Thupuak
Vol 01, Issue 03 August 06, 2017
“TOPA hoih hi, ciam unla mu dih un; amah beel mi thupha ngah ahi hi” (Late 34:8)
SINNA 03 - MIHING HONG PIANNA
Thupatna: Mihing in adot theihpen thu khat in, "Mihing
koi pan hong piang hiam?" cih leh "Pianzia khempeuh koi
pan hiam?" cih thu hipen hi. Leitung ah bang hih dinga a om
ie hiam cih thu i theih nadingin i pian khiatna thu i theih
ding kisam masa hi.
Leitung pianzia tawmkhat i et pak bekin zong na
khempeuh a kigeel ahih lam kimu thei hi. Na nam khat sung
ah nuntakna a kizop theih hangin, a nam kibanglo khat le
khat kikal ah kizop theihna taktak om lo hi. Vasa khate a
kibawl dan, zan khuamial sunga baakte alen dan, khuai in
abu amuh theih dan cih khawng lamdang sak ding tampi om
hi. Tua in a Geelpa khat om ngel hi, na khempeuh a kipatna
om hi, cih hong lak hi. Lai Siangtho in hih bang dotnate
hong dawng hi
1. Lei le vante a piangsak kua
hiam? Piancilna 1:1
Theih ding: Bangmah a om
nai lopi panin Pasian in na hong
piang khia sak hi. Pasian bekmah
in piang sak thei hi. Isaiah 40:28
2. Lei a piansak nadingin Pasi-
an in hun bangtan zang hiam?
Paikhiatna 31:17
Theih ding: Hih hunte ni guk linlian mah hi-a, ni khat
ciangin nai sawmnih leh nai li ciat mah ahi hi.
3. Pasian in piansakna na koici sep hiam? Late 33:6, 9.
Theih ding: Lungsimin ngaihsun peuh leh mihing in
akhut laam thei-in, akhe khai thei hi. Pasian in hih nuam
peuh leh leitung khat bek tham lo, van adim leitung tampi
piang sak thei hi.
4. Pasian in a ni a ni -in bang piang sak hiam? Piancil 1.
Theih ding: Nikhat ni-in khuavak; ninih ni-in van;
nithum ni-i lei khenin singkung lopa posak; nili ni-in ni, kha
le aksite; ninga ni-in tui sung le van a leng ganhingte; niguk
ni-in leitung ganhingte le mihing piangsak hi.
5. Banghangin Pasian in lei piangsak hiam? Isaiah 45:18
Theih ding: Nungta-a a gamta diamdiam ganhing le
mihingte in Piangsakpa lungkim sakin minthang sak hi.
6. Bang ni-in mihing kipiang sak hiam, kua' lim sun hi-
am? Piancilna 1:26, 31
Theih ding: Mihing pen piansakna nasep khempeuh
mahialna, Pasian' khutma khempeuh laka a hoihpen ahi hi.
7. Pasian in mihing a piansakna dingin bang na zangh
hiam? Piancilna 2:7
Theih ding: Ama lim sunin mihing kibawla, Ama ta-in
Pasian in seh hi. Luke 3:38
8. Mihing pen bang masuan kiguan hiam? Piancilna
1:27, 28
Theih ding: Pasian' piansakte lakah a pilpen leh a
hoihpen a hih mah bangin, leitung buppi leh nuntakna a nei
khempeuh et ding masuan, mihing kipia hi.
http://www.maranatha-zomi.com
9. Mihing' a ding Pasian in bang inn bawlsak hiam?
Piancilna 2:8-10, 15.
Theih ding: Ni sa lua, khua dam lua cih om lo hi. Guah
zu lo ahih manin bukna ding kisam lo hi. Piancilna 2:6.
Huan sung pen inn hipah lel hi.
10. A kipiansak lai-in mihing' gamtat bangci hiam?
Thuhilhna 7:26
Theih ding: A kician a siangtho Pasian in siatna mal
khat zong a nei lo, adik apha mihing bek piangsak nuam hi.
11. Pasian' piansak khempeuh bangci hiam? Piancilna
1:31
Theih ding: Leitung a nuntakna a nei khempeuh hi diamdi-
amin om uh a, mihing in tuate khempeuh vaan hi.
12. Leitung mun khempeuh a a
om mihingte koici kinai uh
hiam? Sawltakte 17:24-26
Theih ding: Mi khempeuh bek
zong hi lo, minam khempeuh
zong, Adam ahi pianna pu khat
bek pana khang khia ih hihna
thu bulpi Sawltak Paul in hong
gen hi. Pasian' muhna ah mi
khempeuh kizakim hi. Nam-
lian namneu, seiniam seisang cih tuam om lo hi.
