:23ah, Huihlak ganhing leh tuisung ganhingte pi-
angsak hi. Vs.2:2,3. A ni 7 nii pen tawlnga iin, thupha pia
iin, siangthosak hi. A bawlsate khempeuh enkik aa, tua nii
pen thupha piakna nii in zang hi. A bawlsate uh'n zong,
Amah a biak nii ding uh, amaute piangsakpa aphawkna nii
dingun, atuam vilvel in sehkhia hi.
Ex20:8-11 ah, Ni 6 sungin nasep ding khempeuh sem
inla, ahih hangiin ani 7 nii pen, na Topa Pasian Sabbath nii
hi aa, siangtho takiin natang ding hi. Banghang hiam cih leh
Topa na Pasian in, ni 6 sungin van le lei leh tuipi leh asunga
om khempeuh bawl khin aa, ani 7 nii pen tawlnga-iin, siang-
tho sakiin, thupha pia hi. Tua ni in, nang akipan, na tate, na
nasemte, na zinte, leh na ganhingte dongiin bangmah na sem
sak kei ding hi, ci-iin Upadi sawmte sungah aliina in na
guang hi. Hi lai sim mimal khempeuh Topa kilam thakna
hong suaksak tahen. Kimnu/nunu

LEITUNG MIPILTE LEH LAI SIANGTHO

Piansak nate leh leitung piancil tawh kisai in, leitung mipil (scientists) te gen a khial khin kei
kha tam maw? Lai siang tho genna tawh a kituak lo bang teng om ahi tam?
Atam zaw Christiante upna ah leitung pen Topa Jesu maa kum tulli in, kibawl cih pen i um
hi. Tulai leitung mipilte in lah leitung pen tumaa kum awn tul 16 (billion16) iin piangkhia hi,
ciin gen ven. Piancilna 1:1,2 ah A kipat ciliin PASIAN in vantung le leitung piang sak ciin gen; a
neu nih ah leitung in, lim-le-meel neilo, a awngthawlpi hi, ci-in a ban ah sim leng tuipi tung
teng ah khua mial bekbak iin Pasian kha na sem [or] taang ci.
Job 38:9 ah "Meei tawh tuipi atuam cippa keimah ka hi hi." cin na at hi. Akipat ciliin van-le-
lei piang sak ci-in bang tan khawl cih kuamah in theilo hi. Lai siangtho in zong na-at tuan lo hi.
Cihnopna ah nii, khuavak te abawl ma in, leitung om khin bawl khin hi, cih pen, Lai siangtho
tungtawn iin teltak iin ih thei hi. Tg. Mungno / TeTe
 KAAL SUNG NASEPTE
Sabbath Thupuak: March 3, 2012 Sabbath hunpi ah
Church Elder, Sia Pau Suan Khai in, Kei Adingin Tam Lua
Hi cih thulu tawh Zechariah 4:6 Lai siangtho mun siksan
iin, kha an vakna hong nei hi. March 10, 2012 Sabbath pen
Church Pastor SB Ngaih Cin in, Babylon Pan Hong Pai
Khia Un cih thulu tawh Revelation 18:4 siksan iin, han-
thotna nasia takiin hong neihkhit ciang, khe kisilsakna leh
nekkhawmna hong makaih iin, mi 84 hong kihel thei hi.
Thupha Dawhna Kinei: Michigan, USA aa om Pa Vungh
Do Thang te innkuan iin, Nu Langh Gel Cing tui kiphum
lungdampihna leh pawlpi mite itna tawh March 3, 2012 nin
Sabbath sun-an, aksa le avot tawh hong vak uh aa, Assistant
Pastor Dr. Cin Sian Pau in, thungetsakna hong nei hi. March
10, 2012 nin Michigan, USA aa om Mangno & HoHote
nupa, Pa Pau Sian Thang, Tg. Pau Sang, Pa Cin Sian Gin &
Nu Niang Lun Mangte nupa in, Topa tung lungdamkohna in,
Sabbath sun-an hong vak uh aa Church Pastor SB Ngaih Cin
in thungetsakna hong nei hi.
