Se pa sigi engku, ina wo ama. Wo peleng se wia un tampa kenu.
Ngaranku e Julian Turangan, nyaku e mey utuse tingkat IIIB
Katare- tare, meimo kita lumooz si Opo Empung wana angkamang, nya karna mei wee na me wia nikita peleng imbiai. Katuari - katuari pa sigiengku Tarekan weane oras osek aku i mowera tumoro impakuan Pawalianta lumawiz um wanua Indonesia wana narkoba. Niaku nimendo ungkenu ini, wokapapaen paaz milek se tou maeye matondonge e se zou witu narkoba, wo un tanata Indonesia e mamuali pakerean ne sana kaayaan i zei siapa narkoba. Niaku e zei lazek i sumisil apa u narkoba, papaen katauangku peleng nikita e mataumo e unarkoba, e undam - undam makaindeen, u malewo untou. Ektasi, kokain, sabu - sabu, ganja, wo a nundam zei toro papaken. Taan untotoz itegtegku witu ungkita kenu e u leosen ta i mape, wo mangun a nundam - undam itii e zei papaken sumalak. Papaan in tarekan lakez se tou simikola, matau apa unarkoba, taan zei ma pake niitu. Tiak tanu mei pantik tu sasaput lilingkunen, u nimamuali uman mei laput taan zei si berguna. Gena - genangen, sa nimawamola makasa e mee - mee mokan. Katuari - katuari Witu um paposan Internasional, un lembaga United Nations Office on Drugs and Crime (UNODC) um mapaayang masaru u narkoba wo kriminal, totoz lutu kimua: mapakesala wo mawangker narkoba, e niitu e tantu lewo wo maape umpaayangen umangun MDGs (Millenium Development Goals) um paayon taun zuanariwu wo mapulu wo lima. Mawesla niitu umpaleosen lewo kenu e zua napulu wo siow wo impengeru - ngeruzen ne PBB. Witu umapulu wo zua, loloen ka enem, taun zua nariwu mapulu wo telu, e sana kaayaan nimeruz se soo narkotik witi Bali International Convention Center (BICC) ngimaran International Drugs Enforcement Conference (IDEC), nya ndoo tuu se rimewok se telu naatus wo lima tou ukung soo narkoba wana pitu napulu wo siouw wana wia angkayaan. Pinasungkulan kenu e zua napulu wo siow impaleosan. Unarkoba e leleosen lewoan, takaz niitu, lakez se ukung maperenta wia angkayaan nimaesaan maayang i zumei ni ana. Katuari - katuari Zei man se ukung wia angkayaan taan wia umbanuata kangkasii e niatoro, witu UU unomor telu napulu wo lima taun zua nariwu wo siow, tumoro narkotika, wo um bopira pe kangkasii atoran, UU unomor siow taun esanariwu siow naatus siow napulu wo pitu, wo UU unomor zua napulu wo zua taun esanariwu siow naatus siow napulu wo pitu, wo UU unomor lima taun esanariwu siow naatus siow napulu wo pitu, tumoro narkotika wo psikotropika. Kumiit um pi kua si Direktur Eksekutif Kantor PBB (UNODC), Yury Fedotov heroin, kokain wo kariana, e nimunuk se tou zua naatus riwu sekez in taun wo mee pengalin wutez wia e lakez tou. Wiaman umbanuata Indonesia e tantu mo lakez, se telu juta tou mapake niitu ti taun zua nariwu wo esa napulu esa, in taun zua nariwu wo esa napulu zua, e lima juta tou mo, niitu mo se mapake narkoba ema tamba man lakez. Maca niitu, kita intou Indonesia orasnamo in totoz mee genang i sumaru merang ni itu wo zumei ni itu. Katuari - katuari Nikita makaanuman zua pelengan. Kenu, tumerus tumou wo lumawiz se okita, puyunta mamurime witu u narkoba makaindeen, kapa ikakiit lewoen narkoba. Wo zua man pelengan wia se tou paaz narkoba, mengesa - ngesa ti rumah saki karia umpengalin zei i kasuat, kapa neru - nerus mate. Taan, kalakez se nimatime, zei pe nyundam ti rumah sakit e nimatemo. Woan? Apa unleosenta wo itu zou wia nikita? renganlah witu untou sandiri, tounta, renganlah witu ungkokiman i nandia endo. Katuari-katuari Pakasa ku pema, totoz tiak mawawa u narkoba. Niitu zei man lumewo un tou sandiri taan karia ne tou walina. Pirapek kasii e matondong e nikita se lewoen niitu? Takaz i sa wisa wo itu ikana tala? Zei susa kita mailek se zua naatus riwu se tou mapate sekez in taun? Menez uman kita? Sei si kumatare? Niaku? Niko? Ya, nikita peleng. Pototna, mapake sumalak narkoba en zei siapa leosna, witu un tou sandiri wo wia e kasuat tou. Marugi man umbanuata, tentu ungkalakez. Meimo kita peleng mawali - wali i sumaru niitu. Wia se kakaria, kuangkuma tiak mawawa unarkoba. Niitu malewok man umpengipi - ngipita. Tiak kita mangun se tuata e rumamara nate. Meimo wangunenta peleng se koki ne Indonesia zou witu narkoba Katuari - katuari Tentumo u nowerku, makaze lakez. Zamerat umwinagununta kenu muak leos witu umbanua retukta kenu Indonesia. Makazemo, Pakatuan wo pakalawizen.