ZO PHUALVA
Vo l u m e 0 7 , I s s u e 1 6 Thupuak
Thahatna hi lo, vangliatna zong hi loin keima Kha hang ahi hi. Zech 4:6
SABBATH IN PASTOR NU LUNGKIM NA PIA (Nung kal pan azom)
ELLEN WHITE LAIGELHTE KA
SIM CIANG KA KI PHATSAKNA
ONG SUKHA MAHMAH A, KA
PASAL INN AH A OM LOH
CIANG A SIMTHAM IN KA SIM
ZEL HI.
Soon-Ae Byun, 64, in Sunday Pasian huhna tawh South Ko-
tang pawlpi khatah kum 15 sung
Pastor sem hi. (Andrew
rea ah pawlpi phut in kum
McChesney / Adventist Mission) tampi ma ka pang hi. A cil in
mi tawmcik khat Pasian thu ka
hilh tohtoh na pan mi 40 bang ong pha to in mi honpi
khat mah ong kibbeh lap tohtoh teh, Pasian in Pawlpi
thak khat phuh ding ong makaih hi.
A hi zong in Pasian na ka sep laitak mah in, ka lung-
sim tawng ah akisam den khat a om tawh kibang hi.
Khanlawhna ding thu ki gen ziahziah na khawng ah zong
nuamsa mahmah in ka kihel zel hang, tua khit teh kasun-
gtawng ah lungkim taktak na ka nei zo kei hi. Tua ka
lungsim ong dimsak ding ci-in Theology khawng zong
kasin aa; ka pasal bang in hunbit Pastor khat mah kasuak
to hi. Hi mah leh ka Lungsim tawng khat dim thei nai
tuan lo hi.
Tua leh khatvei Seventh-day Adventist Laibu zuak
khat ka Inn ah ong paihi. Laibu pawlkhat ong pia aa, tua
aa kipan ka Pasal Adventist Pawlpi ah kikhop kipan hi.
A tuung in Sunday tang te biakinn khat peuh ah a ki
khawm ka sa lel aa, a nung teh a kikhop ni pen Saturday
ni hi gige cih ka phawk kik vat hi. Khatvei a zum sung
ka hah aa, Adventist te hun zatna Laidal ka mu aa kipan
koi ah va kikhawm hiam cih ka tel lian hi.
Tua ni in kam khat zong ka paupih kei hi. A
zingciang Sunday ni zong bang mah ka paupih nai kei lai
hi. Monday ni taktak teh Maitang kisi in..!!!
Nang Pasian nasem hilo nahiam? Bang acih leh tua
Cult te kiangah va pai laizang na hiam? Ka cih leh..
Nang a tel lo hi teh, amau Cult hi kei, A mau thu-
maan nei uh hi ci in ong dawng hi.
Tua teng ka zak aa kipan, ka pasal theih loh kal in
Adventist Laibu te ka sim khiankhian hi. Ellen G White
laibu te bang Laibu zuak nu in tampi mah ong piak kanei
uhhi.
Tua laibu te kasim ciangin ka kiphatsak na lungtang
ong sukha mahmah aa, ka lawmpa inn ah a om loh ciang
Aug 11, 2017
kasim den hi. Ka lawmpa khualak pan ongciah mawtaw
ging kazak ciang ong theih ding lau in laibu te a om na
mun ah kakoih kik samsam hi.
LUNGGULHNA KHANG SEMSEM
Adventist thupuakte ka lunggulhna ong khang sem-
sem hi. Laibu zuak nu in cidamna lamsang thusinna Ad-
ventist Biakinn ah ong zawn hi. Hih pen Adventist te
Cult ahih taktak na uh ka muh khiat theih nading lampi
hoih khat in ka ngaihsun zawsop hi.
Cidamna Lam thusinna ni tawm vei mah sawt hi. A
ni 3 ni khat bang, Sen-Korea nupi(Chinese-Korean)
khat in ka kiang ong nai aa, Pastor nu aw, hih pawlpi
pen miten Cult ci uh hi. Nang ee bang ci na ngaih sun
aa ong ci laizang hi.
Ken bel hi mah, maan mah a cinuam lua hi na pi.