Cina Vehna Kinei: March 3, 2012 Sabbath kikhop man
ciang Assistant Pastor Dr. Cin Sian Pau, Sia Paa Khai, Sia
Mungno, Pa Vungh Khan Dal ten Kepong Jusco ah vapai in,
cina Tg. Hau Khan Hang (TB natna), motor accident Pa Tuan
Khan Mung (Anlangh) te vapha iin, thungetsakna vanei uh hi.
March 13, 2012 nin Sia Mungtong & Dr. Cin Sian Pau in,
HKL Zatopi ah cina Zam Khen Kim (Zangtui), le Zo Kham
(Anlangh) te vaveh iin, thungetsakna vanei uh hi.
Church-Board Meeting Kinei: March 10, 2012 Sabbath
ni 6:00pm-6:30pm sung PWTC Biakinn, Chowkit KL ah
Church-board meeting kinei aa, mi 16 hong kihel thei hi.
Cheras Yulek Home-cell: March 5, 2012 ni 8:30pm in,
Nu Niangh omna, Cheras Yulek ah hunbit nasem Sia Mung-
tong & Sia Ngaih Cinte innkuan tawh veng kikhopna le
ankuang umkhopnate nopci takiin kizang aa, hong kihel mi
27 kipha hi. March 12, 2012 nii 7:30pm in, Nu Thian Nuam
omna ah Sia Mungtong, Sia PaaKhai, Lia LaaLamte tawh
veng kikhopna nopci tak kizang leuleu aa, mi18 kipha hi.
Amasa pen Youth Meeting: Amasa pen khangno kimuh
khopna le thu kikupna pen, March 3, 2012 Sabbath nitak 5pm
in Youth Pastor Sia Mungtong, Youth Sponsor Siama Deih
Man, Youth Leader Tg. KiiKim leh khangno ahi thei teng
tawh kinei hi. Abeisa hun aa, khangno hun zatdan leh music/
lasak dante etkikna kinei aa, mailam ah hanciam in, kipuah
phat tohtoh lai ding ki thukim aa, music tum dingte leh la
makai dingte kiseh bawl hi.
Sia Ngaih Cin te Innkuan Gamthumna Zuanta: A beisa
March 2010-March 2012 sung pawlpi kem (Church Pastor)
mun tawh ma hong pang Sia SB Ngaih Cin' innkuan (Sia
Ngaih Cin, Siama Aye Cing, Siannu, Khai Khai, Sangpi)
tetung lungdamna lianpi i ciamteh hi. Gam thumna aleenni
dongmah homecell te a kipan Pasian' nasepna ah citak tak leh
lawptak in hong sep nate thangah huai leh etteh thamcing
mahmah hi. Pawlpi upa, siate, Dorcas group, youth lampan
ahi thei tengin March 11, 2012 nitak in pawlpi min tawh tut-
pihna kinei aa hunzatna leh ankuang umkhopna teng a kiman
khit nitak 9:30pm in UNHCR zum ah vakha uh hi. 10:30pm
pawl in zum panin KLIA airport lam ah ding khia uh iin,
March 12, 2012 zingsang 3am in KLIA pan in leeng khia uh
a March 14, 2012 ni 2am pawlin cidam in Michigan, USA na
Seventh-Day Adventist Church
15-1-5 (1st Floor) Lorong Tiongnam 5
Off Jalan Raja Luat 50350 KL, Malaysia
Mr Cin Sian Pau, Church Pastor 017-329 1810
Mr Pau Suan Khai, Assistant Pastor 012-253 2273
Mr Tual Suan Mung, Youth Pastor 017-326 5747
tung uh hi. I Siate innkuan tungtang ah a kua mapeuh
hawmhau kisa in i lungleen mahmah hangin a sepkhiat na
lianpi tampi te hangin i angtang aa, i lungdam pih mahmah hi.
Topa'n a masuan vuah na mapi den tahen! Amen.
Damansara Damai Home-cell: A (5) veina Damansara
Damai veng kikhopna March 4, 2012 nii 7pm in, Pa Tha Lian
omna ah Sia Mungtong & Sia Ngaih Cin te innkuan tawh
nopci takiin kibawl a, mi 21 kipha hi. Hunteng manciang,
Siate innkuan tawh ankuang umkhopna zong kinei hi.
