ZO PHUALVA
Vo l u m e 0 7 , I s s u e 2 2 Thupuak
Thahatna hi lo, vangliatna zong hi loin keima Kha hang ahi hi. Zech 4:6
Puahphatna Kipat Kum 500 Cingta
Martin Luther (1483-1546) pen Roman Catholic
phungyi khat hi aa, Protestant upna kipat nading lam a
hong masa pa ahi hi. Ama hang in Christian tangthu
bek hilo, leitung tangthu nangawn kilumlet hi.
Martin Luther pen Germany gam, Eisleben khua ah
1483 kum in suak hi. A pa ie hanthotna tawh law
(thukhun) sin dingin kipan ngei hi. Ahihang in a zawh
dong kah lo-in RC biakna sang lut aa, 1512 kum ciang
University of Wittenberg pan Doctor of Theology de-
gree ngah hi. Pasian thu um mahmah ahi manin Lai
Siangtho sung aki hilh bang in ahitheizah gamta in
nungta hi. Ama ngaihsutna ah, kei bang lel khangno
khat zong Pasian thu hizahtak a zuih ding hanciam in
nungta ci leng, keima tung siaha a om, RC biakna sung
a om ulian tamp te thupi mahmah in, Pasian thu sung
ah hanciam a, thuman thutak tawh nungta ding cih um
in, ka muang mahmah hi, ci hi. Tua leh, khat vei tung-
siah pan thu hong pai te pawl khat pen hoih sa lo in
lungkim lo himah ta leh adangte bangmah nialkik
ngei lo hi.
Tua leh 1510 kum ciang in Catholic zumpi omna
Rome khua a pai ciang in a upna leh, a muhna kibang
lo hi. RC phungyi ama tungsiah a tampite pen ama
ngaisut bang hi lo-in mihing mawkmawk tawh
bangmah kilamdang lo-in a om uh mu aa, lamdang sa
in linglawng gawp hi.
A lungkim theih lohna pen in, indulgence vai ahi
hi. Indulgence cih ciangin mawh maisakna letmat ahi
hi. Ei Tapidaw te ih upna in mawh maina pen Topa
Jesu bek in hong pia thei aa, leitung mihing kuamah in
hong pia thei lo hi. Tua hun lai in Catholic phungyi te
in mihingte pen a mawhna pulaak peuh leh mawh mai-
sakna lai (indulgence) pia aa, tua mawh neipa in zong a
mawna kimai sakzo ci in kingaisun hi. Tua indulgence
pen sum tawh lei uh hi. Mihing tampi in a mawhna uh
pan suakta nuam uh ahih manin, sum pia in phungyi te
tungpan indulgence sum tawh lei ci leang kikhial lo
ding hi.
RC te in indulgence pan sum tampi hong ngah in
tua sum tawh RC biakinn lian tampi hong lam uh hi.
1516 kum in Rome khua ah St.Peter Basilica lam nad-
ing sum tampi kisamh ahih manin, Johann Tetzel aki ci
Nov 03, 2017
phungyi khat Germany gam ah indulgence zuak
dingin Rome pan kipai sak hi. Tetzel khua khat ah a
lut ding ciangin kamtai khat sawl khol zel a, Pasian
leh siangtho pa leh hehpihna na kong kiang ah om hi,
ci-in tangko khol sak zel hi. Biakinn ah Tetzel pen
pulpit ah kahto in mawhmaina a om theih pen Pasian
hong piak letsong manpha penpen hi ci-in a gen
hi. Hih indulgence in ahing laite bek zong hi loin, a
sisate zong honkhia thei a, tua letmat leina sum in a
kuang tawh denga a ging ngaih mahmah leh tua misi
khaa in Purgatory pan in vantung lam zuan-in ding
khia pah hi, ci hi.
October 31, 1517 ni ciang in Martin Luther in in-
dulgence zuakna tawh kisai man asak lohna thu
Disputation of Martin Luther on the Power and Effi-
cacy of Indulgences, ci in min a piak lai khat gelh aa
The Ninety-five Theses ci in ih theih tua laipi pen
Wittenberg khua All Saints Church kongkhakpi
tung ah suang hi. Tua hun lai tak in Europe ah lai
khetna (offset) a pian cil hun hi aa, Martin Luther in
tua a laigelh pen lakhetna set ah kehn sak in mipi ngah
dingin hawm kawikawi hi.
