19th August, 2010

Synfocity=306 www.mizoramsynod.org
 Doctrine of Grace Lehkhabu Tlangzarh
Nimin (August 18) khan Synod Moderator Rev. C. Chawngliana chuan Rev. Dr. Vanlalthlana lehkhabu Doctrine of
Grace a tlangzarh
Lehkhabu tlangzarh Inkhawm hi Synod Conference Centre Pi Zaii Hall-ah neih a ni a. Synod Senior Executive
Secretary Rev. Vanlalzuatan kaihruaiin hunserh a hmang a, Pu Thankiman lehkhabu ziaktu Rev. Dr. Vanlalthlana
chanchin a sawi a, Rev. Dr. C. Lalhlira, Aizawl Theological College Registrar-in lehkhabu thlirlawkna (pre-view) a
nei bawk. Rev. Dr. Vanlalthlana hian Doctor of Theology (D.Th.) degree lakna atana a ziak a ni a, a thupui pawh
“Doctrine of Grace: Augustine’s Doctrine of Grace and Human Free Will and Appraisal from a Mizo
Christian Perspective” tih a ni. Degree a hmuh hnu lawkah cancer natnain a tlakbuak a, August 18, 2007 khan
chatuan ram a pan ta a ni. A Doctor of Theology degree lakna thesis hi a nupui Pi C. January-in lehkhabu-ah
buatsaihin Indian Society for Promotion of Christian Knowledge (ICPCK), Delhi-in an chhuahsak a, a thih ni
champha vawi 3-naah tlangzarh a lo ni ta a ni
Lehkhabu thlirlawktu Rev. Dr. C. Lalhlira chuan, “Dr. Vanlalthlana hian Augustine-a, Kohhran hmasa pate zinga mi
lar ber pawl leh Pathian thu chhuinaa hnuhma ngah takin Pathian Khawngaihna chungchang a sawi dan a chhui a.
Augustine-a, khawvel mi tak thin, Pathian khawngaihna avanga lo piangthar ta, ‘khawngaihna avang chauha
chhandam ni thei’ tih inhria, Pathian hnena tlu lut ta chanchin tlangpui chhuiin, Mizo Kristiante zingah pawh
Augustine-a ngaihdan hian kan Kohhran hruaitu hmasa Rev. Liangkhaia te, Rev. Lalsawma te pawh a lo hneh tawh
dan te a ziak lang a, Khawngaihna Thurin (Doctrine of Grace) awmzia chiang takin min sawifiahsak bawk a ni”, a ti.
Synod Moderator Rev. C. Chawnglianan, “He lehkhabu (Doctrine of Grace) hi a chhiar apiangin hlawkna an hmuh
theihna tur leh Pathian ropui nan”, tiin a tlangzarh a. Rev. Dr. Vanlalthlana nupui, Pi C. January-in lawmthu sawina
hun hmangin zaithiam Dr. F. Lalthlamuana leh Melody Zothansangi ten zaiin kalkhawmte an awi a, a duh apiang
thusawina hunah Dr. Zokhuma, Most Revd. Bishop Steven Rotluanga leh Dr. Vanlalthlana pa, Pu Chalchhunga ten
thu an sawi a, Rev. Dr. Roger Gaikwad, ATC Principal-in malsawmnain hun a khar a ni.

 Liangkhaia lungphun thar hawn leh hlanna

Vawiin (Aug. 19) tlai dar 3:30 hian Synod Moderator Rev. C. Chawnglianan Rev. Liangkhaia thlanlung phun thar
hawngin thuchah a sawi ang. Rev. Liangkhaia hi kum 1884-ah piangin kum 1979 khan chatuan ram a pan a.
Mission Veng thlanmualah phum a niin a thlanlung pawh siam a ni tawh a. Kuminah hian Rev. Liangkhaia kum 125-
na denchhenin hmun hrang hrangah seminar te buatsaih a ni a, a lehkhabute pawh chhut nawn a ni bawk a. A kum
125-na tlin kum hriatrengna thil chi hrang hrang buatsaih a nih bakah a thlanlung chu siamthar a ni ta bawk a.
Hetah hian Rev. Liangkhaia hun pawimawhte tarlan a ni. Vawiina lung phun thar leh hawnna inkhawmah hi Mission
Veng Bialtu Rev. Vanlalbelan kaihruaiin Tual Upa P.C. Vanlalrovan lungphun thar buatsaih dan chungchang a sawi
ang a, Synod Moderator Rev. C. Chawnglianan hawngin hlanna thuchah a sawi bawk ang. Liangkhaia tu leh fate
aiawha lungphuntu Prof. Laltluangliana Khiangte-in thu sawiin chhungkaw aiawhin lawmthu sawina hun a hmang
nghal ang a, thingpui ruai kilho a ni ang.

