Sri Siva Panchakshara Nakshatramala

Stotram
March 15, 2014 Nakshatra Slokas, Shiva, Slokas by Aadhi Shankara Add comments

ASVINI
shrImadAtmane guNaikasindhave namaH shivAya
dhAmaleshadhUtakokabandhave namaH shivAya .
nAmasheShitAnamadbhAvAndhave namaH shivAya
pAmaretarapradhAnabandhave namaH shivAya

Bharani
kAlabhItaviprabAlapAla te namaH shivAya
shUlabhinnaduShTadakShaphAla te namaH shivAya .
mUlakAraNAya kAlakAla te namaH shivAya
pAlayAdhunA dayAlavAla te namaH shivAya

Krithika
iShTavastumukhyadAnahetave namaH shivAya
duShTadaityava.nshadhUmaketave namaH shivAya .
sR^iShTirakShaNAya dharmasetave namaH shivAya
aShTamUrtaye vR^iShendraketave namaH shivAya .

Rohini
ApadadribhedaTaN^kahasta te namaH shivAya
pApahAridivyasindhumasta te namaH shivAya .
pApadAriNe lasannamastate namaH shivAya
shApadoShakhaNDanaprashasta te namaH shivAya

Mrigasheersham
vyomakesha divyabhavyarUpa te namaH shivAya
hemamedinIdharendrachApa te namaH shivAya .
nAmamAtradagdhasarvapApa te namaH shivAya
kAmanaikatAnahR^iddurApa te namaH shivAya
Aardhra / Arudra
brahmamastakAvalInibaddha te namaH shivAya
jihmagendrakuNDalaprasiddha te namaH shivAya .
brahmaNe praNItavedapaddhate namaH shivAya
ji.nhakAladehadattapaddhate namaH shivAya

Punarpoosam
kAmanAshanAya shuddhakarmaNe namaH shivAya
sAmagAnajAyamAnasharmaNe namaH shivAya .
hemakAntichAkachakyavarmaNe namaH shivAya
sAmajAsurAN^galabdhacharmaNe namaH shivAya .

Poosam
janmamR^ityughoraduHkhahAriNe namaH shivAya
chinmayaikarUpadehadhAriNe namaH shivAya .
manmanorathAvapUrtikAriNe namaH shivAya
sanmanogatAya kAmavairiNe namaH shivAya
Ashlesha
yakSharAjabandhave dayAlave namaH shivAya
dakShapANishobhikA~nchanAlave namaH shivAya .
pakShirAjavAhahR^ichchhayAlave namaH shivAya
akShiphAla vedapUtatAlave namaH shivAya

Magham/Makham
dakShahastaniShThajAtavedase namaH shivAya
akSharAtmane namadbiDaujase namaH shivAya .
dIkShitaprakAshitAtmatejase namaH shivAya
ukSharAjavAha te satA.n gate namaH shivAya.

Pooram
rAjatAchalendrasAnuvAsine namaH shivAya
rAjamAnanityamandahAsine namaH shivAya .
rAjakorakAvata.nsabhAsine namaH shivAya
rAjarAjamitratAprakAshine namaH shivAya

Uthiram
dInamAnavAlikAmadhenave namaH shivAya
sUnabANadAhakR^itkR^ishAnave namaH shivAya .
svAnurAgabhaktaratnasAnave namaH shivAya
dAnavAndhakArachaNDabhAnave namaH shivAya

Hastham
sarvamaN^galAkuchAgrashAyine namaH shivAya
sarvadevatAgaNAtishAyine namaH shivAya .
pUrvadevanAshasa.nvidhAyine namaH shivAya
sarvamanmanojabhaN^gadAyine namaH shivAya

Chitra
stokabhaktito.api bhaktapoShiNe namaH shivAya
mAkarandasAravarShibhAShiNe namaH shivAya .
ekabilvadAnato.api toShiNe namaH shivAya
naikajanmapApajAlashoShiNe namaH shivAya

Swaathi
sarvajIvarakShaNaikashIline namaH shivAya
pArvatIpriyAya bhaktapAline namaH shivAya .
durvidagdhadaityasainyadAriNe namaH shivAya
sharvarIshadhAriNe kapAline namaH shivAya