Mi tampi te in, Pope ie khut nuai ah om kul kei,
RC phungyi te thu zong ngaih kul kei, Lai Siiangtho
ie hong hilh bangin nuntak ding hi ci in ngaisutna thak
hong nei uh hi. Martin Luther zong thusitna thuak in,
dawi mangpa mihing ci in mawsiat aa RC sung pan
kihawl khia hi.
Tua hun lai dawi mangpa mihing hi ci in RC
zumpi pan aki mawsiat mihing peuhmah pen mei
tawh haal lupna thuak sak hi. Martin Luther zong mei
tawh haal lup dingin RC zumpi pan thusuah kibawl
himah leh, Germany gam mipi a tam zaw le Germany
kumpi meltheih sung ulian te in Rome RC zumpi te ii
power langpan nuam, nial nuam ahih manin, mei tawh
haal lupna thuak lo hi.
Martin Luther lungtang sungpan Pasian leh mi-
hing kizopna athukzaw in theihnopna hong nei hi.
Ahang pen, Mihing mawhnei leh Asiangtho Pasian
kizopna ahi hi. Hih hun, Luther hunsung, tengin
adik/manlo biakna paizia in anawkkhak laitak ahih-
man in Luther zong alung manglua mahmah hi. Pasian
kammal (Laisiangtho) biakinn ah damdam in kizang
nawnlo in biakna makaite deihna leh siampite
kammalte sangngaihsutzawk ta uh hi. Nikhat Luther
kiko khia in Pasian tawh kizoptheih nang ahihleh ci-in
phunggyi (monk) sangah lut ning ci hi. Alut hang
alunggulh mutuanlo hi. Luther buaina pen mawhmai
sakna hi a tua mawhna (sin) leh mawhnate (sins) tua
hunlai RC sungah khencian na neilo uh hi. `(Sin) singu-
lar pen Adam panluahsuk mawhna mihing khempeuh
ngah ahi hi. (Sins) pen nisim kampau na, gamtatna,
nekna leh dawnna pan mawhna te a hi hi. Luther in
hihbangin ci hi. I can never achieve righteousness be-
cause I am a sinner at the root. Amawhsa in suak
kahih manin thumanna ngahngeilo ding hing. Tuaban
ah tua RC pawlpi in ahilh hih ih leitung pumpi asih khit
hang kisiansuahna (purgatory) ah ih kha in gupkhiatna
ngah theilai hi cih pen Laisiangtho tawh kituak lo ahih
man in um thei lo hi. Diktanna pen upna bek tawh Kha-
zih hang bekin hithei hi (Hab 2:4) cih tel sinsen ahih
man in hangsan takin thalnial ngam mawk hi. Tua hi a,
Luther in Sola Scriptura (Laisiangtho bek) siksan in
Eck tawh Leipzig ah kinial uh hi. 1521 pan Castle
Church ah asih (1546) dong gupkhiatna ihcih pen Kha-
zih sepna upna hangbek tawh hi cih kaalkhat sungin 5-
7 veiciang tua biakinn ah thugenna neiden hi. Luther
in ci hi, Hih biakinn sungah nadangdang thute peu-
hmah kigen lodinga ih Topa in asiangtho a kammal pan
hong hopihna leh thungetna leh phatna tawh kiho ding
bek ahi hi ci ngiat hi. Ref: Kidona Lianpi, Ni-
konghong, Voice of Hope
Vaimiim le Cidamna
Vaimim pen Tehuacan mualkuam, Mexico gam pan
apiang khia hiding in taangthu kan mipil atam zaw in um uh
hi. Olmec leh Mayans minam ten vaimim nam tuamtuam te
Meso-America ah naciing in atuamtuam in nabawl nahuan
thei khin uh hi. BC 2500 kim pawl ciang America ah na ki-
zel khia hi. Kum zalom-15-16 kiim pawl in America leh Eu-
ropean te kizopna aneih-a kipan leitung gam tuamtuam ah
sumbawlna in na kipan khia uh hi. Vaimim pen leitung mun
khempeuh ah kizel hi, banghang hiam cih leh khuahun teel
lo in mun khempeuh ah ki ciing thei hi. Vaimim pen ama
thu in gamlak khawng ah mawk po lo hi. Mihing te mah in
suan in apuah adal ding kisam hi. Vaimim in mihing te
pumpi cidamna tawh aki tuak dat tampi nei hi.
