Nasaan ang pag-asa ng bayan? Bakit tila nagiging cancer ng lipunan? "Happy Anniversary Mahal" Yan ang turan ng isang menor de edad na may hawak na trapal May kasama pang bulaklak at letrang nakatapal Ako'y nagulat sa kanilang edad Labing apat na taong gulang, sa pag-ibig nakababad Perang pinaghirapan ng magulang Sa kalandian nilalaan May humamon sa kanilang anibersaryo Mayroong nagpost "Happy 6th Monthsary Mahal ko" Naku po ang edad, labing tatlo Ni hindi pa nga yata dinadalaw ng dugo Nauna pang umibig kuno kaysa magdalaga ng husto At syempre hindi mawawala ang mga pasikat ng todo May nahagip na naman ang galang mata ko "Happy 7th Daysarry Bh3 q0" Jusko ano na ang nangyayari sa henerasyong ito? May palobo at tsokolate pang nalalaman ang mga batang ito Uniporme pa ng elementarya ang kanilang baro Tila wala pang natatanggap na kahit anong diploma Pero kay jowa meron nang pacartolina Hindi rin talaga maiiwasan na may umeksena Minutesary at Just Nowsary ang mga ideya Tila tunay ngang kinain na ng sistema Mga kabataan paniwalang paniwala sa pagmamahalan nila Lakas pa ng mga loob ipangalandakan sa Social Media Akala naman nila may natutuwa sa kanila Mga iho at iha, kaysasakit ninyo sa mata Umayos kayo ng magulang ninyo ay matuwa Hindi yung pagpapagawa ng tarpaulin ang inuuna Makakapaghintay ang pag-ibig mga kapatid Pinapaalala ko lang at tila hindi mo batid Unahin mo munang magkaroon ng diploma Bago ka magpasikat sa iyong jowa Huwag mong ilagay sa una ang pagkakaroon ng kasintahan Dahil kapag iyan hindi mo tinigilan Malamang kasunod na nyan ang sertipiko ng kapanganakan Ng iyong panganay na hindi mo inaasahan Sana hindi ka maging dahilan upang magsisi si Rizal Tigilan mo na ganyang asal Sa murang edad maging mabuti ka na sanang mamamayan Upang hindi kami madismaya Sa maaaring sagot kung ang kabataan pa nga ba ang pag-asa ng bayan