ZO PHUALVA
Vo l u m e 0 7 , I s s u e 2 1 Thupuak
Thahatna hi lo, vangliatna zong hi loin keima Kha hang ahi hi. Zech 4:6
Jerusalem Biakinn Kisuksiatna Thu
Biakinn Masa (First Temple): Jerusalem Biakinn masa
(First Temple or Holy Temple) pen Kumpi Solomon in 957
BC in a bawl ahi hi. Egypt kumpi Pharaoh Shoshenq I in kum
sawm tam lo (after few decades) in suksiatsak hi. Pawl khat a
kilamphat kik zawh tei hangin kizo khin lo a, Judah Kumpi
Jehoash' ukna kum nihna in a bawl kikna ding sum hong
kaikhawm a, 835 BC in kilam kik hi. 701 BC in Assyria (tu-
in Syria i cih) kumpipa Sennacherib in First Temple buluh a,
a sunga kham leh ngun khempeuh Assyria gamah pua hi. Je-
rusalem biakinn Masa pen Babylon kumpi (tu-in Iraq i cih)
Nebuchadnezzar in 589 BC in umcih a, 587 BC panin Baby-
lon ten suksiat kipan uh a, 586 BC a vek in suksiat sak in,
Jerusalem khuapi khempeuh zong la-in Jerusalem' hauhsatna
khempeuh Babylon gamah pua uh hi. Nebuchadnezarr in Ju-
dahte a tamzaw leh Judah kumpi leh a tate zong galmat in
man a, Babylon ah sal in ciahpih hi.
Biakinn Nihna lam Kikna: Thuciam Lui en leng Ezra bu
ah Cyrus Kumpi Lian (The Great) in Jerusalem Second Tem-
ple kilam kikna dingin 538 BC in phalna pia a (Babylon kum-
pi tuk ma kum khat lai-in), kum 23 sung biakinn kilam kik in,
kizo siang hi. A kizawh ni pen Adar kha ni thum ni hi a, Da-
rius Kumpi Lian ukna a kum gukna (12 March 515 BC) in
kizo a, Judah gam uk sawn (governor) Zerubbabel tungah ki-
apkhia (dedicated) hi. Ezra leh Nehemiah bu sung sim leng
Second Temple lam kik theihna dingin phalna lai (edicts)
kumpi thum in pia hi. Kumpi Cyrus in 536 BC in a kilam kik
theihna dingin phalna a piakna Ezra 1 sungah kimu hi. Tua
khit in Persia (tu-in Iran i cih) kumpi Darius in a kilam kikna
dingin 519 BC in phalna na pia kik hi cih Ezra 6 sungah kimu
hi. Tua khit a thum veina dingin Persia Kumpi Artaxerxes I
in ama' ukna a kum sagihna kum 457 BC in phalna a piakna
Ezra 7 sungah kimu hi. A tawpna dingin Kumpi Artaxerxes
mah in a kilam kikna dingin 444 BC in phalna na pia kik hi
cih Nehemiah 2 sungah kimu hi. Biakinn Nihna a kilam kik
zawh hangin Solomon' lam zah-a thupi in kilam kik zo nawn
lo a, Persia mite thuneihna (suzerainty) nuai-ah om den hi.
Macedonia (tu-in Greece gam i cih) kumpi Alexander the
Great hong hat a, amah pen pasian a kisuahsakna
(deification) Judah mite sang nuam lo uh ahih manin Alexan-
der thangpai a, 332 BC suksiat sawm a, ahih hangin a suksiat
ma (last minute) in midangte hosiamna leh kamsiat zangin
Judah ten lungkimsak zo uh ahih manin suksiatsak lo hi. Al-
exander' sih 13 June 323 BC khit nungin Ptolemies ten
(Egypt-te genna) Alexander' kumpi gam hong satkham
(dismembered) gawp in, Judea gam leh Jerusalem Bianinn
hong uk khum hi. Ptolomies ten Judea gam a uk lai-un Ju-
dahte mipi suahtakna nam tuamtuamte (civil liberties) pia in,
Oct 20, 2017
ama ukna nuai-ah Judahte lungkim sak uh hi. Ahih hangin a
sawt loin Seleucids (Greekte) kumpi Antiochus III in Panium
ah Ptolemies-te 198 BC in zo hi. Tua khit nungin Antiochus
in Judahte Greek biakna, ngeina leh siamna sinsak ding
(Hellenize) hong sawm a, Jerusalem biakinn ah Greek pasian
leh nusiante biakinn ah koih ding hong sawm ciangin Judah
ten kiphinna nakpi takin hong pan pah uh hi. Antiochus' ukna
deih loin Judah ten kiphinna (rebellion) hong pan uh a, Antio-
chus in thagum tawh mulkimna bei-in bengdai zo pah veve
napi Jerusalem biakinn ah Greek pasiante koih ding sawm
nawn lo hi. 187 BC in Luristan ah Antiochus si a, a tapa Se-
leucus IV Philopator in a pa' za laih hi. A pa nasepna maban
bangmah sem man loin kumpi a let khit zawh kum khat in
kithat (assassinated) pah hi.