Ka kam in agenkhiat tak teh Hi kei, Cult hi kei, Hih
pawlpi in thumaan nei hi, Laisiangtho Sabbath zong nei
uh hi. A na ci khia ka hi mawk hi. Bang cia tua bang
aa dawng laizang ka hiam cih zong ka ngaih sun zo non
kei hi.
Sen-Korea nupi nu in Pastor nu aw, ka tanu tawh na
pawlpi uh ah ong kikhawm nuam ung ong ci tak teh..!!
Hi lo, hi lo ee, ko biakinn gamla lua, Hih Adventist
Pawlpi ah na kikhawm zaw in; amau ong kemcing ding
hi ci-in ka gen hi.
A khua nungah hih Sen-Korea nu pen Adventist ah
tui ana akiphum lam ka thei kik hi. Kei Adventist pawl-
pi suak nai lo pi khat in zong Adventist Pawlpi mi ding
Kha khat a ngah ka hi mawk hi.
Cidamna Lam thusinna a tawp takteh, Sabbath Hunpi
a khatvei na ka va kikhawm hi. A koi munsantak pan in
hih pawlpi te Cult hi; cih ka muhtheih nading mun mah
ka zongzong laihi. A hizong in bang mah ka mu zo kei
hi. Adventist ten Laisiang tho pen kinai takin zui tinten
hi cih ka muzaw sop hi.
ZEISU KIANG PAN THUPUAK
Ka muanmawh na ka khawl thei nai kei hi. Kikhop
bang khawlbawl phot in Adventist te Laibu te in ah ka
simsim hi. Ka Pasal in zong Internet pan Daniel leh
Mangmuhna Genkholhna te en zel hi. Mangmuhna
genkholhnate pen Zeisu kiangpan aa ong pai Zeisu
thupuak te hi aa, ong kumkik ding ciang ih kigin kholh
theih na ding thu te ahih lam ka phawk saansaan hi.
Hih ka thu theih te midang te tung ah ka hawm sawn
nuam hi. Tui ka kiphum nuam hi. A hi zongin keizong
tui kiphum khin ngeisa kahih lam ka kiphawk kik hi. Ka
Pasal tawh tuipi geiah manpha tak aa tui a kiphum
khawm ka hi uhhi. Topa aw Kei tui kiphum ngei khin
ing aa, bang hang in ka kiphum kik ding kisam ding hi-
am? ci in thu ka ngen hi. Ka lungsim sungah Pasian in
ongdawng tawh kibang pian khat in, Nang tektek na
kiphum kul ding hi cih bang khat ong suak hi. 2016
kum bei kuan lamtak teh, khensatna khat ong nei sak aa,
Sabbath ka palsat na hangin mimawh ka suak aa tui ka
kiphum ding mah kisam hi cih kangaih sun hi.
Tua hun kiimpawl mah in, Adventist pawlpi mi khat
Sabbath nitak lam in ong hawh aa, Ka pasal kiangah
Tui na kiphum huai hi ci in gen hi. Ka Pasal in tua
ding thu ong ngenngen phot ning ci a; ahizong in kei
muhna ah thu bangmah ngetna ding vai zong mu non lo
hing. Ka pasal kiangah February kha 2017, in tui ka
kiphum ding acian ka pia suk ziau hi.
Tu laitak aa ka sunmang in ka sanggam dang 7 te in
Sabbath thumaan ong saan theih na ding ka ut hi. Ko-
rea gamsung vak kawikawi in athei nailo te kiangah Ad-
ventist thumaan leh Sabbath thu ka hilh nuam hi. Pawl-
pi te ka lamzawh na ding uh ka upna uh leh ko aa ding
mahmah in thungetna tawh ong panpih ciat un.
Tu in ahih leh , ka lungkim mahmah ta hi. Sabbath
thuman in Ka lungsim tawng aa akisam khat pen ong
kimsak hi. Zeisu sungah nuamna tawh ka ki dim hi.
LAI SIANGTHO SUNG THU TUMDANGTE:
1. Lai Siangtho English tawh hong teikhia masa pen John Wyc-
liffe ahih hangin John Purvey huhna tawh 1388 kum in kizo
siang hi.
2. Lai Siangtho sungah amah le amah a kisihbawl mi 7te: Zim-
ri, Judas, Abimelech, Ahithophel, Samson, Saul le a thal tawipa
ahi uh hi.