Vishaakham
pAhi mAmumAmanoj~nadeha te namaH shivAya
dehi me vara.n sitAdrigeha te namaH shivAya .
mohitarShikAminIsamUha te namaH shivAya
svehitaprasanna kAmadoha te namaH shivAya
Anuraadha/Anusham
maN^galapradAya gotura.nga te namaH shivAya
gaN^gayA taraN^gitottamAN^ga te namaH shivAya .
saN^garapravR^ittavairibhaN^ga te namaH shivAya
aN^gajAraye karekuraN^ga te namaH shivAya

Jyeshta/Kettai
IhitakShaNapradAnahetave namaH shivAya
AhitAgnipAlakokShaketave namaH shivAya .
dehakAntidhUtaraupyadhAtave namaH shivAya
gehaduHkhapu~njadhUmaketave namaH shivAya ..

Moolam
tryakSha dInasatkR^ipAkaTAkSha te namaH shivAya
dakShasaptatantunAshadakSha te namaH shivAya .
RRikSharAjabhAnupAvakAkSha te namaH shivAya
rakSha mA.n prapannamAtrarakSha te namaH shivAya .

Pooraadam
nyaN^kupANaye shiva.nkarAya te namaH shivAya
sa.nkaTAbdhitIrNaki.nkarAya te namaH shivAya .
kaN^kabhIShitAbhaya.nkarAya te namaH shivAya
paN^kajAnanAya sha.nkarAya te namaH shivAya ..

Uthiraadam/Uthrashaada
karmapAshanAsha nIlakaNTha te namaH shivAya
sharmadAya naryabhasmakaNTha te namaH shivAya .
nirmamarShisevitopakaNTha te namaH shivAya
kurmahe natIrnamadvikuNTha te namaH shivAya ..

Shraavan/Thiruvonam
viShTapAdhipAya namraviShNave namaH shivAya
shiShTaviprahR^idguhAchariShNave namaH shivAya .
iShTavastunityatuShTajiShNave namaH shivAya
kaShTanAshanAya lokajiShNave namaH shivAya ..

Dhanishta/Avittam
aprameyadivyasuprabhAva te namaH shivAya
satprapannarakShaNasvabhAva te namaH shivAya .
svaprakAsha nistulAnubhAva te namaH shivAya
vipraDimbhadarshitArdrabhAva te namaH shivAya

Chathayam/Sadayam/Shathabhisha
sevakAya me mR^iDa prasIda te namaH shivAya
bhAvalabhya tAvakaprasAda te namaH shivAya .
pAvakAkSha devapUjyapAda te namaH shivAya
tavakAN^ghribhaktadattamoda te namaH shivAya

Poorattathi /Poorvabhadra
bhuktimuktidivyabhogadAyine namaH shivAya
shaktikalpitaprapa~nchabhAgine namaH shivAya .
bhaktasa.nkaTApahArayogine namaH shivAya
yuktasanmanaHsarojayogine namaH shivAya ..

Uthirattathi/Uthrabhadra
antakAntakAya pApahAriNe namaH shivAya
shAntamAyadanticharmadhAriNe namaH shivAya .
sa.ntatAshritavyathAvidAriNe namaH shivAya
jantujAtanityasaukhyakAriNe namaH shivAya

Revathi
shUline namo namaH kapAline namaH shivAya
pAline viri~nchituNDamAline namaH shivAya .
lIline visheSharuNDamAline namaH shivAya
shIline namaH prapuNyashAline namaH shivAya ..

shivapa~nchAkSharamudrA.n
chatuShpadollAsapadyamaNighaTitAm .
nakShatramAlikAmiha
dadhadupakaNTha.n naro bhavetsomaH

iti shrImatparamaha.nsaparivrAjakAchAryasya
shrIgovindabhagavatpUjyapAdashiShyasya
shrImachCha.nkarabhagavataH kR^itau
shivapa~nchAkSharanakShatramAlAstotra.n sa.npUrNam