Seleucus IV Philopator' sanggampa Antiochus IV
Epiphanes in ama za laih a, Seleucid kumpi tokhom hong
luah in, a pa' hanciamna Greekte ngeina khempeuh midangte
zuihsakna ding "policy of universal Hellenisation" hong pat
kik a, Judahte Sabbath tan ni leh vun ki-atna (circumcision)
thukham in phal lo hi ci-in thukham hong bawl ciangin Judah
ten kiphinna hong pan kik leuleu uh a, ahih hangin thagum
zangin bengdai zo pah hi. Antiochus in Greekte pasian Zeus
Jerusalem biakinn sungah hong tung a, Greekte pasiante biak-
na dingin vokte tawh biak piakna Greek siampute a piaksak
manin Judahte lungso diak uh hi. Greek ulian khat in Judah
siampi Mattathias kici kiangah Greekte pasian biakpiakna pia
dingin sawl a, Mattathias in a sawl ulianpa that hi. 167 BC in
Mattathias leh a tapa ngate makaihna tawh Judah ten kiphin-
na hong pan uh a, Seleucid-te thuneihna panin suahtakna
hong ngah uh hi. Mattathias' tapa Judas Maccabaeus (tu-in
"Sek" ahih kei leh mangpau in "The Hammer" a kicipa) in
165 BC in Jerusalem biakinn siansuahna nei a, tu ni dong
Judah ten hih phawkna ding Hanukkah Pawi kici zang den lai
uh hi.
Judas Maccabaeus in 164 BC in biakinn siansuahna nei hi.
Roman kumpite uk lai-in biakinn sungah Roman galkap Pom-
pey lut a, siampite bek kum sim in khat vei bek a lut theihna
Siangtho pen Mun (Holy of Holies) sungah 63 BC in va lut
in, biakinn va ninsak in, buahsak (desecrated) a, ahih hangin
biakinn bel susia lo hi. 54 BC in Crassus in biakinn sum-
kholna (Temple treasury) va buluh a, a deih teng la hi. Ahih
hangin 53 BC in Parthia-te tawh Carrhead Kidona ah Crassus
si hi. Khangluite tangthu ah Crassus pen a gawl ah kham tuisa
(molten gold) kisunsak in, kithat hi kici hi. Crassus' kithahna
thu Judah ten a zak ciangun Roman kumpi ukna deih loin
hong kiphin uh a, ahih hangin 43 BC in kibengdai hi.
20 BC kiim in Herod in Jerusalem biakinn lim takin pua-
hphatna bawl pha kik (renovated) a, a min dingin Herod'
Biakinn (Herod's Temple) ci-in a min laih hi. 66 AD in Ju-
dah Kem leh Hute "Jewish Defenders" Jerusalem biakinnpi
luah uh hi. Judahte leh Rome kumpi kido masakna (First
Jewish-Roman War) ah Rome galkap ten Jerusalem khuapi
la dingin Rome galkap general leh mailam hun-a Rome
kumpi ding (future Roman king) Titus leh ama nuai-a sec-
ond-in-command Tiberius Julius Alexander sawl a, Febru-
ary August 30, 70 AD kikal in la zo uh a, Judah nautang
3,600 lomthah uh hi. Titus leh Tiberius Julius Alexander in
Sept. 70 AD in biakinn susia in, haltum uh hi. Judah mi ten
Rome kumpi a langpangna uh a nasiat luat manin Titus in
susia in, a haltum ahi hi. Jerusalem Biakinn Masa leh Nihna
kisuksiatna kum sim in Judahte an ngawl Tisha B'Av kici
hun tengin dahni leh phawkni in zang den lai uh a, Titus in
Jerusalem leb biakinn a suksiat zawhna ciamtehna dingin
Rome kumpi in Rome khuapi ah a bawl "The Arch of Ti-
tus" kici tu dong om lai hi. Roman kumpi ukna deih loin
Bar Kokhba kiphinna (revolt) hun 132135 AD/CE hun lai-
in Simon bar Kokhba leh Rabbi Akiva in a lam kik nop
hangun a kiphinna uh guaksak in lawhsam (failed) a, tua
loin Tisha B'Av kicihna losiah Jerusalem khuapi sungah
Judahte lut ding kiphal lo ahih manin a lam kik zo lo suak
uh hi. Rome kumpi Julian in biakinn lam kikna ding phalna
pia napi 323 AD in Galilee ziinling in a lam kiksate uh suk-
siatsak a, tua khit nung a kilam kik sawm hangin guaksuak
den hi.
Muslimte hong hat khit nung un kum zalom 7 AD in Je-
rusalem khuapi la uh a, Umayyad Caliph Abd al-Malik ibn
Marwan kici in biakinn omna mun ah Islamic-te pasian,
piankhiatna pu leh pate, ngalliamte(ancestors), martyr a site
leh misiangthote(saints) phawkna dinga kibawl mun
siangtho(shrine) biakinn "Dome of the Rock" kici a
kibawlna dingin thupia a, kibawl pah hi. Dome of the Rock
pen 691 AD dong ding zo a, tua hun mah in tua kiim-a
kibawl al-Aqsa Mosque kici bel tu dong ding velval lai hi.