3. Lamech pen zi khat val a nei masa pen in kiciamteh hi.
4. Moses pen Pasian mahmah in lei ah a phum hi a, ahi zongin
a mun santak kuamah in tudong thei nailo hi.
5. Lai Siangtho bup alian (chapters) te Stephen Langton in 1228
kumin hong khen sak a, Thuciam lui (OT) sung a neu (verses)
in R. Nathan in 1488 kum leh Thuciam Thak (NT) sung Robert
6. Stephanus in 1551 kumin hong khen sak hi.
7. Lai Siangtho sungah ta haupen a kiciamteh Rehoboam hi..
8. Ganhing lak ah ui pen 14 vei kigen a, humpi pen 55 vei
kigen napi, inn ah kikhawi zawhngeu pen kigen hetlo hi.
9. Christian cih laimal Lai Siangtho bu ah 3 vei kimu hi.
Pi (Grandmother) cih pen khat vei bek kidawk hi.
Seventh-Day Adventist Church
8-3A, Jalan Sungai Besi 57100
Kuala Lumpur, Malaysia
Sia Noel Cinh (Ph: 018-227 3302)
Sia Cinbawk (Ph: 011-2720 0826)
KHA SIANGTHO LEH KHANIN
Kha Siangtho pen siangtho i cih mah bangin, a kihhu-
ai, a muh thadah cih bang aa, telzawhloh khazia ci-in
na hong semlo ding hi.
Kha Siangtho in ong pilvang sak, ong ciim sak bek hi
aa, telzawhloh khazia ci-in a haivai, a haihuai in, ong
gamta kampau saklo ding hi.
Kha Siangtho pen tha hong pia, lam hong lak, hong
huh, hong panpih hi aa, Kha Siangtho sawlna, pulaak-
na, thusuak ci-in, na lung hong kia saklo ding hi, na
mai hong zum saklo ding hi, hong kisuang saklo hi.
A Siangtholo, a etlawm hetlo, a pilvang huai hetlopi in
cidamna, na lamdang khawng ong pian khak zenzen
aa leh zongh tua ciangciang pen upna paikhialh suak
nading satan' khanin in sem theilua hi. L T Tuang,
Loughborough
NUIHNA KHAWK:
Inn thungetsak a vak Siapa tuahkhak:
Siapa: Thungetna sungah bang thu khawng hel ding
nei nai vua innteek te...a cih leh, innteekpa hong
dingto...
Innteekpa: Tu ciangciang thu i nget khopkhop hangin,
hong tua ci pah pukpuk cihna a hi zongin, hong tua ci
ki lamdang vava cih luat dingin zong om tuan kei na
ven'....a hi zongin hong pulaak pongpong ning
in!....cih tawh zom kawm in honkhat gen suk....
POPE FRANCIS KAWLGAM HAWH DING:
Pope Francis Kawlgam ah Nov ember 27 ni hong pai
ding ci in August ni 7 ni in National Catholic Re-
porter in gen hi.
Naypyidaw lut masa ding a, Pre Htin Kyaw leh Daw
Su Kyi tawh kimu masa ding uh hi. Tua khit ciang in
Zangkong a om St. Joseph biakin ah mipi tawh Mass
nei ding hi. Kawlgam ah ni 4 sung tam ding a, tua
zawh ciangin Bangladesh pai ding ci hi.
Vatican in 2015 kumin a genna ah Kawlgam ah
Catholic pawlpi mi 600k( Tein 6) val om ci hi. Tu
kum May kha in Daw Su leh Pope Francis Rome ah
a kimuh khit ua kipan in Kawlgam leh Vatican ki-
zopna kipan hi.
Kawlgam kumpi U Htin Kyaw in Pope Francis a sap
ci hi. By: Thangbawi.
Pawlpi pan ngah theih Laibu:
Christ Kiang Zuatna(Zolai)
KL ZOMI SERVICE PAI DAN DING:
BUS > Pudu Pasar
Every Saturday: Train LRT > Pudu Station
Sabbath School 10:45am Facebook: Zomi Adventist Group
Divine Service 12:30pm Email: zomiadventistmls@gmail.com
Adventist Youth 03:30pm https://voice-hope.blogspot.com