sesimbing

Posted on April 29, 2012 by Adi Andre

Standar

6 Votes

Sesimbing (Sindiran)

Sesimbing punika kruna ( ucapan ) pepiring sane pades suksmanipun, mawinan sang kasimbing
jengah wiadin sebet, riantuk ngrasa ring dewek katiben sesimbing. Sesimbing punika sering
kaucapang ring arepan sang kesimbing, anggena kruna paimbang sane sada singid artinipun,
indik kaanan, rupa kalih laksanan jadma, barang wiadin baburon. Read the rest of this entry

Filed under PARIBASA BALI | 2 Komentar

Apr29

cecangkitan
Posted on April 29, 2012 by Adi Andre
Standar

5 Votes

Cecangkitan

Cecangkitan punika sinalih tunggil basita paribasa sane sampun ketah ring deasa pakraman.
Cecangkitan kruna lingganipun cangkit polih pangiring an dados cangkitan raris
kadwipurwayang dados cecangkitan. Cecangkitan marupa lengkara sane ngintar artin ipun.
Lumrah kanggen ri kala magegonjakan marupa lengkara sane ngintar arti ipun. Lumrah kanggen
ri kala magegonjakan ring paguyuban. Ring asapunapine kanggen melog melog timpal. Read
the rest of this entry
Filed under PARIBASA BALI | 1 Komentar
Apr29

SLOKA
Posted on April 29, 2012 by Adi Andre
Standar

4 Votes

Sloka (Bidal)

Ring Basa Indonesia sloka kabaos bidal. Sloka masaih ring sesonggan, kewanten kantun
singid/ilid tegesipun. Binanipun ring sesonggan, sloka puniki ngangge lengkara Buka slokane,
.

Upami : buka slokane ajum ajum puuh sangkure masih ipun. Tetuekipun kadi anak sane seneng
belog ajum, pamuputne ipun sane pocol wiadin nemu baya. Read the rest of this entry

Filed under PARIBASA BALI | 1 Komentar

Apr29

sesawangan
Posted on April 29, 2012 by Adi Andre
Standar

4 Votes

Sesawangan (Perumpamaan)
Sesawangan lingganipun sawang mateges mirib, polih pangiring an, lan kadwipurwayang dados
sesawangan. Sesawangan tegesipun punapa punapi sane kacingak raris kalawatang ring jeroning
kayun, mirib sakadi solah kalih kahanan jadma.

Read the rest of this entry

Filed under PARIBASA BALI and tagged banyu, dudus, kembar | 1 Komentar
Apr29

wewangsalan
Posted on April 29, 2012 by Adi Andre
Standar

3 Votes

Wewangsalan (Tansil)

Wewangsalan mawit saking kruna wangsul, polih pangiring an lan kadwipurwayang.

Wewangsalan tegesipun lelampahan saparipolah kalih kahanan jadma, sakadi masasimbing sane
sada pedes suksmanipun. Wangsal tegesipun lampah. Wewangsalan puniki kawangun antuk
lengkara kalih palet. Lengkara sane rihinan marupa giing indik daging kayun sang ngucap,
kewanten kantun ilid suksmanipun. Lengkara sane pungkuran pinaka daging sujati, sane
nerangang suksmanipun tur mawirama kalih mapurwakanti (bersajak). Read the rest of this entry

Filed under PARIBASA BALI | 1 Komentar

Feb20

bladbadan miwah conto

Posted on Februari 20, 2012 by Adi Andre
Standar
9 Votes

Bladbadan kruna lingganipun badbad, teges ipun tutur sujati sane sampun kalampahang rihin
(mederbe arti sujati miwah arti paribasanipun). Badbad polih seselan el dados bladbad,
kadwipurwayang dados bebladbadan, tegesipun kruna bebasan kaanggen pepiring saha madrebe
purwakanti. saha seringan mapenganter
ma-.

conto :

1. makamben di sunduk
Arti sujati : sesel
Arti paribasa : maselselan
2. makunyit di alas
Arti sujati : temu
Arti paribasa : matemu Read the rest of this entry

Filed under PARIBASA BALI | 8 Komentar

Feb18

cecimpedan miwah conto

Posted on Februari 18, 2012 by Adi Andre
Standar

4 Votes

Cecimpedan
Cecimpedan inggih punika wantah babaosan kanggen matebag-tebagan.

conto cecimpedan:

1. ape ke anak cenik maid cacing? cawisan: jaum misi benang

2. apa cekuk kajengitin? cawisan : caratan
3. apake jangkrik ngecik di duur gununge? cawisan: anak macukur
4. apa anak cenik ngemu getih? cawisan : klepon
 5. apake madaar acepok, wareg sai-sai? cawisan : galeng
6. apa anak cenik matapel? cawisan : blauk
7. apake anak satak maka satak matlusuk? cawisan : iga-iga
8. apa anak satak maka satak maudeng putih? cawisan: bungan ambengan
9. apa anak cerik maid enceh? cawisan : caratan
10. apa anak cenik pantigang ngurek gumi? cawisan: gangsing
11. apake anak bongkok kereng nyuun? cawisan: sendi
12. apake done amun pedang buahne amun guungane? cawisan: punyan jaka
13. apake bale gede matampul abesik? cawisan: pajeng
14. apake cekuk baong, godot basang, pesu gending? cawisan: rebab
15. apa ane negen nongos ane kategen majalan? cawisan: pancoran
16. apa ane kajepes idup ane nyepes mati? cawisan: pagehan
17. apake base alukun ulung seka bidang? cawisan: pusuh biu
18. apake ngamah uli basang pesu uli tundun? cawisan: panyerutan
19. apa don ne srining-srining buahne amun gon? cawisan: punyan jempinis
20. apa don ne amun tutup, buahne amun sirah? cawisan: waluh
21. apa don ne utusan, buahne aturan? cawisan : punyan ental
22. apa don ne amun tlapak lima, buahne amun sigi? cawisan: base
23. apa di cerikne mapusung, di kelihne magambahan? cawisan : padi
24. apake awakne kulit, matane kulit, kupingne kulit, batisne kulit konyangan kulit? cawisan:
wayang kulit

Filed under PARIBASA BALI | 1 Komentar

Feb17

sesonggan miwah conto

Posted on Februari 17, 2012 by Adi Andre
Standar
2 Votes

1. Sesonggan
Sesonggan wit saking kruna ungguh sane mateges linggih, genah, tonggos. Kruna
ungguh polih pangiring -an dados ungguhan, raris polih pengater sa- dados saungguan
utawi songgan, raris kaduipurwayang dados sesongggan. Sesonggan inggih punika
palambang kahanan kalih polah jatama sane kaimbangan ring kahanan miwah polah
barang utawi buron.

conto sesonggan:

1. Ngajahin bebek ngelangi. : kaucapang ring anake sane mapi-mapi ngajahin anak sane
sampun wikan utawi duweg.
2. Taluh apit batu. : kabaosang anake sane magenah ring genahe sane keweh, singsal bin
bdik pacang nemu baya.
3. Abias pasih. : nenten keni utawi nenten sida antuk ngawilangin katahipun biase ring
pasih.
4. Blakas mangan di pisaga. : sakadi anake maduwe painak muani siteng tur anteng,
sakewanten ipun magenah ring pisaga.
5. Bedeg gegantungan, suksemanipun : sakadi anake sane ngambel pakaryan utawi dados
pagawe pamrintah, wiakti nenten jenek, yening iwang antuka raris pagawe punika
kakisidang wiadin kasuudang
6. Ngentungan uyah ke pasih. : kaucapang ring anake sane mapi-mapi ngicenin barang
utawi artha ring anak sane sampun sugih.
7. Anyar-anyaran gerang bangkuk : sakadi anake sane ngwangun saluiring wawangunan,
ring pangawitne kewanten ipun gati (anteng), wawu asasih kewanten sampun macet (tan
kalinguang)
8. Ada kacang ninggal tungguana : nenten wenten anak alit wiadin sisia, jaga ngutang
sesolahan bapa wiadin guru
9. Ngrebutin balung tan paisi. : ngrebutin barang sane nenten malih maguna.
10. Buka gowake ngadanin ibane. : kaucapang ring anake sane sombong, nyapa kadi aku.
11. Liep-liep lipi gadang : kaucapang ring anake sane ring pangarepane jemet pisan,
sakewanten sujatinne ipun anak sane nenten becik.
12. Be nantangin talenan: sakadi anake sane sampun kaon maprakara, raris ipun nangtangin
anake sane menanut, utawi sakadi anake sane sampun janten iwang nangtangin sane patut
13. Kutal-kutil ikut celeng : kaucapang ring pakaryan sane rasane aluh, sakewanten sujatine
nak meweh yen kalaksanayang.
14. Bangkung kapitikan : sakadi anake sering marikosa anak, ring arep anake akeh, ipun
ngliep mapi tan uning, yening rikala suung ipun parikosa nyagrep
15. Bapane macan panakne samong: upami bapaneipune duweg dados balian, sinah
pianakipune taler dueg ngusadanin
16. Kuluk ngongkong tuara ngutgut. : kaucapang ring anake sane sida mawicara kemanten ,
nanging nenten wenten pakaryanne utawi tindakanne.
17. Ada mas slakane tan pa aji : skadi anake sane polih barang sane anyar, raris barange sane
lami tan karunguang
18. Angkabin barong somi : nakutin timpal (anak) antuk sane aeng-aeng, kewanten sejatin
ipun nenten wenten punapa punapi
19. Awak baduda nagih madanin garuda : sakadi anake sane tiwas wiadin mamacul,
mamanah ipun mamadanin (nandingin) anake sane sugih wiadin anake sane mapangkat
tegeh
20. Bikase mabuyung sampi : sakadi anake sane mapi-mapi kasih tur wawuh, kewanten
sujatinipun tan pegat ngamahin