Hang Tuah Home-cell: March 6, 2012 nii 8:30pm in,
Siama Don Nuam omna, Hang Tuah ah, veng kikhopna nopci
takiin kibawl hi. Kamngah gen: Dorcas Numei teng, Lasakna:
Sia SB Ngaih Cinte innkuan, LST thusinna: Sianu Aye Cing,
Teci panna: Siama Sannu & Lia Siannute in, hong makaih uh
aa mi 23 kipha iin tha kingah mahmah hi. March 13, 2012 nii
8:30pm in, Sia Kai Sian Pau omna, ZIM ah kinei leuleu aa
kamngah gen: Sia Paupi, Pa Dal, Dr. CSPau, Sia PaaKhai, Sia
Mungtong; Teci panna: Laalam; LST thusinna Sianu, Nu
Vung te in, hong nei uh aa mimal 13 kipha hi.
Kepong Jusco Home-cell: March 7, 2012 nii 7:00pm in,
Nu Mang Lam Vung omna, Kepong Jusco ah Sia Ngaih Cin
te innkuan & Sia Mungtong tawh veng kikhopna banah
ankuang umkhopnate nopci takiin kizang aa, mi 23 kipha hi.
March 14, 2012 nii 7:00pm in, Pa Zam Nei Thang omna,
Kepong Jusco ah mimal 18 tawh kinei kik leuleu iin, Dr. Cin
Sian Pau, Sia PaaKhai, Pa Vungh Khan Dal, Lia LaaLam le
Sia Mungtong te va kihel thei uh hi.
THU ZAKSAKNA
Pawllutna Vai: Pawl lutna ah kihelna tawh maa pang
khawm ni. Malaysia om sung teng ding:- khatguak: Rm 20;
Nupa kop: Rm 30; Innkuan: Rm 50.
ZSM Vai: Zomi Social-welfare of Malaysia (Genvai Ki-
pawlna) ah kipawl tek ni. Mi 1, Kum 1= RM10.
Dr. Jane Yap Hong Pai Ding: Peninsular Malaysia Mis-
sion ah cidamna lam pan alianpen Health Ministry Director
Dr. Jane Yap in April 14, 2012 Sabbath ei kiangah hong zang
dinga, kha anvakna hong nei ding ahih manin akua maciat
kikhop theih sawm tek ni. Dr. Jane Yap pen aphadiak ah cina
te beklo, ei gambeel mite hong vei mahmah khat hi a, a kisam
bangin khasim huhna hongpia den khat ahi hi.
Fund-Raising Seminar Kibawl Ding: Madam Goh Cheng
Siew, Chartered Secretary Philanthropic Services Director,
makaihna tawh April 15-16, 2012 sung Conference Hall, PEM
Office ah Fund-raising Seminar kibawl ding aa, fund-raising
memberte leh alunglutte kikah thei ding hi.
Home-cell Zaksakna: Anii, amun le ahun anuai aa bang hi:
Nu Cing Suan Zam omna, Damansara Damai (Every Sunday)
March 18, 2012 6:30pm
Pa Dal SD Piang Omna, Cheras Yulek Veng (Every Monday)
March 19, 2012 6:30pm
Pa Vungh Khan Dal omna, Hang Tuah (Every Tuesday)
March 20, 2012 8:00pm
Pa Pau Deih Lian omna, Kepong Jusco (Every Wednesday)
March 21, 2012 6:30pm
(Theihsakna: Hun zatdan dingte ahun zui in update lai ding)
Lungdamkohna: Tutung Zo Phualva Thupuak tawh kisai
abei khempeuh Pwint Phyu & Tun Tun te nupa in, itna tak
tawh hong piakkhiat maniin, lungdamna lianpi ih ciamteh hi.
Topan athupha hong dipsak kik ta hen!
Produced & Distributed by ZAC Family
Zomi Worship Service PAI DAN DING:
Every Saturday: BUS > Chowkit Bus Stand
Sabbath School 10:30am MonoRail> Chowkit Station
Divine Service 12:00pm LRT Meileng> PWTC Station
Adventist Youth 2:30pm KTM Meileng> Putra Station
Groupmail: zomisdamls@yahoogroups.com