Joselito Medina

Stem-1 Competence

ANG PAGLALAKBAY SA VIGAN

Ang Pilipinas ay naging kolonya ng Espanya sa loob ng 333 taon kung

kayat napakaraming lugar sa Pilipinas kung saan makikita ang naiwang marka ng mga
kastila, iisa na rito ang Vigan City, Ilocos Sur. Maraming historical na lugar na
matatagpuan dito tulad ng Calle Crisologo, Bantay Bell Tower, at Syquia Mansion. Isa
ito sa aking mga napuntahan noong bata pa ako kasama ang aking pamilya. Naging
isang karanasang hinding hindi ko na malilimutan ang nangyaring panlalakbay sapagkat
doon ko natuklasan na napakaganda at napakalawak ng kasaysayan ng Pilipinas
pagdating sa mga historical na lugar at pangyayari.

Pagdating namin sa Vigan, una kaming tumungo sa St. Augustine Church

sapagkat linggo ang araw na yun. Dito makikita ang isa sa mga simbahang katoliko
noong panahon ng mga kastila na may napakagarang istruktura at disenyo. Mayroon
din ditong bilihan ng pasalubong na masasabi kong mas mura kaysa sa bilihan sa ibang
lugar. Sunod naman ay tumungo kami sa Calle Crisologo kung saan makikita ang mga
hilera ng mga bahay noong panahon ng mga kastila na tinitirhan noon ng mga
mayayaman. Dito ako pinakanatuwa sapagkat sumakay kami sa isang kalesa na inikot
kami sa Calle Crisologo na tumagal ng ilang oras. Ang huli naming pinuntahan ay ang
Syquia Mansion kung saan dating naninirahan ang ika-anim na pangulo ng Pilipinas na
si Elpidio Quirino. Dito matatagpuan ang ibat ibang mga kagamitan at disenyo ng mga
bahay noong panahon ng mga kastila at kasama na rin ang mga kagamitan na
maiuugnay kay Pangulong Quirino.
Joselito Medina
Stem-1 Competence

Sa paglalakbay namin sa Vigan, Ilocos Sur, naging realisasyon ko na tunay ngang

maganda ang Pilipinas sapagkat malawak ang kasaysayan ng Pilipinas na hindi
lamang nagtatapos sa kastila kundi na rin sa mga amerikano at mga hapones. Naging
mas mapagsalamat ako na akoy isang Pilipino. Mahalin natin ang ating nakaraan,
sapagkat napakalaking impluwensiya nito sa ating kinabukasan.