Thukhupna: Ama piansakna nasep huhau-in Amah
bekmah biak thamcing Khat a hihna Pasian mahmah in
hong phut ngeu hi. Mihing a i pianna hangin lungdam ding
le cihtak ding Amah tungah i ba hi. Pasian bia ding maw,
bia lo ding cih eima utut i teel theih ahih tei hangin, Ama
hong itna i thuhkik nadinga kilawmpen in Amah i it ding
ahi hi.
CIDAMNA THU
N
- Nutrition (Anhoih Anpha) Azom:
Ih nek mundeuh pawlkhat gensuk lai ni. Alu
(Potato) sungah kawdat (starch) le Vitamin dat
om in, a al dat (sodium) omlo ahih manin,
1. zunkhum, sikhum, sikhang natna neite adingin, ih nek
buh sangin hoihzaw tham hi.
2. Kal natna neite adingin zong hoih hi.
3. Gilpi natna neite adingin asial in gawizan in ne leh,
gipina asung meima khinsate na-ngawn dam zo hi.
4. Na gawl a nat leh alu apum in huan in, supeek inla na
gawl ah belh leteh dam ding hi.
5. Mei na kat leh, alu suzan ahk at pa dildel inla, belh in.
Grapefruit a kici sahawk nam khat, ne leng kha mah-
mah in vitaminB tampi tak om a, nattun natna neite adingin
hoih mahmah hi. Gil sung zong siangthosak hi.
Lengmaw (Orange): A gui nei ahih manin dailen
ciangin ih sung a ninteng kaikhia in, siangthosak ban ah
Vitamin C zong kingah hi.
 Tampaya (Lemonade): Ih sin (liver) le ih gilpi sung
a ninte puahsiangsak thei hi.
Benopo (pepinpauh): Tampipi ne leng gu dal bek
tham loin mihingte kinosuak sak ci hi.
Lothang-kang/san: Lothang-kang in lungno that thei
ahih manin nek ding hoih mahmah hi. Bukkhuh vei in na
nap atui leh lothang-kang le asan, siing tawm tawh gawi in
la, tuilum tawh tok in, dawn leteh hong noptuam pah ding
hi. Lothang-san pen na sam nuh zel lecin hong kaang hak
ding hi. Mehkanna khempeuh phial ah zong kizang in lim-
sak tuam tham hi. Numei ninkang neite in lothang-kang
mal 10 khawng gawi hen la, kuangdai sungah tui alum
hiauhiau tawm sung in, tua sungah minute 10-15 bang
tusuk le-uh ninkang athakte na-ngawn dam zo hi.
Strawberry: strawberry sunga akhum pen cikhum
tawh kibang lo ahih manin, zunkhun, sikhum neite’ nek
dingin hoih hi. Zumsip thei, zun hoihtak a pai thei lote
zong nuamtak in zun paisak ziahziah in, zun zong siang-
sak hi. Tua banah ateh le akungte zong niangphan danin
tuilum tawh kidawn thei hi.
Tampaya (Lemonade): Tampaza pen acid dat ahih
manin (athuk le bawngnawi ki-hua kici) bawngnawi tawh
kidawn khawm ngam mello hi. A tatak in, tampaza in
athuk ahih hangin i gil sungah acid dat panin alkaline dat
ah kilaih ahih manin bawngnawi tawh ki-hua lo hi, cih
hong theisak nuam ing. Na tha abei luat ciangin, tampaya
pum khat, bawngnawi hai khat, aktui tang khat, cikhum
sikkeuneu khat, hih teng gawm khawm inla dawn leteh na
tha hong dimpah ding a, na ihmut hong nuam pah ding hi.
Gawbithoh (Cabbage): Arthritis guh natna a neite in
nuaizul in, a natna tungah tuamna leh hoih hi.
Ankampi bulkang le asan: Hih ankam bulkangte pen
khuaizu tawh hel in dawn leng thaza hoih mahmah khat
hi. Zan a ihmu thei lote’n atan-gai uh zutna leh ihmu thei
pah ding hi. Asial in hai ziahziah leng ha le hani adingin
hoih mahmah hi.
Dandalawn Teh: Sikhangte adingin si kiamsak in
hoih mahmah a, ahi zongin agah atang ne leng thakhat thu
in si khangsak thei ahih manin lauhuai mahmah zel hi.