Solomon in Jerusalem Biakinn a bawlna mun The Temple
Mount kicihna leh Jerusalem khuapi-a Khuapi Lui (Old Je-
rusalem) kicihna mun teng pen 1967 in Arab gamte leh Is-
raelte Ni Guk Gal - Six-Days War kici ah tua mun thunei-
hna nei Jordante khut panin Israel in laksak zo ahih manin
tua mun ah Judah ten thungetna nei thei kik uh hi. May 14,
1948 in Israel in suahtakna hong ngah phet in Jordan in
thakhat thu-in East Jerusalem sunga siangtho mun kicihna
Temple Mount a lak pah hi a, Jerusalem mun dangte pen
Israel ukna nuai-ah ah om hi. Israel in 1980 in Jerusalem
Law kici tawh East Jerusalem zong Jerusalem dangte tawh
pumkhat a suahsak (officially united) hangin United Na-
tions Security Council Resolution 478 in Jerusalem Law in
lei leitung thukhun (international law) palsat hi ci-in sang lo
hi. Hih thu hangin Temple of Mount sung pen Jordan pan-
san Muslim Waqf in vaihawmna leh thuneihna
Seventh-Day Adventist Church
8-3A, Jalan Sungai Besi 57100
Kuala Lumpur, Malaysia
Sia Noel Cinh (Ph: 018-227 3302)
Sia Cinbawk (Ph: 011-2720 0826)
(administrative control) tu dong nei lai a, UN thukhun
bangin Jerusalem Biakinn omna leh Mun Siangtho omna
teng Temple Mount pen Israel ukna hilo hi.
Jerusalem Biakinn omna lian ngaihsutna, lungsim a tuat-
na(theory) nam li om hi. 1. Tu-a Dome of the Rock kici
omna mun a om hi a ci om hi. 2. Dome of Rock leilu lam a
om hi ci-in Professor Asher Kaufman in ci hi. 3. Dome of
Rock omna nisuahna lam a om hi ci-in Professor Joseph
Patrich, Hebrew University in ci hi. 4. Mount Ophel kicih-
na a Temple Mount omna leitaw lam a om hi a ci zong om
hi. A biakinn omna mun kiciantak nangawn a kithei nawnlo
suak cihna hi.
Tu dong hih mun kituhna Judah leh Muslimte kikal ah
piang den a, al-Aqsa Mosque kici pen Muslimte lak panin
Sunni Islamte adingin mun siangtho pen thumna in
ngaihsun uh a, nung kum a kipanin Israel police ten al-
Aqsa Mosque ah Muslimte lut ding a phal loh man un
buaina hong piang kik a, mi za tampi in sihna tuak khin zo
hi. Ref: Thang Khan Lian, www.laibusaal.com
Gamh:
Gamh ih cih pen ih pu ih pate lamsa a kilawng kha thei
nate ahi hi. Gamh luah dan pen minam tawh kisai ahih
manin nam khat leh nam khat gamh luah dan kibang lo hi.
Ei Zomite sungah zong uzaw innluah leh nauzaw innluah
ki-om hi. Gamh ih cih pen m theih khut a lawn theih nate
ahih mah bangin kangtum thie, guta in gu thei, supna baina
hangin bei mang thei hi.
Gamh ih cih pen a omsa nate ahih mah bangin mihaute
in gamh tampi nei uh a, mi zawngte in gamh tawmno bek
nei uh hi. Pate tung panin gamh luahna ah a zawn leng
ahua kilamdang mahmah hi. Mi zawngte in a tate gamh
tampi a luahsak nop hangin hi theilo hi.
A Kingah Thei Laibute:
1. Kidona Lianpi (Ellen G White, Zolai)
2. Tuanpupa leh Kamsangte (Ellen G White, Zolai)
3. Neihsa Kepzia (Ellen G White, Zolai)
4. Christ Kiang Zuatna (Ellen G White, Zolai)
5. 28 Beliefs of SDAs (Zolai)
6. Lai Siangtho: A Thu Zui-in Khenna (Zolai)
7. Lai Siangtho Mun(Kiallap) (Zolai)
8. The Great Hope (Ellen G White, English)
9. The Acts of the Apostles (Ellen G White, English)
10.
11.
12.
Zaksakna:
1. Ih Bible Readings() laibu tawh teci panna pen bu tampi
om lai ahih manin, mimal khat sim in ih mapang tohtoh nading leh thun-
getna ah ih phawk ciat ni.
KL ZOMI SERVICE PAI DAN DING:
BUS > Pudu Pasar
Every Saturday: Train LRT > Pudu Station
Sabbath School 10:45am Facebook: Zomi Adventist Group
Divine Service 12:45pm Email: zomiadventistmls@gmail.com
Adventist Youth 03:30pm https://voice-hope.blogspot.com