1. Vitamin B1 hang in pumpi sung a cell te thahat nading aki
sam glucose a ngah thei nading in carbohydrate pan glucose
ahna khel sak hi.
2. Vitamin B5 hang in pumpi ading akisam tha(energy), car-
bohydrate, fat leh proteins pan lakkhiat sak hi. Red blood
cells leh hormones zong piangsak in pumpi cidamna ding
Seventh-Day Adventist Church
8-3A, Jalan Sungai Besi 57100
Kuala Lumpur, Malaysia
Sia Noel Cinh (Ph: 018-227 3302)
Sia Cinbawk (Ph: 011-2720 0826)
kisam mahmah hi. Folate hang in cell thak piang sak in Vita-
min C hang in natna dal hi.
3. Vaimim sung aa Vitamin B9 aki ci folate a-om man in
lungtang cidamna ding hoih sak hi. Folate dat in lungtang
sigui tawh kisai natna, layphiat natna leh lungtang natna pi-
ang theihna kiam sak hi.
4. Vaimim sung aa Beta-Cryptoxanthin hang in tuap cancer
na dal sak leh tuap cancer piang theihna kiam sak hi. Za
teptepte vaimim nene zo leh tuap cancer piang theihna 37%
kiam sak hi.
5. Thiamine(vitamin B1) hang in khuakpilna hat sak hi. Hih
vitamin hang in khuak cell te thahat sak in ngaihsutna tha
hat sak hi. Vaimim in Alzheimer a kici thumangngilh natna
piangtheihna kiam sak hi.
6. Beta-caroten, antioxidant le Folate dat in mitang sung a
mascular kisiatna tawh kisai natnate daal sak hi.
7. Vaimim sung ah Ferulic Acid tampi om in antioxidant
nam khat ahih man in cilesa bawkna, tekna leh cancer natna
pawlkhat apiang loh nading in dal hi.
8. Vaimim kuang khat ah nikhat kisap fiber dat 18.4 kihel hi.
Fiber dat tampi ki helna in vaimim ie hoihna lianpi khat hi in,
si sung a cholesterol kiamsak, gilzangpi cancer apiang
theihna kiam sak hi. Fiber dat in zunkhum sikhum neite si
sung a cikhumdat kiam sak hi.
9. Vaimim pen singgah leh mehtehmehgah atamzaw pawl
khat sang pumpi cidamna dat(nutrition)tam kihel zaw cih
kimukhia hi. Vaimim pen nekdan, bawldan leh huandan atu-
amtuam aom hang in vaimin ciim(Zohuan)mah cidamna ding
in hoih penpen ci uh hi. Lakna: laibusaal.com
A Kingah Thei Laibute:
1. Kidona Lianpi (Ellen G White, Zolai)
2. Tuanpupa leh Kamsangte (Ellen G White, Zolai)
3. Neihsa Kepzia (Ellen G White, Zolai)
4. Christ Kiang Zuatna (Ellen G White, Zolai)
5. 28 Beliefs of SDAs (Zolai)
6. Lai Siangtho: A Thu Zui-in Khenna (Zolai)
7. Lai Siangtho Mun(Kiallap) (Zolai)
8. The Great Hope (Ellen G White, English)
9. The Acts of the Apostles (Ellen G White, English)
10.
11.
12.
Zaksakna:
1. Ih Bible Readings() laibu tawh teci
panna pen bu tampi om lai ahih manin, mimal khat sim
in ih mapang tohtoh nading leh thungetna ah ih phawk
ciat ni.
KL ZOMI SERVICE PAI DAN DING:
BUS > Pudu Pasar
Every Saturday: Train LRT > Pudu Station
Sabbath School 10:45am Facebook: Zomi Adventist Group
Divine Service 12:45pm Email: zomiadventistmls@gmail.com
Adventist Youth 03:30pm https://voice-hope.blogspot.com