 Synod Mission Board

 August 19 - 27 chhung hian Mission Field hrang hrang Committee-a tel turin Rev. Lalchhuanmawia, Synod
Mission Board Secretary; Upa Vanlalahuma, Synod Secretary; Rev. K. Lalhmuchhuaka, Member leh
Upa C. Malsawmkima, Member-te an kal. August 20 (Zirtawpni) hian Kolkata Mission Field Committee an thu ang a,
August 23 (Thawhtanni) hian Siliguri Field Committee an thu leh ang a, August 25 (Nilaini) hian Nepal Field
Committee an thu leh ang.
 August 18 khan Pi Zaii Hall, Synod Conference Centre-ah Synod Mission Board hnuaia a zawna kum thum lo
thawk tawh Contract Missionary-te leh Synod Mission Board hotute an inhmukhawm a, Board hian LIC Policy
(Market Plus) chu missionary pakhat zel tan Rs. 30,000/- in a zawm sak a, kum thum hnu-ah a mature ang. Tunah
hian an vaiin missionary 38 tan tih fel tawh a ni.

 MSSU
August 21 (Inrinni) hian Mizoram University Campus Christian Fellowship, Tanhrilah Leadership & Sunday School
Training neih a ni dawn a, training neihpui tur hian Upa K. Lalremruata (MSSU Office Assistant), Upa K.
Zoremsanga, Kulikawn leh Upa K. Vanlalnghaka, Ramhlun East (MSSU Trainers) te an kal ang.

 Kohhran Hmeichhia
August 20 - 22 hian Cherhlun Bial huapin Cherhlun Kohhranah Leadership Training & Kristian Chhungkaw
Campaign neih a ni dawn a, training neihpui tur hian Central Kohhran Hmeichhe hruaitu Pi C. Lalneihkimi, Vice
Chairman, Pi K. Lalthanpari leh Pi Raldochhungi, Committee Members te an kal ang.
Synfocity=306 1
 Kristian Thalai Pawl
 August 20 - 22 hian Hnahthial Bial huapin Rawpui Kohhranah Leadership Training & Meet neih a ni dawn a,
hemi hmanpui tur hian CKTP Leader Rev. K. Lalpiangthara leh T/Upa Zothangzuala Chhangte, Committee
Member-te an kal ang.
 August 20 - 22 hian Baktawng Bial huapin Baktawng Venglai Kohhranah Leadership Training & Meet neih a ni
dawn a, CKTP hruaitu Pu Lalmuanpuia, Pu Lalramdina Ralte leh Tv. V.L. Muanchhana, Committee Members-ten an
hmanpui ang a, Mizoram Synod Choir te an kal bawk ang.

 Presbyterian Hospital News

 August 13 khan NSS, Pachhunga University College-te chuan Presbyterian Hospital, Durtlang-a dam lo, thisen
mamawhtute hman turin thisen unit 124 an pe a, thisen petute hi mipa 99 leh hmeichhia 33 an ni.
 August 14 khan KTP, Bethlehem Venglai-te chuan Presbyterian Hospital, Durtlang-a dam lo, thisen
mamawhtute hman turin thisen unit 78 an pe a, thisen petute hi mipa 63 leh hmeichhia 15 an ni.

