Professional Documents
Culture Documents
Death Penalty by Reggie Musico
Death Penalty by Reggie Musico
BSHRM-201
Tutol ang mga lider ng Simbahang Katoliko sa panukalang muling buhayin ang
death penalty sa bansa dahil hindi naman ito makakasugpo sa laganap na krimen
sa Pilipinas.
Ayon kay Novaliches Bishop Emeritus Teodoro Bacani, sa halip na buhayin ang
death penalty ay hulihin ang mga kriminal at mabilis na ipataw ang hustisya sa
mga krimen upang masugpo ang anumang kriminalidad.
Iginiit din ni Bacani na hindi napapanahon at hindi na dapat ibalik ang parusang
kamatayan sa bansa.
Kung mahuli man aniya ay matagal naman maigawad ng hukuman ang hatol lalo
na kung mayayaman at maiimpluwensiya ang nakagawa ng masama.
“Sa totoo lang hindi naman ang death penalty ang nakakatulong na sugpuin ang
krimen kundi ang talagang nakapipigil ay ang paghuli at ang mabilis na
pagpapataw ng hustisya sa mga nagawan ng kasamaan. Iyon ang talagang
nakakapag- encourage o nakakapagbigay ng lakas ng loob sa marami na gumawa
ng masama,” aniya pa.
Sinabi pa ng Obispo na hindi na dapat ibalik ang death penalty sa Pilipinas dahil
marami ng bansa sa buong mundo ang nagsisisi at inalis ang parusang kamatayan.
Kung maaaresto agad ang mga kriminal buhay man o patay asahan na ito ang
pinaka-instrument upang bumaba ang bilang ng kriminalidad sa bansa lalo na sa
Metro Manila.
Kahit pa may parusang kamatayan sa bansa pero kung hindi naman mabilis ang
pag-aresto sa mga criminal, wala rin itong bisa. Bukod dito, dapat pabilisin ang
proseso sa mga korte upang mahatulan at maparusahan agad ang mga kriminal.
Namamapayagpag ang mga criminal lalo sa Metro Manila. Malaking problema ang
riding-in-tandem na hindi masugpo ng PNP. E paano, ang solusyon ng gobyerno
dito ay ipagbawal ang may angkas sa motorsiklo sa halip na tugisin ang mga
riding-in-tandem criminal.
Dapat magising ang mga awtoridad na bilisan ang pagsolusyon sa mga krimen lalo
na’t ang madalas biktimahin ay pangkaraniwang mamamayan.
Ang death penalty ay ang parusa sa nasasakdal na patayin dahil sa malaking
kasalana. Ito ay tinatawag na "Bitay" sa wikang Tagalog. Pwede kang mahatulan
nito kung nakapatay ka, at ipinahayag kang guilty. Sa ngayon, ipinatigil ni
Pangulong Gloria Macapagal-Arroyo ang parusang ito dahil walang karapatan ang
sinuman na kumitil ng buhay ng tao maging ang pinakamakapangyarihang nilalang
sa buong mundo dahil Diyos lamang ang makakagawa nito. Ang Sentensyang
Kamatayan (Death Penalty) Sa Pilipinas KAMAKAILAN LANG, umugong na naman
ang usapin tungkol sa parusang kamatayan, pagkatapos sumambulat sa balita ang
ilang karumal-dumal na krimen.Ang parusang bitay ay kailanman hindi nagsilbi sa
kapakanan ng hustisya; bagkus, ito’y ginamit upang kitlin ang mga kalayaan at
karapatan ng mamamayang Pilipino.