(Zop Lai Ding)  Sianu Aye Cing
“THEIHHUAI NONO”
US Dollar le Atung aa Tuang Mi Minthangte:
1. $.01 = a penny Abraham Lincoln
2. $.05 = a nickel Thomas Jefferson
3. $.10 = a dime Franklin Roosevelt
4. $.25 = a quarter George Washington
5. $.50 = a half dollar John F. Kennedy
6. $1.00 = a dollar coin Sacagawea
7. $1.00 = a dollar George Washington
8. $5.00 = five dollar Abraham Lincoln
9. $10.00 = ten dollar Alexander Hamilton
10. $ 20.00 = twenty dollars Andrew Jackson
11. $ 50.00 = Fifty dollars Ulysses Grant
12. $ 100.00 = one hundred d. Benjamin Franklin
TATE KHANSUAH SIAMNA
N aungekte in nulepa tawh ahi zongin, midangte
tawh ahi zong lumkhawm lo ding hi. Ahang in
huihdik hamsa sakna le lupna kigakna hangin a
pumpi sunga sisan luanna pawlkhat khawlcip thei hi. Lu-
kham, lupnate tawh naungekte ki khuhcip kha thei a, ih
lup laitak in zong ki nenpek kha thei hi.
NAUNGEKTE AMAU’ LUPNA TUAM (crib) AH
LUMSAK IN. Lukham, puanza (ahk) ganhing limte aval in
nau lupna ah koih kei in. Hihte in anak uh hamsa sak thei
hi. Naungek alup ciangin a nunglam tawh sial in; tua hileh
a ihmut sungin huihdik hamsa sakna tawm zaw hi. Naun-
gek kha khat panin kum khat kikalte’ tuahkhak theih ahi,
SIDS a kici a ihmutna panun sih suak ziauhna cihte zong,
a ihmut uh teh a nunglam tawh thal lupsakna in SIDS tawm
sak tuam hi.
Naupang (kum 0-5) te in
amau a encik ding ulian
khat tawh a om det ding uh
ahi hi. Naupang agol
zawdeuhte in innpua lam a,
nulepate’ gal muh theihna
munte ah amau le amau
kimawl thei uh hi. Amau
om theih nading inn pan bangtan ciang hiam khat, daai
bawlsak in. A tawntung in naupang khempeuh in anu apa
uh tawh kizopna (phone, buzzer = electric daak neute tawh)
aneih theih ding uh ahi hi. Na ta amah guak inn ah na nusi-
at leh, theih kholh loh thupiang (emergency) vai ah ahih
theih ding kisam hi. A kum uh ahi ciangkhat a om kei leh
thukham tawh kituak in amau guak inn ah kimot nusiat thei
lo hi. Ataangpi in, kum 10 te le anuai siah peuhmah nusiat
ding hilo hi. Na tate khat peuh a naute kem dingin inn ah na
nusiat leh, nau kepdan asiam khinsa ahih ding kisam hi.
(Zop Lai Ding)
PILNA
P asal no khat in asih ding ngak a, a om a pa pen
khatem takin na en hi. A pa in a tapa kiangah,
“Kong it ka ta aw pilna lampi zong lecin ka sih hang
-in pa neilo hilo ding hiteh. Ahi zongin mihaite lampi na
zon leh na nuntak hangin tagah nahi ding hi,” ci hi. -
Mullah Rasooli of Iran
Paunak in pilna le ei-le-ei kikepna hong hilh ding hi.
Thudik, thumanna le thutanna na sin ding hi. Hihte panin
mi mawkmawk khatin zong kan leh mitei hi thei a,
khangnote in thutheihna le ngaihsut hoih nei thei hi. A ciim
khin mi khat na hih leh na ciim semsem ding hi. Topa
zahtak in la, a thu mang in. Tua in pilna kipatna hi. Solo-
mon (King of Israel around 1000 B.C.) Prov. 1:2-7
Pilna in ngun sang in manpha zaw a, amah in kham
sang in hong hausak zaw ding hi. Paunak 3:14
Ngun leh a kiselsim sum manpha na zon bangin pilna
zong in. Paunak 2:4. Source: Building A Better Cambodia
ZAKSAKNA
 MCS FREE Summer Class: July 9—Aug 27, 2017 (Sunday,
Tuesday, Thursday) nitak 6:00PM-8:00PM sung khaal sang kihong
ding hi. Laisin sak dingte : Kawllai, Zolai, Music (Guitar, Piano)
etc. A lunglutte in kizop nading, Cady Siannu Sb (Ph: 616-432
7293); Hester Kiim (614-966 6159).
* MCS Address : 4447 Eastern ave SE, Suite A
Grand Rapids, MI 49508
* MCS Contact : 616-432 7293; 407-782 7644.
* MCS Email : mcs.of.gr@gmail.com
* MCS Thupuak ah laigelh nuamte in kizop nading;
Ph: 616-520 8192; 616-232 7153; 616-570 6386.
* Lai hong simsak khempeuh tungah LUNGDAM MAHMAH!
-:Vekpi Tungah Topa’ Thupha :-