 Synod Bookroom News

 August 23 (Thawhtanni) zan hian Khatla ‘S’ Branch KTP leh Bookroom tangkawpin Literature Nite an hmang
dawn a, Tv. Lalniliana, Synod Bookroom Manager-in thu a sawi ang a, Tv. Lalzarmawia, Sales Promoter, Synod
Bookroom-in Slideshow a present ang. Literature Nite an hman turah hian man tlawm zawkin bungrua zawrh
chhuah a ni ang.
 August 30 (Thawhtanni) zan hian Kanan Branch KTP leh Bookroom tangkawpin Literature Nite an hmang dawn
a, Rev. K. Lalpiangthara, CKTP Leader -in thu a sawi ang a, Tv. Lalniliana, Synod Bookroom Manager-in Slideshow
a present ang. Literature Nite an hman turah hian man tlawm zawkin bungrua zawrh chhuah a ni ang.
 Mizoram People Forum
August 27 (Zirtawpni) dar 11:00 a.m. hian Synod Conference Centre, Pi Zaii Hall-ah Aizawl khawpui chhung MPF
Local Forum hruaituten kan hma lawka Aizawl Municipal Council inthlanna thianghlim leh felfai taka neih a nih theih
nan meeting pawimawh tak an nei dawn a. He Meeting-ah hian AIzawl khawpui chhung atangin MPF Local Forum
hruaitute mi paruk (6) theuh kal tura beisei an ni.
 Moderator Programme
Synod Moderator Rev. C. Chawngliana chuan tun kar tawpah Kohhran hrang hrang a tlawh leh dawn a,
T/Upa C. Lianzika, Armed Veng-in Moderator hi a tawiawm ang. Kar lehah Barak Area Committee meeting,
Silchar-ah a tel bawk ang.
 August 20 (Zirtawpni) Zan - Farkawn South Kohhran (Farkawn Bial)
 August 21 (Inrinni) Zan - Khawbung Kohhran (Khawbung Bial)
 August 22 (Pathianni) Chawhma - Sazep Kohhran (Khuangleng Bial)
Chawhnu - Dungtlang Kohhran (Vanzau Bial)
Zan - Vengpui Kohhran (Khawbung Bial)
 August 24 & 25 - Barak Area Committee

Synod Telephone Directory

Synod Telephone Directory 2009 (Seventh Edition) chu Reprint leh a ni a, Synod Office Mamawh lamna atangin Kohhran/Bial copy
tur a lak leh theih ta e.

Seminar on
KRISTIANTE HMACHHAWN MEK HARSATNATE
Organized by
CALVIN STUDY CENTRE
AIZAWL THEOLOGICAL COLLEGE
Synfocity=306 2
 Date : August 28, 2010
Vanue : Khatla Presbyterian Church Hall
HUN KHATNA : SEMINAR HAWNNA
10:00 A.M. - 10:25 A.M.
Hruaitu : Rev. Prof. Roger Gaikwad
Principal, Aizawl Theological College
Inlawmna & hunserh: Hruaitu
Thupui sawi hawnna : Rev. C. Chawngliana, Synod Moderator
HUN HNIHNA : THUPUI ZIRHONA -I
Hruaitu : Rev. Prof. Vanlalchhuanawma
Thupui : Mipat Hmeichhiatna (Sex) Hman Sual Chungchang
10:30 A.M. - 10:50 A.M.
Paper 1 : Mipa leh Hmeichhe Inkara Sex Hman Sualna
Ziaktu : Rev. Lalchungnunga
10:50 A.M. - 11:10 A.M.
Paper 2 : Neih Anpui Inkara Sex Hman Sualna (Homosexuality)
Ziaktu : Rev. Dr. Lawmsanga
11:10 A.M. - 12:30 P.M.
Thupui Sawihona
Tlangkawmna : Hruaitu
12:30 P.M. - 1:00 P.M.
REFRESHMENT
HUN THUMNA : THUPUI ZIRHONA -II
Hruaitu : Rev. Dr. C. Lalhlira
Thupui : Hun Hnuhnung Chungchang
1:00 P.M. - 1:20 P.M.
Paper 3 : Hun Hnuhnung Chungchang Bible-in a Zirtir Dan
Ziaktu : Rev. Dr. K. Lallawmzuala
1:20 P.M. - 1:40 P.M.
Paper 4 : Hun Hnuhnung Chungchang Thurin Atanga Thlirna
Ziaktu : Rev. Rosiamliana Tochhawng
1:40 P.M. - 3:15 P.M.
Thupui Sawihona
Tlangkawmna : Hruaitu
3:15 P.M. - 3:30 P.M.
Vote of Thanks : Rev. Dr. Vanlalnghaka Ralte, Director, CSC
Banna : Rev. K. Lalrongheta

………………………………………………….............................................................................................................................
19th August, 2010
Mail us at -
synfo@sancharnet.in; synfo@yahoo.com
Synod Information & Publicity; Aizawl, Mizoram. India
Phone: 0389 2314648
Fax : 2316598 Website – www.mizoramsynod.org

Synfocity=306 3